ရန်ကုန်တက္ကသိုလ် ကမ္ဘာ့အဆင့်

ရန်ကုန်တက္ကသိုလ် ကမ္ဘာ့အဆင့် ၈၄၉၂ သတ်မှတ်ခံရလို့ ၂၈-၈-၂၀၁၉ နေ့က ရေးခဲ့ပါတယ်။ နိုင်ငံတကာ အဆင့်မြင့် ပညာရေးလမ်းညွှန် ဝဘ်ဆိုက်မှာ ဖော်ပြထားတာကို ကိုးကားပါတယ်။

၂၀၁၉ ခုနှစ်အတွက် မြန်မာနိုင်ငံက တက္ကသိုလ် ၆၀ ကို ဖော်ပြပေးထားပြီး တခြားတက္ကသိုလ် ၂၉ ခုကတော့ အဆင့် သတ်မှတ်ခံရတဲ့အထဲမှာ မပါခဲ့ပါဘူး။ uniRank ဆိုတဲ့အဖွဲ့က သတ်မှတ်ဖော်ပြထားတာဖြစ်ပြီး သူတို့ဟာ နိုင်ငံပေါင်း ၂၀ဝ မှာရှိတဲ့ တရားဝင်တက္ကသိုလ်နဲ့ ကောလိပ်ပေါင်း ၁၃၆၀ဝ ကို အဆင့်သတ်မှတ်ပေးတယ်လို့ ဆိုပါတယ်။

သူတို့က အစိုးရတက္ကသိုလ်တွေနဲ့ တရားဝင် အသိအမှတ်ပြုထားတဲ့ ကျောင်းတွေ၊ အနည်းဆုံး ၄ နှစ် တက်ရပြီး ဘွဲ့နဲ့ ဘွဲ့လွန်ဒီဂရီပေးတဲ့ကျောင်းတွေကိုပဲ အဆင့်သတ်မှတ်တာ ဖြစ်ပြီး ၂ နှစ်ပဲ တက်ရတဲ့ ကျောင်းတွေ၊ အဝေးသင် တက္ကသိုလ်တွေ၊ ဘာသာရေးကျောင်းတွေ၊ စစ်တပ်နဲ့ ရဲလိုမျိုး တရားဥပဒေစိုးမိုးရေးဆိုင်ရာကျောင်းတွေကို ထည့်မတွက်သလို တရားဝင် ဝက်ဘ်ဆိုက်မရှိတဲ့ ကျောင်းတွေကိုလည်း ထည့်မတွက်ဘူးလို့ ဆိုပါတယ်။

ရန်ကုန် ကွန်ပျူတာတက္ကသိုလ်က အဆင့် ၂၊ ရေဆင်းစိုက်ပျိုးရေးတက္ကသိုလ်က အဆင့် ၃၊ ရန်ကုန် ဆေးတက္ကသိုလ်-၁ က အဆင့် ၄ နဲ့ မန္တလေးတက္ကသိုလ်က အဆင့် ၅ သတ်မှတ်ထားပါတယ်။ သူ့နောက်မှာတော့ ရန်ကုန်နည်းပညာ တက္ကသိုလ်၊ ရေကြောင်းပညာတက္ကသိုလ်၊ ရန်ကုန် နိုင်ငံခြားဘာသာတက္ကသိုလ်၊ ဒဂုံတက္ကသိုလ်နဲ့ မြိတ်တက္ကသိုလ်တို့ အစဉ်လိုက် ရှိပါတယ်။

ကမ္ဘာ့အဆင့် သတ်မှတ်ချက်မှာတော့ ရန်ကုန် တက္ကသိုလ်ဟာ ၈၉၄၂၊ ရန်ကုန် ကွန်ပျူတာ တက္ကသိုလ်ဟာ အဆင့် ၉၅၁၉၊ ရေဆင်းစိုက်ပျိုးရေးတက္ကသိုလ်က အဆင့် ၁၀၅၁၅၊ ရန်ကုန် ဆေးတက္ကသိုလ် ၁ က အဆင့် ၁၀၆၆၆ နဲ့ မန္တလေး တက္ကသိုလ်က အဆင့် ၁၀၈၀၁ ဖြစ်ပါတယ်။

အဆင့်သတ်မှတ်ခံထားရတဲ့ တက္ကသိုလ် ၆၀ မှာ နည်းပညာတက္ကသိုလ်ပေါင်း ၃၁ ခု ပါတယ်။ ဒီထဲမှာ မန္တလေး နည်းပညာ တက္ကသိုလ်က အဆင့် ၅၉ နဲ့ ကျောက်ဆည် နည်းပညာတက္ကသိုလ်က အဆင့် ၆၀ ဖြစ်ပါတယ်။

မြို့အလိုက်ရှိနေတဲ့ တက္ကသိုလ်တွေထဲမှာ ရန်ကုန်၊ မန္တလေးနဲ့ မြိတ်တက္ကသိုလ်ပြီးရင် ကလေး တက္ကသိုလ်က အဆင့် ၂၅ နေရာမှာ ရပ်တည်နေပါတယ်။

ဆေးတက္ကသိုလ်တွေထဲမှာတော့ မကွေးဆေးတက္ကသိုလ်က အဆင့် ၁၁၊ မန္တလေးဆေး တက္ကသိုလ်က အဆင့် ၁၃ နဲ့ ရန်ကုန်ဆေးတက္ကသိုလ် ၂ က အဆင့် ၁၆ သတ်မှတ်ခံရပါတယ်။

မန္တလေးဆေးဝါးတက္ကသိုလ်က အဆင့် ၃၃ သတ်မှတ်ခံရပေမယ့် ရန်ကုန်ဆေးဝါးတက္ကသိုလ် ကတော့ အဆင့် သတ်မှတ် မခံထားရပါဘူး။ အဲဒီလိုပဲ မန္တလေး နိုင်ငံခြားဘာသာ တက္ကသိုလ်ဟာလည်း အဆင့်သတ်မှတ်မခံခဲ့ရပါဘူး။

အမျိုးသားယဉ်ကျေးမှုနဲ့ အနုပညာတက္ကသိုလ် (မန္တလေး) ဟာ အဆင့် ၅၈ ဖြစ်ပြီး အမျိုးသား ယဉ်ကျေးမှုနဲ့ အနုပညာ တက္ကသိုလ် (ရန်ကုန်) ကတော့ အဆင့် သတ်မှတ်မခံရပါဘူး။

ရေဆင်းစိုက်ပျိုးရေးတက္ကသိုလ်ဟာ ကမ္ဘာ့အဆင့် ၁၀၅၁၃၊ မွေးမြူရေးဆိုင်ရာ ဆေးတက္ကသိုလ်ကတော့ မြန်မာ့အဆင့် ၂၂ နဲ့ ကမ္ဘာ့အဆင့် ၁၂၇၂၁ သတ်မှတ်ခံခဲ့ရပြီး ၁၉၉၂ ခုနှစ်မှာ စတင်ဖွင့်လှစ်ခဲ့တဲ့ ရေဆင်းသစ်တောတက္ကသိုလ်ကတော့ အဆင့်သတ်မှတ်မခံခဲ့ရပါဘူး။

အဆင့် သတ်မှတ်တာနဲ့ပတ်သက်ပြီး လိုအပ်ချက်တွေကို ဖော်ပြထားပေမယ့် သတ်မှတ်မခံရတဲ့ တက္ကသိုလ်တွေဟာ ဘာကြောင့် သတ်မှတ်မခံရတာလဲ ဆိုတာကိုတော့ အသေးစိတ် ဖော်ပြထားတာ မရှိပါဘူး။

Best Global Universities In The World ကမ္ဘာ့ ထိပ်တန်း တက္ကသိုလ်များ

1. Harvard University United States Cambridge, MA Global Score 100

2. Massachusetts Institute of Technology United States Cambridge, MA Global Score 97.6

3. Stanford University United States Stanford, CA Global Score 93.8

4. University of California-Berkeley United States Berkeley, CA Global Score 90.8

5. University of Oxford United Kingdom Oxford Global Score 87.6

6. California Institute of Technology United States Pasadena, CA Global Score 85.9

7. University of Cambridge United Kingdom Cambridge Global Score 85.8

8. Columbia University United States New York, NY Global Score 85.6

9. Princeton University United States Princeton, NJ Global Score 84.7

10. University of Washington Global Score 84.6

၁၇-၅-၂၀၁၉ နေ့မှာ ပညာရေးဝန်ကြီးက ရန်ကုန်တက္ကသိုလ်ဟာ ၂၀၁၆ ခုနှစ်တုန်းက အဆင့် ၁၃၀၇၂ ရှိခဲ့ရာကနေ ၂၀၁၉ နှစ်အစမှာ အဆင့် ၈၅၀၉ ကိုတက်လာခဲ့ပြီလို့ ဆိုပါတယ်။ မန္တလေးတက္ကသိုလ်ကလည်း အဆင့် ၂၀၇၀၁ ရှိခဲ့ရာကနေ ၁၂၆၁၄ ကိုတက်လာပါသတဲ့။

ကျွန်တော်ကတော့ မကောင်းမြင်တဲ့လူ။ မြန်မာတပြည်လုံးက တက္ကသိုလ်အားလုံးဟာ တစ်ကသိုလ်တွေ။ ကန်တော့။ ဆောရီး။

ဒေါက်တာတင့်ဆွေ
၂၈-၈-၂ဝ၁၉
၇- ၁၂-၂ဝ၁၉

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး