Jasmine စပယ် နှင့် စံပယ်
၁။ ဆရာစိုက်ထားတဲ့ စံပယ်ပင်တောင် များသေးတယ် ကျတော့ စံပယ်ပင်က မပွားလာတော့ဘူး။၂။ စပယ်ပန်းလား စံပယ်ပန်းလားဆရာ
၃။ ဆရာ ၁၉၇၀ လောက်က သီချင်းဆွေထဲမှာ စပယ်လို့ပဲရေးတာတွေ့တယ် အခုမှဘာလို့ စံပယ်လို့ဖြစ်ကုန်တာလဲဆရာ ဆရာရေးထားတာလဲတွေ့ပါတယ် ကျနော်တို့ကျောင်းမှာသင်ခဲ့ရတာက စံပယ်လို့ပဲသင်ခဲ့ရလို့ပါ။ အချိန် သိပ်မကြာသေးတာကို မြန်မာစာပေက အတော်ပြောင်းလဲသွားတာလားဆိုတာ စဉ်းစားမိနေတယ်ဆရာရေ။၎။ ဆရာရေ စပယ်ပန်းရေးတဲ့ စာလုံးပေါင်း ပြန်တင်ပေးပါဦးခင်ဗျာ။ စံပယ်ပင် စံပယ်ပန်း စပယ် စပါယ် ရှုပ်ကုန်လို့
မြန်မာ့စွယ်စုံကျမ်း၊ အတွဲ (၃)၊ စာမျက်နှာ (၃၄၉) မှာ စပယ်လို့ ရိုက်နှိပ်ထားပါတယ်။ အရင်ထုတ်သတ်ပုံမှာ စံပယ်ပန်းလို့ ရေးတယ်။ ကျွန်တော်တို့က စပယ်ပန်းနဲ့ ကြီးပြင်းလာရတာ။ သင်ပုန်းကြီးဖတ်စာမှာ စ စပယ်ဖြူ မွှေးကြူကြူလို့ သင်ခဲ့ရတယ်။
သင်ပုန်းကြီး
စပယ် တကုံး
ဘယ်လို သုံးမလဲ
ပြုံး၍ မေးသည်
မယ်အုံက ဆံထုံးမှာ ပန်မည်
ယုန်လေးတကောင်
တောင်ကုန်းနားမှာခုန်၍ ပြေးနေသည်
မယုံလျှင် သွားကြည့်ပါ
မကြုံစဘူး လှသည်
ခုခေတ်ထုတ် စတုတ္ထတန်းမြန်မာဖတ်စာမှာ စံပယ်တဲ့ လေးရုံ၊ ပျိုတို့မောင် မပန်ထိုက် ပန်ပြတ်ခိုက်ကြုံ၊ အပွင့်ရယ်ကုန် တစ်ငုံဖြင့် ကျန်ပါသေးတယ်လို့ ရိုက်ထားတယ်။ ကဗျာခေါင်းစဉ်ကို စံပယ်ရုံလို့ ပေးထားတယ်။ အမှန်က ဘုရားငါးဆူ ပဟေဠိလေးဆစ်ကဗျာဖြစ်ပါတယ်။ တငုံကျန်ပါသေးသာဖြစ်ပါတယ်။
စပယ်တဲ့ လေးရုံ
မလေးကွယ် မပန်ထိုက်
ပန်းပြတ်ခိုက် ကြုံ
အပွင့်ရယ် ကုန်
တငုံ ကျန်ပါသေး
ပန်ချင်သူ ညိုနွဲ့နှောင်းရယ်
ခေါင်း ဖြီးခဲ့လေး။
စပယ်တင်မှဲ့၊ = အထက်နှုတ်ခမ်းစွန်းအနီး ပါးပြင်ပေါ်တွင် ပေါက်သောမှဲ့။
စပယ်ထပ် = နှစ်ထပ်မိုးထားသော ခေါင်မိုး။
စပယ်ကောင်းလျှင် တပွင့်၊ အရွယ်ကောင်းလျှင် အသင့်။
စပယ်ပင် ဇာတ်စခန်း၊ ဘတ်စမ်းပ ဆုံးအောင်၊ လတ်တန်း၍ ထုံးနှောင်သည်၊ ကုန်းဘောင်မြို့အကြောင်း၊ ဘတ်မိလို့ အဆုံးတိုင်လျှင်၊ မမုန်းနိုင်ရှုလိမ့်ထပ်လောင်း။ (ဦးလတ် ရေးသားတဲ့ စပယ်ပင်ဝတ္ထု အမှာ)
ကျွန်တော်တို့ငယ်ငယ်က စပယ်ပန်းရော မြန်မာစာပါ မွှေးခဲ့တယ်။ နောက်တော့ မြန်မာစာမှာ လျှာရှည်တာကိုသာ အဟုတ်ထင်လာကြတယ်။
ဒေါက်တာတင့်ဆွေ
Comments
Post a Comment