ကြောင်ဘားရဲ့ မြီးတံတို
အရင်ကလည်း ကြောင်ဘားသတ်ပုံတင်ခဲ့တယ်။ စံရွှေမြင့်ကာတွန်းမှာပါတဲ့စာလုံးကို မေးလို့။ ကွန်မင့်တခုက ကြောင်ဘားရဲ့ မြီးတံတို အဆီကို စားပါလို့ အသားကို မျို ကြောင်အိုပေမှေး ကိုက်ပါနဲ့ လေး ဆိုလား တဲ့။
ကြောင်ကြီးရဲ့မြီးတံတိုလား ကြောင်ဘားရဲ့ မြီးတံတိုလား ဒေါ်မြမြအေးကို တိုင်ပင်တယ်။ ကြောင်းဘားကို ကလေးတွေနားလည်အောင် ကြောင်ကြီးလုပ်ထားတာတဲ့။ အခု လူကြီးတွေပါနားလည်းအောင် ဆက်ရေးပါရစေ။
ကြောင်ဘားရဲ့ မြီးတံတို
အဆီကိုစားပါလို့ အသားကိုမျို
ကြောင်အို ပေမှေး
ကိုက်ပါနဲ့လေး။
အခု ဖါးလို့ရေးကြတာကို အရင်က ဘားလို့ရေးပါတယ်။ အခု အဖွါးကို အဘွားလို့ရေးပါတယ်။
ဝင်းငြိမ်း နှင့် စာရေးဆရာများ အပိုင်း (၃၃) မှာ သည်လိုရေးတားတယ်။ ဆရာမင်းသုဝဏ် - ဆရာကတော့ ကြောင်ဘားကြီး မြီးတံတို အမေဆိုသံကြားရလို့ ရွှေယုန်နဲ့ ရွှေကျား သက်ငယ်ရိတ် သွားတာကို အဘွား ပြောသံ ကြားရလို့ စာပေလောကထဲ စတင်ဝင်ရောက်လာတယ် ထင်ပါ တယ်လို့ ရေးတယ်။
ကလေးကဗျာ ကြည့်စရာ
လူကလေးတဲ့ ချော့စရာ
မိတ္ထိလာ ကန်တော်အောက်က
ဘား ကောက်ခဲ့ပါ။
ဘားပါလျှင် တကောင်ပေးပါ
မျက်လုံးငယ် ကြောင်တောင်တောင်နှင့်
ဘား ကောင်ကသေး။ (မောင်ဘ)
မိတ္ထိလာကို မြန်မာ့စွယ်စုံကျမ်းမှာ မိတ္ထီလာလို့ ရေးထားတယ်။ ဘားပါလျှင် (တစ်) ကောင်ပေးပါ မဟုတ်ပါ။ လူကလေးတဲ့ ချော့စရာကဗျာနဲ့ ကြီးပြင်းလာကြတဲ့ လူကြီးသူတွေ၊ ရာထူးကြီးသူတွေ မြန်မာစာ မှန်အောင် ရေးတတ်ကြပါစေသတည်း။
ဒေါက်တာတင့်ဆွေ
၁၉-၁-၂၀၂၀
၁၄-၆-၂၀၂၀
Comments
Post a Comment