Friday, April 3, 2020

BCG vaccine ဘီစီဂျီ ကာကွယ်ဆေး

ဆရာရှင့် ကျွန်မ အသက် ၃၆ နှစ်ပါ ဘီစီဂျီကာကွယ်ဆေးက ၃၅ နှစ်အထက်တွေကို ကာကွယ်မှု မပေးနိုင်တော့ဘူးဆိုတာ ဟုတ်ပါသလားရှင့် ဆရာဖြေကြားပေးစေလိုပါတယ်ရှင့် ကျေးဇူးပါ

BCG ခေါ် တီဘီကာကွယ်ဆေး တသက်မှာ တကြိမ်တည်းသာထိုးတယ်။ တချို့နိုင်ငံတွေမှာ မွေးစကလေးတိုင်းကို ထိုးတယ်။ တချို့နိုင်ငံတွေမှာ မထိုး မနေရမဟုတ်။ တချို့နိုင်ငံတွေမှာ တီဘီနဲ့ တွေ့ရလောက်တဲ့ ကျန်းမာရေး ဆောင်ရွက်ပေးသူတွေကို ထိုးစေတယ်။ ဆီးအိမ်ကင်ဆာတမျိုး ကုသနည်းအဖြစ်သုံးတာရှိတယ်။ လောလောဆယ် သြစတေးလျမှာ ကိုရိုနာဗိုင်းရပ်စ်ကူးစက်မှုအတွက် စမ်းသပ်နေတာရှိတယ်။

BCG vaccine တီဘီ ကာကွယ်ဆေး https://doctortintswe.blogspot.com/2014/10/bcg-vaccine.html
BCG Scar ပခုံးဖေါ်အင်္ကျီ https://doctortintswe.blogspot.com/2018/07/bcg-scar.html
BCG ဘီစီဂျီကာကွယ်ဆေး နှင့် ကိုရိုနာဗိုင်းရပ်စ် သတင်း https://doctortintswe.blogspot.com/2020/03/bcg.html

ကာကွယ်ဆေးတိုင်းကို တခါထိုးထားရင် ဘယ်လောက်ထိ ကာကွယ်မှုပြုနိုင်သလဲ စမ်းနေကြတာရှိတယ်။

တီဘီဆိုတာ မြန်မာပြည်လိုနိုင်ငံတွေမှာ ကလေးတွေ လူ့လောကကြီးထဲရောက်လာကတည်းက တီဘီပိုးပါနေနိုင်တဲ့လေကို ရှူကြရတဲ့သဘော။ ဘီစီဂျီကာကွယ်ဆေးဆိုတာ ဆေးထိုးတဲ့နေရာလေးမှာ တီဘီဖြစ်ခိုင်းလိုက်တာလို့ ပြောနိုင်တယ်။ ရောဂါရယ်လို့တော့ မဟုတ်။ အလွန်ကိုအားနည်းအောင်လုပ်ထားတဲ့ တီဘီပိုးဖြစ်တယ်။ အဲတာဝင်တာနဲ့ ကိုယ်ခန္ဓာက ခုခံတယ်။ အင်တီဘ်ေဒီ ခေါ်တာတွေ ထွက်လာစေတယ်။ နောင်မှာ တကယ့်တီဘီပိုးဝင်ခံရရင် အဲတာတွေကနေ တိုက်ထုတ်လို့ တီဘီ မဖြစ်နိုင်။

ကိုယ်ထဲမှာ အင်တီဘော်ဒီရှိနေသူတွေ အသက် ၁၀၀ ဖြစ်နေလည်း တီဘီကို ခံနိုင်ရည်ရှိကြတယ်။ ဘယ်အရာမဆို ၁၀၀% ကတော့ ရှားတယ်။

ဆေးသုတေသနတွေကတော့ များတယ်။ ဆရာဝန်တိုင်းတောင် အကုန်မသိ။ သိစရာလည်း မလို။ ခိုင်မာတဲ့အဖြေ ထွက်ရင် လိုက်နာကြရတယ်။

ဒေါက်တာတင့်ဆွေ
၃-၄-၂၀၂၀

No comments:

Post a Comment

Note: Only a member of this blog may post a comment.

Cleaning အမှိုက် နှင့် အိမ်ဦးခန်းပိုစတာ

Hi ကူးစက်ရောဂါအောက်မှာ ဥပေက္ခာရှေ့ထားမှ ဖြစ်မယ်ထင်တယ်ဆရာ တဲ့။ ဥပေက္ခာစကားလုံးက အဓိပ္ပါယ်လေးနက်တယ်။ လွယ်လွယ်လေးသာ ပြောပါရစေ။ ကျွန်တော်က ကိ...