CDC အကြောင်း

ကရိုနာဗိုင်းရပ်စ်နဲ့ပတ်သက်ရင် ယူအက်စ်အေမှာ
၁။ ကိုယ့်ပြည်နယ်ကျန်းမာရေးဌာန
၂။ CDC နဲ့
၃။ WHO တို့ကို ညွှန်းပါတယ်။

FDA အကြောင်း မနေ့က ရေးခဲ့တယ်။ ဒီစာမှာ CDC အကြောင်း ခပ်တိုတို ရေးပါမယ်။ ယူအက်စ်အေက Centers for Disease Control and Prevention (CDC) ဆိုတာ အမျိုးသား အများပြည်သူကျန်းမာရေး အင်စတီကျုတခု ဖြစ်တယ်။ အမျိုးသားဆိုတာ တပြည်လုံးနဲ့ဆိုင်တာ။ ၁-၇-၁၉၄၆ ကတည်းက ထူထောင်တယ်။ ဂျော်ဂျီယာပြည်နယ် အက်တလန်တာမြို့မှာ ဌာနချုပ် ထားတယ်။

ရည်ရွယ်ချက်တွေက အများပြည်သူကျန်းမာရေး ကာကွယ်ရေးနဲ့ လုံခြုံရေးအတွက် ရောဂါ၊ ထိခိုက်ဒဏ်ရာ၊ ဒုက္ခိတဖြစ်ခြင်းတွေကို ထိန်းချုပ်နိုင်အောင် ဆောင်ရွက်တယ်။ ယူအက်စ်အတွက်သာမကာ နိုင်ငံတကာအတွက်ပါ။

infectious disease ကူးစက်ရောဂါတွေ၊ food borne pathogens အစာလမ်းကနေဝင်တဲ့ပိုးတွေ၊ environmental health ပတ်ဝန်းကျင်ကျန်းမာရေး၊ occupational safety and health လုပ်ငန်းခွင်ကျန်းမာရေး၊ health promotion ကျန်းမာရေးမြှင့်တင်ပေးခြင်း၊ injury prevention ထိခိုက်မှုနည်းစေရေးနဲ့ educational activities ကျန်းမာရေး ပညာပေးတွေ လုပ်ဆောင်တယ်။ ကူးစက်ရောဂါမဟုတ်တဲ့ obesity ကိုယ်အလေးချိန်များခြင်းနဲ့ diabetes ဆီးချို ရောဂါကိုပါ လုပ်တယ်။

Global health ကမ္ဘာ့ကျန်းမာရေး
World Health Organization (WHO) ကမ္ဘာ့ကျန်းမာရေးအဖွဲ့အပြင် ကူးစက်မှုရှိတဲ့တိုင်းပြည်တွေက ကျန်းမာရေး ဝန်ကြီးဌာနတွေနဲ့ပါ လက်တွဲဆောင်ရွက်တယ်။ တိုင်းပြည် ၆၀ မှာ တာဝန်ပေးစေလွှတ်ထားတယ်။ WHO နဲ့ International Health Regulations (IHR) ကတဆင့် နိုင်ငံပေါင်း ၁၉၆ နိုင်ငံနဲ့တွဲထားတယ်။ Global Disease Detection Program (GDD) လည်းပါတယ်။ သမတရဲ့ AIDS Relief (PEPFAR) နဲ့ Malaria Initiative တွေကိုလည်း ဆောင်ရွက်တယ်။

၂၀၀၈ ခုစာရင်းအရ ဝန်ထမ်းအင်အား တသောင်းခွဲရှိတယ်။ PhD, D.O., or M.D. ဘွဲ့ရတွေက တဝက်ပါတယ်။ တခြား ပညာရှင်တွေလည်းပါတယ်။ engineer, entomologist, epidemiologist, biologist, physician, veterinarian, behavioral scientist, nurse, medical technologist, economist, public health advisor, health communicator, toxicologist, chemist, computer scientist နဲ့ statistician တွေဖြစ်တယ်။

မြန်မာပြည်အတွက် ကျွန်တော်တို့တတွေ အများကြီးကြိုးစားကြရမယ်။

ဒေါက်တာတင့်ဆွေ
၆-၄-၂၀၂၀