အဋ္ဌမတန်းသမိုင်း

တမြန်နှစ်က ဒီလိုရက်မှာ အဋ္ဌမတန်းသမိုင်းစာအုပ်ထဲက စာမျက်နှာတခုကို တွေ့တယ်။ ဗိုလ်ချုပ်နေဝင်းရဲ့ မြန်မာ့ ဆိုရှယ်လစ်ခေတ်ကို အမွှမ်းတင်ထားတယ်။ လက်ဝဲအင်အားစုတွေထဲက အလံနီကို ဖေးမပြီး၊ ဗကပကို အရင်းရှင်နဲ့ ပေးစားထားတာ တွေ့ရတယ်။ အဲလိုဖြစ်ခဲ့တာ မဟုတ်ပါ။ မဆလကို လူထုထောက်ခံမှုများလာတယ်လို့ ချီးမွမ်းထားတယ်။ အချက်တခုက ၁၅ ရက်တကြိမ် ဂျာနယ်နိုင် ထုတ်လို့တဲ့။

ကျွန်တော် မြန်မာ့ဆိုရှယ်လစ်ခေတ်ကို ကောင်းကောင်းမီတယ်။ ၁၉၆၂ မှာ ဗိုလ်ချုပ်နေဝင်းက အာဏာသိမ်းတော့ ကျွန်တော်က ၁၄ နှစ်သား။ အတော်အတန် သိတတ်နေပါပြီ။ ၁၉၈၈ မှာ အဲဒီပါတီကို လူထုအားနဲ့ဖြုတ်ချတော့ ကျွန်တော်အသက် ၄ဝ တိတိ။ အကောင်းအဆိုးကို ကောင်းကောင်းကြီး သိပါတယ်။

အဋ္ဌမတန်းသမိုင်းစာအုပ်ထဲက ပုံထဲပါအချက်အလက်တွေဟာ ဘက်လိုက်ပြီးရေးထားတာဖြစ်တယ်။ သမိုင်းရေးနည်း မဟုတ်ပါ။ ကျောင်းပြဋ္ဌာန်းစာအုပ်ဆိုတာ အလွန်မတန်သတိကြီးကြီးနဲ့ သမာသမတ်ကျကျသာ ရေးသင့်တယ်။ ဗိုလ်ချုပ်နေဝင်းခေတ်ကို ဒိထက် ဓမ္မဓိဋ္ဌာန်ကျအောင်ရေးလို့ရပါတယ်။

အလံနီကွန်မြူနစ်ပါတီရဲ့သမိုင်းမှန်က အဲလို မဟုတ်ပါ။

အစိုးရအတော်များများဟာ အလိုကျတဲ့သမိုင်းမျိုးကို ရေးခိုင်းပြီး၊ ကျောင်းသုံးအဖြစ်လည်း ပြဋ္ဌာန်းတတ်ကြတယ်။ လက်ရှိအစိုးရဟာ ကျွန်တော် တစိုက်မတ်မတ်ထောက်ခံတဲ့ပါတီပါ။ ဒီသမိုင်းကိုတော့ သဘောမတူနိုင်ပါ။ ဆောရီး။

အစိုးရတမျိုးတက် သမိုင်းတခါပြောင်းရေးတဲ့ခေတ်ဆိုးကြီး ကုန်ဆုံးပါစေသတည်း။

ဒေါက်တာတင့်ဆွေ
၁-၆-၂၀၁၇
၁-၆-၂၀၂၀

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး