Antibiotics အင်တိုင်ဘိုင်အောတစ်

ပဋိဇီဝဆေးလို့ခေါ်တယ်။ ပိုးသေဆေးလို့လည်းခေါ်တယ်။ အမှန်က ပိုးအမျိုးမျိုးထဲက ဗက်တီးရီးယားတွေသာ သေစေတယ်။ သက်ရှိတမျိုးကနေ နောက်သက်ရှိတမျိုးကို နိုင်စေနိုင်တဲ့ဆေးတွေ ဖြစ်ကြတယ်။ Antimicrobials ပိုးတွေကို နိုင်တဲ့ဆေးတွေထဲက တမျိုးသာဖြစ်တယ်။ Anti-viral ဗိုင်းရပ်စ်ဆေး၊ Anti-fungal မှိုဆေး၊ Anti-parasitic drugs ပါရာဆိုက်ဆေးတွေလဲ ရှိသေးတယ်။

ရှေးတုန်းက မရှိခဲ့ပါ။ ရောဂါတွေ အနာတွေပျောက်စေအောင် အပင်တွေကို သုံးပြီးကုသခဲ့ကြတယ်။ အသီး အပွင့် အရွက်တွေသာမက မှိုလိုဟာလည်းပါတယ်။ ပျောက်တဲ့ရောဂါအနာ ပျောက်တယ်။ ဘာဓါတ်ကနေပျောက်စသလဲ ၁၉ ရာစု နောက်ပိုင်းအထိ မသိခဲ့ကြသေးပါ။

Paul Ehrlich ပေါလ် ခေါ် ဂျာမန်ဆရာဝန်ကစသိတယ်။ ဗက်တီးရီးယားဆဲ့လ်တွေကိုသေစေတဲ့ဓါတုဆိုးဆေးဟာ တခြားဆဲလ်တွေကို မသေစေတာ သိလာတယ်။ ၁၉၀၉ ခုနှစ်မှာ ဆစ်ဖလစ်ကိုကုသဆေးကို စသုံးလာနိုင်တယ်။  Arsphenamine လို့ခေါ်တယ်။ အဲတာဟာ ပဋိဇီဝဆေးအစဖြစ်တယ်။ Antibiotics အမည်ကိုတော့ နောက် နှစ်ပေါင်း ၃၀ ကြမှသာမှည့်ခေါ်တယ်။ Selman Waksman ဆိုသူက ပိုးသေဆေးပေါင်း ၂၀ ကိုတွေ့တယ်။

စကော့လူမျိုး Alexander Fleming ကတော့ သမိုင်းတင်ပညာရှင်ဖြစ်တယ်။ ၁၉၂၈ ခုနှစ်မှာ Penicillium notatum ခေါ် fungus ဖန်းဂတ်စ် ခေါ် မှိုတမျိုးကိုတွေ့တာဖြစ်တယ်။ Staphylococcus bacteria ဗက်တီးရီယားပိုးကို သုတေသန လုပ်နေစဉ် မတော်တဆ တွေ့တယ်။

Bactericidal သေစေနိုင်တာနဲ့ Bacteriostatic မျိုးမပွါးအောင် တားနိုင်တာ ၂ မျိုးရှိတယ်။ ဗက်တီးရီးယားတွေကို နိုင်ပုံနိုင်နည်းကလဲ မတူကြဘူး။ သကြားဓါတ်ကနေ အင်နာဂျီဖြစ်မလာစေအောင် လုပ်တာလည်းရှိတယ်။ ဆဲလ်နံရံ မဖြစ်အောင်လည်း လုပ်တာကလုပ်တယ်။ Antibiotic resistance ဆေးခံနိုင်ရည် ဖြစ်စေနိုင်တာက ဒီဆေးတွေရဲ့ အားနည်းချက်ကြီး ဖြစ်တယ်။

တခြားဆေးတွေလိုဘဲ နာမယ် ၂ မျိုးရှိကြတယ်။ Generic name ဆေးနာမယ်ရင်း နဲ့ Trade or brand name ဆေးကုမ္ပဏီက ပေးတဲ့နာမယ်။ နောက်ပြီး ဗက်တီးရီးယား အများကြီးကိုနိုင်တာနဲ့ သတ်သတ်မှတ်မှတ် ပိုးကိုသာ နိုင်တာတွေ ရှိတယ်။ နောက်ပြီး ထိုးဆေး၊ သောက်ဆေး၊ လိမ်းဆေး-ခပ်ဆေး အမျိုးမျိုးရှိကြတယ်။

အမျိုးအစားပေါင်း ၁ဝဝ မက ရှိတယ်။
• Penicillins (ပနယ်စလင်) ဥပမာ Penicillin and Amoxicillin
• Cephalosporins (ကက်ဖလိုစပိုရင်) ဥပမာ Cephalexin
• Macrolides (မိုက်ခရိုလွိုက်) ဥပမာ Erythromycin, Clarithromycin, Azithromycin
• Fluoroquinolones (ဖလူရိုကွီနိုလင်း) ဥပမာ Ciprofloxacin, Levofloxacin, Ofloxacin
• Tetracyclines (တက်ထွာဆိုက်ကလင်း) ဥပမာ Tetracycline and Doxycycline
• Aminoglycosides (အမိုင်နိုင်ဂလိုက်ကိုဆိုက်) ဥပမာ Gentamicin and Tobramycin
• Sulfonamides (ဆာလ်ဖိုနမိုက်) ဥပမာ Co-trimoxazole and Trimethoprim

Penicillins အရင်ဆုံးပေါ်တာ ဖြစ်တယ်။ Alexander Fleming ကနေ ၁၉၂၈ မှာ ပဌမဆုံး စတွေ့ခဲ့တာပါ။ ဗက်တီးရီးယား တွေကို သေစေနိုင်တယ်။ ၄ မျိုးရှိတယ်။
1. Natural Pencillins သဘာဝ ပနယ်စလင်၊ Penicillin-G တွေက Gram-positive Streptococci နဲ့ Staphylococci တွေအပြင် Gram-negative bacteria ထဲက Meningococcus ဗက်တီးရီးယားတွေကို သေစေတယ်။
2. Penicillinase-resistant Penicillins အမျိုးအစားတွေက ပနယ်စလင်ကို သက်ရောတဲ့ Enzyme ကို ခံနိုင်ရည် ရှိတယ်။
3. Extended spectrum Penicillins ဆိုတာ ပိုးအမျိုး အများကြီးကို နိုင်တယ်။
4. Aminopenicillins သဘာဝ ပနယ်စလင်တွေထက် ပိုပြီး ပိုးတွေကိုနိုင်တယ်။ Ampicillin နဲ့ Amoxicillin ဖြစ်တယ်။

ပနယ်စလင်ဘေးထွက်ဆိုးကျိုးများ = ဝမ်းပျက်၊ ပျို့၊ အန်၊ အစာမကျေဖြစ်တာ အများဆုံး။ ရှာရှားပါးပါး အလာဂျီ ရစေတယ်။ အရေပြား အနီပြင်ထွက်၊ ကိုယ်ပူ၊ Anaphylactic shock (ရှော့ခ်) ရတယ်။ ကိုယ်ဝန်ဆောင်ကို ပေးလို့ရတယ်။

Cephalosporins ကက်ဖလိုစပိုရင်
ဗက်တီးရီးယားတွေအပေါ် သက်ရောက်တာ ပနယ်စလင်နဲ့ တူတယ်။ တည်ဆောက်ထားတာတော့ မတူဘူး။ ဘေးထွက် ဆိုးကျိုး နဲတယ်။ ဝမ်းပျက်၊ ပျို့၊ အန်၊ အစာမကျေ၊ (အလာဂျီ) လဲ ရတတ်တယ်။

ပဌမမျိုးဆက် = Cephalothin, Cefazolin, Cephapirin, Cephradine, Cephalexin, Cefadroxil တွေဖြစ်ကြတယ်။
ဒုတိယမျိုးဆက် = Cefaclor, Cefamandole, Cefonicid, Ceforanide, Cefuroxime တွေဖြစ်ကြတယ်။
တတိယမျိုးဆက် = Cefcapene, Cefdaloxime, Cefditoren, Cefetamet, Cefixime, Cefmenoxime,Cefodizime, Cefoperazone, Cefotaxime, Cefpimizole, Cefpodoxime, Ceftibuten, Ceftriaxone တွေ ဖြစ်ကြတယ်။ စတုတ္ထမျိုးဆက် = Cefclidine, Cefepime, Cefluprenam, Cefozopran, Cefpirome, Cefquinome တွေဖြစ်ကြတယ်။

Macrolides မက်ခရိုလွိုက်
- Erythromycin, Clarithromycin, Azithromycin, Roxithromycin, Troleandomycin တွေ ဖြစ်ကြတယ်။
Pharyngitis အာခေါင်နာ၊ Sinusitis (ဆိုင်းနပ်စ်)၊ Bronchitis လေပြွန်ရောင်၊ Genital infections မျိုးပွါးလမ်းရောင်၊ Gastrointestinal tract infections အစာလမ်းရောင်၊ Skin infections အရေပြားနာတွေအတွက် သုံးတယ်။ Macrolides ဘေးထွက်ဆိုးကျိုး၊ ပျို့-အန်-ဝမ်းပျက်၊ နားကိုထိခိုက်၊

Fluoroquinolones ဖလူရိုကွီနလုံး
တည်ဆောက်ယူတဲ့ နောက်ပေါ်ဆေး ဖြစ်တယ်။ စားဆေး၊ ထိုးဆေးရှိတယ်။ Urinary tract infections ဆီးလမ်းရောင်၊ Skin infections အရေပြားနာ၊ Sinusitis (ဆိုင်းနပ်စ်)၊ Pneumonia နူမိုးနီးယား၊ Bronchitis လေပြွန်ရောင်တာတွေမှာ သုံးတယ်။ Ciprofloxacin, Levofloxacin, Lomefloxacin, Norfloxacin, Sparfloxacin, Clinafloxacin, Gatifloxacin, Ofloxacin, Trovafloxacin တွေ ဖြစ်ကြတယ်။ Fluoroquinolones ဘေးထွက်-ဆိုးကျိုး နဲတယ်။ ဝမ်းပျက်၊ အန်၊ ဗိုက်နာ၊ ခေါင်းကိုက်၊ ခေါင်းမူး၊ အလင်းရောင်ထိခိုက်။

Tetracyclines တက်ထွာဆိုက်ကလင်း
Tetracycline, Doxycycline, Minocycline, Oxytetracycline တွေ ဖြစ်ကြတယ်။
အသက်ရှူလမ်းရောင်၊ Sinuses (ဆိုင်းနပ်စ်)၊ Middle ear နားအလယ်ပိုင်ရောင်၊ Urinary tract ဆီးလမ်းရောင်၊ Skin အရေပြားနာ၊ Intestines အူရောင်၊ Gonorrhoea ဂနိုရီးယား၊ Rocky Mountain spotted fever, Lyme Disease, Typhus ရောဂါတွေ၊ Acne ဝက်ခြံ၊ Rosacea မျက်နှာနီမြန်းရောဂါတွေမှာ သုံးတယ်။
Tetracycline ဘေးထွက်ဆိုးကျိုး၊ ဗိုက်နာ၊ ဝမ်းပျက်၊ ပါးစပ်-လျှာနာ၊ ခေါင်းကိုက်။ skin photosensitivity နေလောင်တာ မခံနိုင်ဘူး၊ အသက် ၈ နှစ်အောက်ကလေး မပေးသင့်ဘူး။ သွားတွေ ဝါ-ညိုစေမယ်။ ကိုယ်ဝန်ဆောင်လဲ မပေးသင့်ဘူး။ ရက်လွန်ဆေးက ကျောက်ကပ်ကိုထိခိုက်စေတယ်။ ဗိုက်နာ၊ ကြွက်သားနာ၊ ဝမ်းပျက်၊ လျှာအနာပေါက်၊ အလာဂျီရစေနိုင်၊

Aminoglycosides အမိုင်နိုဂလိုက်ကိုဆိုက်
Amikacin, Gentamicin, Kanamycin, Neomycin, Streptomycin, Tobramycin တွေ ဖြစ်ကြတယ်။
တခြား ဆေးတွေနဲ့မရတဲ့ Gram-negative bacteria ဗက်တီးရီးယားတွေကို နိုင်တယ်။ ဒါ့ကြောင့် Penicillins တို့ Cephalosporins တို့နဲ့ တွဲသုံးရင် ဗက်တီးရီးယား အားလုံကို နိုင်မယ်။ ဆေးယဉ်တာ ဖြစ်နိုင်တယ်။ ရက်တိုသာ ပေးတယ်။
Aminoglycosides ဘေးထွက်ဆိုးကျိုး၊ Ototoxicity နားကို ထိခိုက်စေတယ်။ Nephrotoxicity ကျောက်ကပ်ကို ထိခိုက်စေနိုင်တယ်။

Sulfonamides ဆာလ်ဖိုနမိုက်
Co-trimoxazole = Septrin (TMP/SMZ) ဆီးအိမ်-ဆီးကြိတ်ရောင်ခြင်း၊ ကျောက်ကပ်ပြွန်ရောင်ခြင်း၊ (ဆိုင်းနပ်စ်)၊ နားကိုက်ခြင်း၊ (ရှီဂဲလား) ဝမ်းကိုက်ခြင်း၊ (ဆာလ်မိုနည်းလား) ဝမ်းပျက်ခြင်း၊ ဝမ်းလျှောခြင်း၊ (နူမိုးနီးယား)၊ Cyclospora infection ပိုးဝင်ခြင်းတွေအတွက် ပေးတယ်။ တခြား ဆာလ်ဖါပါ ပဋိဇီဝဆေးတွေကတော့ Sulfamethoxazole, Sulfisomidine (sulfaisodimidine), Sulfacetamide, Sulfadoxine တွေ ဖြစ်တယ်။ Dichlorphenamide (DCP) နဲ့ Dorzolamide မျက်စဉ်းတွေ ဖြစ်တယ်။ Acetazolamide, Bumetanide, Chlorthalidone, Clopamide, Furosemide, Hydrochlorothiazide (HCT, HCTZ, HZT), Indapamide, Mefruside, Metolazone, Xipamide ဆီးသွားစေတဲ့ဆေးတွေ ဖြစ်တယ်။ Acetazolamide, Ethoxzolamide, Sultiame, Zonisamide အတက်ရပ်ဆေးတွေ ဖြစ်တယ်။

Septrin ဘေးထွက်ဆိုးကျိုးများ = ခေါင်းကိုက်၊ အနီပြင်ထွက်၊ ဝမ်းပျက်၊ ပျို့-အန်၊ မှိုပိုးဝင်တတ်၊ (ပိုတက်ဆီယမ်) များစေ၊ (ဆိုဒီယမ်) နည်းစေ၊ သကြားဓါတ်နဲ၊ အစားပျက်၊ လျှာနာ၊ ခေါင်းမူး၊ စိတ်ကျ၊ ချောင်းဆိုး၊ ကြွက်သားနာ၊ တက်၊ ကျောက်ကပ်၊ အသဲထိခိုက်၊ အရေပြားအဖူးပေါက်၊ ၂ နှစ် အောက်ကလေး မပေးသင့်။

အအေးမိတာ၊ နှာစေတာ၊ တုပ်ကွေးမိတာ၊ ဝက်သက်ပေါက်တာ စတဲ့လူတွေမှာ အများဆုံးဖြစ်တဲ့ကူးစက်ရောဂါတွေက ဗိုင်းရပ်စ်တွေကနေဖြစ်စေတာမို့ ပဋိဇီဝဆေးတွေမပေးရပါ။ ဝမ်းပျတာအများစုကလဲ ပဋိဇီဝဆေးမလိုပါ။

တကယ်လို့ ဆေးယဉ်တဲ့ပိုဆေးကို မထိန်းနိုင်ရင် လူပေါင်း ၈ သောင်သေဆုံးရနိုင်တယ်။ ၅ ယောက်ဖြစ်ရင် ၃ ယောက် သေနိုင်တယ်လို့ အင်္ဂလန်နိုင်ငံ အမျိုးသားအရေးပေါ်အန္တရာယ် မှတ်တမ်းတင်ဌာနက ထုတ်ပြန်လိုက်တာပါ။ လွန်ခဲ့တဲ့ အနှစ် ၂ဝ မှာ အဲလိုဖြစ်လာခဲ့တယ်။ အဲလိုဖြစ်နေလို့ ကိုယ်အင်္ဂါ အစားထိုးခွဲစိတ်မှု၊ အူလမ်းခွဲစိတ်မှုနဲ့ ကင်ဆာရောဂါတွေကို ကုသရာ ပိုပြီးခက်ခဲစေတယ်လို့ အစီရင်ခံစာထဲမှာ ဆက်လက် ပါရှိပါတယ်။ လူပေါင်း ၂ သိန်းမှာ သွေးထဲ ဗက်တီးရီးယား ပိုးရောက်တာခံစားရနိုင်တယ်။ ပေါ်နေပြီးသား ပိုးသေဆေးတွေနဲ့ နိုင်မှာ မဟုတ်။ လူရှစ်သောင်းသေနိုင်တယ်။

ပဋိဇီဝဆေးယဉ်ခြင်းဟာ ကမ္ဘာလုံးဆိုင်ရာအန္တရာယ်ဖြစ်နေပြီလို့ ကမ္ဘာ့ကျန်းမာရေးအဖွဲ့ကြီးကပြောလိုက်ပါတယ်။ နိုင်ငံပေါင်း ၁၁၄ နိုင်ငံကနေရတဲ့ ကိန်းဂဏန်းတွေကို ဆန်းစစ်မှုလုပ်တော့ ကမ္ဘာ့ဒေသတိုင်းမှာ ပဋိဇီဝဆေးတွေကို ပိုးတွေက ယဉ်ပါးနေကြပြီလို့ပြောနိုင်တာ ဖြစ်ပါတယ်။ ပဋိဇီဝဆေးလွန်ကာလမှာ သာမန်ကာရှန်ကာ ပိုးဝင်တာလေးနဲ့ သေဆုံးရနိုင်တယ်လို့ ဖေါ်ပြလိုက်ပါသေးတယ်။ ဒီလိုပိုးဝင်တာကို အရင် ၁ဝ-၂ဝ နှစ်လောက်ကဆိုရင် အလွယ်လေးနဲ့ ကုသပေးနိုင်ပါတယ်။

အစီရင်ခံစာထဲမှာ အဓိက နူမိုးနီးယား၊ ဝမ်းပျက်တာနဲ့ သွေးထဲပိုးဝင်တာတွေကိုဖြစ်စေနိုင်တဲ့ ဗက်တီးရီးယား (၇) မျိုးကို အာရုံစိုက်ထားပါတယ်။လက်ရှိသုံးနေတဲ့ ပင်မပဋိဇီဝဆေး ၂ မျိုးကို တချို့တိုင်းပြည်တွေမှာ သုံးမရတော့ပါ။ တခုကတော့ Carbapenem ကာဘာဇီပင် ဖြစ်ပါတယ်။ ဒီဆေးကို အသက်ကိုရန်ရှာနိုင်လောက်တဲ့ နူမိုးနီးယားနဲ့ သွေးထဲပိုးဝင်တာတွေ အတွက် နောက်ဆုံးလက်နက်အဖြစ်သုံးနိုင်ခဲ့ပါတယ်။ မွေးစကလေးငယ်လေးတွေကို ဝင်နိုင်တဲ့ K. pneumonia ပိုးကိုလဲ နိုင်ခဲ့ပါတယ်။ ဆီးလမ်းပိုးဝင်တာဖြစ်စေတဲ့ အီး-ကိုလိုင်ပိုးက ၁၉၈ဝ တုံးကဆေးယဉ်တလုံးဝမရှိခဲ့ရာကနေ အခုဆိုရင် တဝက်ကျော်လောက်က ဆေးယဉ်လာကြပြီဖြစ်တယ်။ လိင်ကတဆင့်ကူးစက်တဲ့ ဂနိုးရီးယား ကိုကုသရတာလဲ ဆေးယဉ်ပါးတဲ့ဒုက္ခရှိနေပါပြီ။

• Escherichia coli = Cepalosporins (3rd generation), Fluroquinolones = ဆီးလမ်းကြောင်းပိုးဝင်ခြင်း၊ သွေးထဲပိုးဝင်ခြင်း၊
• Klebsiella pneumoniae = Cepalosporins , Carbapenems (3rd generation) = နူမိုးနီးယား၊ ဆီးလမ်းကြောင်းပိုးဝင်ခြင်း၊ သွေးထဲပိုးဝင်ခြင်း၊
• Staphylococcus aureus = Methicillin MRSA = အနာဒဏ်ရာပိုးဝင်ခြင်း၊ သွေးထဲပိုးဝင်ခြင်း၊
• Streptococcus pneumoniae = Penicillin = နူမိုးနီးယား၊ ဦးနှောက်မြှေးရောင်ခြင်း၊ နားရောင်ခြင်း၊
• Nontyphoidal Salmonella = Fluroquinolones = အစာထဲပိုးပါပြီးဝမ်းလျှောခြင်း၊ သွေးထဲပိုးပါခြင်း၊
• Shigella species = Fluroquinolones = ဝမ်းပျက်၊ ဝမ်းကိုက်ခြင်း၊

ဒီပြဿနာကြီးကိုရင်ဆိုင်ဘို့ရာ ဆေးသစ်တွေ ရှာရပါမယ်။ ဘယ်တော့ရလာမလဲ မပြောနိုင်ပါ။ ဒါကြောင့် သန့်ရှင်းမှုကို ပိုဂရုပြုကြရပါမယ်။ သောက်သုံးရေသန့်ကို လက်လှမ်းမီနိုင်အောင်စီမံရပါမယ်။ ကျန်းမာရေး ဌာနတွေမှာ ကူးစက်ရောဂါ နှိမ်နင်းရေး ပိုထိရောက်အောင် စွမ်းဆောင်ရပါမယ်။ ပိုးသေဆေးကို မလိုဘဲမသုံးရပါ၊ ပိုးသေဆေးကို ဆရာဝန်က သောက်ခိုင်းသလောက် ဆေးအလေးချိန်အပြည့်၊ ရက်အပြည့် သောက်ရမယ်။ ဆေးအလေးချိန်မပြည့်တဲ့ ပိုးသေဆေးတွေကို ဖမ်းဆီးအရေးယူရမယ်။

၂၃-၈-၂ဝ၁၇ နေ့ကမေးခွန်းတခုရပါတယ်။ အသက် ၁၇နှစ် အပျိုပါ။ ဆေးစစ်ချက်အဖြေမှာ MRSA လို့ပြနေပါတယ်။ ဆရာဝန်က ဆေးမတိုးတဲ့ပိုး ပေါက်နေတယ်လို့လဲ ပြောပါတယ်။ အဲ့တာဘာရောဂါလဲ ဘာကြောင့်ဖြစ်တာလဲ ဘာတွေကိုရှောင်ရမလဲ ကျေးဇူးပြု၍ ရှင်းပြောပြပေးပါဆရာ။ အမှားပါရင်ခွင့်လွှတ်ပါ။ လေးစားစွာဖြင့်။

ဆေးယဉ်တဲ့ပိုးဝင်ခြင်းဆိုတာ Methicillin-resistant Staphylococcus aureus (MRSA) ဗက်တီးရီးယားပိုးဝင်တာကို ခေါ်တယ်။ MRSA ကို ၁၉၆၁ ခုနှစ်မှာစတွေ့ပါတယ်။ ဆေးကုရတာခက်တယ်။ ဆောရီး။ Staphylococcus aureus ပိုးအမျိုးအစားကနေ အများဆုံးဖြစ်စေတယ်။ သုံးနေကျပဋိဇီဝဆေးတွေကိုယဉ်နေတယ်။ ပိုးဝင်တာ ဘယ်နေမှာလဲအပေါ် မူတည်တယ်။ သာမန်အရေပြားအနာတွေက မဆိုးလှပါ။ ခွဲစိတ်နာတွေ၊ အဆုတ်မှာ၊ ဆီးလမ်းမှာဖြစ်တာတွေ့တာမျိုးက ဆိုးတယ်။ ဆောရီး။ အများအားဖြင့်တော့ မဆိုးတာဖြစ်ကြတယ်။ အသက်ကို ရန်ရှာနိုင်တာမျိုးကို Super bug လို့ ခေါ်ကြတယ်။

လူ ၂% မှာ အဲလိုပိုးကရှိနေတယ်။ ရောဂါမရသေးပါ။ လူ ၃ ယောက်မှာ ၁ ယောက် နှာခေါင်းထဲမှာရှိတယ်။ ထိခိုက်ဒဏ်ရာ။ ခွဲစိတ်နာတွေကနေတဆင့် ကိုယ်ထဲဝင်လာရင် ရောဂါရမယ်။ တချို့က အလိုလိုပျောက်တယ်။ ဆိုးတာက နူမိုးနီးယားလို အဆုပ်ပိုးဝင်တာ။ ဆေးရုံတွေမှာ အဲလိုပိုးတွေရှိနေတယ်။ ပိုးသေဆေးရွေးပေးရတယ်။

MRSA Infection ဆေးယဉ်တဲ့ပိုးဝင်ခြင်းဆိုတာ Methicillin-resistant Staphylococcus aureus (MRSA) ဗက်တီးရီးယားပိုးဝင်တာကိုခေါ်တယ်။ MRSA ကို ၁၉၆၁ ခုနှစ်မှာစတွေ့ပါတယ်။ ဆေးကုရတာခက်တယ်။ ဆောရီး။ Staphylococcus aureus ပိုးအမျိုးအစားကနေ အများဆုံးဖြစ်စေတယ်။ သုံးနေကျပဋိဇီဝဆေးတွေကိုယဉ်နေတယ်။

ပိုးဝင်တာဘယ်နေမှာလဲအပေါ်မူတည်တယ်။ သာမန်အရေပြားအနာတွေက မဆိုးလှပါ။ ခွဲစိတ်နာတွေ၊ အဆုတ်မှာ၊ ဆီးလမ်းမှာဖြစ်တာတွေ့တာမျိုးက ဆိုးတယ်။ ဆောရီး။ အများအားဖြင့်တော့ မဆိုးတာဖြစ်ကြတယ်။ အသက်ကို ရန်ရှာနိုင်တာမျိုးကို Super bug လို့ခေါ်ကြတယ်။

လူ ၂% မှာ အဲလိုပိုးကရှိနေတယ်။ ရောဂါမရသေးပါ။ လူ ၃ ယောက်မှာ ၁ ယောက် နှာခေါင်းထဲမှာရှိတယ်။ ထိခိုက်ဒဏ်ရာ။ ခွဲစိတ်နာတွေကနေတဆင့် ကိုယ်ထဲဝင်လာရင် ရောဂါရမယ်။ တချို့က အလိုလိုပျောက်တယ်။ ဆိုးတာက နူမိုးနီးယားလို အဆုပ်ပိုးဝင်တာမျိုး။ ဆေးရုံတွေမှာ အဲလိုပိုးတွေရှိနေတယ်။

ဒေါက်တာတင့်ဆွေ