Emerald မြ သို့မဟုတ် အမ်မရာ
Emerald ဆိုတာ မြန်မာလို မြ။
အသံထွက်ရေးလိုရင် https://www.youtube.com/watch?v=1-OaffnBk7Q အင်းမရဲလ်။
အမည်ကိုတော့ (အင်းမရဲလ်) လို့ရေးတာ မသင့်လောက်ပါ။ (အင်မရယ်) ဆိုရင် (အင်မ) ကိုအထူးပြု ဖတ်ကြမယ်။ (အမ်မရာ) ပိုသင့်မလားမပြောတတ်။ (အမရာ) က မြန်မာလိုအမည်။ အမ္မရာဆိုရင် ပါဠိလား ထင်မယ်။ ပါဠိ မဟုတ်ပါ။
အမည်မှည့်ခေါ်တာမှာ ကိုယ်ပိုင်အခွင့်အရေးဖြစ်တယ်။ စံကိုက်သတ်ပုံနဲ့ မညီလည်း မှည့်ကြတယ်။ ရေးထားတဲ့စာကို ဖတ်တဲ့သူတွေမှာလည်း သူတို့အခွင့်အရေးရှိလို့ ဖတ်တတ်သလို ဖတ်ကြတယ်။
အင်္ဂလိပ်စာလုံးသုံးရင် အင်္ဂလိပ်လိုဖတ်တတ်တဲ့ အသိုင်းအဝိုင်းမှာ အဆင်ပြေပါတယ်။ ကနေ့ခေတ်က ပြည်ပနဲ့ ကူးလူး ဆက်ဆံမှု အလွန်များတယ်။ မြန်မာစာလုံးစစ်စစ် တချို့က ခက်ခဲတယ်။
အသုံးတည့်တာက စာလုံး ၂ လုံးတည်းသာပါတဲ့ အမည်။ ကျွန်တော့် သားသမီးတွေအမည် အဆုံးမှာ ကျွန်တော့အမည် စာလုံး ၂ လုံးထည့်ခဲ့တာ။ မြေးတွေအတွက် တလုံးတည်းသာ ထည့်တော့တယ်။ အဲတာမှ အဆင်ပြေတယ်။
အမည်မှည့်တာ ကိုယ်ပိုင်အခွင့်အရေးအပြင် ကိုယ်ပိုင်သုတအသိနဲ့ ဖြစ်သင့်တယ်။
ဒေါက်တာတင့်ဆွေ
၈-၇-၂၀၂၀
Comments
Post a Comment