With all due respect လေးစားမှုအပြည့်ဖြင့်

အမေးတခုကို ဆရာဖြေထားတာမှာ စာရဲ့အဆုံးမှာ လေးစားစွာဖြင့် (သို့) လေးစားစွာ လို့ အဆုံးသတ်ရတယ်လို့ ပါပါတယ်ဆရာ။ (အဆုံးသတ်ရလား အဆုံးသတ်ကြလား ဆိုတာလွဲနိုင်ပါတယ်။ ကျွန်တော်ပြန်ရှာပေမဲ့မတွေ့တော့လို့ပါ) လေးစားခြင်းဖြင့်လို့လဲ တခါကကျွန်တော်အလုပ်လုပ်တဲ့ကုမ္ပဏီရဲ့ရုံးစာမှာတွေ့ဘူးပါတယ်။ အမှန် အမှားလေး ပြောကြာပေးပါခင်ဗျာ။

ကြပါရင် အများတွက်။ ကျပါရင် လုပ်နေကျ။ ရပါတာက စည်းကမ်းသဘောနဲ့ တဦးအတွက်။
သွားကြသည်၊ လာကြသည်၊ ရေးကြသည်။
ရေးနေကျအတိုင်း ရေးသားသည်
သတ်ပုံမှန်အတိုင်း ရေးရမည်။

ဟုတ်ကဲ့ဆရာ။ ကျွန်တော်မေးတဲ့ လေးစားခြင်းဖြင့် ဆိုတဲ့အရေးဟာမှန်လားဆရာ။ စိတ်မရှိပါနဲ့။ ဆရာဖြေတာနားမလည်လို့ပါ။

လေးစားစွာဖြင့် ဆိုတာ ကြိယာဝိသေသန။ လေးစားစွာဖြင့် ရေးသားအပ်ပါသည်။ ရေးသားကြိယာကို အထူးပြုတာ။

လေးစားခြင်းဖြင့် ဆိုတာက လေးစားခြင်းစိတ္တဇနာမ်။ သူတပါးအား လေးစားခြင်းဖြင့် ယဉ်ကျေးကြောင်းပြသပါ။ ရိုးသားခြင်းဖြင့် ဂုဏ်ယူပါ။

Respect လေးစားမှု (နာမ်)
ဒါရိုက်တာသည် သရုပ်ဆောင်သူအား များစွာလေးစားမှုရှိသည်။
ခေတ်လူငယ်တချို့သည် လူကြီးသူမတို့အား လေးစားခြင်း နည်းလာကြသည်။
အင်္ဂလိပ်လိုစာရေးရာမှာ with (or with all due) respect လို့ရေးတာနဲ့ ဆင်တူတယ်။

Respect လေးစားသည် (ကြိယာ)
သူ့အလုပ်မှာ လူအများလေးစားခြင်းခံရသည်။

Respectfully လေးစွားစွာ (ကြိယာဝိသေသန)
စားပွဲထိုးသည် စာသောက်ရန်လာသူများအား လေးစွားစွာဦးညွတ်နှုတ်ဆက်သည်။ ယဉ်ကျေးမှုဖြစ်တယ်။ ငြင်းဆိုရာမှာလည်း လူကြီးမင်းအဆိုကို လက်မခံပါကြောင်း လေးစားစွာပြောပါရစေ။

ကျွန်တော်လည်း ဒိထက်ပို မသိပါ။

ဒေါက်တာတင့်ဆွေ
၇-၇-၂၀၂၀

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး