Infertility and TB တီဘီ ဆေးနဲ့ ကလေးမရနိုင်သေးခြင်း

1.     သမီးအိမ်ထောင်ကျတာ ၆ လရှိပါပြီ ဒါပေမဲ့ခုထက်ထိ ကိုယ်ဝန်မရှိသေးပါဘူး လက်မထပ်ခင်က လည်ပင်းမှာ အကျိတ်ရှိလို့ ခွဲလိုက်တော့အကျိတ်က တီဘီကျိတ်တဲ့။ တီဘီဆေးသောက်ရသေးတယ်။ ဆေးသောက်ပြီး ၂ လကျော်မှာ လက်ထပ်တာပါ။ သမီးတို့လင်မယားနှစ်ယောက်က တစ်မြို့စီပါ။ ဝန်ထမ်းဆိုတော့ တစ်လမှ ပိတ်ရက် ၂-၃ ရက်ဘဲ တွေ့ဖြစ်တာများတယ်။ တီဘီဆေးသောက်ရင် ကိုယ်ဝန်ရနိုင်လားမရနိုင်လား သိချင်လို့ပါဆရာ။

2.     ကျွန်မက အသက် ၃၁နှစ်ပါ။ (့) နိုင်ငံမှာ အလုပ်လုပ်နေသူ တယောက်ပါ။ အိမ်ထောင်ကျတာ ၁ နှစ်ခွဲ ကျော်ပါပြီ။ အခု ရာသီ မလာတာ ၁ လ (၅၄ ရက်) ကျော်ပါပြီ။ Pregnancy Test စစ်ကြည့်တော့လည်း Negative ပြပါတယ်။ ရှမ်းပျိုမေ သွေးဆေး သောက်တာလည်း ၁ ပတ် ကျော်ပါပြီ အခုထိ မထူးခြားသေးပါဘူး။ အရင်တခါကလည်း ရက် ၄ဝ ကျော် သွားလို့ ဆေးခန်း ပြခဲ့ပါတယ်။ ကေသီပန် သောက်လိုက်တော့ အဆင်ပြေသွားခဲ့ပါတယ်။ ဒီတခါတော့ ကေသီပန်လည်း မသောက်ချင်တော့ပါဘူး။ ကလေးရှိနေရင် ဒုက္ခရောက်မှာလည်း စိုးရိမ်မိပါတယ်။ လွန်ခဲ့တဲ့ ၅ နှစ်က အဆုပ်ထဲ ရေဝင်တဲ့ ရောဂါ ဖြစ်ဖူးတော့ TB ဆေးကို ၆ လလောက် သောက်ခဲ့ပါတယ်။ ကျွန်မ Internet မှာ ဖတ်ဖူးတာတော့ TB ဆေး စားဖူးတဲ့ သူတွေက ကလေးရဖို့ ခက်တယ်တဲ့။ အခု ကျွန်မမှာ ဘာလုပ်ရမှန်း မသိဖြစ်နေပါတယ်။ ဆေးခန်းပဲ သွားရမလိုလို၊ ဆေးတွေပဲ သောက်ရ မလိုလိုနဲ့ ဖြစ်နေပါတယ်။

တီဘီအတွက် ပေးတဲ့ဆေးတွေမှာ ဘေးထွက်ဆိုးကျိုး မများလှပါ။ တချို့မှာတော့ အသည်းကို ထိခိုက်စေနိုင်လို့ အသည်းရောင်ရောဂါ လက္ခဏာတွေကို သတိထားရတယ်။ ပျို့ချင်-အန်ချင်တာ၊ အစားအသောက် ပျက်တာ၊ ဆီး-မျက်လုံး ဝါလာတာ၊ ကိုယ်ပူကြာနေတာတွေဖြစ်ရင် ဆရာဝန်ပြရမယ်။ အခုမေးသူမှာ ဆေးတွေသောက်ထားပြီးဖြစ်လို့ စိုးရိမ်စရာ မလိုတော့ပါ။ ဘေးထွက်-ဆိုးကျိုးတွေထဲမှာ ကလေးမရစေတာ မပါတာ တွေ့ပါလိမ့်မယ်။

ဒါပေမဲ့ TB နဲ့ ကလေးမရနိုင်တာ ဆက်စပ်မှု အသေအခြာရှိပါတယ်။ မျိုးပွါးလမ်းကြောင်းမှာ တီဘီ ဖြစ်ရင် ကလေးမရတာ ဖြစ်ပါတယ်။ ယောက်ျားတွေမှာ ကျား-အစိမှာ တီဘီ ဖြစ်ရင် သူ့သုက်ရည်ထဲမှာ သုက်ပိုး မပါလို့ ကလေးမရတာ ဖြစ်နိုင်တယ်။ အမျိုးသမီးတွေမှာ သားအိမ် တီဘီ နဲ့ သားအိမ်ပြွန် တီဘီ ဖြစ်မှ ကလေးမရတာ ဖြစ်စေတယ်။

တီဘီ ပိုးဟာ ကိုယ်ထဲ ဝင်တုံးကတော့ အသက်ရှူလမ်းကနေ ဝင်ခဲ့တာပါ။ ခုခံစွမ်းကြောင့် အဆုပ် တီဘီ မရဘဲနေမယ်။ ပိုးတွေက အကုန် သေမသွားဘဲ ရှိနေနိုင်တယ်။ သွေးကနေတဆင့် တခြားနေရာတွေကို ရောက်သွားမယ်။ မျိုးပွါးလမ်းမှာ ပိုးတွေ ရောက်လာပြီး Genital TB မျိုးပွါးလမ်း တီဘီ ကနေ ကလေးမရတာ ဖြစ်စေနိုင်တယ်။

မျိုးပွါးလမ်းမှာ တီဘီ ဖြစ်နေတာကို ရောဂါရှာရတာ သိပ်မလွယ်ဘူး။ မျိုးပွါးလမ်းက အသားစထဲမှာရှိမဲ့ တီဘီပိုးကို မွေးယူစစ်ဆေးမှ သိနိုင်တယ်။ သားအိမ်ပြွန်ထဲက အသားစထုတ်ယူဘို့ဆိုတာ မဖြစ်နိုင်သလောက် ခက်ခဲသေးတယ်။ သားအိမ်ကို ခြစ်ပြီး ပိုးမွေးယူတာလောက်သာ လုပ်နိုင်တယ်။ ဒါလဲ ပိုးမွေးရတာ မလွယ်လှဘူး။ ဗိုက်ထဲကို ကရိယာထည့်ကြည့်တာ လုပ်နိုင်ရင်တော့ ကောင်းတယ်။

မျိုးပွါးလမ်းမှာ တီဘီ ဖြစ်နေရင် ပုံမှန်မဟုတ် သွေးဆင်းတာအပြင် အနာဖြစ်တာလဲ ရှိတတ်တယ်။ အထဲမှာ တီဘီ ပိုး-ရောဂါ ရှိနေပေမဲ့ လက္ခဏာမပြဘဲ ရှိနေတဲ့ Silent TB ကိုစစ်ဆေးဘို့ Reproductive molecular immunology' techniques for PAMP နည်း သုံးနိုင်ပါတယ်။ AFB smears, Polymerase Chain Reaction (PCR) tests, CT or MRI scanning or Ultrasound နည်းတွေနဲ့ စမ်းသပ်တယ်။

၁၉၈၉-၁၉၉၉ အတွင်း တီဘီရောဂါရှိတာ သေချာသူ အမျိုးသမီးပေါင်း ၃ဝ၈၈ ယောက်ကို ဆန်းစစ်မှုတွေ လုပ်တယ်။
• ၄၆ ယောက်မှာ မျိုးပွါးလမ်း TB ရှိတာတွေ့ရတယ်။
• သူတို့ရဲ့ ပျမ်းမျှ အသက်ဟာ ၃ဝ့၎ နှစ်ဖြစ်တယ်။
• ၁၇% မှာသာ ဗိုက်နာတယ်လို့ ခံစားရတယ်။
• ၇ ယောက်ကို အလုံး၊ ဒါမှမဟုတ် အနာတခုခုရှိလို့ ဗိုက်ခွဲရင်းကနေ တီဘီ ပါရှိနေတာသိရတယ်။
• ၃ ယောက်က ပုံမှန်မဟုတ်ဘဲ သွေးဆင်းလို့ သားအ်ိမ်ခြစ်ရာကနေသိတယ်။
• ၃၁ ယောက်ကတော့ ကလေးမရနိုင်တာကို ဆေးစစ်ရင်း တီဘီ ရှိတာ သိလာရတယ်။

အမျိုးသမီး မွေးလမ်း တီဘီ ဖြစ်နှုန်းဟာ တီဘီ ရောဂါသည်တွေထဲမှာ ၁့၃၂% ရှိတယ်။
• သားအိမ် တီဘီဖြစ်သူက ၇၂့ဝ၃%၊
• သားအိမ်ပြွန် တီဘီ က ၃၄့ဝ၄% ရှိတယ်။
• မျိုးဥအိမ် တီဘီ ဖြစ်သူက ၁၂့၉% နဲ့
• သားအိမ်ဝ တီဘီ က ၂့၎% ရှိတယ်။

မျိုးပွါးလမ်း TB ဟာ ကလေးမရတာထဲက အရေးပါတဲ့ အကြောင်းခံတခု ဖြစ်တယ်။ သူတို့ထဲက ၂% သာ ကလေးအကောင်းမွေးနိုင်ကြတယ်။ သားအိမ်ပြွန်မှာ ဖြစ်နေသူတွေကြတော့ ဆေးကုတာတောင် ကလေးမရ ဖြစ်တယ်။ IVF နည်းနဲ့သာ ကလေးရအောင် ကြိုးစားရတော့မယ်။

ရောဂါသိတာနဲ့ ချက်ချင်း ဆေးကုရမယ်။ ဆေးမတိုးတာ မဖြစ်တဲ့ မျိုးပွါးလမ်း တီဘီ ရှိသူတွေကို WHO ရဲ့ သတ်မှတ်ချက်အရ Directly Observed Treatment Short Course (DOTS) ၆ လ ဆေးပေးကုသစေတယ်။ မျိုးပွါးလမ်း တီဘီ ရှိသူထဲက ၂% ဟာ (MDR-TB) ဆေးမျိုးစုံ ခံနိုင်ရည်ရှိတဲ့ အမျိုးအစား ဖြစ်တယ်။ လိုအပ်ရင် ခွဲစိတ်တာပါ လုပ်ရသေးတယ်။

• မွေးလူနာ ၁ဝဝဝ ရှိတိုင်း (< 2.5 kg) အလေးချိန်မပြည့်တဲ့ကလေး ၃၄၂ ယောက်ရှိတယ်။ တီဘီမရှိသူတွေထဲကဆိုရင် ၁၆၅ ယောက်သာရှိတယ်။
• (< 37 weeks) အချိန်စောမွေးသူ ၂၂၈ ယောက်ရှိတယ်။ တီဘီမရှိသူတွေထဲကဆိုရင် ၁၁၁ ယောက်သာရှိတယ်။
• မွေးကာစကလေးသေဆုံးမှု ၁ဝ၁ ယောက်ရှိတယ်။ တီဘီမရှိသူတွေထဲကဆိုရင် ၁၆ ယောက်သာရှိတယ်။
• (16-28 weeks) ဗိုက်ထဲကလေးသေဆုံးမှု ၂ဝ ယောက်ရှိတယ်။ တီဘီမရှိသူတွေထဲကဆိုရင် ၂ ယောက်သာရှိတယ်။

ဘယ်နေရာမှာ တီဘီ ရှိရှိ TB ဆေးတွေသာ ပေးရတယ်။ ခပ်လွယ်လွယ် တွေးသူတွေက တီဘီ ဆေးတွေကြောင့် ကလေး မရတာလို့ ပြောချင်ပြောကြမယ်။ အမှန်က ကလေးမရလို့ တီဘီဆေးတွေပေးရတာသာဖြစ်ပါတယ်။

Infertility and TB (2) တီဘီ ဆေးနဲ့ ကလေးမရနိုင်သေးခြင်း (၂)

ကျွန်တော့် နာမည် (့) ဖြစ်ပါသည်။ အသက် ၂၄ နှစ်ရှိပြီး နေတာကတော့ (့) ကပါ။ (၁) TB ရောဂါပိုး ပျောက်ဆေး။ TB ဆေးစားနေချိန်မှာ ကိုယ်ဝန်ယူလို့ ရပါသလား။ နောက်ပြီး သူများတွေ ပြောတာ TB ဆေးက ပြင်းလို့ Sperm ပိုးတွေပါ သေကုန်တယ်၊ ကိုယ်ဝန်ယူလို့ မရဘူးလို့ ပြောကြတာ ဟုတ်ပါသလား။

တီဘီ ဖြစ်နေသူတွေအတွက် အများဆုံးပေးတဲ့ ဆေးတွေကတော့ -
1. Isoniazid (INH)
2. Rifampin (RIF)
3. Ethambutol နဲ့
4. Pyrazinamide စားဆေးတွေနဲ့
5. Streptomycin ထိုးဆေး ဖြစ်တယ်။

တီဘီဆေးတွေဟာ ယေဘုယျပြောရရင် ဘေးထွက်-ဆိုးကျိုးတွေ မများပါ။ ရှိတာတွေကလဲ သာမန်တွေ ဖြစ်တာ များပါတယ်။ ဆိုးတာတွေ မရှိဘူးတော့ မဟုတ်ပါ။ အစားပျက်၊ ပျို့၊ အန်၊ မျက်စိနဲ့ အသားအရ ဝါ၊ ကိုယ်ပူ၊ ဗိုက်နာ၊ ခြေ-လက် ကျင်၊ အရေပြား နီ၊ သွေးထွက်လွယ်၊ အဆစ်နာ၊ ခေါင်းမူး၊ ပါးစပ်နာတဝှိုက် ထုံ-ကျင်၊ မျက်စိ ကြည့်လို့ မကောင်း၊ နားထဲ အသံတွေကြား၊ နား ကောင်းကောင်း မကြား၊ အသည်းရောင်နိုင်တယ်။

• Rifampin ဆေးကြောင့် ဆီး၊ တံတွေး၊ မျက်ရည်တွေ ဝါမယ်။ နေရောင်ကို အရင်လို မခံနိုင်ဖြစ်မယ်။ နေကာ-မျက်မှန် တပ်ပါ၊ အဝတ်အစား လုံလုံခြုံ ဝတ်ရပါ။ Birth control pills ကိုယ်ဝန်တားဆေးနဲ့ Implants ကိုယ်ဝန်တား အရေပြားအောက် ထားရတဲ့ အချောင်းတွေ ထိရောက်မှု နည်းစေမယ်။ Rifampin သောက်နေရသူ အမျိုးသမီးတွေ တခြား ကိုယ်ဝန်တားနည်းတွေ သုံးသင့်တယ်။ တကယ်လို့ Rifampin တီဘီဆေးရော Methadone ဘိန်းဖြတ်ဆေးပါ တွဲသုံးနေရရင် Methadone dosage အဆကို ပြင်ရမယ်။
• Isoniazid ဆေးကြောင့် Peripheral neuropathy အဝေး-အဖျားမှာရှိတဲ့ အာရုံကြောတွေ ထိခိုက်မယ်။ Hepatitis အသက် ၄ဝ ကျော်သူတွေ အသည်းရောင်နိုင်တယ်။ Isoniazid (INH) ဆေးသောက်နေသူတွေဟာ ဝိုင်၊ ဘီယာ၊ အရက်သောက်နေရင် အန္ကရာယ် ရှိတယ်။
• Ethambutol ဆေးကြောင့် မျက်စိကြည့်ရတာ မကောင်းဖြစ်မယ်။ မြင်တာရော အရောင်ခွဲခြားတာရော။
• Pyrazinamide ဆေးကြောင့် Hepatitis အသည်းရောင်မယ်၊ Joint Pains အဆစ်နာမယ်။

Streptomycin (စထွက်ပတိုမိုင်စင်) ထိုးဆေး ဘေးထွက်ဆိုးကျိုး
မျက်နှာမှာ ကျင်သလို ပုရွက်ဆိပ်တက်သလို ခံစားရနိုင်တယ်။ ခေါင်းက ပတ်ခြာလည်နေမယ်၊ ကိုယ်ပူမယ်၊ ကိုယ်ရောင်မယ်။
Severe allergic reactions ဆေးမတည့်လကဏာတွေ ဖြစ်နိုင်တယ်။ (ပနယ်စလင်) မတည့်သူတွေလို ဖြစ်နိုင်တယ်။ ဒါ့ကြောင့် ဆေးတခါမှ မထိုးဘူးသေးသူတွေမှာ တည့်-မတည့် အရင်စမ်းပြီး တည့်မှ ထိုးရတယ်။

ချုပ်လိုက်ရင် စာရင်းပါ တီဘီ ဆေး အားလုံးရဲ့ ဆိုးကျိုးမှန်သမျှထဲမှာ သုက်ပိုးသေစေတာ မပါပါ။ ဆက်ဖတ်ပါ ကလေးမရလို့သာ တီဘီ ဆေး ပေးရတာ တွေ့ပါလိမ့်မယ်။

TB and infertility တီဘီ နဲ့ ကလေးမရ ဖြစ်နေတာ
Tubercle bacillus တီဘီ ပိုးဝင်တာ နဲ့ TB disease တီဘီရောဂါ ဖြစ်နေတာ မတူပါ။ ကနေ့ကာလမှာ Infertility ကလေးမရ ဖြစ်ရတဲ့ အကြောင်းရင်းတွေထဲမှာ TB of the genital tract မျိုးပွါးလမ်းမှာ တီဘီ ဖြစ်နေရတာ ဖြစ်ခဲ့တယ်။ Socioeconomic conditions လူနေမှုဘဝတွေ တိုးလာကြသူတွေအတွက်တော့ ဒီအကြောင်းရင်းက အရင်ကလောက် မများတော့ဘူး။

မြန်မာပြည်လို နေရာတွေမှာ လူတိုင်းလိုလို Tubercle bacillus တီဘီ ပိုးနဲ့ နေ့တိုင်းလိုလို တွေ့နေကြရတယ်။ (၁) BCG vaccine ဆိုတဲ့ တီဘီ ကာကွယ်ဆေးကိုလဲ ကလေးတိုင်း ထိုးပေးထားတယ်။ (၂) တီဘီ လူနာတွေနဲ့ တွေ့နေကြရတယ်။ ဒီ ၂ ချက်ကြောင့် Immune တီဘီ ပြီးတာ ဖြစ်လာကြစေတယ်။ နောက်တခါ ပိုးဝင်လာလို့ကတော့ တိုက်ဖျက်နိုင်စွမ်း ရလာတာကို ပြောတာပါ။ ကိုယ်ထဲမှာ Anti-TB antibodies တွေရှိနေပြီဖြစ်လို့ အဲလို ပြန်ချနိုင်လာတာ ဖြစ်ပါတယ်။

TB ကြောင့် ဘာလို့ ကလေးမရ ဖြစ်ရသလဲ
မျိုးပွါးလမ်းကို တီဘီပိုး အဝင်ခံရမှ ဖြစ်ပါမယ်။ Genital TB လို့ခေါ်မယ်။ အစပိုင်းမှာ တီဘီပိုးက လေထဲကနေ ပါလာလို့ အဆုပ် (အသက်ရှူလမ်း) ထဲ ဝင်မှာပါ။ ကိုယ်ခံအားတွေကနေ ခံတိုက်လိုက်တော့ ရောဂါ မရဘူးပေါ့။ ဒါပေမဲ့ ပိုးတွေက ငြိမ်နေ ကုတ်နေကြတာသာ ဖြစ်တယ်။ တခါတလေမှာ ဒီလို ငုပ်နေတဲ့ အကောင်တွေက တစခန်းထလာမယ်။ ဒီအခါမှာ သွေးကနေတဆင့် တကိုယ်လုံး လျှောက်သွားလိမ့်မယ်။ ကိုယ်ထဲက ဘယ်နေရာဖြစ်ဖြစ် ရောက်သွားနိုင်တယ်။ ဒီအကောင်တွေ တွယ်ကပ် ဝင်ရောက်ရာ နေရာမှာ ရောဂါ ဖြစ်စေတာ့တယ်။ မျိုးပွါးလမ်းဆိုတာကို ရောဂါရလာမှ ကလေးမရတာဖြစ်ပါမယ်။

ယောက်ျားတွေမှာ Tuberculous epididymo-orchitis အစိ-အကျောရောင်တယ်။ သုက်ပိုး သွားလမ်းကို ပိတ်စေနိုင်တယ်။ ဒီယောက်ျားဟာ Azoospermic သုက်ရည်ထဲမှာ သုက်ပိုး မပါနိုင်တော့ဘူး။

အမျိုးသမီးမှာ ဖြစ်ရင် TB endomteritis သားအိမ်-တီဘီ ဖြစ်မယ်။ ဒါပေမဲ့ ဘာမှ မခံစားဘဲ နေတတ်တယ်။ ဒါ့ကြောင့် Genital TB မျိုးပွါးလမ်းမှာ တီဘီ ဖြစ်တာကို ရောဂါရှာရခက်တတ်တယ်။ Tubercle bacillus တီဘီ ပိုးကို Culture မွေးယူစစ်ဆေးမှ သိနိုင်တယ်။ ခက်တာက Fallopian tubes သားအိမ်ပြွန်ရဲ့ အတွင်းနံရံ အသားစကို ထုတ်ယူဘို့ မလွယ်ဘူး။ Uterine curettage သားအိမ်ခြစ်ပြီး Endometrial tissue သားအိမ်အတွင်းလွှာကိုသာ စစ်ဆေးရတယ်။ ဒီအထိ မခက်သေးပါ။ ပိုးမွေးရတာကြ ခက်လာပြီ။

TB salpingitis ရောဂါတွေ့လို့ ဆေးကောင်းကောင်း ကုပေမဲ့ ပိုးသာသေမယ် သားအိမ်ပြွန် ပိတ်နေတာက အမာရွတ် ဖြစ်ပြန်လို့ လမ်း မပွင့်တော့ဘဲ သဘာဝနည်းနဲ့ ကလေးမရတော့ဘဲ IVF အပြင်မှာ မျိုးစပ်ယူတာလုပ်ရလိမ့်မယ်။

စမ်းသပ်နည်းသစ်တွေ ရှာနေကြရတယ်။ Polymerase chain reaction (PCR) ဆိုတာက တနည်းပါ။ DNA ကိုရှာရတယ်။ ခက်ပြီး မတိကျပြန်ဘူး။ Pathogen-associated molecular pattern (PAMP) ဆိုတာက နောက်တနည်းဖြစ်တယ်။ Anti TB antibodies (IgG and IgM) တွေစစ်နည်းလဲ ရှိသေးပြန်တယ်။ ချုပ်ပြောရရင် မျိုးပွါးလမ်း တီဘီ ဆိုတာ စမ်းရခက်လို့ ရှိရက်နဲ့ မသိသူ၊ မရှိဘဲ ဆေးကုရသူတွေ ရှိတယ်။

Genital TB ရှိနေသူတွေထဲက ၆ဝ-၇ဝ% မှာ Infertility ကလေးမရတာ ဖြစ်တယ်။ အိန္ဒိယနိုင်ငံမှာ ကလေးမရတဲ့ အတွဲထဲက ၅-၁ဝ% ဟာ မျိုးပွါးလမ်း-တီဘီ ကြောင့် မရတာဖြစ်တယ်။ သူတို့ကို In-Vitro-Fertilization (IVF) နဲ့ Embryo-transfer နည်း လုပ်ပေးရင် ၃ဝ-၄ဝ% အောင်မြင်တယ်။
 
ဒေါက်တာတင့်ဆွေ