Dr. Tint Swe's Writings

ဘီဘီစီ မြန်မာပိုင်းမှာ ဖတ်ရတယ်။  မြန်မာလူမျိုးမဟုတ်ဘဲ မြန်မာစာကို ကျွမ်းကျင်မှန်ကန်အောင် ရေးနိုင်၊ ဖတ်နိုင်၊ ပြောနိုင်အောင် ကြိုးစားနေတဲ့ နိုင်ငံခြားသူ တစ်ယောက် (တယောက်) ရှိပါတယ်။ သူက ရုရှားသူ မဝသုန်မိုးပါ တဲ့။ ကျွန်တော်တို့ငယ်ငယ်က ပြောစကားတခုရှိတယ်။ အေဘီစီဒီ မတတ်ပဲနဲ့ အရပ်ထဲကိုလည်။ ခုခေတ်မှာတော့ မြန်မာစာ မသင်ကြားပဲ နိုင်ငံခြားကိုလည်။  မြန်မာစာကို မသင်ကြားတာတော့ မဟုတ်ပါ။ သတ်ပုံမှန်ကို မသင်ကြာခြင်းသာဖြစ်ပါတယ်။ မိခင်ဘာသာစကား အလေးထားသူ ရှားပေပြီ။ လွတ်လပ်ရေးကျောက်တိုင်ပါ မြန်မာစာသည် အမှားဖြစ်၍၊ ဖွဲ့စည်းပုံပါ မြန်မာစာသည် အမှန်ဖြစ်နေပြီ။ ဇာတိသွေးဇာတိမာန် တခဲနက် တက်ကြွလာအောင် ပြည်ထောင်စု ပြည်သူလူထုကြီးတရပ်လုံးအား အချိန်မှီ (အချိန်မီ) စွမ်းဆောင်ပေးနိုင်သည် ဖြစ်ပါစေသတည်း။ ဒေါက်တာတင့်ဆွေ ၁-၁၂-၂၀၂၀

ယူနီဗာစတီကျောင်းတိုက်နဲ့ ပတ်သက်တဲ့ အမည်တွေကို ဦးဖေမောင်တင်တို့က ဦးစီးပြီး ဗမာစကားဖလှယ်ကြတော့ အခြား အမည်တွေမှာ သိပ်အငြင်းမပွားကြပေမယ့် ယူနီဗာစတီကို တက္ကသိုလ်လို့ဖလှယ်တော့ ကန့်ကွက်သူတွေရှိခဲ့တယ်။ အမည်အခေါ်အဝေါ်သတ်မှတ်ရေးနဲ့ပတ်သက်ပြီးတာဝန်ရှိတဲ့ အတွင်းဝန်တဦးက ယူနီဗာစတီကို တက္ကသိုလ်လို့ အမည်ဖလှယ်တာကို ချက်ချင်းထကန့်ကွက်တယ်။ တက္ကသိုလ်ဆိုတာ အိန္ဒိယပြည်က တက္ကသီလာ(တက်ဆီးလား)ဆိုတဲ့ မြို့အမည်ကို ဗမာဘာသာနဲ့ တက္ကသိုလ်လို့ သုံးနှုန်းခေါ်ဝေါ်ခဲ့တာပဲ။ ယူနီဗာစတီနဲ့ဘာဆိုင်လို့လဲအဓိပ္ပာယ်တခြားစီပဲ။ ဒီတိုင်းသာဆိုရင်ကျုပ်တို့အင်္ဂလိပ်ဘာသာနဲ့ ယူနီဗာစတီကိုယူနီဗာစတီလို့မဆိုဘဲအောက်စဖို့ဒ်လို့ ခေါ်ရမလိုဖြစ်နေပြီဆိုပြီး ကန့်ကွက်ပါတယ်။ အဲ့လို ကန့်ကွက်တာကို ဦးဖေမောင်တင်တို့က ပြန်လည်ဖြေရှင်းကြပါတယ်။ ခင်ဗျားတို့ဆီမှာ ဘော်လ်စတယ်ဆိုတဲ့ ရွာကလေးကိုငယ်ရွယ်တဲ့ အကျဉ်းသားတွေသွားပို့ထားလေ့ရှိခဲ့တာကိုအစွဲပြုပြီး နောက်တော့ ကလေးထောင်ကို ဘော်လ်စတယ်လ်အင်စတီကျူလို့တွင်နေတာပဲ။ မက်ကင်တော့ရ်ှဆိုတဲ့လူနာမည်ကနေ မိုးကားအင်္ကျီကိုမက်ကင်တော့ရ်ှလို့သတ်မှတ်သုံးစွဲခဲ့တာပဲ။ မက္ကဒမ်းဆိုတဲ့ပုဂ္ဂိုလ်ကိုအစွဲပြုပြီး လမ်းပြင်တာကို မက္ကဒင်းမစ် လုပ်တယ်လို့သုံးနှုန်းခေ...