Saturday, June 30, 2018

အများနဲ့ တယောက်

အများနဲ့ တယောက်ထဲ အများလွန်တယ်လို့ထင်ပါတယ်။

၃ဝ-၃-၁၉၉၇ နေ့က ဒေါက်တာသန်းထွန်းရေးတဲ့စာဖြစ်ပါတယ်။

ကျွန်တော်ပြောချင်သမျှ ကျွန်တော့်ဆရာ ဒေါက်တာသန်းထွန်းအကြောင်းစာအုပ်ကို စာရေးသူ ဝင်းမောင် (သမိုင်း) က မုံရွာမှာ ကျွန်တော့်ကို လက်ဆောင်ပေးလိုက်တာပါ။ ကျေးဇူး။

ကျွန်တော်လည်း ဒေါက်တာသန်းထွန်းကို အားကျပြီး အတုခိုးရေးပါရစေ။ အများနဲ့ တယောက့့်

ဒေါက်တာတင့်ဆွေ
၃ဝ-၆-၂ဝ၁၈

Triple negative breast cancer ရင်သားကင်ဆာတမျိုး

ဆရာရှင့် triple negative breast cancer ကော ဘယ်လိုပျောက်အောင် ကုသနိုင်ပါသလဲရှင့်။ ကျေးဇူးပြု၍ ဖြေကြားပေးစေလိုပါတယ်ရှင့်

ကွန်မင့်ကနေမေးတာဖြစ်တယ်။ အသက်-ရာသီ-အိမ်ထောင်ရေး စတာတွေ မသိရပါ။

ရင်သားကင်ဆာ အမျိုးမျိုးရှိတယ်။ ER, PR နဲ့ HER2 negative အမျိုးအစားကင်ဆာတွေကို ဟော်မုန်းဆေး ပေးလို့မရပါ။ HER2 ကိုဘလော့လုပ်တဲ့ဆေး Trastuzumab လည်းပေးမရပါ။ Non-HER2 targeted therapy နည်းနဲ့ကုသလို့ ရပါတယ်။

Triple-negative breast cancer (TNBC) အမျိုးအစားရင်သားကင်ဆာမှာ Estrogen, Progesterone, or HER2 တွေရဲ့ Receptors မပါလို့ဖြစ်ပါတယ်။ Healthy breast cells ရောဂါမရှိတဲ့ ရင်သားဆဲလ်တွေမှာ အဲတာတွေပါနေတယ်။ အမျိုးအစားရင်သားကင်ဆာမှာ နို့ပြွန်လေးတွေထဲမှာဖြစ်ပြီး Invasive နည်းနည်းဆိုးတယ်။ ရင်သားကင်ဆာအားလုံးရဲ့ ၁ဝ% ကနေ ၂ဝ% ရှိတယ်။

Estrogen နဲ့ Progesterone receptors ပါတာက ရင်သားကင်ဆာ ၃ ယောက်မှာ ၂ ယောက်ရှိတယ်။ ၂ဝ ကနေ ၃ဝ% မှာ HER2 receptors တွေများတယ်။

Estrogen receptor (ER) နဲ့ Progesterone receptor (PR) ကင်ဆာတွေကို hormone therapies ဟော်မုန်းဆေးနဲ့ ကုသရမယ်။ HER2 များတဲ့ကင်ဆာကို anti-HER2 drugs ဖြစ်တဲ့ trastuzumab ဆေးနဲ့ကုရတယ်။

Triple-negative breast cancer ကို Chemotherapy ခီမိုသာရာပီ။ Radiation therapy ဓါတ်ကင်တာနဲ့ Non-HER2 targeted therapy ဆေးနဲ့ကုသနိုင်ပါတယ်။ Targeted therapy ဆိုတာ ခီမိုသာရာပီအပြင် Trastuzumab (Herceptin®) ဆေးပေးတာဖြစ်တယ်။ biological response modifier ဆေးအမျိုးအစားဖြစ်တယ်။

ဒေါက်တာတင့်ဆွေ
၃ဝ-၆-၂ဝ၁၈

အဇာတသတ်

ညောင်ကန်သားတယောက်က ရေးတင်တာ တွေ့တယ်။ အင်္ဂုလိမာလ၊ စိဉ္ဇမာန၊ နာဠာဂီရိ၊ အဇာတသတ်တဲ့။

မုံရွာနယ်ဘက်မှာ ပြောစမှတ်စကားတခုရှိတယ်။ သခွတ္တနယ်မှမပြီးသေဘူး။ အာလ္လကပ္ပကလာပြန်ပြီတဲ့။ စာလုံးအဆင့်တွေ အရေးရခက်တာကို ပြောတာ။

အရင်ခေတ်ကပါ။ အခုခေတ်မှာတော့ အဆင့်မပါတဲ့စာလုံးကိုပဲ သတ်ပုံကျမ်းမှာတောင် မှန်အောင်မရေးကြတော့ပါ။

အဇာတသတ် အဖသတ်၏ မြန်မာစာကို ဘယ်သူသတ်သနည်း။

မြခြူသံ - တေးရေး - မောင်ကြေးမုံ https://www.youtube.com/watch?v=7bMzOCCva48

ဒေါက်တာတင့်ဆွေ
၃ဝ-၆-၂ဝ၁၈

Cholesterol ကိုလက်စထော

ဆရာရှင့် သမီးမေမေက medical checkup လုပ်တာ သွေးထဲမှာ အဆီများနေတယ်လို့ သိရပါတယ်။ ဗဟုသုတ အနေနဲ့ ဆောင်ရန်၊ ရှောင်ရန်လေးများ ဖတ်ထားချင်လို့ ဘယ်ခေါင်းစဉ်အောက်မှ ရှာဖတ်ရမလဲ သိချင်လို့ပါဆရာ။

ကနေ့မေးလာသူတွေထဲမှာ ဖြစ်တဲ့သူရဲ့အသက်ကို ထည့်မပြောသူ အလွန်ကိုများတယ်။ ယောက်ျား-မိန်းမ၊ ကလေးရောဂါ အကုန်ပဲ။ ဘာလို့လည်းမသိပါ။ ကျွန်တော်က သူများသွားပြောမယ့်လူလည်းမဟုတ်ပါ။

ကိုလက်စထောများနေရင် နှလုံးအတက်ခ်ရစေနိုင်တယ်။ နှလုံးသွေးကြောကျဉ်းလို့ ရင်ဘတ်နာတာ ရစေနိုင်တယ်။ အဆီစားများရင် အဲတာကို သွေးလွှတ်ကြောနံရံမှာလာစုနေလို့ အဲလိုရောဂါတွေဖြစ်စေနိုင်တယ်။ ကိုယ်အလေးချိန်များရင် ပိုဖြစ်တယ်။ ကိုယ်လက်လှုပ်ရှားမှုနည်းရင် ပိုဖြစ်တယ်။ မျိုးရိုးအရပါလာတာကိုတော့ ရှောင်မရပါ။ များသူတွေဟာ အရွယ်ရောက်ချိန် ကတည်းက စဖြစ်တယ်။ ယောက်ျားတွေမှာ HDL အမျိုးသမီးတွေထက်နည်းတယ်။ အမျိုးသမီးတွေမှာ အသက်ရလာရင် LDL တက်လာတယ်။ အမျိုးသမီးအသက်မကြီးသူတွေမှာ ရွယ်တူယောက်ျားတွေထက် LDL နည်းတယ်။ ဒါပေမယ့် ၅၅ ကော်ျရင် ရွယ်တူယောက်ျားတွေထက် များလာတယ်။

ပြည့်ဝဆီနည်းတဲ့အစားအသောက်နဲ့ ကိုလက်စထောနည်းတဲ့အစားအသောက် + ကိုယ်လက်လှုတ်ရှားမှု + ကိုယ်အလေးချိန် လိုအပ်ရင်လျော့ချတာတွေနဲ့ လူကောင်းလိုနေနိုင်တယ်။ တချို့ကတော့ ဆေးလိုမယ်။

ဘာမှမခံစားရလို့ အသက် ၂ဝ ကျော်သူ ကျား-မတိုင်း စစ်သင့်တယ်။ ကောင်းနေရင်လည်း ၅ နှစ်တခါစစ်သင့်တယ်။ Lipid profile (lipoprotein profile) လို့ ခေါ်တယ်။ ယောက်ျားဆို ၃၅ နှစ်ကျော်ရင်၊ မိန်းမဆိုရင် ၄၅ နှစ်ကျော်ရင် ပိုပြီးခပ်စိပ်စိပ် စစ်သင့်သေးတယ်။ စစ်ရင် -
1. LDL (low-density lipoprotein cholesterol) = ဆိုးတဲ့ကိုလက်စထော၊
2. HDL (high-density lipoprotein cholesterol) = ကောင်းတဲ့ကိုလက်စထော။
3. Triglycerides ထရွိုင်ဂလစ်စထွိုက် နဲ့
4. Total Cholesterol ကိုလက်စထောစုစုပေါင်းတွေကိုသိရမယ်။

1. LDL Cholesterol ကိုလက်စထောအဆိုး၊
• Less than 100 mg/dL = အကောင်းဆုံး၊
• 130 – 159 mg/dL = အကောင်း-အဆိုးကြား၊
• 160 – 189 mg/dL = မြင့်နေ၊
• 190 mg/dL and above = အတော်မြင့်နေ။

2. HDL Cholesterol ကိုလက်စထောအကောင်း
• 60 mg/dLနဲ့ အထက် ရှိသင့်တယ်၊
• ယောက်ျားတွေမှာ 40 mg/dLထက်နည်းပြီး၊
• မိန်မတွေမှာ 50 mg/dLထက်နည်းနေရင် နှလုံးရောဂါဖြစ်လာမှာစိုးရတယ်၊
• 60mg/dLထက်များရင် နှလုံးရောဂါကိုကာကွယ်ရာကျတယ်။

3.Triglycerides ထရွိုင်ဂလစ်စထွိုက်စ်
• 150 mg/dLထက်နည်းတာပုံမှန်၊
• 150 – 199 mg/dLနဲနဲများတယ်၊
• 200 – 499 mg/dLများတယ်၊
• 500 mg/dL or higher အလွန်များတယ်။

4. Total Cholesterol ကိုလက်စထော စုစုပေါင်း
• 200 mg/dLထက်နည်းနေတာကောင်းတယ်၊
• 200 – 239 mg/dL နဲနဲများတယ်၊
• 240 mg/dL နဲ့အထက် များတယ်။

ကိုလက်စထောများနေရင် ဘာလုပ်ရမလဲ
တကယ်လို့ နှလုံးရောဂါ၊ သွေးကြောရောဂါရှိနေရင် LDL ကို 70 ထက် နည်းနေအောင် လုပ်သင့်တယ်။ ဆီးချို နဲ့ တခြားရောဂါရှိနေသူတွေက LDL 100 ထက် နည်းနေသင့်တယ်။ နှလုံးရောဂါ၊ စထုပ်ခ် ခေါ် လေဖြတ်တာ၊ အဖျားပိုင်း သွေးကြောရောဂါတွေ ဖြစ်လာနိုင်တဲ့အန္တရာယ်ရှိတယ်။ (၁) တသက်လုံးလူနေမှုပုံစံကိုပြောင်းပါ။ (၂) လိုအပ်ရင် ဆေးသောက်ပါ။ လူနေမှုပုံစံကောင်းဆိုတာ ကိုယ်လက်လေ့ကျင့်ခန်းလုပ်ပါ။ ကိုယ်အလေးချိန် ထိန်းနေပါ။ ဆေးလိပ်မသောက်ပါနဲ့။

ကျန်းမာရေးနဲ့ ညီညွတ်တာသာစားပါ။
- Unsaturated fats နဲ့ Cholesterol နည်းတာတွေသာစားပါ။
- အသီးအနှံနဲ့သစ်သီးတွေ စားပါ
- ကျန်းမာရေးနဲ့ညီညွတ်တဲ့ ဆီရွေးစားသုံးပါ။ နှမ်းဆီ၊ သံလွင်ဆီ၊ ပန်းနှမ်းဆီ၊ မြေပဲဆီ၊ ကင်နိုလာဆီတွေ သုံးပါ။
- ဖိုက်ဘာများတဲ့ အစားအစာစားပေးပါ။ ဘာလီ၊ အုတ်စပါး၊ ပန်းသီး၊
- အစေ့အဆံတွေစားပါ။ မြေပဲ၊ သစ်ကြားသီး၊ ဗာဒံစေ့၊
- ပဲသီးစားပါ။ ပဲအမျိုးမျိုးစားပါ။
- အသားတွေကရတဲ့အဆီကဆိုးတယ်ဆိုပေမဲ့ အားလုံးတော့ မဟုတ်ဘူး။
- မြင်ရတဲ့အဆီတွေ ဖယ်ထုတ်ထားတာရွေးပါ။ ကျော်မဲ့အစား ပြုတ်ပါ။
- ကြက်သားနဲ့ ကြက်ဆင်သားတွေကငန်းသားနဲ့ ဘဲသားအဆီထက် သက်သာတယ်။ အရေခွံမစားပါနဲ့။
- ပြုပြင်ထားတဲအသားတွေ ဥပမာ ဝက်အူတောင့်၊ ဟောဒေါ့ခ်တွေမှာအဆီနဲ့ ဆားများတယ်။ ရှောင်ပါ။
- ကလီစာကို တခါတလေမှသာစားပါ။
- မာဂျရင်းက ထောပတ်ထက် အသင့်စားလို့ရတယ်။

- Statins ကိုအများဆုံးသုံးတယ်။ ဆေးကြောင့် ဗိုက်နာ၊ လေပွ၊ ဗိုက်နာ၊ ဗိုက်အောင့်၊ ဝမ်းချုပ်၊ အသဲထိခိုက်၊ ကြွက်သားတွေ နာ-အားယုတ်တာတွေ ဖြစ်စေနိုင်တယ်။ Atorvastatin (Lipitor) နဲ့ Rosuvastatin (Crestor) တွေကပိုပြင်းတယ်။ Fluvastatin (Lescol) က သိပ်မပြင်းဘူး။

- Fibrates ဆေးက Triglyceride ကျစေတယ်။ ဒီဆေးကြောင့် ဝမ်းပျက်၊ ဗိုက်နာ၊ သည်းခြေကျောက်တည်၊ သွေးအားနည်း၊ သွေးကျဲဆေးတွေကိုပိုအားပေးတာတွေ ဖြစ်စေနိုင်တယ်။ gemfibrozil, (Lopid) နဲ့ fenofibrate (Tricor, Fibricor) တွေဖြစ်တယ်။

- Resins (bile acid sequestrants) ဆေးကအသဲကနေ ကိုလက်စထောကိုပိုအသုံးချစေမယ်။ ဒီဆေးကြောင့် ဝမ်းပျက်-ဝမ်းချုပ်၊ ဗိုက်မငြိမ်၊ ခေါင်းမူး၊ လေပွ၊ ရင်ပြည့်၊ ရင်ပူတာတွေ ဖြစ်စေနိုင်တယ်။

- Niacin ဆေးက Triglyceride ကိုနည်းစေပြီး၊ HDL cholesterol ကိုများစေမယ်။ အသဲထိခိုက်၊ ဗိုက်နာ၊ အရေပြားနီမြန်း၊ ယားယံ၊ ဆီးချိုတက်တာတွေ ဖြစ်စေနိုင်တယ်။

ကိုလက်စထောကျဆေးတွေမှာ ဘေးထွက်ဆိုးကျိုးတွေရှိတယ်။ အိပ်ချင်၊ အိပ်ရေးပျက်၊ ခေါင်းကိုက်၊ ပျို့၊ အန်တာတွေ ဖြစ်တတ်တယ်။ ဆေးတွေ တမျိုးကနေနောက်တမျိုး ပြောင်းပေးရတာလဲရှိတယ်။

ကိုလက်စထောများနေသူတွေကို ဆေးကုရတာ တယောက်နဲ့ တယောက် မတူပါ။ လူတိုင်းက ကိုလက်စထောကို ထုတ်ပေးနေပြီး ဒါကိုအသုံးပြုနေကြတယ်။ နှစ်နေရာလုံးမှာ မတူကြပါ။ ယောက်ျားတွေနဲ့ မိန်းမတွေကို ဆေးကုရတာ မတူဘူး။ (ကိုလက်စထော) များနေလို့ ချက်ချင်းစိတ် မပျက်ပါနဲ့ အမေရိကားမှာကိုယ်လိုလူမျိုးသန်း ၁ဝဝ ရှိနေတယ်။ ဒီလူတွေက Total cholesterol 200 mg/dLထက် များနေကြတယ်။ သူတို့ကိုဆေးကုတဲ့အခါ နှစ်ယောက်ထပ်တူတယ် ဆိုတာတောင် ရှားတယ်။ ဟော်တယ်တွေ၊ အနောက်နိုင်ငံတွေမှာ မနက်စာအဖြစ်စားသုံးလေ့များတဲ့ ဝက်ပေါင်ခြောက်က အဆီတွေများလို့ ဆိုးစေတယ်။ ချောကလက်ကိတ်မုံ့ကလဲ အတူတူဘဲ။ အရက်ထဲမှာလဲ ကလိုရီ နဲ့ သကြားဓါတ် မနည်းလှဘူး။ Triglyceride levels များစေနိုင်တယ်။

ဆီးချိုရောဂါရှိနေရင်လဲ Triglyceride levels များနေနိုင်တယ်။ ကိုယ်အလေးချိန်လျှော့ချပါ၊ ကိုယ်လက်လေ့ကျင့်ခန်း ပိုလုပ်ပါ၊ ဖိုက်ဘာများများပါတဲ့ ပဲသီး၊ ဟင်းသီးဟင်းရွက်တွေနဲ့ သိပ်ဖြူဆွတ်အောင်ချွတ်မထားတဲ့ အစေ့အဆံတွေ စားသုံးပါ။

HDL ခေါ် ကောင်းတဲ့ကိုလက်စထောက 60 နဲ့အထက်ရှိနေရင် နှလုံးရောဂါကို ကာကွယ်ရာကျတယ်။ ဒီအမျိုးအစား နည်းနေတာဟာ မကောင်းပါ။ ယောက်ျားတွေဆိုရင် 40 mg/dL ထက်နည်းနေရင်၊ မိန်းမတွေဆိုရင် 50 mg/dL ထက် နည်းနေရင် မကောင်းပါ။ အုံးသီးဆံ၊ အုံးရည်တွေမှာ ဆိုးတဲ့ကိုလက်စထောပါနေမဲ့ Saturated fat တွေပါတယ်။ သစ်ကြားသီးကို အသင့်အတင့်စားပေးပါ။ သူ့ထဲမှာ ဖိုင်ဘာနဲ့ အိုမီဂါ ၃ တွေပါလို့ဖြစ်တယ်။ Junk-food snack ဆိုင်ကနေ အလွယ်ဝယ်ရတဲ့ ခေတ်ပေါ်အစားအစာ၊ သွားရည်စာတွေမှာ ဆားနဲ့ ကိုလက်စထော များတယ်။

Dr. တင့်ဆွေ

Salt Aesthetic ဆား၏ ရသ

ဥပုသ်နဲ့ အရုဏ်ဆွမ်း သတ်ပုံနှစ်ခုကို ပြင်ပေးလိုက်မိတယ်။ ကုသိုလ်ရမလားလို့။

ဝမ်းကိုက်ဆိုတဲ့ ရောဂါအမည်ပါလို့ ကဗျာတပုဒ် ဖတ်ကြည့်တယ်။ တစ်သွားလို့ ရပ်လိုက်ရတယ်။ ရသဆိုတာ မရလိုက်ပါ။

ဖွယ်ဖွယ်ရာရာမရှိလည်း ဖြစ်သလိုစားတဲ့အကျင့်ကရထားတော့ တော်သေးတယ်။ အသားမပါပါ၊ ဆားပါရင်ပြီးရော။ အရသာရှိတယ်။ ဆားတပွင့် (တစ်ပွင့် မဟုတ်) ကဖျက်တဲ့ ဟင်းလျာဆိုတာလည်းရှိတယ်။

ဒေါက်တာတင့်ဆွေ
၃ဝ-၆-၂ဝ၁၈

Counterfeit နဂိုရှိတဲ့တိုင်းပြည်

ကွန်မင့်တခုရတယ်။ နောက်အနှစ်တရာလောက်ဆိုရင် နေပြည်တော်မှာရှိတဲ့ ဗုဒ္ဓဂယာက အစစ်ဖြစ်ပြီး အိန္ဒိယမှာရှိတာက အတုဆိုပြီးလုပ်မှာ မယုံရင်စောင့်သာကြည်ပေတော့တဲ့။

- ထုံးဖြူစေတီ၊ ရွေရည်စိမ်ထီး၊ ဆည်းလည်းသံညံ၊ ကျောင်းကန်ဇရပ်၊ သည်အရပ်မှာ မရှိ။ အနှစ်နှစ်ဆယ်ကျော် နေခဲ့တဲ့အရပ်မှာလည်း နတ္ထိ။

- နေရတဲ့ဆီ စေတီမတည်လို၊ နကိုယ်ရှိမှ နကိုင်းထွက်၏။ နကိုယ်ရှိတဲ့တိုင်းပြည် တည်ဆောက်ရလိုပါ၏။

မြင့်မိုရ် နှင့် နဂို https://doctortintswe.blogspot.com/2016/06/the-original.html

ဒေါက်တာတင့်ဆွေ

Rangoon University Students’ Union building ယူနီယံဟောင်းတနေရာ

လေးနှစ်တိတိကရေးတဲ့စာ

၇-၇-၂ဝဝ၉ ဆဲဗင်း-ဇူလိုင်နေ့ နယူးဒေလီက ဆန္ဒပြပွဲပုံကိုတင်စဉ်က ကွန်မင့်တွေရတယ်။ ဘာအတွက့့် တဲ့။ ဘာကြောင့်ပါလဲတဲ့။ မေးခွန်းတွေက ဘာကြောင့် ဆဲဗင်းဂျူလိုင်မှာ ဆန္ဒပြရသလဲကို မေးကြတာပါလား။ မဟုတ်ပါစေနဲ့။

နောက်တယောက်ကတော့ Encyclopedia မှာရှာကြည့်လိုက်တော့ ကျောင်းသားသမဂ္ဂ အဆောက်အဦကို ဒိုက်နမိုက်နဲ့ ခွဲတယ်။ ကျောင်းသား ၁၅ ယောက်သေဆုံးပြီး ၂၇ ယောက် ဒဏ်ရာရကြတယ်လို့တော့ တွေ့ရတယ်။ ဟုတ်လားဆရာတဲ့။

၁၉၆၂ ခုနှစ် ဇူလိုင် ၂ ရက်နေ့မှာ ဗိုလ်ချုပ်ကြီးနေဝင်းရဲ့ တော်လှန်ရေးကောင်စီက စစ်အာဏာသိမ်းအပြီး ၆ ရက်အကြာမှာ ကျောင်းသားအခွင့်အရေးတွေ တောင်းဆိုနေခဲ့ကြတဲ့ ကျောင်းသားတွေကို ပစ်ခတ်ဖြိုခွင်းပြီး၊ ရန်ကုန်တက္ကသိုလ် အတွင်းရှိတဲ့ သမိုင်းဝင် ကျောင်းသားသမဂ္ဂ အဆောက်အဦကြီးကိုပါ မိုင်းခွဲ ဖြိုဖျက်ခဲ့တယ်။ ကျောင်းသားသမဂ္ဂ အဆောက်အဦကို သူဌေးကြီးဦးညိုရဲ့ လှူဒါန်းမှုနဲ့ ၁၉၃၁ ခုနှစ်မှာ တည်ဆောက်ခဲ့တယ်။ လွတ်လပ်ရေးကြိုးပမ်းမှုမှာ ရှေ့တန်းကပါဝင်ခဲ့တယ်။ ကိုအောင်ဆန်း၊ ကိုဗဟိန်း၊ ကိုနု စတဲ့ ကျောင်းသားခေါင်းဆောင်ပေါင်းများစွာကို မွေးထုတ်ပေးခဲ့တယ်။

၁၉၆၂ စစ်အာဏာသိမ်းရာမှာ ဗိုလ်ချုပ်နေဝင်းရဲ့ ဒုတိယလူဖြစ်ခဲ့သူ ဗိုလ်ချုပ်အောင်ကြီးကနေ ၈၈ အရေးအခင်းအစပိုင်းမှာ ၄၁ စာမျက်နှာပါစာထွက်ပြီး ဆဲဗင်းဇူလိုင်မှာ သူမပါတဲ့အကြောင်းရေးခဲ့တယ်။ ဗိုလ်ချုပ်နေဝင်းကသာ တစ်တရားခံလို့ ပြောချင်ပုံရတယ်။ ဆဲဗင်းဇူလိုင် ဖြစ်တဲ့နေမှာ အဲဒီအဖြစ်အပျက်တွေကို လက်တွေ့ကွပ်ကဲနေတဲ့ အဖွဲ့တဖွဲ့က ပြည်လမ်း အသံလွှင့်ရုံမှာ ထိုင်တယ်။ ဗဟိုလုံခြုံရေးနဲ့ အုပ်ချုပ်မှုကော်မတီဥက္ကဋ္ဌ ဗိုလ်မှူးကြီးကျော်စိုး၊ ဗိုလ်မှူးကြီးဗစိန်၊ ပြန်ကြားရေးဝန်ကြီး ဗိုလ်မှူးကြီးဘနီ၊ ပညာရေးဝန်ကြီး ဒေါက်တာလှဟန်၊ ရန်ကုန်တက္ကသိုလ် ပါချုပ် ဦးကာ ရှိတယ်။ အဲဒီအထဲမှာ ဒုတိယဗိုလ်မှူးကြီးစိန်လွင် ပါတယ်။ တက္ကသိုလ်ဝန်းထဲမှာ ပစ်တဲ့ခတ်တဲ့ တပ်ရင်းမှာ ဗိုလ်စိန်လွင်က တာဝန်ယူတယ်။ သူဟာ ၈၈ အရေးအခင်းမှာ ဘူချာ ခေါ် သားသတ်သမားအဖြစ် နိုင်ငံတကာမီဒီယာမှာ နာမည်ဆိုး တွင်ခဲ့သူဖြစ်တယ်။ ဒါလဲ သမတ ဖြစ်ခဲ့သေးတယ်။

ဗိုလ်ချုပ်ကြီးနေဝင်းက ကျနော်တို့ကတော့ ဒါး ဒါးချင်း၊ လှံ လှံချင်ချင်းပဲလို့ ဆဲဗင်းဇူလိုင် ညမှာ ၈ နာရီ ၁၅ မိနစ်မှာ မြန်မာ့အသံရေဒီယိုကနေ မိန့်ခွန်းမှာ ပြောခဲ့တယ်။ သူကဘဲ ၈၈ အရေးအခင်းတုန်းကလည်း တပ်မတော်ဆိုတာ သေနတ်ကို မိုးပေါ်ထောင်မပစ်ဘူး၊ တည့်တည့် ပစ်တယ်လို့ ထပ်ပြောခဲ့သေးတယ်။ ဆဲဗင်း ဇူလိုင်အရေးအခင်းမှာ ကျောင်းသားပေါင်း ဘယ်လောက်သေဆုံးသလဲဆိုတာ ဘယ်သူမှအတိအကျ မသိနိုင်ပါ။ ၁၃ဝ ကျော် ပစ်သတ်ခံခဲ့ရတယ်လို့လဲ ဖတ်ရပါတယ်။ ၇-၇-၁၉၆ မှာ ပစ်ခတ်နှိမ်နင်းမှုသာလုပ်ပြီး နောက်နေ့မနက်မှသာ ရန်ကုန် တက္ကသိုလ် ကျောင်းသားသမဂ္ဂ အဆောက်အဦကြီးကို ဒိုင်းနမိုက်နဲ့ ဖြိုခွဲဖျက်ခဲ့ပါတယ်။

၁၉၆၂ တုံးက ကျွန်တော်ဟာ မုံရွာမြို့ အထက (၂)၊ စတိတ်တူးမှာ ရှစ်တန်းကျောင်းသားဘဲရှိပါသေးတယ်။ ကျောင်းခန်းထဲကို ဗလာစာအုပ်က ဆုတ်ယူထားတဲ့ မျဉ်းကြောင်းပါ စာရွက်ပေါ်မှာ ယူနီယံဟောင်းတနေရာ သီချင်း စာသားကို ကိုယ်တိုင် ဖတ်ရတယ်။ အဲသည်ခေတ်မှာ လူကြိုက်များတဲ့ အဆိုတော်တင်တင်မြဆိုတဲ့ ပုဂံမြို့ဟောင်းတနေရာ သီချင်းစားသားနဲ့ အလိုက်အတိုင်း စပ်ဆိုထားတာဖြစ်တယ်။

ဒေါက်တာတင့်ဆွေ
၃ဝ-၆-၂ဝ၁၈

Hypoglycemia သကြားဓါတ်နည်းခြင်း

မင်္ဂလာပါဆရာ ကျွန်တော်က အသက် ၂၅ နှစ်ပါ။ Hypoglycemia ရောဂါအကြောင်းလေးသိချင်လို့ပါ။ ဆရာအချိန်ရင်ရှင်းပြပေးစေလိုပါတယ်။

သွေးထဲမှာ ဂလူးကို့စ် ခေါ် သကြားဓါတ်နည်းတာကိုခေါ်တယ်။ အရေပေါ်အခြေအနေတခုဖြစ်တယ်။ ဆီးချိုရှိနေသူနဲ့ မရှိသူ မတူပါ။ ဆီးချိုကိုကုသနေစဉ် ရုတ်တရက် သကြားနည်းလွန်းတတ်တာကို အထူးသတိထားရတယ်။

သွေးထဲမှာ သကြားဓါတ် 70 milligrams per deciliter (mg/dL) or 3.9 millimoles per liter (mmol/L) ထက်နည်းရင် အရေးပေါ်ဆေးကုသမှုခံယူရမယ်။

သွေးထဲမှာ သကြားဓါတ်နည်းရင် ဒါတွေဖြစ်လာမယ်။
• An irregular heart rhythm နှလုံးခုန်မမှန်၊
• Fatigue အားကုန်၊
• Pale skin ဖြူဖတ်ဖြူရော်ဖြစ်၊
• Shakiness ခြေတုန်လက်တုန်၊
• Anxiety စိုးရိမ်စိတ်ဝင်၊
• Sweating ချွေးပြန်၊
• Hunger ဆာလောင်၊
• Irritability စိတ်တို၊
• Tingling sensation around the mouth ပါးစပ်ဝန်ကျင်ထုံကျင်၊
• Crying out during sleep အိမ်နေစဉ်ထအော်ချင်။

ပိုဆိုရင် ဒါတွေဖြစ်မယ်။
• Confusion, abnormal behavior or both, such as the inability to complete routine tasks စိတ်ရှုတ်ထွေး၊ ထုပ်နေကျအလုပ်ကိုပြီးအောင်မလုပ်နိုင်၊ အမူအယာမူမမှန်၊
• Visual disturbances, such as blurred vision မျက်စ်ကြည့်မကောင်း၊
• Seizures တက်၊
• Loss of consciousness သတိလစ်၊
• Falls လဲကျသွားနိုင်တယ်။
• Injuries ထိခိုက်ဒဏ်ရာရနိုင်တယ်။
• Motor vehicle accidents မတော်တဆဖြစ်နိုင်တယ်။

ဆီးချိုဆေးရယူမနေသူတွေမှာ အစားအသောက်မစာသောက်တာအချိန်ကြာလို့ အဲလိုဖြစ်မယ်။ လူတွေမှာ အစာစားချိန်အရ အချိန်ကျရင် အစာခြေအရည်ထွက်လာတယ်။ အဲတာသတိပေးချက်ဖြစ်တယ်။ သကြားပါတဲ့အစာအသောက် တခုခုလိုပြီ။

တခြားအကြောင်းခံတွေ
• Quinine ငှက်ဖျားဆေး ကွီနင်းကြောင့်လည်း အဲလိုဖြစ်တတ်တယ်။
• Excessive alcohol consumption အရက်သောက်များရင်လည်းဖြစ်တယ်။
• Severe hepatitis အသဲရောဂါ
• Insulin overproduction အင်စူလင်ထုတ်တာများခြင်း၊
• Hormone deficiencies ဟော်မုန်းနည်းခြင်းတွေကနေလည်း ဖြစ်နိုင်တယ်။

ချိုတာတခုခုစားပါ။ သောက်ပါ။ သိပ်ဆိုးတဲ့သူကို ဂလူးကို့စ်ထိုးပေး သွင်းပေးရမယ်။ ဆီးချိုရှိသူ သကြားအနည်းအများ စစ်ဆေးနေပါ။ အချိန်မှန် အစာမစားဘဲ မနေပါနဲ့။

ဒေါက်တာတင့်ဆွေ
၃ဝ-၆-၂ဝ၁၈

ရေ နဲ့ ရည်

၁။ အရေခွံ၊ အရည်ခွံ ဘယ်ဟာအမှန်ပါလဲဆရာ။ (အရေခွံ မှန်)

၂။ ဆရာရှင့် တခုခုစားချင်လို့ ကျတဲ့ဟာ သွားရည် သရေ သရည် ဘယ်ဟာအမှန်လဲရှင့်။ (သွားရည် မှန်)

ရေ
ကြက်သရေ
မရေမရာမလုပ်နဲ့
သားရေနယ်လုပ်ငန်း
အသားအရေ
အသရေဖျက်
အရေပြားရောဂါ
ရေကင်းသံ
ရေကစား
ရေကာတာ
ရေကျက်အေး
ရေကျိုငါးပိ
ရေခန်းခြောက်
ရေခပ်ပါ
ရေခအုံးပင်
ရေခဲခြစ်
ရေချမ်းစင်
ရေချိုးပါ
ရေငတ်ပြေ
ရေငန် ရေချို
ရေငုပ်သင်္ဘော
ရေစင်းစင်းသေ
ရေစိမ်း
ရေစီးကမ်းပြို
ရေစုန်ရေဆန်
ရေဆွတ်
ရေညှိ
ရေတံခွန်
ရေတံလျှောက်
ရေတွက်သည်
ရေတွင်းရေကန်
ရေတာရှည်မြို့
ရေတိမ်နစ်သည်
ရေတိမ်ရောဂါ
ရေတကောင်း
ရေဒီယို
ရေနံ့သာရွာ
ရေနံကြီး (ရေနံချေး)
ရေနံချောင်းမြို့
ရေပုံး
ရေပက်ဖျန်း
ရေပန်းစား
ရေပူးစမ်း
ရေဖတ်တိုက်
ရေဖျန်း
ရေဖျဉ်းနာ
ရေကြက်ငှက်
ရေကြည့်တော်အသင်း
ရေကြည်မြို့
ရေဗလုံငှက်
ရေဘဝဲ
ရေမျက်နှာပြင်
ရေမျိုချပါ
ရေမှုတ်
ရေမှုန်
ရေယက်
ရေယဉ်ကြော
ရေယုန်နာ
ရေပြင်ညီ
ရေပြန် (ဆီး၊ ကျင်ငယ်)
ရေမြှုပ်
ရေရွတ်ဆဲရေးသည်
ရေရွတ်နေသည်
ရေလုံပြုတ်
ရေလက်ကြား
ရေလည်ပြီလား
ရေလာမြောင်းပေး
ရေလဲဝတ်
ရေဝတီနက္ခတ်
ရေဝပ်နေသည်
ရေသပ္ပာယ်ပါ
ရေသဖန်းပင်
ရေသွန်ချသည်
ရေသူမ
ရေသနုပ်
ရေမြွှာရည်
ရေအနည်
ရေအလျဉ်
ရေအိမ်
ရေအိုးစင်
ရေအီနေသည်
ရေဦးမြို့
ရေကျောက်ရောဂါ
ရေကြော မြေကြောလိုက်
ရေမျောကမ်းတင်
ရေဝေကြော
ရေသောက်မြစ်
ရေနွေးဖြော

ရည်
ဂုဏ်ရည်
စွမ်းရည်
ထန်းရည်အရက်
ပညာရည်ချွန်ဆု
ပန်းရည်စုတ်
ပုန်းရည်
မျက်ရည်
ရည်ငံချစ်ကြိုက်
ရည်စူးသည်
ရည်ညွှန်းချက်
ရည်တူသည်
ရည်မွန်သည်
ရည်မှတ်
ရည်မှန်းသည်
ရည်ရွယ်ချက်
ရည်ရွယ်သည်
ရည်သန်သည်
ရည်စောင်သည်
ရည်မျှော်
ရည်ရော်
ရည်ညွှန်း
ရုပ်ရည်
လက်ရုံးရည်
သွားရည်
အရည်အချင်း
အရည်အသွေး
ခေါင်ရည်
ဖျော်ရည်
ရွှေရည်ငွေရည်
သေရည်သေရက်
နှလုံးရည်

- ရေကြည်သောက်လျှင် မြင်ရမလောက်ပင်
- ရေကြည်ချမ်းမြ တပေါက်ကျက မိဘတို့ဝမ်းငြိမ်းစတမ်း
- မြသန်းတင့်စာအုပ်ဟောင်းအဖုံးတခုကို အခုပဲတွေ့တယ်။ အမှန်တကယ်နဲ့ အဆန်းတကျယ်မှာ တစ်တွေမလုပ်ပါ။ အရည်အတွက်မှ အရည်အချင်းသို့လို့ရေးထားတယ်။ နောက်ပိုင်းမှာ အရေအတွက်မှ အရည်အချင်းသို့လို့ ရေးတယ်။

ဒေါက်တာတင့်ဆွေ

သေသတ်

သေသပ် ဟုတ်ဘူးလားဆရာ။ အသေသတ်ဆိုရင်တော့ တသတ်ပေါ့ မြန်မာစာတော်တော်ခက်တယ်ဗျာ။

သေ
လုပ်ကြံသေသပ်
အရက်သေစာ
သေကာတုတ်ချောက် (သေလျှင်ဧကတ်မလွဲ)
သေခမ်းရှင်ခမ်း
သေချာ
သေချာဂန
သေတမ်းစာ
သေတုပ္ပလ (ကြောဖြူ ကြာပုဏ္ဍရိတ်)
သေန = သေနင်္က (စစ်၏အစိတ်အပိုင်း- စစ်ဆင်စစ်ခင်း)
သေနကအမတ်
သေနင်္ဂဗျူဟာ
သေနစ် (သေနက်)
သေနတ်
သေခြင်းဆိုး
သေရည် = သေစာ (မူးယစ်စေတတ်သောအရည် - ယစ်မျိုး)
သေရည်သေရက်
သေလုမြောပါး
သေလူဘနန်း
သေဝပ်
သေသတ်စွာ (ယခင်ထုတ်သတ်ပုံအရ)
သေကောင်းပေါင်းလဲ
သေကောင်ပေါင်းလဲ
သေကျေ
သေသေဝပ်ဝပ်
သေသေသတ်သတ် (ယခင်ထုတ်သတ်ပုံအရ)
သေသေသပ်သပ် (နောက်ထုတ်သတ်ပုံအရ)
သေသောက်ကြူး

သပ်
စုပ်သပ်
ဆီလိမ်းဖီးယပ်
လက်သပ်မွေး
လာဘ်သပ်ပကာရ
သုံးသပ်ဆင်ခြင်
သပ္ပါယ်
သပ်ထိုး သပ်နုတ်
သပ်လျှိုသပ်ပင်း
သပ်သပ်ယပ်ယပ်
သပ်နှက်သပ်ရိုက်
ကျောသပ်
ခေါင်းကိုသပ်
ရွှေရင်စမ်းသပ်
နှီးသပ်

သတ်
ကတ်ကတ်သတ်သတ်
ဆီသတ်
တသတ်
ဓမ္မသတ်
နပန်းသတ်
နယ်ပယ်သတ်မှတ်
ပရိသတ်
ပသတ်
မီးသတ်
မြင်းဇက်သတ်
လက်စသတ်
လက်ဝှေ့သတ်
သံသတ်ပင်
သတ္တဝါ
သတ္တုတွင်း
သတ္တဌာန
သတ္တဘာဂနတ်
သတ္တမ
သတ္တရည်
သတ္တရဘန်
သတ္တဝါ
သတ္တိ
သတ္တုချ
သတ္တုဓာတ်
သတ္တဗေဒ
သတ္ထန္တရကပ်
သတ်ညွှန်း
သတ်နင်း
သတ်ပုံကျမ်း
သတ်ပုတ်ညှင်းပန်း
သတ်မှတ်
သတ်မှတ်ရက်
သတ်ဖြတ်
သတ်သတ်ဖယ်ထား
သတ်သတ်နေ
သတ်ညွှန်းကျမ်း
သူ့ချည်းသတ်သတ်
အဇာတသတ်
အရှိန်သတ်
အသညသတ်
သေသတ်
သေအောင်သတ်

မှတ်ချက် = လယ်တီဆရာတော်နဲ့ အရင်ထုတ်သတ်ပုံစာအုပ်အရ သေသတ်ဖြစ်တယ်။

ဒေါက်တာတင့်ဆွေ

ဓမ္မစကြာသုတ်

ဇူလိုင်လ (၂၇) ရက်နေ့ဟာ ဝါဆိုလပြည့် ဓမ္မစကြာနေ့ဖြစ်ပါတယ်။ ဘုရားလောင်းတောထွက်ပြီးနောက် ခြောက်နှစ်ကြာမှာ သဗ္ဗညုတ ဉာဏ်တော်ကိုရရှိပြီး ဘုရားအဖြစ်သို့ ရောက်တော်မူတာ ကဆုန်လပြည့်နေ့ဖြစ်တယ်။

နောက်မှာ ဗာရာဏသီမြို့တော်အနီးမှာရှိတဲ့ မိဂဒါဝုန်တောကိုကြွတယ်။ အဲဒီမှာ ပဉ္စဝဂ္ဂီငါးဦးတို့ နေထိုင်ကြတယ်။ တရားဦး ဟောတဲ့နေ့က ဝါဆိုလပြည့်နေ့။ တရားဟောတဲ့အချိန်ကာလက နေဝင်လုဝင်ဆဲ၊ လထွက်ကာစဖြစ်တယ်။ တရားတော်ကို ဓမ္မစက္က ပဝတ္တန သုတ္တ လို့ခေါ်တယ်။ ဝါဆိုလပြည့်ကျော် (၅) ရက်နေ့မှာ အနတ္တလက္ခဏသုတ္တကို ဟောကြားတော်မူတယ်။

ဆဋ္ဌသံဂါယနာတင် ပိဋကတ်တော်လာ ဓမ္မစကြာသုတ် သတ်ပုံမှန်စာသား

၁၃။ ထိုအခါ မြတ်စွာဘုရားသည် ပဉ္စဝဂ္ဂီရဟန်းတို့ကို မိန့်တော်မူ၏ -

ရဟန်းတို့ ရဟန်းဖြစ်သူသည် ဤအစွန်းနှစ်ပါးတို့ကို မမှီဝဲအပ်ကုန်၊ အဘယ်နှစ်ပါးတို့နည်း၊ ယုတ်ညံ့၍ ရွာသူတို့၏ အကျင့်ဖြစ်သော ပုထုဇဉ်တို့၏ အလေ့အကျင့်သာဖြစ်၍ အရိယာတို့၏ အလေ့အကျင့်မဟုတ်သော အကျိုးစီးပွါးနှင့် အစပ်ယှဉ်သော ကာမဂုဏ်တို့၌ ကာမဂုဏ်ချမ်းသာကို ကပ်ငြိသောအားဖြင့် အဖန်တလဲလဲ လိုက်စားအားထုတ်ခြင်း၎င်း ကိုယ်စိတ်၏ ဆင်းရဲခြင်းကို ဖြစ်စေတတ်သော အရိယာတို့၏ အကျင့်မဟုတ်သော အကျိုးစီးပွါးနှင့် မစပ်ယှဉ်သော ကိုယ်ပင်ပန်းမှုကို အားထုတ်ခြင်း၎င်း ဤနှစ်ပါးတို့တည်း။

အဖန်တစ်လဲလဲ မဟုတ်ပါ။ စာဖတ်သူများ သံသရာမှာ အဖန်တလဲလဲ တစ်မနေကြစေဘို့ ဆုတောင်းအပ်ပါတယ်။ စာရေးသူများတချို့ကား တစ်နေကြဆဲ။

ဒေါက်တာတင့်ဆွေ
၃ဝ-၆-၂ဝ၁၈

ငြိမ်း နှင့် ညိန်း

ဆရာ။ ဂီတနက်သန် ကိုစောညိန်း၊ မန္တလေးက ကဗျာဆရာ စံညိမ်းဦး (သူ့ရှေ့မှာ ငြိမ်း လို့မှားရေးဖူး။ သူ မကြိုက်။ ပြင်ခိုင်း။ ယခုခေတ် နာမည်များ ငြိမ်း လို့ ရေးကြ။ ညိန်း၊ ညိမ်း၊ ငြိမ်း။ ရှင်းပြပေးပါဦး ဆရာ။

ငြိမ်း
ငြှိမ်း၍ငြိမ်းသည်
ငြိမ်းချမ်းရေး
ငြိမ်းအေး
ပြေငြိမ်း
ရန်ငြိမ်း
မီးငြိမ်း
ငြိမ်းချမ်းသာယာ
ဦးငြိမ်း
ဒေါ်ငြိမ်း

ညိန်း နဲ့ ညိမ်း လို့ သတ်ပုံကျမ်းတွေမှာ မတွေ့ပါ။

လူအမည်ကိုတော့ ကြိုက်သလိုပေါင်းလေ့ရှိကြတယ်။ သူတို့အမည်ကို သတ်ပုံပြင်တာ မကြိုက်ကြပါ။ မအေးနဲ့ မဧ။ ဦးဘို နဲ့ ဦးဗိုလ်။ ဥူးမျင့်သိဏ်း။ သူတို့သဘောသာဖြစ်ပါတယ်။ အနုပညာရှင်နာမည်တွေကိုလည်း ဦး-ဒေါ် စတာမျိုး အသက်ရွယ်ကြီးပါစေ မထည့်အပ်ပါ။

ဂီတနက်သန် ကိုစောညိန်း ၏ တေးများ https://www.youtube.com/watch?v=Dl3BUTqj5qs&list=PLNWS_sXLWyO7Gy5NOA4zhn-76zs6nhBSU&index=2&t=0s

ဒေါက်တာတင့်ဆွေ
၃ဝ-၆-၂ဝ၁၈

ဒေါက်မြင့်ဖိနပ်နဲ့ သံရိုက်ခြင်း


ကလေးကဗျာ ကြည့်စရာတင်တော့ အတော်များများက စိတ်ဝင်စားကြတာတွေ့ရတယ်။ သတ်ပုံကိုပါ သတိထားသူလည်း ရှိတယ်။ ကောင်းတယ်။ မေးကြသေးတယ်။ ဘားနဲ့ ဖား။ တကောင်နဲ့ တလုံး။

အဲဒီကဗျာတွေက လွတ်လပ်ရေးမရခင်ကတည်းက ရေးထားတာတွေဖြစ်တယ်။ ဘားလို့ ရေးထားတယ်။ လွတ်လပ်ရေးရပြီး ဖဆပလခေတ်မှာ စားဖါးဆိုတဲ့အသုံး ရှိလာတယ်။ တကောင်ကို တစ်ကောင်လုပ်တာက ၁၉၈၁ နောက်မှာ။ စစ်အစိုးရခေတ်မှာ အဘ။

သတ်ပုံစာလေးတွေရေးတာ တရာကျော်ပြီထင်တယ်။ အကိုးအကားတွေကို ပုံနဲ့ပြပါတယ်။ ကျွန်တော်က မှန်တယ် မှားတယ်လို့ ဒိုင်လူကြီး မလုပ်ပါ။ အဟောင်းတွေကက အကုန်မှန်၊ အသစ်တွေမှားလို့လည်း ကောက်ချက်မချပါ။

စာနဲ့ စကား ပြောင်းလဲတာတွေက ခေတ်တိုင်းမှာ ရှိပါတယ်။ ပြောင်းတယ်ဆိုတာ ပိုပြီးလွယ်ကူရှင်းလင်းအောင် ပါဠိတွေ၊ သက္ကတတွေ၊ ထပ်ဆင့်တွေနည်းလာတာက သင့်မြတ်တယ်။ မိုဃ်း၊ ၍့၊ ၏့၊ ကျမ္မာ၊ စွဲး၊ စဲး၊ ထဲး၊ ဆြာ၊ မင်းသ္မီး၊ မဲးဇာ၊ မှု့၊ ယ္ခင်၊ မြမ္မာ၊ သ္ခင်၊ သဲး၊ ဥူး၊ ဧး၊ စတာတွေကို မသုံးကြတော့ပါ။ စွယ်စုံကျမ်းထဲပါ စာလုံးပေါင်းတချို့ကိုလည်း ပြောင်းရေးလာကြတယ်။ ဂျူးလယပ်ဆီဇာ၊ ဆအူးဒီအာရေဗျ၊ ကွန်မျူနစ်၊ စသည်။

ထပ်ဆင့်တိုင်းကို လိုက်ပြောင်းတာတော့ မသင့်ပါ။ မန္တလေး၊ မိတ္ထိလာ၊ သလ္လာဝတီ၊ မုတ္တမ စတာတွေကို သည်အတိုင်းသာ ထားသင့်တယ်။

မှန်နေပြီးသားကို ဉာဏ်ကွန့်ပြီး ဒါမှမဟုတ် လူကြီးမျက်နှာလိုမျက်နှာရလုပ်ပြီး ပြောင်းတာမျိုးကို သဘောမတူပါ။ ကနေ့ အတတ်ကြီးလုပ်ပြီး ဟောပြောရေးသားနေကြတာတွေဟာ နိုင်ငံရေးကင့်ပိန်း လုပ်နေတာနဲ့တူတယ်။

သမတကို သမ္မတလို့ရေးလာတာ တခါတရံကို တစ်ခါတစ်ရံလို့ရေးတာက လွယ်တာကို ခက်အောင်၊ မှန်တာကို မှားအောင်လုပ်တာ ဖြစ်တယ်။ ဒေါက်မြင့်ဖိနပ်နဲ့ သံရိုက်နေကြတာဖြစ်တယ်။

ခက်သည်ကို လွယ်စေလော့၊ သတ်ပုံအမှား ရောင်းမစားနဲ့။ အမှားဖက်က ရှေ့နေမလိုက်သင့်။

ဒေါက်တာတင့်ဆွေ

သတ်ပုံသံခိပ်ကျမ်း




ကျေးဇူးရှင် ပဌမလယ်တီဆရာတော်ဘုရားကြီး ရေးသားစီရင်တော်မူတဲ့ သတ်ပုံသံခိပ်ကျမ်း

တ-သတ် အတ်ကာရန် ၁၂ ပုဒ်

၁။ သုံးပုံပိဋကတ်၊ ကျမ်းရိုးတတ်၊ စွဲမှတ် တ-သတ်ရေး။
၂။ တရားဆုံးဖြတ်၊ ဓမ္မသတ်၊ ဖြောင့်မတ် တ-သတ်ရေး။
၃။ အမြင့်အမြတ်၊ နုထွတ်ထွတ်၊ ချောမွတ် တ-သတ်ရေး။
၎။ မျက်ရှင်ကျောက်မြတ်၊ နဝရတ်၊ ရာပြတ် တ-သတ်ရေး။
၅။ ပွင့်ညှာပွင့်ဝတ်၊ ပင်လုံးညွှတ်၊ လှမ်းဆွတ် တ-သတ်ရေး။
၆။ ဘန်တီဘန်တွတ်၊ ဆိုရေရွတ်၊ လွမ်းဆွတ် တ-သတ်ရေး။
၇။ စကြာရဟတ်၊ လေးကျွန်းပတ်၊ မိုးနတ် တ-သတ်ရေး။
၈။ မင်းစေချေဝတ်၊ ငွေတမတ်၊ ရိုက်ခတ် တ-သတ်ရေး။
၉။ တညီတညွတ်၊ ခုံသမတ်၊ လျောက်ပတ် တ-သတ်ရေး။
၁ဝ။ ကြက်တိုက်အန်ခတ်၊ ခါးစည်းပတ်၊ ယွင်းချွတ် တ-သတ်ရေး။
၁၁။ စက်နှယ်ပိုင်းဖြတ်၊ လောကဝတ်၊ မလွတ် တ-သတ်ရေး။
၁၂။ လုံခြုံသေသတ်၊ အဆိပ်ခတ်၊ ပညတ် တ-သတ်ရေး။

ငွေတစ်မတ် မဟုတ်။
တစ်ညီတစ်ညွတ် မဟုတ်။

ဒေါက်တာတင့်ဆွေ
Photo from Lu Myo Aung

ပသတ် အပ်ကာရန် ၁၃ ပုဒ်

အမိန့်အရ သတ်ပုံမှားရေးနေတာကို ခဏခဏရေးပါတယ်။ ထပ်ချည်းတလဲ လွဲရေးနေကြတယ်။ ငွေတကျပ်လို့ရေးတာ အမှန်။ တရုပ်လို့ရေးတာ အမှန်။

ပရိယတ္တိသာသနာ၊ ပဋိပတ္တိသာသနာနဲ့ ပဋိဝေဓသာသနာဆိုတဲ့ သာသနာတော်သုံးရပ်ရှိတယ်။ လယ်တီဆရာတော်ကြီး၊ ဆဋ္ဌသံဂါယနာတင် ပိဋကတ်တော်၊ မဟာစည်ဆရာတော်နဲ့ မိုးကုတ်ဆရာတော်တို့ ရေးသားစီရင်ထားခဲ့တာတွေထဲက သတ်ပုံတွေကို အထောက်အထားတွေပေးနေတာ များလှပါပြီ။

ကျေးဇူးရှင် ပဌမလယ်တီဆရာတော်ဘုရားကြီး ရေးသားစီရင်တော်မူတဲ့ သတ်ပုံသံခိပ်ကျမ်း

ပသတ် အပ်ကာရန် ၁၃ ပုဒ်

၁။ သုံးသပ် စမ်းသပ်၊ ငွေတကျပ်၊ ပေါ်လျှပ် ပ-သတ်ရေး
၂။ ဘွဲ့စပ် ယှဉ်စပ်၊ ရင်ချင်းအပ်၊ လက်ထပ် ပ-သတ်ရေး။
၃။ ပုတီးလည်ကပ်၊ ဆောင်နှင်းအပ်၊ ကြီးကြပ် ပ-သတ်ရေး။
၎။ အင်္ကျီလက်ကျပ်၊ ပါးလျှပ်လျှပ်၊ လက်စွပ် ပ-သတ်ရေး။
၅။ ကိုယ်ဟန်သွယ်သပ်၊ တခုလပ်၊ နုဖတ် ပ-သတ်ရေး။
၆။ ငရုပ်ရွှေအပ်၊ တရုပ်အပ်၊ နေရပ် ပ-သတ်ရေး။
၇။ ရွှေပွင့်ချပ်၊ ကမ္ဘာကပ်၊ တင့်အပ် ပ-သတ်ရေး။
၈။ အစေ့အစပ်၊ အထပ်ထပ်၊ ရိုးစွပ် ပ-သတ်ရေး။
၉။ မြေမှာတုံ့ပျပ် အလျားဝပ်၊ လန့်ဖျပ် ပ-သတ်ရေး။
၁ဝ။ ပါးပါးချပ်ချပ်၊ ငှက်ပျောပပ်၊ သစ်တပ် ပ-သတ်ရေး။
၁၁။ ခြေနင်းဘိနပ်၊ သားမြီးယပ်၊ မွေးညှပ် ပ-သတ်ရေး။
၁၂။ အနူးမနပ်၊ မီးဝယ်နှပ်၊ သေနပ် ပ-သတ်ရေး။
၁၃။ တိမ်တိုက်ချင်းခွပ်၊ ပြက်သည့်လျှပ်၊ ညှပ်ညှပ် ပ-သတ်ရေး။

အဲဒီစာတွေကို အမိန့်ရသတ်ပုံတွေနဲ့ပြင်ပြီး ထုတ်ဝေနေကြတာ၊ တရားတွေ၊ စာတွေ၊ ကဗျာတွေရေးနေကြတာ၊ သင်ကြားနေကြတာ၊ ညွှန်ကြားနေကြတာ ရင်နာစရာကောင်းလှတယ်။

မှတ်ချက်
ပဌမ = (ပါဠိ) တခုမြောက်
ပထမ = (သင်သကရိုက်ကဆင်းသက်) တခုမြောက်

ငွေတစ်ကျပ် မဟုတ်။
တစ်ခုလပ် မဟုတ်။

ဒေါက်တာတင့်ဆွေ
Photo from Lu Myo Aung

အမိန့်နဲ့

စိတ်နဲ့ လူတယောက်ကို သေအောင် လုပ်နိုင်တယ်ဆိုတာ ယုံသလား။

တအုပ် သုံးကျပ်။

အမိန့်နဲ့ မြန်မာစာကို ထစ်အ (တစ်အ) အောင်လုပ်နိုင်တယ်ဆိုတာ ယုံသလား။

အမိန့် သုံးသပ်။

ဒေါက်တာတင့်ဆွေ

ဟုတ်ပါပြီ

ဆရာ တချို့ပြောဆို ရေးသားပါတယ်။ ဟုတ်ပါပြီဆိုတဲ့ စကား၊ စာသားပါ အသုံးပြုပုံ ပြုသင့်တဲ့အနေအထား ဆရာ ရှင်းပြပေးစေချ့င်ပါတယ်။

လူတိုင်းမှာ စကားပြောတဲ့အကျင့်ကိုယ်စီရှိကြတယ်။ ဘယ်စကားဝိုင်းမှာမဆို ပြောနေကျအသုံးကိုပဲ ထည့်ပြောတတ်ကြတယ်။ ဟုတ်ပါပြီလည်း အပါအဝင်ဖြစ်တယ်။ ဟုတ်ပါပြီဆိုတာက တဘက်လူပြောတာကို သဘောတူတဲ့သဘော။ အကျင့်ပါလို့သာ ဟုတ်ပါပြီထည့်ပြောပေမဲ့ သဘောမတူတာကို ဆက်ပြောတာမျိုးလည်းရှိတယ်။

ပစ္စည်းကြော်ငြာသူတွေကလည်း အဲလိုပြောကြတယ်။ ဘယ်သူက ဘာမှမပြောတာကို ဟုတ်ပါပြီ၊ ကောင်းပါပြီလို့ အော်တယ်ရောင်းတယ်။

အင်တာဗျူးတွေကို သေချာနားထောင်ရင် ဖြေတဲ့သူရဲ့အရည်အချင်း သိနိုင်တယ်။ အတွေ့အကြုံများတဲ့သူတွေ အင်တာဗျူးဖြေနည်း လေ့လာထားသူတွေကတော့ သင့်မှန်တဲ့ ကနဦးစကားပြောကြတယ်။ အင်္ဂလိပ်ဘာသာနဲ့လွင့်တဲ့ တီဗွီတွေကို လေ့လာကြည့်ပါ။ မေးတာကို ဘယ်လိုစကားလုံးနဲ့ စပြောသလဲ။ ဝဲလ် လို့ပြောရင် သိပ်တိကျတဲ့အဖြေပေးမှာ မဟုတ်ပါ။ မေးခွန်းကိုပြန်ပြောမနေပဲ၊ စကားခံမနေပဲ တန်းဖြေသူမျိုးက တိကျတာပြောလိမ့်မယ်။

စာရေးတဲ့အခါလည်း အကျင့်ကိုယ်စီရှိကြတယ်။ ဝတ္ထုတွေတချို့မှာ သဘောမကျတာတွေ တွေ့တယ်။ တကယ့်လူ့လောကမှာ မပြောမဆိုတာမျိုးကို ဇာတ်လိုက်တွေက ပြောကြတယ်။

ဆိုပါအုန်း ခင့့်
ဆက်ပြောပါ မောင့့်

ဒေါက်တာတင့်ဆွေ
၃ဝ-၆-၂ဝ၁၈

ကလေးကဗျာ ကြည့်စရာ




မိုဃ်းပေါ်မှာ ကြယ်တလုံး
တိမ်ဖုံးပါလို့ လမသာ
သာတော့ခါ သာပါလိမ့်
နတ်ဒေဝါ သူဖန်ဆင်း
ဘိုး ရွှေလမင်း။ (မောင်ဘ)

(ရွှေသွေးဂျာနယ်မှ)

မိုဃ်းပေါ်မှာ ကြယ်တစ်လုံး မဟုတ်ပါ။

ဒေါက်တာတင့်ဆွေ

ကလေးကဗျာ ကြည့်စရာ

လူကလေးတဲ့ ချော့စရာ
မိတ္ထိလာ ကန်တော်အောက်က
ဘား ကောက်ခဲ့ပါ
ဘားပါလျှင် တကောင်ပေးပါ
မျက်လုံးငယ် ကြောင်တောင်တောင်နှင့်
ဘား ကောင်ကသေး။ (မောင်ဘ)

(ရွှေသွေးဂျာနယ်မှ)

ဘားပါလျှင် တစ်ကောင်ပေးပါ မဟုတ်ပါ။

ဒေါက်တာတင့်ဆွေ

နောက်တခေါက်

နောက်တခေါက် ပြန်လျှောက်နိုင်ပါသေးတယ်ခင်ဗျာ။

တခေါက်တော့ လျှောက်ပြီးပြီ။ တစ်ခေါက် မလျှောက်ပါရှင့်။

ဒေါက်တာတင့်ဆွေ
၂၉-၆-၂ဝ၁၈
ပုံ Ka Don ကျေးဇူး။


Friday, June 29, 2018

ခုံတော်မောင်ကျဘမ်း

တရံရောအခါ ပုဂံမြို့ခုံတော် (မောင်ကျဘမ်း) ထံသို့ တရားတထုံးရောက်လာသည်မှာ သက္ကရာဇ် ရှစ်ရာ့ငါးဆယ့်လေးခုနှစ်တွင် ဟံသာဝတီပြည်ကြီးရှင် ဘုရင်ဓမ္မစေတီမင်း အနိစ္စရောက်၍ သားတော် ဗညားရံ မင်းပြုတော်မူသည်။ ထိုအကြောင်းကို အင်းဝပြည်ကြီးရှင် ဘုရင်ဒုတိယမင်းခေါင် ကြားတော်မူလျှင် တလိုင်းကျေးစပ်သို့ချီ၍ စုံစမ်းစေဟု တောင်ငူမြို့စား မင်းကြီးညိုကို စေလွှတ်တော်မူ၏။ တောင်ငူမြို့စားသည် တလိုင်းတို့ကျေး ကပ်ကြီးချောင်းဖျားကို လုပ်ကြံမည်ဟူ၍ ဆင်လေးဆယ် မြင်းသုံးရာ စစ်သည်သူရဲတသောင်းနှင့် ချီတက်လုပ်ကြံသည်တွင် ကျောက်ဖျားမြို့စား သိုတိုင်ဘွားနှင့် ခံနှင့်၍ စစ်သည်တော်ချင်း အထွေးထွေးရှိ၍နေစဉ့့်

မှတ်ချက်
တစ်ရံရောအခါ မဟုတ်။
တရားတစ်ထုံး မဟုတ်။
စစ်သည်သူရဲတစ်သောင်း မဟုတ်။

ဒေါက်တာတင့်ဆွေ
၂၉-၆-၂ဝ၁၈

တီးတိုး

လွန်ခဲ့တဲ့ ၂ နှစ်က ကွန်မင့်တခုရပါတယ်။ ဦးနေဝင်းလက်ထက် တီးတိုးလာတုန်းက သတင်းစာမှာ သဝဏ်လွှာရေးတော့ တစ်ပြည်ထောင်နဲ့ တစ်ပြည်ထောင်လို့ ရေးတဲ့အခါ ပညာရှင်တွေက လှောင်ကြလို့ မြန်မာစာအဖွဲ့ဆိုတာကြီးဖွဲ့ပြီး ၁၉၈၃ မှ တစ်ခု တစ်ကောင်၊ တစ်ယောက်ဆိုပြီး အမှားတွေကို အမှန်လုပ်ခိုင်းခဲ့တာလို့ သိရတယ်ဗျာ။ အခုတော့ အမှားကို အမှန်ထင်နေကြတယ်။

ကွန်မင့်ထဲက တီးတိုးဆိုတာ မာရှယ်တီးတိုးဖြစ်ပါတယ်။ အရင် ယူဂိုဆလားဗီးယားခေါင်းဆောင်။

အဲလိုသတ်ပုံတလွဲရေးတာကို လှောင်တဲ့ပညာရှင်မျိုး ရှိသေးလားတော့ မသိပါ။ မလှောင်သူတွေသာ နေရာရတယ်။ တီးတိုးတော့ ပြောနေကြပြီ။

ဒေါက်တာတင့်ဆွေ
၂၉-၆-၂ဝ၁၈

ဦးဘဂျမ်း ကာတွန်းသတ်ပုံ

မရှိဘူး ဦးလေးရဲ့။ ရေဒီယိုက သတင်းတွေနားထောင်ပြီးရင် ဘာအကျိုးမှမရှိဘူး။ သတင်းစာကတော့ ဘတ်ပြီးလို့ ပြန်ရောင်းရင် တပိဿာ သုံးကျပ်ခွဲ လေးကျပ် ရနိုင်သေးတယ်။

တပိဿာသည် တစ်ပိဿာ မဟုတ်။

ဒေါက်တာတင့်ဆွေ
၂၉-၆-၂ဝ၁၈

Herpes Simplex ရိုးရိုး ရေယုံ

၁။ မင်္ဂလာပါဆရာ။ ကျွန်မအမျိုးသား အသက် ၃၃ နှစ်ပါ။ လည်ပင်းမှာ ရေယုံပေါက်နေလို့ပါ။ ဘာဆေးလိမ်းရမလည်းရှင့်။ နောက် ရေယုံဖြစ်ရခြင်းအကြောင်းအရင်းလေးလည်း သိချင်ပါတယ်။ အိမ်မှာ ၆ လသမီးလေးရှိတော့ ကလေးကို ကူးမှာ စိုးလို့ပါ။ ဖြေကြားပေးပါရှင့်။ ကျေး ဇူး တင်ပါတယ်ဆရာ။

၂။ ဆရာ ကျနော် herpes လို့ပြောလိုက်တာ ရုံးကလူတွေကြောက်ကုန်ကြတယ်။ ကျနော်လိုက်ရမယ့် ခရီးစဉ်လည်း ဖျက်ခိုင်းလိုက်တယ်။ ရုံးကနေလည်း ခွင့်ယူချင်ယူလို့ ပြောတယ်။ Herpes နဲ့ Shingles ဘာကွာလဲဆရာ။ သူတို့က ကျနော်ပြောလိုက်တဲ့ ဝေါဟာရကို သူတို့ဆီက application နဲ့ ဘာသာပြန်ပြီး နားလည်လိုက်ကြပုံရတယ်။ Herpes က sexual contact ကနေ ကူးတာလို့ သူတို့ နားလည်ပုံရတယ်။ ကျနော် အဲဒီလိုတွေ မလုပ်ဖူးပါဆရာ။

၃။ အသက် ၄၁ (မ) ရေယုန် ဖြစ်နေတာကတော့ ၁ပတ်လောက်ရှိပါပြီ ဘယ်ဆေးခန်းမှမပြထားပါဘူး ခုတော့ နည်းနည်း သက်သာနေပါပြီ မျက်နှာမှာ အမာရွတ်မကျန်ပဲလုံးဝပျောက်သွားအောင်ဘာဆေးလိမ်းရမလဲသိချင်လို့ပါ လိုအပ်ရင် တခြားသူများကိုလည်း ညွှန်းပေးလို့ရအောင်လို့ပါ။

၎။ ဆရာရှင့် သမီးအသက်က ၃၀ပါ။ လည်ပင်းမှာရေယုန်ပေါက်ပြီး ပါးစောင်နဲ့လည်ပင်းလည်းနာနေပါတယ်။ အစာမျိုရခက်ပါတယ်။ လည်ပင်းကအနာတော့ လိမ်းဆေးလိမ်းပါတယ်။ ပါးစပ်ကအနာကအရမ်းနာပြီး မျိုရခက်တော့ ဘယ်လိုလုပ်ရမလဲအကြံပေးပါရှင်။ ဖြစ်တာနှစ်ရက်ကျော်ပါပြီ။

၅။ ဆရာ မင်္ဂလာပါရှင့်။ ကျွန်မအသက် ၂၁ပါရှင့်။ ရေယုန် ခဏခဏပေါက်နေလို့ပါဆရာ။ အရင်က ခါးမှာပေါက်တာ အဒေါ်တယောက်မန်းပေးတာ ပျောက်သွားပါတယ်ရှင့်။ အခုတခါ ကျောမှာပေါက်နေလို့ပါ။ ကြီးတော့သိပ်မကြီးပါဘူးရှင့်။ အဲ့ဒါ ရေယုန်မဖြစ်အောင် ဘယ်လို ကာကွယ်ရမလဲဆိုတာလေး သိချင်လို့ပါရှင့်။ ကျွန်မ မြို့မှာနေတုန်းက မပေါက်ဖူးပါဘူးရှင့်။ တာဝန်ကျတဲ့မြို့ရောက်တော့ပေါက်လို့ပါ။ တချို့ကပြောကြတာ ရေနဲ့မတည်လို့တဲ့ဆရာ ရှင်းပြပေးပါဦးရှင့်။

၆။ ဆရာရှင့် အရင်တခါမေးခွန်းကို ဆရာဖြေကြားပေးထားတာ ဗဟုသုတရသလို weight လျှော့တာကနေ ရာသီသွေး ပြန်မှန်လာပါတယ်ဆရာ။ ခုက ကျွန်မ အလုပ်နဲ့ ပုဂံကိုသွားတာ ဝမ်းချုပ်ပါတယ်။ အဲဒီကရေနဲ့မတည့်တော့ ရေယုန်လို အောက်နှုတ်ခမ်းမှာ အဖုလိုလေးတွေပေါက်လာတယ်ဆရာ။ ရေယုန်ကကူးတတ်ပါသလားဆရာ။ Zukovin ဆိုတဲ့ ဆေးထည့်ထားပါတယ်ဆရာ။ နည်းနည်းသက်သာပါတယ်။ ဘာဆေးသောက်ရပါမလဲ။ ဘာဆေးလိမ်းရင် အမြန်သက်သာပါမလဲ။

ရေယုံက ဗိုင်းရပ်စ်ကနေဖြစ်တယ်။ အလိုလိုလည်း ပျောက်တယ်။ ပြန်ဖြစ်ရင်တော့ ဆေးသောက်ရမယ်။ ရေယုံဆိုတာ ဗိုင်းရပ်စ် ကနေဖြစ်တယ်။ ပြန်ပြန်ဖြစ်တတ်တယ်။ နေရာအတော်များများမှာဖြစ်တယ်။ ပါးစပ်၊ နှုတ်ခမ်း၊ အရေပြား၊ မျက်စိ၊ လိင်လမ်းကြောင်းတွေမှာဖြစ်တယ်။ Cold sores လို့လည်းခေါ်တယ်။ အနာနဲ့ဖြစ်ဖြစ် အနာမဟုတ်တဲ့နေရာဖြစ်ဖြစ်နဲ့ တိုက်ရိုက်ထိတွေ့မှုကနေ ကူးစက်တယ်။ အနာက မီးလောင်ဖုလေးတွေလို နေမယ်။ ကိုယ်ပူတာ၊ နေထိုင်မကောင်းတာတွေပါ ခံစားရတတ်တယ်။ ဗိုင်းရပ်စ်ကနေဖြစ်တာမို့ နိုင်တဲ့ဆေးဆိုတာ မရှိပါ။ သက်သာစေမဲ့ ဆေးတွေသာ ရှိတယ်။

ရေယုံဗိုင်းရပ်စ် Herpes simplex virus (HSV) အမျိုးအစား ၂ မျိုးရှိတယ်။ HSV-1 နဲ့ HSV-2 ဖြစ်ကြတယ်။ HSV-1 ဗိုင်းရပ်စ်ကနေ Herpes labialis ပါးစပ်၊ နှုတ်ခမ်း၊ Herpes simplex အရေပြားနဲ့ Herpes keratitis မျက်ကြည်လွှာတွေမှာ ဖြစ်စေတယ်။ HSV-2 အမျိုးအစားဟာ လိင်လမ်းကြောင်းမှာ ဖြစ်စေတယ်။ ဒါပေမဲ့ အဲလို အတိအကျတော့ ကံသေကမ္မ ပြောမရဘူး။ မီးလောင်ဖုလိုအနာပျောက်ပေမဲ့ ဗိုင်းရပ်စ်က Nerve cells (Ganglia) အာရုံကြောထဲမှာ ကျန်နေသေးမယ်။ ဒါ့ကြောင့် ပြန်ပြန်ဖြစ်စေတယ်။ အရေပြားနဲ့ အရေပြားနုလွှာထဲမှာလည်း ပိုးကကျန်နေနိုင်တယ်။ အကြောင်းတခုခုကြောင့် ကိုယ်ပူချိန်၊ ရာသီလာချိန်၊ စိတ်ဖိအားများချိန်၊ ကိုယ်ခံအား ကျနေချိန်တွေမှာ ရောဂါပြန်ပေါ်တတ်တယ်။

ပါးစပ်မှာဖြစ်တာကို ဆေးစာနဲ့ Herpetic gingivostomatitis ခေါ်တယ်။ ပါးစပ်နှုတ်ခမ်းမှာပေါက်တာကို Herpes labialis (Cold sores) လို့ခေါ်တယ်။ Genital Infection လိင်လမ်းမှာဖြစ်တာ ပိုဆိုးနိုင်တယ်။ တချို့မှာ သိပ်မခံစားရဘူး။ ဗက်တီးရီးယားပါ ထပ်ဆင့်ဝင်နိုင်တယ် အနံ့ဆိုးတဲ့အရည် ထွက်မယ်။ ကိုယ်ခံအား နည်းနေသူတွေမှာ ဖြစ်ရင် အနာက ပိုပိုကြီးလာမယ်။ ပျောက်ဘို့ ကြာတယ်။ ကိုယ်ထဲအထိ ရောဂါရောက်နိုင်တယ်။ အစာမြိုပြွန် နဲ့ အဆုပ်၊ အူမကြီးအထိ ရောက်နိုင်တယ်။

HSV-1 ပိုးကနေ မျက်ကြည်လွှာမှာဖြစ်ရင် မျက်စိနာမယ်။ Herpes simplex keratitis ခေါ်တယ်။ အမြင်ထိခိုက်စေမယ်။ အလင်းရောင်ကိုမကြည့်နိုင်ဘူး။ ဆေးမကုဘဲထားရင် အပြင်တိမ်ဖြစ်ပြီး မျက်ကြည်လွှာလည်းတာ လုပ်ရမယ်။ HSV ပိုးကြောင့် ဦးနှောက်မှာဖြစ်ရင် Herpes encephalitis ခေါ်တယ်။ ကိုယ်ပူမယ်၊ စိတ်မကြည်မလင်ဖြစ်မယ်၊ တက်မယ်၊ သေနိုင်တယ်။
ကိုယ်ဝန်ဆောင် မိခင်လောင်းကနေ သူ့ကလေးကို ကူးစေနိုင်တယ်။ မွေးလမ်းကြောင်းအနားမှာ ရေယုံဖြစ်နေရင် မွေးဖွါးနေစဉ်မှာ ကူးစေတာဖြစ်တယ်။ မမွေးခင်ကလေးဆီကူးတယ်ဆိုတာ အလွန်ရှားတယ်။

ရောဂါကို ဘယ်လိုသက်သာအောင်လုပ်မလဲ
- Antiviral Drugs ဗိုင်းရပ်စ်သေဆေးဆိုတာမရှိသေးပါ။ ပြန်ဖြစ်နေသူတွေကိုတော့ Acyclovir, Valacyclovir, Famciclovir စားဆေးတွေက သက်သာရာရစေနိုင်တယ်။ စောစောဆေးပေးတာ ပိုသက်သာစေတယ်။
- Penciclovir cream လိမ်းဆေးကို နေ့ခင်းမှာ ၂ နာရီတခါ လိမ်းသင့်တယ်။
- Docosanol ဆေးပါတဲ့လိမ်းဆေးကို တနေ့ ၅ ခါလိမ်းတာလည်း သက်သာစေမယ်။
ဆိုးဝါးတဲ့ Herpes encephalitis ဦးနှောက် နဲ့ မွေးစကလေးတွေအတွက် Acyclovir ဆေးကို IV သွေးပြန်ကြောထဲ ထိုးပေးရမယ်။
- Herpes simplex keratitis မျက်စိဖြစ်တာဆိုရင် Trifluridine eye drops မျက်စဉ်းခပ်ရမယ်။ ဆေးတွေအပြင် အနာနေရာကို သန့်ရှင်းစေတာ လုပ်ရမယ်။ နာတာအတွက် ရေခဲတင်နိုင်တယ်။
- Topical anesthetics (Tetracaine cream or Benzocaine ointment) နာတာသက်သာစေတဲ ထုံဆေးလည်း သုံးနိုင်တယ်။ ပါးစပ်မှာ ဖြစ်တဲ့အနာ နာရင် Lidocaine သုံးနိုင်တယ်။ မျိုမချရဘူး။
- Pain relievers နာတာသက်သာစေတဲ့ စားဆေးတွေလည်း သုံးနိုင်တယ်။

နောက်ထပ် မဖြစ်အောင် ရေယုံဖြစ်စေတယ်လို့ ထင်တဲ့ အလေ့အထ နဲ့ အစားအသောက် ရှောင်သင့်တယ်။ နှုတ်ခမ်း အနာရှိသူနဲ့ ပါးစပ်သုံး နမ်းတာ မလုပ်ရ၊ လိင်လမ်းဖြစ်သူနဲ့ လိင်ဆက်ဆံတာ ရှောင်ပါ။ လက်ပွန်းတတည်း မနေပါနဲ့။

Acyclovir အက်စီကလိုဗာဆေး
ဗိုင်းရပ်စ်ကို မသေစေပါ။ ဒါပေမဲ့ တိုးပွါးလာမှာကိုတားပေးပါမယ်။ ရောဂါလက္ခဏာကိုလည်း သက်သာစေမယ်။ Genital herpes လိင်လမ်းရေယုံ၊ Cold sores နှုတ်ခမ်းရေယုံ၊ Shingles ရှင်ဂဲလ် နဲ့ Chicken pox ရေကျောက်ရောဂါတွေကို ပေးတယ်။
ဗိုင်းရပ်စ်ကြောင့်ဖြစ်တဲ့ အအေးမိတာနဲ့ တုပ်ကွေးကိုတော့ မပေးပါ။ ရောဂါလက္ခဏာတွေဖြစ်တဲ့ နာတာ၊ ပူလောင်တာ၊ ကျင်တာနဲ့ အပူဖူးပေါက်တာတွေ စဖြစ်ကတည်းက ဆေးစသောက်ရမယ်။ ဆေးသောက်နေချိန်မှာလည်း သူများကို ကူးစက်နိုင်တာသတိထားပါ။ အနာနေရာကို မထိစေပါနဲ့။ မျက်စိနဲ့မထိပါစေနဲ့။ လက်ကိုမကြာခဏဆေးကြောပါ။

ဒီဆေးကို ကိုယ်ဝန်အတွက် FDA pregnancy category B လို့သတ်မှတ်ထားလို့ အကျိုးကပိုတာဆိုရင် ပေးနိုင်တယ်။
ဆေးကို အစာနဲ့နီးရင်ပိုသင့်တယ်။ အစာမရှိလည်း သောက်နိုင်ပါတယ်။ အနာနေရာကို ခြောက်သွေ့နေစေပါ။ အဝတ်အစား တင်းကျပ်မနေစေပါနဲ့။ လိင်လမ်းရေယုံဖြစ်နေချိန်မှာ အတူမနေပါနဲ့။ (ကွန်ဒွမ်) သုံးလို့တော့ရပါတယ်။ ဆီးနည်းလာရင် သတိထားပါ။ ရေသောက်မနည်းစေပါနဲ့။ ဆေးသောက်နေချိန်မှာ သွေးထွက်လွယ်တတ်တယ်။ အားယုတ်တာ ခံစားရနိုင်တယ်။ တချို့မှာ ပျို့-အန်တတ်တယ်။ ဝမ်းလျောနိုင်တယ်။ အစားပျက်၊ ဗိုက်အောင့်တတ်တယ်။ ခေါင်းကိုက်၊ ခြေလက်ရောင်နိုင်တယ်။

ဆေးဘယ်လိုပေးမလဲ
• Herpes Simplex ရိုးရိုးရေယုံ = Acyclovir 200 mg တနေ့ ၅ ကြိမ်၊ ၅-၁ဝ ရက်။ ပြန်ဖြစ်ရင် 400mg တနေ့ ၃ ကြိမ်၊ ၇-၁ဝ ရက်။ ပိုးကိုနှိမ်ထားဘို့အတွက် Acyclovir 200 mg တနေ့ ၁-၂ ကြိမ်၊ ရက်အကြာကြီးသောက်ပါ။
• Shingles (Herpes Zoster) အပူလောင်သလိုအဖုတွေအများကြီး ကိုယ်ခန္ဓာမှာဖြစ်တာ = Acyclovir 800mg တနေ့ ၅ ကြိမ်၊ ၇-၁ဝ ရက်။
• Chickenpox (Varicella Zoster) ရေကျောက် = Acyclovir 800 mg  တနေ့ ၄ ကြိမ်၊ ၅ ရက်။

ဒေါက်တာတင့်ဆွေ

သခင်ကိုယ်တော်မှိုင်း မြန်မာစာသတ်ပုံ

အတွေးအမြင် ၂၀၁၇ ဒီဇင်ဘာ မောင်မောင်အေး စစ်ကိုင်း ဆောင်းပါးပါဆရာ။ တစ်တွေချည်းတွေ့လို့ မူရင်းကိုယ်တော်မှိုင်း ရေး တ လား တစ်လားဆရာ မြန်မာစာဖျက်ဆီး သဘောထားလွဲသူတွေက လူကြီးတွေပါ ပါနေတာ မဖြစ်သင့်ပါ ဆရာနှင့်သဘောတူ မြန်မာစာဖျက်ဆီးတာ မကြိုက်ပါခင်ဗျာ။ ကျနော် အမှားပါ တောင်းပန်ပါသည် typing error ဟု သဘောထားပေးပါခင်ဗျာ။

သခင်ကိုယ်တော်မှိုင်းရေးသားခဲ့တဲ့ မူရင်းစာတွေမှာ တစ်မဟုတ်ပါ။ မေးတဲ့သူပို့ပေးတဲ့ ဆောင်းပါးဓါတ်ပုံကို မထည့်တော့ပါ။

သခင်ကိုယ်တော်မှိုင်း (၁၈၇၆ - ၁၉၆၄) ဟာ ဘုရင့်လက်ထက်ကနေ လွတ်လပ်ရေးရပြီးသည်အထိ အလွန်ထင်ရှားတဲ့ ပညာရှင်တဦး ဖြစ်တယ်။ ဒေါင်းဋီကာ၊ မျောက်ဋီကာ၊ မျောက်ဂဏ္ဌိ၊ ဘွိုင်းကောက်ဋီကာ၊ ခွေးဋီကာ၊ ခွေးဂဏ္ဌိအပါအဝင် အဖိုးတန်စာတွေ အများကြီးရေးသားခဲ့တယ်။ သူရိယသတင်းစာတိုက်မှာ မြန်မာစာဘက်ဆိုင်ရာအယ်ဒီတာအဖြစ် ဆောင်ရွက်ခဲ့တဲ့ သခင်ကိုယ်တော်မှိုင်းရေးခဲ့တဲ့ သတ်ပုံကို ဖတ်ကြစေချင်ပါတယ်။ နာမည်အကြီးဆုံးဖြစ်တဲ့ ဘွိုင်းကောက်ဋီကာကို သက်သေပြပါမယ်။

တကာတဦးက
တညီတညာတည်း
ပိတ်ပြီးတရက်
တရက်အတွက်
ဒဏ်ငွေတကျပ်မျှ

ခေတ်ပေါ် အယ်ဒီတာတွေ၊ စာရေးဆရာတွေ၊ ကဗျာဆရာတွေကတော့ သတ်ပုံအရာမှာ သခင်ကိုယ်တော်မှိုင်းထက် တော်တတ်ထူးချွန်ကြပါပေတယ်။

ဒေါက်တာတင့်ဆွေ
၂၉-၆-၂ဝ၁၈

Naphthalene ပရုပ်လုံး

ပရုပ်လုံးကို ဘာနှင့်ပြုလုပ်ပါသလဲ။ ကြားဖူးတာက ကလေးအသုံးဆောင် အဝတ်စားထည့်ရင် သွေးကင်ဆာ ဖြစ်တက်တယ်လို့ ကြားဖူးပါတယ်။ ဟုတ်ပါသလားဆရာ။

ဖြစ်တက်ကို ဖြစ်တတ်လို့ပြင်ရမယ်။

Naphthalene ကို ကျောက်မီးသွေး၊ ရေနံတို့ကနေထုတ်လုပ်တယ်။ ပလပ်စတစ်၊ ရေဆင်ဓါတ်ပေါင်း၊ လောင်စာဆီနဲ့ ဆိုးဆေးထုတ်လုပ်ရာမှာသုံးတယ်။ ဓါတုဗေဟလို ပရုပ်လုံးဟာ C10H8 အော်ဂဲနစ်ကွန်ပေါင်းဖြစ်တယ်။

ဒီဓါတ်ကနေ ကင်ဆာကိုဖြစ်စေနိုင်တယ်။ အရေပြား၊ အဆုတ်၊ ဆီးအိမ်၊ အသဲနဲ့ အစာအိမ်ကင်ဆာတွေဖြစ်တယ်။ အဲဒီ PAHs (Paradichlorobenzene) ကွန်ပေါင်းတွေဟာ နှလုံးသွေးကြောရောဂါနဲ့လည်း ဆက်စပ်နေတယ်။

ဘေးထွက်ဆိုးကျိုးများ
ပျို့အန်၊ ဗိုက်နာ၊ တက်၊ သတိလစ်ဖြစ်နိုင်တယ်။ ပရုပ်လုံးကြာကြာထည့်ထားတဲ့ အနွေးထည်ဝတ်လို့ ကလေးတွေ အဆိပ်သင့်တာဖြစ်ဖူးတယ်။ များများထိတွေ့ရင် အားနည်း၊ ခေါင်းကိုက်၊ စိတ်မကြည်လင်၊ လက်တုန်၊ ပျို့အန်ဖြစ်တယ်။ အစားပျက်၊ ဂဏာမငြိမ်၊ ဖြူဖတ်ဖြူရော်ဖြစ်၊ ဆီးထဲသွေးပါ၊ အသားဝါတာတွေတယ်။ G6PD ရှိတဲ့သူတွေ မတည့်ပါ။ IQ နိမ့်တာလည်း ဖြစ်စေနိုင်တယ်။

PAHs (Paradichlorobenzene) ကွန်ပေါင်းတွေကိုသာပြောတာဖြစ်ပြီး အိမ်သုံး ပရုပ်လုံးကို သတိနဲ့သုံးလို့ရပါတယ်။ အဆိပ်သင့်တာကိုသာ သတိထားရပါမယ်။ အဲဒီစက်ရုံ အလုပ်ရုံတွေမှာ အလုပ်လုပ်သူတွေကတော့ သတိကြီးရပါမယ်။

ဒေါက်တာတင့်ဆွေ
၂၉-၆-၂ဝ၁၈

ဇာတိမင်းရွာ

 ကျွန်တော်ငယ်ငယ်က သည်ရေတွင်းမှာ ရေချိုးပါတယ်။ ရေကိုမောင်းလက်နဲ့ငင်ယူရတယ်။ ၃ တောင်တူးရင် ရေထွက်တယ်။

သည်နေရာတည်တည့်မှာ လျို့ဝှက်သည်းဖိုစရာအလုပ်တခု ကျွန်တော် ပြုလုပ်ခဲ့ပါတယ်။


ကျွန်တော့ကျောဘက်က သစ်ပင်တွေ အုန်းပင်တွေရှိတဲ့နေရာလေးမှာ လွန်ခဲ့တဲ့ နှစ်ပေါင်း ၇ဝ ခန့်က ကျွန်တော့ကို မွေးဖွားခဲ့ပါတယ်။

ကျွန်တော့ဇာတိ မင်းရွာကအမျိုးတွေ

ဒေါက်တာတင့်ဆွေ
၁ဝ-၅-၂ဝ၁၈






ကလောင်သွားနှင့် ဓါးသွား

ဆိုစကားတခုရှိတယ်။ ကလောင်သွားက ဓါးသွားထက်ပိုထက်၏။ ကလောင်သွားဆိုတာ စာရေးတာ ကဗျာရေးတာကို တင်စားတာ။ ဓါးသွားဆိုတာ ထိုးခုတ်သတ်ပုတ်တာ။ နောက်ဒါးတမျိုးက ကျွန်တော်အပါအဝင် ဆရာဝန်တွေကိုင်တာ။ ခွဲစိတ်ဒါး မကိုင်ရတာကြာလှပြီ။ စကာ့ပယ်လ် ခေါ် အဲလိုဒါးက တကယ်ကို ထက်တယ်။ မုတ်ဆိတ်ရိတ်ဒါးလိုပဲ။ တကယ်လည်း မုတ်ဆိတ်ရိတ်ဒါးသုံးပြီး ခွဲစိတ်ရာမျိုးရှိတယ်။ အနုစိတ်ခွဲတာ မျက်စိခွဲတာမျိုး။

ဒါး
ပြဒါး
ပြဒါးရှင်
ပြဒါးလုံး
ပြဒါးဆိပ်သင့်သည်

ဓါး
ခွဲစိတ်ဓါး
ဓါးခုတ်ကောင်
ဓါးစာခံ
ဓါးမဦးချမြေ
ဓါးမနောက်ပိတ်ခွေး
ဓါးပြသူခိုး
ဓါးရှည်
ဓါးလက်နက်
ဓါးလွတ်ကိုင်
ဓါးလွယ်ခုတ်
ဓါးသွား
ဓါးသိုင်း
ဓါးဆောက် (ဓါးရိုး)
ဓါးဆောက်ကမ်းလုပ်သည် (အရမ်းပတမ်းလုပ်သည်)
ဓါးမြှောင်
ဓါးနှောင့်
သင်ဓုန်းဓါး
သူခိုး ဓါးရိုးကမ်း (စူလဓနုဂ္ဂဟဇာတ်)

၁၉၆၂ ခုနှစ်က ဗိုလ်ချုပ်နေဝင်းပြောခဲ့တဲ့ ဒါး ဒါးချင်၊ လှံ လှံချင်း သမိုင်းဝင်မိန့်ခွန်း သတင်းစာကို ပြန်သတိရစေတယ်။ ဒါးရေးရေး ဓါးရေးရေး ထက်မှကောင်းတယ်။ ကျွန်တော် လူနာပေါင်းများစွာကို ခွဲစိတ်ဒါးနဲ့သာ ခွဲပေးခဲ့ပါတယ်။ စာလေးတွေ ရေးတယ်။ ကီးဘုတ်နဲ့သာ ရိုက်ပါတယ်။ မထက်ပါ၊ အပြားလိုက်ကြီး။

ဒေါက်တာတင့်ဆွေ
၂၉-၆-၂ဝ၁၈

ပံ့သုကူပစ္စည်း

သမိုင်းအချက်အလက်လေးတွေ ရေးတင်တိုင်း အငြင်းပွားစရာတွေ့တာချည်းပဲ။ သမိုင်းဆိုတာ အထောက်အထားလိုတယ်။ အထောက်အထားဆိုတာ ဘယ်သူတွေကနေ ဘယ်တုန်းကရှာတွေ့တာလဲ။ ဘယ်စာအုပ်ထဲကလဲ။ ဘယ်ရုပ်ရှင်ထဲကလဲ။ နိုင်ငံတိုင်းနဲ့ ခေတ်တိုင်းမှာ ပေါ်လစီသမိုင်းတွေရှိတယ်။ ဆေးပညာတောင်မှ ရှိတယ်။ နာဇီခေတ်မှာ ဂျာမန်မျိုးဗီဇ သုတေသနတွေ ထွက်ခဲ့တယ်။

မျက်စိအောက်တင် မျက်ဝါးထင်ထင်မြင်သိထားတာကို လက်မခံ ကက်ကက်လန်ငြင်းဆန်တာ မကြာခဏကြုံရတယ်။ မြန်မာစာသတ်ပုံကို ပုံနှိပ်စာအုပ်ပါဓါတ်ပုံရိုက်ပြလည်း အလကားပါကွာသမားတွေက မနည်းပါ။

ကျွန်တော်ရေးတာတွေကို တန်ဆောင်မုန်းလပြည့်ညမှာ စွန့်လှူထားတဲ့ ပံသုကူ (ပံ့သကူ) ပစ္စည်းလို့သာ အောက်မေ့စေချင်ပါတယ်။ ကိုယ်အသုံးမလိုရင် ကောက်မယူပဲ အသာထားခဲ့ပါ။ နောက်လူရှိတယ်။ တံတွေးတော့ ထွေးမထားခဲ့ပါနဲ့။

မြန်မာနိုင်ငံသားတွေ ဘယ်မှာနေနေ ကျန်းမာကြပါစေ။ ဘယ်မှာနေနေ အသိပညာကုံလုံကြွယ်ဝကြပါစေ။

ဒေါက်တာတင့်ဆွေ
၂၉-၆-၂ဝ၁၈

မြင်းခွာတချက်ပေါက်လျှင် သတ်ပုံ

ကိုဗဟိန်း ခေါ် ရဲဘော်ဗဟိန်းကို နိုင်ငံရေးလိုက်စားတဲ့ ကျောင်းသားတွေက လေးစားကြတယ်။ အမှတ်တရ အခမ်းအနားတွေ ကျင်းပကြတယ်။ ဒါပေမဲ့ ခေါင်းစီးမှာ ပေါ်လစီသတ်ပုံဖြစ်နေတာ တွေ့ရတယ်။

ဗမာပြည်ကွန်မြူနစ်ပါတီ၊ ဗဟိုပညာရေးနှင့် ၀ါဒဖြန့်ချိရေးဌာနက ထုတ်ဝေတဲ့ ဗဟိန်း (သို့မဟုတ်) ညီညွတ်ရေးဗိသုကာ ထဲမှာ တတွေကို မလိုအပ်ပဲ တစ်လုပ်မထားပါ။ မြင်းခွာတချက်လို့သာ ရေးပါတယ်။

ဒီဇင်ဘာ (၁၁) ရက် ညပိုင်းတွင် ဗမာနိုင်ငံလုံးဆိုင်ရာ ကျောင်းသားသမဂ္ဂ ဥက္ကဋ္ဌကိုဗဟိန်း၊ အတွင်းရေးမှူး ကိုဗဆွေနှင့် အခြားကျောင်းသားခေါင်းဆောင်နှစ်ဦးရောက်လာကာ ရေနံသပိတ်တပ်ကြီးအား ပုဒ်မ (၁၄၄) ဖီဆန်၍ တရားဟောပြောကြလေသည်။ ကိုဗဟိန်း၏ ကျော်ကြားလှသော မြင်းခွာတချက်ပေါက်လျှင် မီးဟုန်းဟုန်းတောက်စေရမည် မိန့်ခွန်းသည် ဤနေရာတွင် ပြောကြားခြင်းဖြစ်သည်။ (၂၊ ၃၊ ၁၉၉၄)

လင့်တွေကို ဖေ့စ်ဘွတ်မှာ တင်မရပါ။ ဆောရီး။

ဒေါက်တာတင့်ဆွေ
၂၈-၆-၂ဝ၁၈

ဝေးပြီမွှေးရေ

ရေး - မြတ်လေး
ဆို - မောင်မောင်ကြီး

ကျောချင်းကပ်၍ တရွေ့ရွေ့ခွါ တကမ္ဘာဆီ၊ ဝေးပြီ မွှေးရယ်။

ဖုန်းချစ်ရနည်းတယ်၊ ခုမှ လူ့ဘဝ ရေလည်၊ ပြုသမျှတွေ့မယ်၊ အဖြေပေါ်တယ်၊ တယုတယချစ်ကြိုးသွယ်၊ သမုဒယ အဖြစ်ဆိုးတယ်၊ ရေနစ်သူဝါးကူထိုးသည့်နှယ်၊ အမုန်းခံလူစား အပယ်ခံဘဝနဲ့ကွယ်၊ အဆွေးခြယ် ဆေးချက်မပြယ် အဝေးနယ် ပြေးထွက်ကာရယ် သည်နောင်တ ရင်ဝယ်ဆောင်လို့သယ် တွေးမိတိုင်း မျက်ရည်လည်

(ပန်းကြွေသောလမ်း ဖြတ်သန်းလျှောက်သောအခါ ကိုယ့်အသဲဘယ့်နှယ်ရှိမယ် မွှေ့း့ ရယ် လေတိုက်သောလမ်း ဖြတ်သန်းလျှောက်သောအခါ ကိုယ့်ဘဝ ဘယ့်နှယ်ရှိပါ့မယ်) ၂

အသဲကြွေခြင်း လေလွင့်ခြင်းတွေရယ် မွှေးကိုချစ်မိသောဘဝ ရလာဒ်တွေပါကွယ်၊ မွှေးရယ့့် မွှေးရယ့့်။

မှတ်ချက်
မြတ်လေးဟာ တချိန်က အနုပညာလောကမှာ လျှမ်းလျှမ်းတောက်ထင်ပေါ် အောင်မြင်ခဲ့သူတယောက်ဖြစ်တယ်။ တေးဂီတနဲ့ ရုပ်ရှင်မှာ အောင်မြင်တယ်။ သူ့သီချင်းတွေကို ခုခေတ်လူရွယ်တွေကတော့ ကြားဖူးကြမယ်မထင်ပါ။ ခံစားတတ်ကြမယ်လည်း မမျှော်လင့်ပါ။ လူရွယ်တွေရဲ့ မိဘဆရာတွေကတော့ မြတ်လေးအနုပညာသက် ရှိခဲ့ကြသူတွေသာ ဖြစ်ပါတယ်။

သီချင်းစာသားသတ်ပုံကိုလည်း ခေတ်လူရွယ် လူငယ်တွေသာမက လူကြီးတွေပါ သတိပြုကြစေချင်ပါတယ်။ တရွေ့ရွေ့ခွါ တကမ္ဘာဆီလို့သာရေးတယ်။ တတွေမှာ စသတ်မပါ။

ဒေါက်တာတင့်ဆွေ
၂၉-၆-၂ဝ၁၈
Photo from my good friend, Dr. Raymond Tint Way

တွေးမိပါစ

ဆရာဇော်ဂျီရဲ့ တွေးမိပါစကဗျာကို ငယ်ငယ်က ဖတ်ခဲ့ဖူးတယ်။ ကျွန်တော်ဟာ ဗေဒါလိုဘဝ လျှောက်ခဲ့ရပါလားလို့ တွေးမိလာတယ်။ အတုခိုး ရေးကြည့်တယ်။ ကန်တော့ပါဆရာ။

ပြန်တရာ ခံစရာအရေး၊
စုန်ဆန်လမ်းဘေးက ဘဲတရာအရေး၊
အတိုက်ခံ အမွှေ့ခံအရေး၊
ဒီမိုကရေစီအရေးထဲက ဒီဆိုင်ဝဲအရေး။

အခုတော့ဗျာ
လမ်းမပေါ်မှာ တစ်ရာလို့ရေးသူတွေကိုသာ
မမွှေးတဲ့ဗေဒါ လမ်းဘေးမှာ ငေး။

ဒေါက်တာတင့်ဆွေ
၂၈-၆-၂ဝ၁၈

မဟာစည်ဆရာတော် သတ်ပုံစစ်ခြင်း

ဝိပဿနာရှုနည်းကျမ်း၊ ဒုတိယတွဲ၊ ဆဋ္ဌသင်္ဂီတိပုစ္ဆအဂ္ဂမဟာပဏ္ဍိတ မဟာစည်ဆရာတော်ဘုရားရေးသားစီရင်တော်မူသည်
စာမျက်နှာ ၁ဝ၃ = တစုံတယောက်က

ဝိပဿနာရှုနည်းကျမ်း၊ ပထမတွဲ၊ ဆဋ္ဌသင်္ဂီတိပုစ္ဆအဂ္ဂမဟာပဏ္ဍိတ မဟာစည်ဆရာတော်ဘုရား ရေးသားစီရင်တော်မူသည်
စာမျက်နှာ ၉၅ = တစ်စုံတစ်ခုသော

မူရင်းမြန်မာစာ၊ မူရင်းကဗျာ၊ မူရင်းဘာသာပြန်တွေကို တမျိုးတမည်လုပ်တာသာမက ဝိပဿနာစာအုပ်မှာပါ ဝိဝါဒကွဲစရာတွေက အလွန့်အလွန်အရုပ်ဆိုးပါတယ်။ စာအုပ်တိုက်တွေ၊ အယ်ဒီတာတွေမှာ တာဝန်ရှိကြပါတယ်။

ဝိပဿနာရှုမှတ်တာ တစ်မနေပါစေနဲ့။

ဒေါက်တာတင့်ဆွေ
၂၉-၆-၂ဝ၁၈

King Lear မင်းသုဝဏ် သတ်ပုံစစ်ခြင်း

ကင့် = ဪ၊ ဒါနဲ့ သည်လူငယ်က အရှင့်သားမဟုတ်ပါလား။

ဂလော်စတာ = အင်း၊ သူ့ကို ကျွေးမွေးသုတ်သင်ဖို့က ကျုပ်ရဲ့တာဝန်ဖြစ်ခဲ့ပါတယ်ဗျာ။ သူ့ကို သားလို့ပြောရတဲ့အတွက် မျက်နှာပူခဲ့ရပေါင်းများပါပြီ။ အခုတော့ အရေထူသွားပါပြီလေ။

ကင့် = မြို့စားမင်း ဘာဆိုလိုပါသလဲ။ ကျုပ်မယူ တတ်ဘူး။

ဂလော်စတာ = မြို့စားမင်းကသာ မယူတတ်တာ။ သူ့အမေကတော့ ယူတတ်တယ်ဗျိုး။ သန္ဓေယူတာလေ။ ယူတယ်ဆိုရင်ပဲ သူ့ဗိုက်ကြီးဟာ လုံးလုံးလာပြီး သဉ္စာမှာ ကြင်ရာနဲ့ မစက်ခင်က၊ ပုခက်တင်မင်္ဂလာကိုပေးဖို့ ဟောဒီကောင်ကို မွေးပါလေရောဗျို့။ အပြစ်နံ့များ ထွက်ပါသလားဗျ။

ကင့် = အပြစ်ဆိုရင်လည်း မဖြေစေလိုပါဘူး မြို့စားမင်း။ အပြစ်ကမွေးတဲ့သားက လူချောကလေးပဲဟာကိုး။ သို့သော်လည်း ကျုပ်မှာ တရားဝင်သားတယောက်ရှိပါသေးတယ်။ သူ့ထက် တနှစ်လောက်ကြီးပါလိမ့်မယ်။ တရားဝင်သားမို့လို့ အချစ်တော့မပိုပါဘူးလေ။ ဟောဒီသူငယ်ဟာ အခေါ်မလွှတ်ခင် လူတောထဲကို ဇွတ်တိုးဝင်လာတဲ့ လူဆိုးကလေးပဲဗျ။ ဒါပေမယ့် သူ့အမေက တယ်ချောတယ်လှပဲ။ ကလေးရအောင်အားထုတ်ရတာကလည်း ပျော်စရာအကောင်းသားဗျို့။ ဒါ့ကြောင့်လည်း ဟောဒီဗိုင်းတာမသားကို သားအဖြစ်နဲ့ အသိအမှတ်ပြုရပါတယ်။

ခုခေတ်မှာ မင်းသုဝဏ်စာကို သတ်ပုံပြင် ထုတ်ဝေရောင်းစားကြသတဲ့။ တော်လိုက်ကြတာ။

ဒေါက်တာတင့်ဆွေ
၂၉-၆-၂ဝ၁၈
Photo by Thant Thura Zan

ကျီးကန်းတောင်းမှောက်

ဆရာခင်ဗျား ကျီးကန်းတောင်းမှောက် နဲ့ ကျီးကန်းတောင်မှောက် ဘယ်ဟာက အမှန်ဖြစ်ပါသလဲဆရာ
နောက်ဆက်တွဲ အဓိပ္ပါယ်ကိုလည်း သိချင်ပါတယ်ခင်ဗျား။

ကျီးကန်းတောင်းမှောက်က အမှန်။ အမှားနှစ်မျိုး တွေ့တယ်။ ကျီးကန်းတောင်မှောက်ရေးတာ မှားတယ်။ ကျီးကန်းက တောင်းကိုမှောက်တယ်ထင်တာ မှားတယ်။

တောရပ်တွေမှာ ကျီးကန်းကို တောင်း သို့မဟုတ် ခြင်းတောင်းနဲ့ မှောက်ဖမ်းလေ့ရှိတယ်။ ကျီးကန်းတွေဟာ အလိုလို အစာရှာရင်း ဟိုဟိုသည်သည်ကြည့်တယ်။ အဖမ်းခံထားရရင် ပိုဆိုးတယ်။ မျက်လုံးဂဏာမငြိမ်ပဲ ဟိုကြည့်သည်ကြည့် လုပ်တယ်။ ကျီးကန်းတောင်းမှောက်ဆိုတာ ဆောက်တည်ရာမရဖြစ်နေတာကို တင်စားပြီး သုံးပါတယ်။

မြန်မာပြည်မကကျီးကန်းတွေနဲ့ အိန္ဒိယမှာတွေတဲ့ကျီးကန်းတွေ မတူတာသတိထားမိတယ်။ အဲဒီမှာ ဘယ်တိရစ္ဆာန်တွေ ငှက်တွေကိုမှ သတ်ခွင့်မရှိလို့ အကောင်တွေက လူတွေနဲ့ယဉ်ပါးကြတယ်။ ကျီးကန်းတွေ၊ ခိုတွေ၊ ဒေါင်းတွေ လူအနားထိ လာကြတယ်။ ယူအက်စ်မှာလည်း အဲလိုပဲ။ အိမ်တံခါးပေါက်နားအထိ အစာလာရှာကြတယ်။

မြန်မာပြည်မှာတော့ လူတွေပါ ကျီးကန်းတောင်းမှောက်၊ ကျီးလန့်စာစား နေကြရတာကြာတယ်။ ကျီးကြည့် ကြောင်ကြည့် နေကြရတယ်။ ကျီးလို အာနေသူကလည်း အခုထိများတယ်။

ဒေါက်တာတင့်ဆွေ
၂၉-၆-၂ဝ၁၈

မည်သူ တယူသန်သနည်း

ဆရာဒေါက်တာတင့်ဆွေ ထောက်ပြနေခဲ့တဲ့ တ ရေးထုံးတွေက အရင်ကအသုံးပြုခဲ့တဲ့ ရေးထုံးအမှန်တွေပါ။ ဒီ တ နဲ့ တစ် အပေါ်မှာ အစဉ်တစိုက် ထောက်ပြပြောဆိုနေခဲ့တဲ့ ဆရာရဲ့ စေတနာကိုလည်း အသိအမှတ်ပြုမိပါတယ်။ ဒါပေမဲ့လည်း ကျနော်ကတော့ တစ် ဘက်ကပဲ ရပ်တည်ပါတယ်။ ဘာဖြစ်လို့လဲဆိုတော့ မြန်မာစာပညာရှင်တွေ စုစည်းတည်းဖြတ် ပြုစုထားတဲ့ မြန်မာစာအဘိဓာန် တို့၊ မြန်မာစာလုံးပေါင်း သတ်ပုံကျမ်းတို့၊ ခွဲထားတို့အရ ဘယ်နေရာမှ တ ရမယ်၊ ဘယ်နေရာမှာ တစ် ရမယ်ဆိုတာ အတိအလင်း ရှင်းလင်းပြုစုထားပြီး ဖြစ်လို့ပါ။ ကျနော်တို့လို လူငယ်တစ်ယောက်အမြင်နဲ့ကတော့ တ သည်ဖြစ်စေ၊ တစ်သည်ဖြစ်စေ အားလုံးက တညီတညွတ်တည်း အသုံးပြုကြတာကိုပဲ ဖြစ်စေချင်ပါတယ်။ သက်ဆိုင်ရာပညာရှင်တွေက ပြုစုတည်းဖြတ်ထားပြီး ဖြစ်ခဲ့ရင် အဲဒါကိုပဲ အားလုံးက အသုံးပြုစေချင်ပါတယ်။ သက်ကြီး ဝါကြီး ဆရာတွေအနေနဲ့လည်း ဒီ ဘုံပြဌာန်းစာအုပ်ပါ ရေးထုံးတွေကိုပဲ ညွှန်ပြပြီးတော့ မြန်မာစာ ညီညွတ်ရေးကို ရှေးရှုစေချင်ပါတယ်။ မြန်မာစာ မှန်ကန်ရေးမှာ ဆရာဒေါက်တာတင့်ဆွေကို ကျနော် အတိုက်အခံ မငြင်းလိုပါဘူး။ ဆရာ ပြောဆိုထောက်ပြခဲ့တာတွေက မမှားခဲ့ပါဘူး။ ဒါပေမဲ့ မြန်မာစာညီညွတ်ရေးအတွက်လည်း ဆရာကို ရှေးရှုလုပ်ဆောင်စေချင်ပါတယ်။ အရင်က ရေးထုံးရှိခဲ့သမျှတိုင်းကို အမှန်တရားဦးတည် ရေးသားကြမယ်ဆိုရင် ပုဂံခေတ်၊ အင်းဝခေတ် စသဖြင့် ခေတ်အဆက်ဆက်က ရေးထုံးတွေကလည်း အမှန်တရားတွေပါပဲ ဆရာ ခင်ဗျာ။ အဲဒီရေးထုံးတွေကို အခုအခါမှာ ကိုယ်သန်ရာသန်ရာ သုံးစွဲနေကြမယ်ဆိုရင် မြန်မာစာညီညွတ်ရေးဟာ အကျိုးထက် အဆိုးပဲ ပိုများနေမယ်လို့ ထင်မြင်မိပါတယ် ဆရာခင်ဗျာ။

ဆရာကြီး (၉) လုံးကို ဆရာလို့သာပြင်ပါရစေ။ ဦးနေဝင်းကလည်း အဲလိုလုပ်ခိုင်းတယ်။

တကနေ တစ်ပြောင်းခြင်း သမိုင်း
၁၉၇၈ ခုနှစ် ဇန်နဝါရီလထုတ် မြန်မာစာ စာလုံးပေါင်းသတ်ပုံကျမ်း နိဒါန်းမှာ - ထိုကော်မရှင်သည် အစိုးရရုံးသုံး စံ မြန်မာရေးထုံးကျမ်းတစောင် ပေါ်ထွက်လာရေး လုပ်ငန်းတရပ်ကိုလည်း ဆောင်ရွက်ရမည်ဟု ဥက္ကဋ္ဌကြီးက ထပ်မံညွှန်ကြား သတ်မှတ်ပါသည်။

၁၉၆၄ ခုနှစ် သြဂုတ်လ ၂၇ ရက်နေ့တွင် ကျောင်းသုံးစာအုပ်ကော်မတီ အစည်းအဝေးကို တော်လှန်ရေးကောင်စီဥက္ကဋ္ဌရုံး၌ ကျင်းပစဉ် ဥက္ကဋ္ဌကြီးက အသံကိုရေးတဲ့အခါ အမှန်ရေး။့့ စည်းကမ်းဆိုတာ အတိအကျရှိရမယ်။့့ စကားတလုံးနှင့် ခုနစ်နှစ်ငြင်းနေလို့ ဘယ်ဖြစ်မလဲ။ နောက်ဆုံးတော့ တခုခုကို ပညတ်ရမှာပဲ။့့ မူကိုဦးစွာချပါ။့့

မြန်မာရေးထုံးကျမ်းတစ်စောင် မဟုတ်ပါ။ လုပ်ငန်းတစ်ရပ်ကိုလည်း မဟုတ်ပါ။ စကားတစ်လုံးနှင့် မဟုတ်ပါ။ တစ်ခုခုကို မဟုတ်ပါ။

တစ်ကိုသဘောမတူတဲ့ စာရေးဆရာကြီးတွေ အထင်ကရကဗျာဆရာတွေက သူတို့မှန်တယ်လို့ယူဆတဲ့အတိုင်း ဆက်ရေးကြတယ်။ နဝတစစ်အစိုးရလက်ထက်ရောက်တော့ တစ်မရေးရင် ထုတ်ဝေခွင့်မပေးလုပ်လိုက်တယ်။ အခုတော့ ဆင်ဆာအဖွဲ့လည်းမရှိတော့ပါ။ အမှားနဲ့ အမှန် မူလနဲ့ အမိန့်ရသတ်ပုံတွေ မတူတာကို သတိထားမိလာကြတယ်။ ကနေ့လက်ရှိက အဲလိုအခြေအနေဖြစ်တယ်။

ဆဋ္ဌသံဂါယနာတင် ပါဠိမြန်မာပြန်စာအုပ်တွေထဲမှာ တစ်လုပ်ထားပါ။ မြန်မာ့စွယ်စုံကျမ်း ၁၅ အုပ်တွဲမှာလည်း တစ်တွေ မဟုတ်ပါ။

မြန်မာစာမှာ ဟိုရှေးကတည်းက မူကွဲရှိတယ်။ ဥပဒေနဲ့ သတ်မှတ်တာ နည်းလမ်းအမှန် မဖြစ်သင့်ပါ။ ပညာကို ပညာနဲ့သာ သန့်စင်အပ်ပါတယ်။

ဆရာရဲ့ စိတ်အားထက်သန်မှုနဲ့ စိတ်စေတနာကို သိပါတယ် ခင်ဗျာ။ ကိုယ့်ထမင်းကိုယ်စားပြီး ထောက်ပြနေရတာကိုလည်း သိပါတယ်။ ကျနော့်သဘောကတော့ မြန်မာစာဟာ မူကွဲအမျိုးမျိုး၊ ရေးထုံးအမျိုးမျိုး၊ ငါအမှန်၊ ငါ့ဆရာအမှန်တွေဖြစ်မှာကို မလိုလားတာ တစ်ခုပါပဲ။ တစ် ကနေ ပြန် တ ကြမယ်ဆိုရင်လည်း ပညာရှင်တွေတိုင်ပင်ညှိနှိုင်း ထုတ်ပြန်ကြမယ်ဆိုရင်လည်း ကန့်ကွက်မှာ မဟုတ်ပါဘူး။ အားလုံးညီညာစေချင်တာပါပဲ ခင်ဗျာ။

ကျွန်တော့် သူငယ်တန်းနဲ့ အလယ်တန်း မြန်မာစာဆရာမတွေနဲ့ အထက်တန်းဆရာ ဘုတလင်ချစ်လေးတို့က မှန်တယ်လို့ တယူသန်စွဲနေမိတယ်။ တစ်ကနေ တ ဖြစ်တာမဟုတ်။ တကနေသာ တစ်ဖြစ်မိန့်ပေးထားခြင်းသာ ဖြစ်ပါတယ်။ ကျွန်တော်က ဆဋ္ဌသံဂါယနာတင် ပါဠိမြန်မာပြန်စာအုပ်တွေကလည်း မှန်တယ်လို့ တယူသန်စွဲနေတယ်။

ခေတ်အရ ပြောင်းလာတွေ အထင်အရှားရှိတယ်။ ပုဂံခေတ်ကတည်းက ပိုပြီး လွယ်ကူရှင်းလင်းစေအောင်ရေးလာတာ။ တချို့ အဆင့်စာလုံးတွေ မသုံးတော့ပါ။ လေ့လာဆန်းစစ်ပြီး စာတပုဒ် ရေးထားတယ်။ တ ကို တစ်ခိုင်းတာ၊ သမတ မ နှစ်လုံးဆင့်ခိုင်းတာ စတာတွေက လွယ်နေတာကို ခက်အောင်ခိုင်းတာ။ မှားနေလို့ ပြင်ခိုင်းတာ မဟုတ်ပါ။ ဒေါက်မြင့်ဖိနပ်နဲ့ သံရိုက်ခြင်းစာ ရေးထားတယ်။

ဘလော့မှာ စာပုဒ်ရေ တရာကျော်ပြီ။ ဓါတ်ပုံတွေနဲ့ တင်ပြထားတယ်။ အခုလိုစာလေးတပုဒ်နဲ့တော မလုံလောက်ပါ။ အခုမှ တွေ့သူကမေးတိုင်း ပြန်ပြန်ရေးနေရတယ်။ အတော်တော့ မောပြီ။

ဒေါက်တာတင့်ဆွေ
၂၉-၆-၂ဝ၁၈

ဆရာကို ကာမပြန်ကြပါ

သူငယ်ချင်းက ကွန်မင့်မှာ ရေးလာတယ်။ သူက ဆယ်တန်းမှာ အိုဘီ ခေါ် စိတ်ကြိုက်မြန်မာစာယူလို့ ကျွန်တော့်ထက် မြန်မာစာတော်တယ်။

တပြည်သူ မရွှေထား
နိုးတဝက် အိပ်မက်
တမျိုးမူတဲ့ ပဲခူးသူ
တလုံးနှစ်လုံး စာစီကုံး
တကျော့နှစ်ကျော့ တေးကိုသီ
တကျွန်းစံ၏ အပြန်လမ်း
တခုလပ်နှင့် အပျိုစင်
တဆံခြည်မျှ မေ့မရလေဘူး အချစ်ဦး
တပတ်သျှိုဆံထုံးကြော့မှာ တပွင့်ပန်းပန်လာ
ချစ်စရာတပွေ့တပိုက် ဤဖေ့ကြိုက်မို့ပင်
တဖက်သတ်အချစ်ဟာ ဆိုးပါသည်
ဆေးတံတိုတညိုလောက် ရော့သောက်တော့ပေး
တရံရောအခါက ငှက်ငယ်လေးပမာ
မိဘတလည် ရန်သူမည်၏
တအူတုံဆင်း မောင်နှစ်မအရင်းပမာ
သူတည်းတယောက် ကောင်းဖို့ရောက်မူ၊ သူတယောက်မှာ ပျက်လင့်ကစာ၊ ရေပွက်ပမာ တသက်လျာတည်း
တယောက်တလက်တအားသည်။

ကျေးဇူး သူငယ်ချင်း။ ပို့စ်ထဲ ထပ်ဖြည့်လိုက်မယ်။ ကျွန်တော်တို့က ဆရာတူတပည့်တွေ။ ဆရာကို ကာမပြန်ကြပါ။

ဒေါက်တာတင့်ဆွေ
၂၉-၆-၂ဝ၁၈

Plasma Donations from Recovered COVID-19 Patients ကရိုနာဗိုင်းရပ်စ်လူနာ သွေးသွင်းကုသပေးနေပြီ

ကရိုနာဗိုင်းရပ်စ် ကူးစက်ခံရပြီး ပြန်ကောင်းလာသူရဲ့သွေးကို လိုအပ်တဲ့လူနာတွေကို သွင်းပေးကုသနည်းကို စမ်းသပ်နေပါတယ်။ သွေးထဲက ပလာစမာအရည်ကိုသွင်း...