Thursday, January 31, 2019

နွေးပါစေ မွှေးပါစေ

ဆရာရှင့် တခုလောက်မေးချင်ပါတယ်။ ဒီနေ့ဆရာတင်တဲ့ Post တခုဖတ်လိုက်ရပါတယ်။ မြတ်စွာဘုရား ခြေတော်လက်တော်နွေးစေဖို့ သနပ်ခါးမီးပူဇော်တဲ့ ကုသိုလ်ပြုတယ်ဆို ဘယ်လိုပူဇော်ရတာပါလဲဆရာ။
သနပ်ခါးတုံးတွေကိုခွဲပြီး ဘုရားကျောင်းဆောင်ရှေ့မှာ ခွဲထားတဲ့ သနပ်ခါးတုံးတွေကိုမီးလောင်စေပြီးပူဇော်ရတာလားရှင့်။ ကျွန်မနားမလည်လို့ပါ။ စာရေးတဲ့အထဲမှာ အမှားပါရင်ခွင့်လွှတ်ပေးပါရှင့်။

မြတ်စွာဘုရား ခြေတော်လက်တော်နွေးစေဖို့ သနပ်ခါးမီးပူဇော်တဲ့ ကုသိုလ်ပြုတယ်ဆိုတာ ဘုရားဆွမ်းတော် တင်သလိုသဘောဖြစ်တယ်။ တပို့တွဲလပြည့်မှာ လုပ်ကြတယ်။ ရက်အတိအကျမဟုတ်လည်း လုပ်နိုင်တယ်။ နည်းရယ်လို့တော့ မရှိပါ။ ဆရာနေရတဲ့နေရာမျိုးမှာ စမုတ်အလမ်း ခေါ်တဲ့ မီးခိုးထွက်ရင် အသံမြည်တာတပ်ထားလို့ အိမ်ထဲမှာ မီးခိုးထွက်တာမျိုး လုပ်ရတာ ခက်တယ်။ မီးလောင်တတ်တာ သတိထားရမယ်။ တချို့လူတွေက အနံ့အသက်ကို မတည့်တာရှိတယ်။

တချို့နေရာတွေမှာတော့ သတ်သတ်မှတ်မှတ်လုပ်ကြတယ်။ ဥပမာ ဘုတလင်မြို့။ ရန်အောင်မြင်ဘုရားကြီးမှာ နှစ်စဉ် မနက်အရုဏ်တက်ချိန်မှာ စုပေါင်းလုပ်ကြတယ်။ သနပ်ခါး၊ နံ့သာဖြူ၊ ကရမက်တွေကို မီးလောင်လွယ်အောင် သေးသေးလေးတွေ ခွဲစိတ်ပြီး မီးလောင်ခံခွက်အမျိုးမျိုးထဲမှာထည့်ပြီး ဘုရားရှေ့၊ ဘုရားပရဝုဏ်ထဲမှာ မီးရှို့ပြီး ပူဇော်ကြတယ်။ နံသာဆီ၊ နံ့သာအမွှေးတိုင်တွေလည်း သုံးကြတယ်။

ဒီနှစ် ထပ်တင်တော့ ကွန်မင့်ကနေသိလာရတယ်။ ရေစကြိုမှာလည်း အဲဒီနေ့မှာ ရွာထောင်ရွာသက်တော်ရ ဘုရားရင်ပြင်မှာ ပူဇော်ပွဲလုပ်ကြပါမယ်။ မြိုင်၊ ရွှေဘို၊ အရာတော်တို့နဲ့ အပြိုင်ပေါ့တဲ့။

ကုသိုလ်မှုဆိုတာ မပြုမီ၊ ပြုစဉ်နဲ့ ပြုပြီး စိတ်ထားအရေးကြီးတယ်။ စိတ်ထားအပြင် ဝဇီကမှုနဲ့ ကာယကံမှုလည်းပါတယ်။ ရွတ်ဆိုတာ သတ်သတ်မှတ်မရှိပါ။ ဦးစီးတဲ့ ဆရာတော်တွေက သတ်မှတ်ပေးထားရင်တော့ အဲတာကို ရွတ်ဆိုနိုင်တယ်။ အစဉ်အလာတရပ်လိုလုပ်နိုင်ရင်လည်း ကောင်းပါတယ်။

အေးလွန်းတဲ့အခါမှာ နွေးပါစေ မွှေးပါစေလို့ စိတ်ထားတာကောင်းတယ်။ ဘုရားကို ရည်စူးတော့ အကောင်းဆုံးပေါ့။ ကောင်းစေလိုတဲ့ စိတ်ထားက အရေးကြီးပါတယ်။

ဒေါက်တာတင့်ဆွေ
၁-၂-၂ဝ၁၈
၁-၂-၂ဝ၁၉

စာအုပ်စင်နဲ့ သစ်ပင်

စာအုပ်ဆိုတာ ကောင်းတယ်။ သစ်ပင်တွေကလည်း ကောင်းတယ်။

ဒါပေမဲ့ စာကောင်းတွေကို သတ်ပုံမှန်အောင်ရေးမှသာ အကျိုးပြုမယ်။ ပိုးကျနေတဲ့အပင် အသုံးမဝင်ပါ။

မျိုးဗီဇပြင်ထားတဲ့ အပင်တွေ သတိထားရတယ်။ သတ်ပုံပြင်စာအုပ်တွေ စင်ပေါ်မထားပါ။

ဒေါက်တာတင့်ဆွေ
၃၁-၁-၂၀၁၉

Arthritis အဆစ်နာ

အဆစ်နာ အမျိုးပေါင်း ၂ဝဝ ရှိတယ်။ အကြီး-အငယ်၊ အရွယ်မရွေး၊ ကျား-မ မရွေး ဖြစ်တယ်။ တကိုယ်လုံးအနှံ့ ဖြစ်တယ်။ Osteoarthritis အဆစ်ကို အသုံးချတာ များရာကနေ ကြာတော့ ပွန်းပဲ့ ဟောင်းနွမ်းရာကနေဖြစ်တာမျိုး။ Rhumatoid arthritis လေးဘက်နာလို့ပြောတာက ခုခံအားစနစ်ကြောင့်ဖြစ်တယ်။ Juvenile arthritis ကလေးတွေမှာဖြစ်တာဆိုပြီး သုံးမျိုးခွဲနိုင်တယ်။

(က) ဆေးပေးကုသနည်း
အဓိက စားဆေး လေးမျိုးရှိတယ်။

(၁) Analgesics အနာသက်သာဆေး။ Aspirin, Paracetemol, Ibuprofen တို့ဖြစ်တယ်။ Aspirin နဲ့ Ibuprofen က အရောင်ကျတာမှာ ပိုကောင်းတယ်။ ပိုပြင်းတဲ့ အနာသက်သောဆေးတွေက Codeine နဲ့ Diamorphine တို့ဖြစ်တယ်။

(၂) Anti-inflammatory medicines အရောင်ကျဆေး။ Non-steroidal anti-inflammatory drugs (NSAIDs) Ibuprofen, Indomethacin, Naproxen, Fenbufen, Piroxicam, Diclofenac နဲ့ Osteoarthritis အတွက်ပေးတဲ့ ဆေးသစ် Cox-2 inhibitors တွေ ဖြစ်တယ်။

(၃) Steroids (စတီရွိုက်)ဆေး။ ကိုယ်ထဲကနေ အလိုလိုထုတ်ပေးနေတဲ့ cortisone သဘာဝဟော်မုန်းဖြစ်ပြီး၊ အရောင်ကျစေတယ်။ သတိထားရမှာက ဘေးထွက်ဆိုးကျိုးတွေဖြစ်တယ်။ တခြားဆေးနဲ့မတိုးမှ သုံးတာကောင်းတယ်။
Disease-modifying medicines (DMARDs) ခုခံအားကြောင်ဖြစ်တဲ့ Rhumatoid arthritis နဲ့ Juvenile arthritis အဆစ်နာမျိုးအတွက် သုံးတယ်။ Methotrexate, Sulfasalazine, Gold (sodium aurothiomalate), Penicillamine နဲ့ Azathioprine တွေဖြစ်တယ်။

(၄) Biologic response modifiers (BRMS) ဆေးတွေက ဆေးသစ်တွေဖြစ်တယ်။ အလွန်ဆိုးတဲ့ Rheumatoid arthritis အဆစ်နာကိုသာပေးရာကနေ အခု တခြားအဆစ်နာတာကိုပါ ပေးလာတယ်။ အဆစ်ပျက်စီးမှာကို ကာကွယ်နိုင်လို့ ဖြစ်တယ်။ Etanercept, Infliximab နဲ့ Adalimumab ဖြစ်တယ်။ ဆေးဈေးကြီးတယ်။ ထိုးရ-သွင်းရတယ်။

ဆေး အချိုးအဆ၊ တခါသောက် ဘယ်လောက်၊ ဘယ်လောက်ကြာကြာ၊ အစာနဲ့နီး-ဝေး၊ ဘေးထွက်ဆိုးကျိုး၊ ဆိုတာတွေ သိထားပါ။ ဘေးထွက်ဆိုးကျိုးတွေက တယောက်နဲ့တယောက်၊ ဆေးတမျိုးနဲ့တမျိုး မတူဘူး။

(ခ) Physiotherapy (ဖီဇီယိုသာရာဖီ) အကြောကုနည်း
Electrotherapy လျှပ်စစ်သုံးကုတာ၊ Massage နှိပ်နယ်တာ၊ Acupuncture အပ်စိုက်တာတွေပါတယ်။ Hydrotherapy ရေနဲ့ကုနည်း၊ Occupational therapy အလုပ်အကိုင်မပျက်အောင်ကုသပေးနည်း။

(ဂ) Surgery for arthritis ခွဲစိတ်ကုသနည်း
ရောင်နေတဲ့ အဆစ်ဖုံးကို ထုတ်တာ။ နာနေတဲ့ အရွတ်အဖုံးကို ထုတ်တာ။ အရွတ်ကို ပြုပြင်တာ၊ အနာသက်သာအောင် အရိုးထုတ်ပြစ်တာ၊ အာရုံကြောဖြတ်ပေးတာ၊ အဆစ်တုထည့်ပေးတာ စသဖြင့် နည်းတွေပါတယ်။

(ဃ) Complementary therapies တခြားနည်း
• Acupuncture အပ်စိုက်ကုသနည်း၊
• Alexander technique ဘယ်လိုရပ်၊ ဘယ်လိုထိုင် ပညာပေးတာ၊
• Aromatherapy ပန်း၊ အပင်တွေကရတဲ့ အဆီသုံး ကုတာ။
• Herbalism အပင်တွေကရတဲ့ပစ္စည်းတွေသုံးကုတာ။
• Homeopathy (ဟိုမီယိုပသီ) နည်း။
• Osteopathy ကိုင်တွယ်နှိပ်နယ်ပေးတာ။ Osteoporosis နဲ့ ရောင်နေတဲ့ အဆစ်မျိုး မသုံးသင့်ပါ။
• Reflexology ခြေထောက်ကို နှိပ်ပေးနည်း။
• Yoga (ရောဂ) နည်း ကိုယ်-စိတ် လျှော့နည်း၊ အသက်ရှူနည်း၊
• အရိုး-အဆစ် အထူးကုဆရာတွေကနေ ရောဂါရှိလျက် နေတတ်၊ စားတတ်၊ သွားလာတတ်အောင်၊ စိတ်ပိုင်းမှာပါ ထားတတ်အောင်လည်း ကူညီပေးကြသေးတယ်။

Physiotherapy အဆစ်နာနေသူတွေအတွက် ဖီဇီယိုသာရာပီအကြံပြုချက်များ
• တင်ပလင်ခွေ ကြာရှည်မထိုင်ပါနဲ့။
• လှေကားအရှည်ကြီး (အမြင့်ကြီး) မတက်ပါနဲ့။
• ဒူးကိုကွေးနေအောင်ထိုင်ရတဲ့ နိမ့်ရာမှာ ကြာကြာမထိုင်ပါနဲ့။
• ဒူးထောက် မထိုင်ပါနဲ့။
• ဆောင့်ကြောင့်ထိုင်တာ ရှောင်ပါ။
• ကိုယ်အလေးချိန်များနေရင် လျှော့ချပါ။
• လမ်းလျှောက်တာ ကောင်းတယ်။ ဒါပေမဲ့ အမြန်လျှောက်တာ၊ Jogging ‘ဂျော်ကီ’ လုပ်တာ၊ စက်ဘီးစီးတာတွေက နာလာရင် ဆက်မလုပ်ပါနဲ့။
• အိမ်သာကို ဒူး ၉ဝ ဒီဂရီ၊ ခါးမတ်မတ်ထိုင်ရတဲ့ Western commodes ဗိုလ်သုံးအမျိုးအစားကိုသာသုံးပါ။
• ထိုင်စရာရှိရင် မတ်တပ်ရပ်မနေပါနဲ့။
• စီးသွားစရာရှိရင် လမ်းလျှောက်မနေပါနဲ့။
• ဖီဇီယိုဆရာဝန်ကနေညွှန်တဲ့ စနစ်ကျတဲ့လေ့ကျင့်ခန်းကိုသာ လုပ်ပါ။

Dr. တင့်ဆွေ

Augmentin ပဋိဇီဝဆေး

Augmentin ပဋိဇီဝဆေး

Amoxicillin နဲ့ Clavulanate ပဋိဇီဝဆေး ၂ မျိုးရောထားတာဖြစ်တယ်။

250 mg/125 mg, 500 mg/125 mg, 875 mg/125 mg စာဆေးတွေနဲ့ 125 mg/31.25 mg per 5 mL, 250 mg/62.5 mg per 5 mL သောက်ဆေးတွေရှိတယ်။

Augmentin ဆေးကို နေရာအမျိုးမျိုးမှာ ဗက်တီးရီးယားပိုးဝင်ခြင်းအတွက်ပေးတယ်။ အစာနဲ့သောက်သင့်တယ်။

နားအလယ်ပိုင်းရောင်ခြင်း။ အာသီးရောင်ခြင်း။ လည်ချောင်ရောင်ခြင်း။ အသံအိုးရောင်ခြင်း။ လေပြွန်ရောင်ခြင်း။ ဆိုင်းနပ်စ်။ နူမိုးနီးယား။ ဆီးလမ်းပိုးဝင်ခြင်း။ အရေပြားပိုးဝင်ခြင်း။ ဂနိုးရီးယား။

500 mg/125 mg-875 mg/125 mg PO q12h တနေ့ ၂ ကြိမ်။ သို့မဟုတ်
250 mg/125 mg-500 mg/125 mg တနေ့ ၃ ကြိမ်။ ၅-၇ ရက်။

Sinusitis ဆိုင်းနပ်အတွက်
875 mg/125 mg တနေ့ ၂ ကြိမ်၊ ၅-၇ ရက်။ သို့မဟုတ်
500 mg/125 mg တနေ့ ၃ ကြိမ်၊ ၅-၇ ရက်။ အစာနဲ့သောက်သင့်တယ်။

UTI ဆီးလမ်းပိုးဝင်ခြင်း
500 mg/125 mg တနေ့ ၂ ကြိမ်၊ ၃-၇ ရက်။ အစာနဲ့သောက်သင့်တယ်။

ပဋိဇီဝဆေးတိုင်း ဆရာဝန်ညွှန်မှသာသောက်ရတယ်။ ဆေးတိုင်းမှာ ဘေးထွက်ဆိုးကျိုးတွေရှိတယ်။ ဆေးကို ဆေးပတ်စေ့အောင်သောက်ရမယ်။ ဗိုင်းရပ်စ်ကြောင့်ဖြစ်တာတိုင်း ပဋိဇီဝဆေးနဲ့ မပျောက်ပါ။

ဒေါက်တာတင့်ဆွေ


Leukopenia သွေးဖြူဥနည်းခြင်း

မင်္ဂလာပါ ဆရာခင်ဗျ၊ ကျွန်တော့်မိတ်ဆွေ အမျိုးသမီးတယောက် သွေးဖြူဥနည်းတဲ့ရောဂါဖြစ်လို့ဆရာ၊ အန္တရာယ်ရှိလား ခင်ဗျ ကုသလို့ရော ပျောက်ကင်းနိုင်ရဲ့လား ခင်ဗျ အသက်က (၄၀) ဝန်းကျင်ပါ ဆရာ၊ သူ့မိသားစုက အရမ်းစိုးရိမ်နေလို့ပါ ဆရာ၊ ပြန်ဖြေကြားပေးပါဦးခင်ဗျ။ ဆရာ ကျန်းမာပါစေ၊

လူနာ အအသက်နဲ့ အမျိုးသမီးလို့သာသိရ။ ကျန်တာတွေ မသိ။ ဘယ်လိုခံစားနေရမသိ။

ကျန်းမာနေသူတယောက်မှာ သွေးဖြူဥ 3,500 ကနေ 11,000 အထိရှိတယ်။ ရိုးတွင်းခြင်ဆီကနေ ထုတ်ပေးနေတယ်။

သွေးဖြူဥနည်းနေသူ ကူးစက်ရောဂါဝင်လာရင် ခံနိုင်စွမ်းနည်းမယ်။ သွေးဖြူဥဆိုတာ ခုခံအားနဲ့ဆိုင်တယ်။

သွေးဖြူဥအမျိုးအစား ၅ မျိုးရှိတယ်။
၁။ Neutrophils 55% ကနေ 70% ရှိတယ်။ ဖန်းဂတ်စ် ခေါ်မှိုပိုးနဲ့ ဗက်တီးရီးယားတွေကို ခုခံပေးတယ်။

၂။ Lymphocytes က ဒုတိယအမျိုးဆုံး။ ဗိုင်းရပ်စ်ပိုးကိုခုခံပေးတာယ်။

၃။ Basophils အမျိုးအစားနည်းရှားတယ်။ ရောင်ရမ်ဖြစ်စဉ်နဲ့ အလာဂျီမှာပါဝင်တယ်။

၎။ Monocytes အရွယ်အစားအကြီးဆုံး။ ဗက်တီးရီးယား၊ ဖန်းဂတ်စ်နဲ့ ဗိုင်းရပ်စ်တွေကို ခုခံပေးတယ်။ ရောင်ရမ်းဖြစ်စဉ်မှာလည်း ပါတယ်။

၅။ Eosinophils အလာဂျီမှာအဓိကကျတယ်။ အလာဂျီရှိနေသူတွေနဲ့ ပန်းနာရှိသူမှာ များနေမယ်။

နည်းနေသူ မကြာခဏပိုးဝင်ခံရမယ်။ ဖျားမယ်။ ချွေးထွက်မယ်။ ချမ်းမယ်။

ဘာလို့ သွေးဖြူသနည်းသလဲ
၁။ ဗိုင်းရပ်စ်ပိုး ရက်တိုဝင်လို့ဖြစ်နိုင်တယ်။ ဥပမာ တုပ်ကွေး။
၂။ ရိုးတွင်းခြင်ဆီပုံမှန်မဟုတ်ခြင်း၊ ဘေလုံး လိုတာထက်ပိုအလုပ်လုပ်ခြင်း၊
၃။ Leukemia သွေးကင်ဆာ၊
၎။ HIV, AIDS ဖြစ်နေခြင်း၊
၅။ တီဘီဖြစ်နေခြင်း၊
၆။ အော်တိုအင်မြူးရောဂါ၊ Rheumatoid arthritis လေးဘက်နာ၊
၇။ Kostmann syndrome နဲ့ myelokathexis မွေးရာပါရောဂါတွေ၊
၈။ အာဟာရချို့တဲ့ခြင်း၊ ဗီတာမင်ဘီ-၁၂၊ ဖေါလစ်အက်စစ်၊ ကောပါးနဲ့ သွပ်ဓါတ်နည်းခြင်း၊
၉။ Sarcoidosis ရောဂါ။

ဖြစ်စေတဲ့အကြောင်းကို ကုသရမယ်။ ဖြစ်နေတာကို ကုသရမယ်။

Leukemia လူကီးမီးယား သွေးကင်ဆာ https://doctortintswe.blogspot.com/2015/01/leukemia.html

ဒေါက်တာတင့်ဆွေ
၃၁-၁-၂၀၁၉

ဝင်းဦး သီချင်းများ



ချစ်သောသူတယောက်
ဆောင်းတညဝယ်
မုန်းတလှဲ့ ပြုံးတလှဲ့

ဝင်းဦးခေတ်ဆိုတာ ရှိခဲ့တယ်။ အဲလ်ဗစ်ပရက်စလေခေတ်နဲ့ အပြိုင်။ အလွန်အဆိုကောင်းပြီး သရုပ်ဆောင်လည်းကောင်း၊ စာရေးလည်းကောင်းတယ်။ အဲဒီခေတ်မှာ လူတိုင်းကလည်း သတ်ပုံမှန်အောင်ရေးခဲ့ကြပါတယ်။

ဒေါက်တာတင့်ဆွေ
၃၁-၁-၂ဝ၁၉

Breakfast ကျောင်းသားနံနက်စာ

ဒီတိုင်းပြည် ကျောင်းစားသောက်ခန်းမှာ ကပ်ထားတဲ့ နံနက်စာ ပိုစတာ

အသီးတမျိုးပါရမယ်။ ဖွေးနေအောင်ချွတ်မထားတဲ့ ပေါင်မုံ့၊ ဆန် ဂျုံနဲ့လုပ်တာ တခုခုပါမယ်။

သောက်စရာ နွားနို့။

အခြေခံအချက်က စုံရတာပါ။ ဖွေးနေအောင်ချွတ်မထားတဲ့ပေါင်မုံ့နေရာမှာ ဆန် သို့မဟုတ် ဂျုံနဲ့လုပ်တာ တခုခုပါမယ်။ ကိုယ့်ဆီမှာ ရတာကို စုံအောင်စားရင် အတူတူပါပဲ။

ဒေါက်တာတင့်ဆွေ
၃၁-၁-၂၀၁၉

HPV Vaccine သားအိမ်ဝကင်ဆာကာကွယ်ဆေး မြန်မာပြည်တပြည်လုံး ထိုးပေးမယ်

သတင်းတခု အခုပဲဖတ်ရတယ်။ အသက် ၁၀ နဲ့ ၁၄ နှစ်ကြားအရွယ် မိန်းကလေးတွေကို ထိုးပေးမှာလို့ ဆိုပါတယ်။ မြန်မာနိုင်ငံက အရှေ့တောင်အာရှမှာ သားအိမ်ဝကင်ဆာဖြစ်နှုန်း တတိယလိုက်တယ်လို့ သတင်းမှာပါတယ်။ ကမ္ဘာမှာလည်း ဖြစ်ပွါးမှုအများဆုံးနိုင်ငံတဲ့။ ဆောရီး။ ကျန်းမာရေးဆန်းစစ်ချက်တွေအားလုံးမှာ မြန်မာပြည်ဟာ အညံ့ဆုံးတွေချည်းသာဖြစ်နေတယ်။ ဆောရီး။ Gardasil နဲ့ Silgard ဆေးတမျိုးမျိုးထိုးပေးဘို့ WHO လမ်းညွှန်မှာပါတယ်။

Human papillomavirus (HPV) ခေါ် ဗိုင်းရပ်ကနေ သားအိမ်ဝကင်ဆာဖြစ်စေနိုင်တယ်။ ၂၀၁၂ ခုနှစ်တုန်းက အမျိုးသမီးပေါင်း ၂၆၆၀၀၀ ယောက်သေဆုံးခဲ့ရတယ်။ လူနာသစ် ၅၂၈၀၀၀ ယောက်တွေ့ခဲ့တယ်။ သားအိမ်ဝကင်ဆာ လူနာအားလုံးရဲ့ ၈၅% ဟာ ဖွံ့ဖြိုးမှုနည်းတဲ့တိုင်းပြည်တွေမှာဖြစ်တယ်။ အမျိုးသမီးတွေမှာဖြစ်တဲ့ ကင်ဆာ အားလုံးရဲ့ ၁၂% ဟာ သားအိမ်ဝကင်ဆာ။ ၉၉% တို့ဟာ လိင်လမ်းကြွက်နို့ကနေဖြစ်တယ်။ ဒီပိုးကနေ တခြားနေရာ ကင်ဆာတွေလည်း ဖြစ်တယ်။ စအို၊ ဦးခေါင်း၊ လည်ပင်းမှာ ယောက်ျားရော မိန်းမတွေမှာ ဖြစ်နိုင်တယ်။ လိင်ကတဆင့် ကူးစက်တယ်။

ကာကွယ်ဆေး ၃ မျိုးရှိတယ်။ Bivalent ကာကွယ်ဆေး၊ Quadrivalent ကာကွယ်ဆေးနဲ့ Nonavalent ကာကွယ်ဆေးတွေ ဖြစ်တယ်။ ဆေးအားလုံးကနေ သားအိမ်ဝကင်ဆာအားလုံးရဲ့ ၇၀% ကိုဖြစ်စေတဲ့ ဗိုင်းရပ်အမျိုးအစား ၁၆ နဲ့ ၁၈ တွေကနေ ကာကွယ်ပေးနိုင်တယ်။ Quadrivalent ကာကွယ်ဆေးက ၁၆ နဲ့ ၁၁ အမျိုးကနေဖြစ်စေတဲ့ စအိုလမ်းကင်ဆာအတွက်ပါ ထိရောက်တယ်။ Nonavalent ဆေးက ၃၁၊ ၃၃၊ ၄၅၊ ၅၂ နဲ့ ၅၈ အမျိုးပိုးတွေကို ကာကွယ်မယ်။

သားအိမ်ဝကင်ဆာဖြစ်နှုန်း
မြောက်အမေရိက 6.6 cases/100,000 persons
ဥရောပ 7.3 cases/100,000 persons
လက်တင်အမေရိက 21.2 cases/100,000 persons
ဆာဟာရအောက်ပိုင်း 34.8 cases/100,000 persons

WHO ကဦးစားပေးအုပ်စုအဖြစ် အသက် ၉ နှစ်ကနေ ၁၄ နှစ်မိန်းကလေးတွေကို ကာကွယ်ဆေးထိုးသတ်မှတ်ပါတယ်။ စုစုပေါင်း ၇၁ နိုင်ငံမှာထိုးမယ်။

၁၅ နှစ်အောက် ပဌမတလုံးနဲ့ ဒုတိယတလုံး ၆ လခြာမယ်။ မစောသင့်ပါ။

၁၅ နှစ်အထက် ပဌမတလုံးနဲ့ ဒုတိယတလုံး ၂ လခြာမယ်။ တတိယဆေးကို ပဌမဆေးနောက် ၆ လမှာထိုးမယ်။

ဒေါက်တာတင့်ဆွေ
၃၁-၁-၂၀၁၉

The Old Fisherman တံငါအို

ကိုမင်းနောင်ဆိုရင် သူဆိုတဲ့သီချင်းကောင်းတွေ အများကြီးထဲက ၂ ပုဒ် ခေါင်းထဲရောက်လာတယ်။ ဇရာ နဲ့ တျာချင်း။

ဝန်ကြီးပဒေသရာဇာ၏ ထန်းတက်သမားဖွဲ့ တျာချင်း

နွေဦးကာလ၊ မြူထသောခါ၊
ရင်းထောင် ရင်းဆွဲ၊ ဆောင်မြဲအိုးလွယ်ကာ၊
ဓားနှီး ထက်စွာ၊ ခါးမှာချပ်လျက်၊
ထန်းပွင့် ထန်းခိုင်၊ ရွှန်းမြိုင်မြိုင်၊
ကလိုင်သာလွယ်လို့၊ တက်သည်နှင့်လေး။

ထန်းပင် ထန်းလက်၊ ထန်းရွက်ကယ် ဝေဝေ၊
စင်အောင် ခုတ်ထစ်၊ နုမြစ်ကယ် ထန်းဦးရေ၊
မယားငယ်ဆွေ၊ ထန်းရေသိမ်းဆည်း၊
သားမြေးဟစ်ကြော်၊ ခွေးဝက်ကယ်ခေါ်၊
ထန်းလျှော်သာ ယုန်ပိုက်စည်းငယ်နှင့်လေး။

ခေါ်သံရိုက်ဟည်း၊ လူလည်းကြော်ငြာ၊
ခွေးဟစ် လူဟစ်၊ ခတ်ပစ်ကယ် ခြောက်သောခါ၊
ပတတ်ကယ် ယုန်, ခါ၊ တောမှာရှိကြ၊
ငုံး ကြက်ကယ် ဖွတ် မြွေ၊ ဝံပုလွေ၊
မနေ ထွက်လာကြသည်တည့်လေး။

ဝမ်းသာအားရ၊ မယားကတသွယ်၊
ဟင်းရွက်ဆိုးကောင်း၊ သောင်းပြောင်းရော၍လွယ်၊
လင်ကတသွယ်၊ ယုန်ငယ်ကစ၊
တောသတ္တဝါ၊ တွေ့တိုင်းကိုသာ၊
အိတ်မှာသာ ယူ၍ချသည်နှင့်လေး။

သို့နှင့်ရောက်က၊ ခဏအောင့်လျှင်၊
တံစို့ထက်နှင့်၊ ထန်းလျက်ဖိုမှာကင်၊
ဟင်းအိုးဆူလျှင်၊ အကင်ခတ်ပြီး၊
အိုးကင်းနှင့်လှော်၊ ရေနှင့်ကြော်၊
မိုးမျှော်ငရုတ်သီးငယ်နှင့်လေး။

နှီးဒေါင်းလန်းကြီး၊ ခူးပြီးသောခါ၊
သမီးနှင့်သား၊ များလို့မဝင်သာ၊
ဒူးတဖက်သာ၊ တွန်းကာဖယ်လျက်၊
သူ့ထက်ငါလေ၊ စားတော့မည်ဝေ၊
စပေသာလှအုန်းခွက်ကယ်နှင့်လေး။

ငုံ့လျက်ကိုယ်စီသာ၊ ဆုပ်ကာလွေးတော့သည်၊
ပြီးလျှင်ရေမရှာ၊ ခွေးသာကျွေးတော့သည်။ ။

ဝန်ကြီးပဒေသရာဇာ၏ ထန်းတက်သမားဖွဲ့ တျာချင်း http://youtu.be/jtgQ-Dt5G_8

ဇရာသီချင်းကို ဘိုကလေးတင့်အောင်ရေးသားပြီး ကိုမင်းနောင်ကဆိုပါတယ်။

အဏ္ဏဝါ ကမ်းခြေအနီးမှာ၊ ဇရာပို တံငါအိုကြီး ဘဝခရီးကိုတွေး တွေး ရင်လေးမိတာ၊ ငိုက်ဆွေးသလိုနွမ်း ပိုက်အဆွေးကို ထမ်းကာ၊ တလှမ်းခြင်းလှမ်းရင်း၊ ဝမ်းတွင်းမချိသမျှ အတိအကျပေါ်လာ။ အော် မြစ်ပြင်ရယ်ကျယ်ပါဘိလေး၊ ငါးတွေ သည်မြစ်ကြောမှာ ပေါပါဘိလေး။ သို့သော် သည်ပိုက်အဆွေးနဲ့ လိုက်ရေးမလွယ်ပါ။

နုပျိုသစ်လွင် ငယ်စဉ်ကိုမှန်း။ လွမ်း မျက်ရည်ဖြာ။ အင်အားသန်မာ လူလုံးကျစ်လစ်။ ပိုက်သစ်ကိုဆွဲကာ၊ လာလာလေ ရွှေငါးကြင်းတို့။ အိမ်အပြန်ငါးတန်ထမ်းလို့၊ မှန်းကာကြည့် လွမ်းပါဘိလေး။

ဇရာဖိစီး ခရီးမတွင်သောဘဝမှာ၊ ကျန်သေးသမျှ အားဆောင်ကြည့်ရှာ၊ ကံပေးမှ ငါးတကောင်မိမှာ။ အလို ကြည့်စမ်းပ စားစရာ ငါးသတ္တဝါ၊ ဟင် ပိုက်မှာတွယ်ငြိ မိတန်ကောင်းရဲ့တခါ၊ အသာအယာချော့ကာဆွဲ၊ အသက်ပင်မရှူရဲ လက်ထဲ လက်ထဲ လက်ထဲရောက်လု ခုအချိန်မှာ့့

လွတ်လေပြီ့့ ရွှေရည်ဝင်းသည့်ငါး ငါးသတ္တဝါ၊ ခုန်လွှားပြန်ဆင်း မြစ်တွင်းအဏ္ဏဝါ။ တငါအို့့ ဗျာပိုလှိုက်လှဲ မျက်ရည်ဝဲ။ အားခဲလို့မဖြေသာ၊ လူကဇရာ ပိုက်မှာဆွေး၊ ငိုကြွေးမည်တမ်း မြစ်ကမ်းဗွေအဏ္ဏဝါ။     ။

ဒေါက်တာတင့်ဆွေ
၃၁-၁-၂ဝ၁၉

လက်ဖက်ရည်ဆိုင်ရောက်

ရခိုင်ကျောင်းသားတယောက်နဲ့။ ရောက်တတ်ရာရာ။ လွှတ်တော်ကနေ စလိုက်တာ စုံပါရောဗျာ။ မြန်မာပြည်အနောက်စွန်း၊ မြောက်ဖက်ထိပ်နဲ့ ထိပ်သီးမျိုးစုံ သတင်းတွေ။ ဘုန်ကြီးသတင်းလည်းပါ။ ဖုံးထဲကသတင်းတွေလဲပါ။ တချို့က အလုံးကြီးလို့ ထင်တာမျိုးကို တချို့က အပြားလို့သိကြတယ်။ ချင်းဆိုင်မှာ ကုလားစာ ပူရီစားခဲ့တယ်။

ကျောင်းသားတုန်းက လက်ဖက်ရည်ဆိုင် သတိရတယ်။ တခွက် တမတ်။ မွေးရပ်ကို အလည်ပြန်တော့ လက်ဖက်ရည်ဆိုင်တွေမှာ ထိုင်တာ၊ ဧည့်သည်လုပ်တဲ့သူက တပြားမှ မကုန်ခဲ့ပါ။ ကျေးဇူး။

ဒေါက်တာတင့်ဆွေ
၃၁-၁-၂ဝ၁၉

Gestational Diabetes ကိုယ်ဝန်နဲ့ဆီးချို

၁။ ကျွန့်တော့ဇနီးမှာ ယခုကိုယ်ဝန် ၂လကျော်ပြီလို့သိရပါတယ် သူ့မှာဆီးချိုရှိနေပါတယ် နေ့လည်ကဆရာတယောက်ကပြောပါတယ် သားဖွားမီးယက်ဆရာမပါပဲ ဆီးချိုရှိရင်ကလေးမယူရဘူး ယူရင်တောင်မွေးလာမည့်ကလေးက အင်္ဂါမစုံတာ ဉာဏ်ရည်မမှိတာ ကလေးအသက်မမှိတာတို့ဖြစ်နိုင်တယ်လို့ပြောလိုက်တော့ ယခုကျွန်တော့အမျိုးသမီးက တစ်မိုင်မိုင်တတွေတွေဖြစ်နေပါတယ်ခင်ဗျာ အဲတာကြောင့် ဆရာ့ကိုမေးရတာပါ ကျေးဇူးပြု၍ဖြေကြားပေးပါဦးဆရာ

ဆရာတစ်ယောက်၊ အင်္ဂါမဆုံတာ နဲ့ တစ်ထွေထွေ ကို ပြင်လိုက်တယ်။ ဖူးလ်စတော့တွေကိုလည်းဖျက်လိုက်တယ်။ ဆောရီး။

၂။ ဆရာရှင့် ကိုယ်ဝန်ဆောင်နဲ့ပျားမီးရွတ်တည့်လားရှင့်။ သမီးအသက်က ၂၉နှစ်ပါ။ ကိုယ်ဝန်ဆောင်တာ ၆လပါ ဆီးချိုမျိုးရိုးလဲရှိပါတယ် OG လဲအပ်ထားပါတယ်။ ဆီးချိုနဲ့ပတ်သတ်တဲ့ စစ်ဆေးမှုတွေအကုန်လုပ်ပြီးပါပြီ OGTTစစ်တာ Glugose သောက်ပြီး 250mg/l ပါ။ တခြားစစ်ဆေးမှုက HbA1C စစ်တာ၂ကြိမ်မှာ ၁ကြိမ်က 6.7 နဲ့နောက်တကြိမ် 5.6 ရှိပါတယ်။ အိမ်မှာ ကိုယ်တိုင်သွေးဖောက်စစ်တာကတော့ အစားမစားမီ 120-140 mg/l စားပြီး 180-190mg/l ရှိပါတယ်ဆရာ။ အဲလောက်ပမာဏတွေဆို အန္တရာယ်ရှိနိုင်လား ရိုးရိုးမွေးဖို့ဖြစ်နိုင်လားဆရာ။ ultrasound ရိုက်တာကတော့ အနေထားတွေအားလုံးကောင်းပါတယ်ဆရာ။ ဆီးချိုအတွက် ဆေးတွေလဲ ကလေးကိုထိခိုက်မှာစိုးလို့ မသောက်ချင်လို့ပါ။ ဒါ့ကြောင့်ထမင်းစားပြီးတိုင်း ပျားမီးရွက်တစ်ရွက်စားပြီးဆီးချိုချတာ Side effect ရှိနိုင်လား သိချင်ပါတယ်ဆရာ။ OG တွေက သေချာဆွေးနွေးချိန်မပေးလို့ပါ။

ပျားမီးရွတ်ကို မသိပါ။ ပျားမီးရွက်လည်း မသိပါ။ သိလည်း မသိလိုပါ။ ဆောရီး။

၃။ မင်္ဂလာပါဆရာ။ ကျွန်မဒုတိယကိုယ်ဝန်ဆောင်းထား ၁၀ ပတ်ရှိပြီ။ သွေးစစ်တာ သကြားဓါတ်တွေ့တယ်တဲ့ဆရာ။ စိုးရိမ်းရလာဆရာ။ ကျွန်မတော့အရမ်းစိုးရိမ်းတယ်။ မှားတာပါခွင့်လွတ်ပါနော်။  ရိုသေးလေးစားစွာဖြင့်။

၎။ ဆရာရှင့် အသက် ၃၀ အမျိုးသမီးပါဆရာ။ ယခုလ ၇ ရက်နေ့ ရာသီမလာသေးလို့စစ်ကြည့်တာမျဉ်းနှစ်ကြောင်းပေါ်ပြီး ကိုယ်ဝန်ရှိပါတယ်ဆရာ။ ဆီးချိုကလည်းနဂိုအခံရှိပါတယ်ရှင့်။ ဖြစ်နေတာ တနှစ်ကျော်လောက်ရှိပါပြီ။ ယခင် ကိုယ်ဝန်နှစ်လလောက်မှာပျက်ကြဖူးပါတယ်။ အရင်ကိုယ်ဝန်တုန်းက ဆရာဝန်က အင်စူလင်ထိုးခိုင်းပါတယ်ဆရာ။ အခုကိုယ်ဝန်ကျ သမားတော်က metformin1500( တနေ့သုံးကြိမ်နှင့် Diabend MR 30 တနေ့နှစ်ကြိမ် သောက်ခိုင်းပါတယ်ဆရာ။ အရင်သောက်နေကျ sitagliptin ကိုဖြုတ်ခိုင်းပါတယ်ဆရာ။ ကျွန်မသိချင်တာက metformin ကကိုယ်ဝန်ဆောင်တယောက်မှာ ဘယ်လောက်ထိသောက်လို့ရပါသလဲဆရာ။ ကလေးထိခိုက်နိုင်ပါလားဆရာ။ အရင်သမားတော်က ကိုယ်ဝန်ရှိတုန်း အင်စူလင်ထိုးခိုင်းပြီး ခုသမားတော်က ဆေးသောက်လို့ ရတယ်ပြောလို့ စိုးရိမ်လို့ပါဆရာ။ ဖြေကြားပေးပါဦးဆရာရှင့် အစဉ်အမြဲလေးစားလျက်။

မကြာမကြာမေးကြတယ်။ အဖြစ်မနည်းပါ။ ကိုယ်ဝန် ၂၄ ပါတ်လောက်မှာ အရင်က မရှိဘူးတဲ့ဆီးချို ရှိနေတာ တွေ့တတ်တယ်။ ၂ဝ၁၄ လေ့လာမှုတခုအရ ကိုယ်ဝန်ဆောင်အားလုံးထဲမှာ ၉့၂% ဖြစ်ကြတယ်။ ဘာလို့ဖြစ်သလည်း တိတိကျကျမပြောနိုင်ပါ။

အဲလိုရှိနေရင် မိခင်ရော ကလေးကိုပါ သူများတွေထက်၊ အရင်ဆီးချိုမရှိပဲမွေးခဲ့တဲ့ ကိုယ်ဝန်ထက် ပိုဂရုစိုက်ရပါတော့မယ်။ သိပ်တော့မစိုးရိမ်ပါနဲ့။ ကလေးမှာမွေးရာပါချို့ယွင်းချက် ထူးရှိစရောအကြောင်းမဟုတ်ပါ။ အသက် ၂၅ နှစ်ကျော်မှာ ကိုယ်ဝန်ရှိသူတွေ၊ မိသားစုထဲမှာဆီးချိုရှိသူပါနေသူတွေ၊ ကိုယ်အလေးချိန်များသူတွေမှာ ပိုဖြစ်တာတွေ့ရတယ်။ အသားမည်းနဲ့ အာရှအမျိုးသမီးတွေက အဖြူတွေထက်များတယ်။

ကလေးအလေးချိန်များတတ်တယ်။ တချို့မှာ အဲတာကြောင့်ခွဲမွေးရတတ်တယ်။ စောမွေးတလည်း သူများထက်ပိုတယ်။ ဆီးချိုကိုထိန်းရင်နဲ့ သကြားဓါတ်အလွန်နည်းတာကိုလည်းသတိထားရမယ်။ မွေးပြီးကောင်းတာများပေမယ့် တချို့မှာ ဆီးချို အမျိုးအစား (၂) ဆက်ရှိတတ်တယ်။ ၄ ယောက်မှာ ၁ ယောက်ဖြစ်တယ်။ ဆီးချိုနဲ့အတူ သွေးတိုရှိတတ်တယ်။ PET ကိုယ်ဝန်သွေးဆိပ်တက်တာလည်းဖြစ်နိုင်တယ်။

ဘယ်လိုထိန်းမလဲ
ကိုယ်ဝန်အပ်ပါ။ ခေါ်ချိန်တိုင်းမှာသွားပါ။ ဆိးချိုစစ်နေပါ။ သွေးထဲကသကြားဓါတ်ကို အမြဲစစ်ဆေးနေပါ။ အစားအကောက် အလွန်အရေးကြီးတယ်။ ကျန်းမာရေးနဲ့ ညီညွတ်တာကိုသာ စားရမယ်။ တားမြစ်ထားတဲ့အစားအသောက်ကိုရှောင်ရမယ်။ ကိုယ်လက်လေ့ကျင့်ခန်းလုပ်ပါ။ တချို့ကိုဆီးချိုဆေးပေးမယ်။ Metformin 500 mg တနေ့ ၂ ကြိမ်၊ 2550 mg ထက် မကျော်စေရ၊ ၁ဝ-၂ဝ% က အင်စူလင်ထိုးဘို့အထိလိုတယ်။ တချို့ကိုစားဆေးပေးမယ်။

ဆီးချိုရောဂါဝေဒနာရှင်များအတွက် အကြမ်းအားဖြင့် အဓိက အစာအုပ်စု (၃) မျိုးရှိတယ်။
(၁) လုံးဝရှောင်ကြဉ်ရမဲ့ အစားအစာတွေ = ဂလူးကို့စ်၊ သကြား၊ နို့ဆီ၊ ထန်းလျက်၊ ကြံသကာ နဲ့ အဲဒါတွေကနေ လုပ်ထားတဲ့ အစားအစာတွေ၊
(၂) အသင့်အတင့်သာ စားသုံးနိုင်တဲ့ အစားအစာတွေ = ဆန်၊ ဂျုံ၊ ပြောင်း၊ အာလူး၊ ကန်စွန်းဥ၊ ပိန်းဥ စတဲ့ ကစီဓါတ်များတဲ့ အစာများ၊ ချိုတဲ့ အသီးအနှံများ၊ ပဲအမျိုးမျိုးနဲ့ အဲဒါတွေကနေ လုပ်ထားတဲ့ အစားအစာတွေ၊

(၃) ကြိုက်သလို စားသုံးနိုင်တဲ့ အစားအစာတွေ = အသား၊ ငါး၊ အချိုဓါတ်မရှိတဲ့ အသီးအနှံများ၊ အရွက်များ။

ဆန်ဖြူထက် ဆန်လုံးညိုက သင့်တယ်။ ခေါက်ဆွဲက ပိုသင့်တယ်။ ပေါင်မုံ့က ကြားကျတယ်။ သစ်ဥသစ်ဖုတွေ အစဉ်လိုက် မျောက်ဥ၊ မုန်လာဥနီ၊ ကန်စွန်းဥ၊ အာလူး။ ပဲတွေ အစဉ်လိုက် ပဲပုတ်၊ ကုလားပဲ၊ ပဲကတ္တီပါ၊ ပဲနီလေး၊ ပဲထောပါတ်။ သစ်သီးအမျိုးမျိုး အစဉ်လိုက် ပန်းသီး၊ သစ်တော်သီး၊ ဆီးသီး၊ စပျစ်သီး၊ လိမ္မော်သီး၊ ငှက်ပျောသီး၊ သရက်သီး၊ နာနတ်သီး၊ သင်္ဘောသီး၊ ဖရဲသီး။ နို့နဲ့ နို့ထွက်ပစ္စည်းတွေ အစဉ်လိုက် နွားနို့၊ ဒိန်ချဉ်၊ နို့ဆီ၊ ရေခဲမုန့်။ သကြားအမျိုးမျိုး အစဉ်လိုက် သစ်သီးသကြား၊ နို့သကြား၊ ကြံသကြား၊ ပျားရည်၊ ဂလူးကို့စ်။ အချိုရည်အမျိုးမျိုး အစဉ်လိုက် ပန်းသီးဖျော်ရည်၊ လိမ္မော်ရည်၊ ကိုကာကိုလာ၊ လင်မနစ်။ အစဉ်လိုက်ဆိုတာ အရင်ရေးတာတွေက သကြားနည်းတယ်။

ဒီဆေးတွေနဲ့ မသင့်ပါ။
Furosemide or Frusemide (Lasix) ဆီးသွားစေသည့်ဆေး ဆီးချိုးရှိသူတို့အား မပေးရ၊
Estrogen and Progestogen ဟော်မုန်း နှစ်မျိုး ပါဝင်သည့် ကိုယ်ဝန်တားစားဆေး၊ ဆီးချိုရောဂါ ရှိနေလျင် မသုံးသင့်။
Depo-Provera ကိုယ်ဝန်တား ၃ လခံထိုးဆေး၊ ဆီးချိုရောဂါ ရှိလျင် မသုံးသင့်။
Dexamethasone (စတီရွိုက်)၊ ထိုးဆေး၊ စားဆေးကနေ ဘေးထွက် ဆိုးကျိုး ဆီးချိုဖြစ်နိုင်သည်။

သွေးထဲရှိသကြား (ဂလူးကို့စ်) ဓါတ်စစ်ဆေးခြင်း အဖြေ
(၁) ပုံမှန်
ဘာမှမစားပဲစစ်ခြင်း Fasting Value = ၇ဝ မှ ၁ဝဝ။
အစာစားပြီးစစ်ခြင်း (စားပြီး ၂ နာရီနောက်) Post Prandial = ၁၄ဝ ထက်နည်းရမည်။

(၂) ဆီးချိုအစအပိုင်း
ဘာမှမစားပဲစစ်ခြင်း Fasting Value = ၁ဝ၁ mg / dl မှ ၁၂၆ mg / dl
အစာစားပြီးစစ်ခြင်း Post Prandial = ၁၄ဝ mg / dl မှ ၂ဝဝ mg / dl

(၃) ဆီးချိုဖြစ်နေပြီ
ဘာမှမစားပဲစစ်ခြင်း Fasting Value = ၁၂၆ mg / dl အထက်။
အစာစားပြီးစစ်ခြင်း Post Prandial = ၂ဝဝ mg / dl အထက်။

ဆီးချိုအတွက် အရပ်ဆေးနည်းတွေ များလှပြီ။ ဘယ်နည်းကမှ ဆီးချိုကို မပျောက်စေပါ။ သွေးထဲမှာ စားပြီးတိုင်း တက်လာတဲ့သကြားဓါတ်ကို ထိန်းပေးတာသာတတ်နိုင်တယ်။ ပျောက်ဆေးမပေါ်သေးပါ။ မယုံကြစေချင်ပါ။ ဆီးချိုပျောက်ဆေးစစ်မှန်ရင် ဆေးပညာနိုဗယ်ဆု ကြားဖြတ်တောင်ပေးနိုင်တယ်။ သကြားဓါတ်ဆိုတာ စားပြီးတိုင်း တက်တယ်။ တခါစာ တခါ၊ လေးခါစား လေးခါတက်တယ်။

ဒေါက်တာတင့်ဆွေ

Wednesday, January 30, 2019

Our Language Root မြန်မာစာသည် ခါး၏

လူမျိုးတမျိုးရဲ့ အမျိုးသားရေးဝိသေသထဲမှာ ဘာသာစာကို မှန်မှန်ကန်ကန်သုံးတတ်ခြင်းပါပါတယ်။ ဘယ်လို ကွဲသလဲဆိုတာ ခွဲခြမ်းပေးပါဦးဆရာ။ (မေးခွန်းပါသတ်ပုံတချို့ကို ပြင်လိုက်ပါတယ်။ ဆောရီး)

ကနေ့အထိသုံးစွဲနေတဲ့ ကမ္ဘာမှာရှေးအကျဆုံးဘာသာစကား (၁ဝ) မျိုးရှိတယ်။

၁။ Hebrew ဟီဘရူး၊
၂။ Basque ဘက်စ်၊
၃။ Tamil တမီးလ်၊
၎။ Lithuanian လစ်သူနီးယန်၊
၅။ Farsi ဖါရ်ဆီ၊
၆။ Icelandic အိုက်စလန်၊
၇။ Macedonian မက်ဆီဒိုးနီးယန်း၊
၈။ Finnish ဖင်းနစ်ရှ်၊
၉။ Georgian ဂျော်ဂျီယန်၊
၁၀။ Irish Gaelic အိုင်းရစ်ရှ် ဂေးလစ်၊

Sumerian ဆူမားရီးယန်ဘာသာစကားဟာ ကမ္ဘာမှာ ရှေးအကျဆုံးလို့ ဆိုပါတယ်။ ဘီစီ ၃ဝဝဝ မတိုင်မီကတည်းက ရေးသားခဲ့တယ်။ ခေတ်ဟောင်းအင်္ဂလိပ်ဘာသာစကားကို အင်ဂလို-ဆက်ဆွန်လို့ခေါ်တယ်။ ၅ ရာစုလောက်ကစတယ်။ နော်မန်တွေက သိမ်းယူတော့ အင်ဂလို-နော်မန်ဘာသာစကားကို အထက်တန်းကျသူတွေက သုံးလာတယ်။ ခေတ်ဟောင်း အင်္ဂလိပ်စကား ရပ်စဲသွားတယ်။ အလယ်ခေတ်အင်္ဂလိပ်စကားဟာ အနောက်ဂျာမန်စကားနဲ့ ဆက်နေတယ်။ နှစ် ၁၄ဝဝ ကျော်အတွင်း တိုးတက်ဖွံ့ဖြိုးလာတယ်။ ကိုလိုနီနယ်တွေသိမ်းယူနိုင်ရာကနေ အင်္ဂလိပ်စကားလည်း ကျယ်ပြန့်လာတယ်။ အက္ခရာတွေရော သဒ္ဒါပါ ပြောင်းလာတယ်။

ကမ္ဘာမှာ လူဦးရေအများဆုံးကသုံးတဲ့ ဘာသာစကားတွေရှိတယ်။
၁။ တရုပ် = ၉၃၇၁၃၂ဝဝ
၂။ စပိန် = ၃၃၂ဝဝဝဝဝဝ
၃။ အင်္ဂလိပ် = ၃၂၂ဝဝဝဝဝဝ
၎။ ဘင်္ဂါလီ = ၁၈၉ဝဝဝဝဝဝ
၅။ ဟင်ဒီ = ၁၈၂ဝဝဝဝဝဝ
၆။ အာရတ် = ၁၇၄၉၅ဝဝဝဝ
၇။ ပေါ်တူကီ = ၁၇ဝဝဝဝဝဝဝ
၈။ ရုရှား = ၁၇ဝဝဝဝဝဝဝ
၉။ ဂျပန် = ၁၂၅ဝဝဝဝဝဝ
၁ဝ။ ဂျာမန် = ၉၈ဝဝဝဝဝဝ

ကမ္ဘာမှာ လွှမ်းမိုးမှုအများဆုံးဘာသာစကား (၅) မျိုးရှိတယ်။
၁။ အင်္ဂလိပ်
၂။ ပြင်သစ်
၃။ စပိန်
၎။ အာရတ်
၅။ တရုပ်

အင်္ဂလိပ်စာ တရားဝင်သုံးနိုင်ငံပေါင်း ၇၆ နိုင်ငံနဲ့ အင်္ဂလိပ်စကားပြောနိုင်ငံပေါင်း ၁၁၅ နိုင်ငံ ရှိတယ်။ ပြင်သစ်စာ တရားဝင်သုံးနိုင်ငံပေါင်း ၆၂ နိုင်ငံ။ အာရတ်စာ တရားဝင်သုံးနိုင်ငံပေါင်း ၂၈ နိုင်ငံနဲ့ စပိန်စာ တရားဝင်သုံးနိုင်ငံပေါင်း ၂၄ နိုင်ငံရှိတယ်။

မြန်မာဘာသာစကားဟာလည်း သက်တမ်းရှည်ပြီ။ စောစောပိုင်းကာလတွေမှ အိန္ဒိယ၊ သီရိလင်္ကာနဲ့ ဥရောပနိုင်ငံတွေနဲ့ ဆက်သွယ်မှုတွေရှိခဲ့လို့ ပင်မမြန်မာစကားထဲမှာ ရောနှောမှုတွေရှိခဲ့ပါတယ်။ ပါဠိနဲ့ သက္ကတပါရောနှောလာတယ်။ မြန်မာဘာသာစကားဟာ တိဘက်တိုဘာမင်း အုပ်စုထဲကလို့ သတ်မှတ်ထားတယ်။ အဲတာက ဆိုင်နို-တိဘက် ဘာသာစကားမိသားစုထဲကဖြစ်တယ်။ ၁၁ ရာစုထဲမှာရေးသားခဲ့တာကို မှတ်တမ်းကောင်းကောင်း ရရှိထားတယ်။ ပျူဘာသာစကားက ၉ ရာစုကတည်းက ဖြစ်တယ်။

ကနေ့ မြန်မာဘာသာစကားကို ပြောဆိုရေးသားနေသူပေါင်း ၅၂ သန်းလို့ခန့်မှန်းပါတယ်။ ပြည်တွင်းထဲမှာသာမက ပြည်ပ နိုင်ငံတွေမှာလည်း သိသာတဲ့အရေအတွက်ရှိတယ်။ ကိုယ့်စာကိုယ် ထိန်းကြရတယ်။ တိုးတက်စည်ပင်အောင် လုပ်ရတယ်။ ပွါးများကျယ်ပြန့်အောင်လည်း ကိုယ်တိုင်သာလုပ်ရပါတယ်။

မြန်မာစာသည် ကမ်းနားသစ်ပင်ဖြစ်၏။ မင်းအလိုမကျလျှင် ပြင်ခံရ၏။ ဘယ်မင်းကပြင်ပြင် ပြင်ထားသည်ကိုသာ အမှန်ထင်ပြီး လိုက်နာကြ၏။

မြန်မာစာသည် ခါး၏။ တမာ ခွေးတောက်၊ မြစ်လျှောက်ရောယှက်၊ တူနှောဖက်က။ သရက်ချိုမြ ဗန္ဓရလျှင်၊ ကွယ်ပအပြီး၊ အခါးသီး၏။

ဒေါက်တာတင့်ဆွေ
၃၁-၁-၂ဝ၁၈
၃၁-၁-၂ဝ၁၉

သနပ်ခါးမီး ပူဇော်ခြင်း

ကိုယ့်ခြေလက်တွေအေးလို့ ဘုရားပူဇော်တဲ့ဓလေ့ကို မနေ့ကတည်းက သတိရနေတာ။ ကနေ့တော့ နှစ်ပတ်လည်စာအဖြစ် ပြန်ပေါ်လာပါတယ်။ ဒီနှစ်တပို့တွဲလပြည့်နေ့ကတော့ နောက်လ ၁၉ ရက်နေ့မှကျရောက်မယ်။

ပြည်တွင်းမှာနေစဉ်ကတော့ မြတ်စွာဘုရား ခြေတော်လက်တော်နွေးစေဖို့ သနပ်ခါးမီးပူဇော်တဲ့ ကုသိုလ်ပြုမှုကို တပို့တွဲလပြည့်ညမှာ လုပ်ခဲ့ရတယ်။ အပြင်မှာနေရတော့ ဘာသာရေး၊ လူမှုရေးတွေမှာ ဘာလုပ်လုပ် စတိသာလုပ်နိုင်တယ်။

သနပ်ခါးတုံးလေးတွေကို ရှိတဲ့ဓါးနဲ့စိတ်ခွဲရတဲ့အလုပ်ကို ကြိုးစားပမ်းစားလုပ်တာ၊ ဘယ်ဘက်လက်ညှိုး တချက်ထိသွာလို့ ပလာစတာကပ်ထားရသေးတယ်။ ကျွန်တော်က ခွဲစိတ်ဒါးသာ ကိုင်တတ်တာ။ ဘုရားစင်ရှိတဲ့အခန်းမှာလည်း မီးခိုးနဲ့ မီးတောက်ကို ဒေါ်မြမြအေးက ရေတခွက်နဲ့ စောင့်ရသေးတယ်။

မြန်မာပြည်ကဘုရားတွေမှာ သနပ်ခါးမီးသင်းတဲ့ အနံ့တွေ မွှေးကြိုင်ပါစေသတည်း။

ဒေါက်တာတင့်ဆွေ
၃၁-၁-၂ဝ၁၈
၃၁-၁-၂ဝ၁၉

Asthma ပန်းနာမေးခွန်း

မင်္ဂလာပါရှင့်ဆရာ ကျမအသက် ၂၅နှစ် အိမ်ထောင်သည်ပါ ကျမမှာ မွေးရာပါ ပန်းနာရင်ကြပ်ရှိပါတယ် လွန်ခဲ့သော တပါတ်က အသက်ရှုခက်လို့ ပြနေကျဆေးခန်းမဟုတ်ပဲ အခြားဆေးခန်းတခုသို့ သွားပြကြပါတယ် ဆရာဝန်က ရောဂါ စမ်းသပ်ပြီး ဆေးထိုးပေးလိုက်ပါတယ် ဆေး ၂လုံး တလုံးက ရင်ကျပ်တဲ့ ထိုးဆေးပြီးနောက် တလုံးက အသက်ရခက်ရတာ သက်သာဖို့အတွက်ပြောပြီး ထိုးခဲ့သာ အဲ့ဒီညတညလုံး ကျမဆေးခန်းကပြန်လာပြီး အိပ်မရတော့ပါဘူး အသက်ရှုရ အရမ်းခက်တယ် တညလုံး ဂေါက်နဲ့ရှုနေရတယ် မိုးလင်းတော့ တကိုယ်လုံး အဖုအပိတ်တွေထွက်လာပြီး ရောင်ကိုင်းပြီး နာနေတယ်လာတယ် ထိလို့တောင်မရတော့ဘူး အဲ့ဆေးခန်းလဲ ပြန်မသွားရဲလို့ ပြနေကျဆေးခန်းကို ပြန်သွားတာ ပြနေကျဆရာက ဆေးထိုးမှားလို့ဖြစ်တယ်လို့ပဲပြောတယ် အဲ့ဒီ အရောင်ကျအောင် ၃ရက်ဆက်တိုက် ဆေးထိုးပေးမဲ့ အနာပဲသက်သာတယ် အဖုအပိတ်နဲ့ အရောင်တွေက သိပ်မကျသေးဘူး ဘာဆေးသောက်သင့်သလဲလို့ သိချင်လို့ပါ ဒီမှာတရုတ်ဆေးတွေများလို့ အပြင်ဆေးမသောက်ရဲလို့ပါ။ ကျမခံရသလို သူများတွေနောက်ဆို ဆင်ခြင်ထိရအောင်ပါဆရာ။

Asthma (1) ပန်းနာ (၁) https://doctortintswe.blogspot.com/2014/11/asthma-1.html
Asthma (2) ပန်းနာ အဆက် http://doctortintswe.blogspot.com/2014/11/asthma-2.html

မေးခွန်းစာအရေးအသား ပြင်လိုက်တယ်။ ပန်းနာရှိသူတိုင်း ပန်းနာသက်သာဆေး အမြဲဆောင်ထားရတယ်။ သွားလေရာ ယူသွားရတယ်။ ဘယ်လိုအခြေအနေမှာ ကြပ်သလဲ သိထားသင့်တယ်။

အရေးပေါ် ဆောင်ထားစရာတွေ
Beta-adrrenergic agonists ဆေး၊ Albuterol sulfate 1.25-1.5 mg. Metaproteranol 10-15 mg. Isoetharine 2.5-5 mg, Bitolterol mesylate 0.5-1.5 mg တခုခုကို Nebulizer ရှူဆေးအဖြစ် သုံးတယ်။

Terbutaline sulfate 0.25-0.5 mg S/C, Epinephrine 1:10000 (0.1-0.3 ml) S/C အရေပြားအောက်မှာ ထိုးပေးတယ်။ ဒီဆေးကို ကိုယ်ဝန် ပဌမ ၃ လရှိသူ၊ နှလုံးရောဂါရှိသူတွေကို မပေးပါ။

စတီရွိုက်ဆေး Prednisone 60-180 mg/day ပေးပြီး၊ နောက် လျှော့လျှော့ ပေးသွားရမယ်။

MDI ဆိုတာ ပန်းနာသည်များရဲ့ လက်ကိုင်အိပ်ထဲ အမြဲထားရမဲ့ အဆောင်ပစ္စည်း တခုပါ။ ဒီဆေးက အမြန်ထိရောက်တဲ့ ရှူဆေးဖြစ်တယ်။

ဒေါက်တာတင့်ဆွေ
၃ဝ-၁-၂ဝ၁၉

ကင်းစခန်းတခု

စစ်သူကြီးမဟာဗန္ဓုလအကြောင်း ငယ်ငယ်ကသင်ရတယ်။ အခုပုံလည်းပါတယ်။ ပဌမအင်္ဂလိပ်-မြန်မာစစ်ပွဲမှာ မဟာဗန္ဓုလရဲ့တပ်က အဲလိုကင်းစခန်းမျိုး အသုံးပြုခဲ့တယ်လို့ဆိုပါတယ်။

လူအများစုဟာ ငယ်ငယ်က သင်အံဖတ်ရှု ကြည့်ရှုခဲ့တာတွေကို အသက်တွေကြီးတဲ့အထိ စွဲထင်မှတ်သား နာယူကြပါတယ်။

ခုခေတ် တီဗွီတွေ ရုပ်ရှင်တွေမှာ သစ်ပင်ပေါ်အိမ်ဆောက်တာတွေ့တိုင်း ဗန္ဓုလခေတ်က သစ်ပင်ပုံကိုသာ မြင်ယောင်မိပါတယ်။

ခုခေတ်လူတွေလည်း မနေ့တနေ့က တီဗွီမှာပြတဲ့ သတင်းမျိုးတွေကို နှစ်တွေကြာတဲ့အထိ စွဲထင်နေကြပါလိမ့်မယ်။

ဒေါက်တာတင့်ဆွေ
၃၀-၁-၂၀၁၉

သာဓု

တကြိမ်တခါမျှ ပုံနှိပ်ခြင်း မပြုရသေးသော သာဓုရေး ဝတ္ထုသစ် (့့) ပုဒ်ပါသည်။

သာဓုဟာ အင်မတန်တော်တဲ့ စာရေးဆရာ အနုပညာရှင်ဖြစ်တယ်။ သူ့စာအုပ်တွေ သူ့ရုပ်ရှင်တွေကို အကုန်လိုလို ဖတ်ခဲ့ ကြည့်ခဲ့ရတယ်။ သူ့မျိုးဆက်ကိုလည်း မွေးထုတ်ပေးခဲ့တယ်။

သတ်ပုံမျိုးဆက်တော့ အဖြတ်ခံလိုက်ရတယ်။ တစ်ကြိမ်တစ်ခါလို့သာ ရေးကြတော့တယ်။ ဆောရီး ဆရာ။

ဒေါက်တာတင့်ဆွေ
၃၁-၁-၂ဝ၁၈
၃၁-၁-၂ဝ၁၉
ဓါတ်ပုံ Yan Naung Oo ကျေးဇူး။

Excessive hair in women အမျိုးသမီး ကိုယ်မွေးများခြင်း

၃ နှစ်ကစာ ကန်တော့ပါ။

ဆရာရှင့် သမီး ဟော်မုန်းပြောင်းလဲလို့လားမသိဘူး နှုတ်ခမ်းမွေးတွေ ထွက်လာာပါတယ်။ မိန်းကလေးတယောက်အနေနဲ့ ရှက်မိပါတယ်။ သမီးအသက်က ၂၃ ပါရှင်။ အိမ်ထောင်သည်ပါ။

ရာသီ မှန်ပါသလား။ တားဆေး သုံးပါသလား။ ဖြစ်တာ ဘယ်လောက်ကြ။ တခြး ဘာဖြစ်။ ဥပမာ လိင် (ဆောရီး)။

တားဆေးမသုံးပါ ဆရာ။ ရာသီမှန်ပါတယ်။ ၃ လလောက်မှ နှုတ်ခမ်းမွေးတွေ ထူလာတာဆရာ။

မရိတ်ပါနဲ့။ မနုတ်ပါနဲ့။ သိသာရင် ဖယောင်းသုံးနုတ်နည်းသာလုပ်ပါ။ စောင့်ကြည့်ပါ။ ရာသီနဲ့ လိင်စိတ်မူမတူရင်သာ ထပ်မေးပါ။

လ်ိင်စိတ်က တော့ ပြောင်းတယ်ဆရာ။

နည်းလာတာလား။

ဟုတ်ဆရာ။ သားအိမ်ပုံစံပျက်မှာ ကြောက်တာမို့ သိပ်စိတ်မပါဘူးဆရာ။

အမျိုးသမီးတွေမှာ ကိုယ်မွေးအနည်းအများ မတူကြပါ။ အမြင်မှာ ကိုယ်မွေးထူတာမျိုးက ပုံမှန်များတာဖြစ်နိုင်သလို ယောက်ျားတွေနဲ့တူသလို ဥပမာ နှုတ်ခမ်းမွေးပေါက်တာဆိုရင် တခုခုလွဲနေသလား ဆေးစစ်ဆေးရပါမယ်။

Androgens အင်ဒရိုဂျင်ခေါ်တဲ့ ယောက်ျားဟော်မုန်းက မိန်းမတွေမှာ နည်းနည်းလေးသာရှိရတယ်။ အဲတာများနေရင် ယောက်ျားတွေလို ကိုယ်မွေးပေါက်နိုင်တယ်။ တခါတလေ ဘာလို့ဖြစ်မှန်းမသိပဲ မိန်းမတွေမှာ အဲလိုဖြစ်နေတတ်တယ်။ များသောအားဖြင့် အဲလိုဖြစ်ပေမယ့် ဘာမှစိုးရိမ်စရာမရှိပါ။ အမြင်အရမလှသလိုနဲ့ စိတ်မှာ အလိုမကျဖြစ်တာသာရှိမယ်။

Hirsutism ဆိုတာ အမျိုးသမီးနဲ့ ကလေးတွေမှာ ရင်ပတ်နဲ့ ကျောဘက်မှာ အမွေးတွေများတာကို ခေါ်တယ်။ တလွဲဆံပင်ကောင်းသူတွေ။ တချို့မှာ ကင်ဆာရောဂါနဲ့ တွဲနေတတ်တယ်။ Minoxidil ဆိုတဲ့ ဆံပင်ပေါက်ဆေးကြောင့် ကွက်ပြီး အမွေးတွေများလာတတ်တယ်။ မွေးရာပါ Hypertrichosis ရှိသူ ခုထိ အလယ်ခေတ်ကတည်းက ရေတွက်တာ လူပေါင်း ၁ဝဝ တောင် မရှိသေးဘူးတဲ့။ မွေးရာပါဆိုရင် ကုမရပါ။

PCOS မျိုးဥအိမ်အကျိတ်များရောဂါဆိုရင်တော့ သတိထားရပါမယ်။ ကိုယ်မွေးများတာအပြင် ဝက်ခြံလည်းပေါက်မယ်။ ရာသီမမှန်လည်းဖြစ်မယ်။ အိမ်ထောင်ကျရင် ကလေးမရဖြစ်နိုင်တယ်။ ကိုယ်အလေးချိန်ချလို့ခက်မယ်။ ဆီးချိုပါဝင်လာနိုင်တယ်။ တကယ်လို့ ရုတ်တရက်သာ ကိုယ်မွေးများလာရင် အကျိတ် (ကင်ဆာ) လား စစ်ဆေးကုသရမယ်။ ကျောက်ကပ်အထက်မှာနေတဲ့ အဒရီနယ်အိတ်ကင်ဆာ၊ မျိုးဥအိမ် Cushing syndrome ကွတ်ရှင်းဆင်ဒရုမ်း၊ မွေးရာပါ hyperplasia ရောဂါ၊ Hyperthecosis မျိုးဥအိမ်ကနေ ကျားဟော်မုန်း များများ ထုတ်တဲ့ရောဂါတွေကို စစ်ဆေးကုသရမယ်။ ဒါ့ပြင် testosterone, danazol, anabolic steroids, glucocorticoids, cyclosporine, minoxidil နဲ့ phenytoin ဆေးတွေကနေလည်း အဲလိုဖြစ်စေနိုင်တယ်။

အမွေးရိတ်လို့ ပိုတော့မပေါက်နိုင်ပေမယ့် ပေါက်တာကပိုကြမ်းလာမယ်။ အမြင်မှာထူနေသလိုထင်ရမယ်။ ဇာကနာနဲ့ နှုတ်နည်းနဲ့ ဖယောင်သုံးနုတ်နည်းတွေက သက်သာစေမယ်။ နာတဲ့နည်းဆိုရင် ရောင်ရမ်းဖြစ်စဉ်အရ အမာရွတ် ထင်နိုင်တာကိုသတိထားပါ။ Electrolysis ဆိုတာ လျှပ်စစ်သုံးနည်းဖြစ်တယ်။ အမွေးလုံးလုံးရှင်းသွားစေနိုင်ပေမယ့် ကုန်ကျစရိတ်ကြီးတယ်။ တခါတည်းတော့မရတတ်ပါ။ ဒီနည်းကနေလည်း အမာရွတ်ဖြစ်စဉ်ရှိနိုင်တယ်။ လေဆာနည်းက အမွေးမည်းနက်တာအတွက်သာသုံးတယ်။ နေရာကျယ်တာအတွက်သင့်တယ်။

- Polycystic Ovarian Syndrome (PCOS) မျိုးဥအိမ်အကျိတ်များရောဂါ http://doctortintswe.blogspot.com/2014/10/polycystic-ovarian-syndrome-pcos.html
- Body hair တလွဲဆံပင်ကောင်းသူများ http://doctortintswe.blogspot.com/2014/11/body-hair.html
- Waxing ဖယောင်းသုံးပြီး အမွေးတုံးစေမယ် http://doctortintswe.blogspot.com/2015/03/waxing.html

ဒေါက်တာတင့်ဆွေ

တယောက်မလွတ်စေရတည်း

ရိပ်သာဆောင်းဆောင်း၊ တပင်ကောင်းသော်၊ တသောင်းငှက်များ၊ နားသည့်အတူ၊ သဲသဲဆူမျှ၊ မည်သူ
မပြိုင်၊ အခေါင်တိုင်၍၊ မနိုင်မကန်၊ ဝေဇယန်သို့၊ အလွန်မွေ့လျော်၊ စံစားသော်လည်း၊ လောကဓံနောက်၊ တကောက်ကောက်သည်၊   ၊ တယောက်မလွတ်စေရတည်း။

ရှင်မဂ္ဂသမာဓိရေးသားတဲ့ နေမိဘုံခန်းပျို့

ဒေါက်တာတင့်ဆွေ
၃၀-၁-၂၀၁၉

Gitanjali ဂီတဉ္စလီ

မြသန်းတင့်၊ ဇော်ဂျီ၊ မင်းသုဝဏ်နဲ့ ပါရဂူတို့ စုပေါင်းရေးတဲ့စာအုပ်က လက်ရွေးစင်တဂိုးဝတ္ထုတိုများ။ ဝေယံဘုန်း ဘာသာပြန်စာအုပ်က ကွန်းခိုရာ ရာဘင်ဒြာနတ်တဂိုး။ လှမိုး (ပညာရေး) က ရာဗိန္ဒြာနတ်တဂိုး လို့ရေးတယ်။

စာဖတ်နည်းလွန်းသူတွေက တခါတလေ စာရေးဆရာကို အမျိုးသမီးလား အမျိုးသားလား မသိကြပါ။

စာဖတ်သက် နုလွန်းသေးတဲ့ သော်တာဆွေကို ရှုမဝဦးကျော်နဲ့ မိတ်ဆက်ပေးတော့ ရှုမဝလို့သာပြောနေကြတာ ဦးကျော်ရုပ်ရည်က ပြောသလောက်မဟုတ်ပါဘူးတဲ့။

တဂိုးကို အိန္ဒိယကလို့ တချို့ သိချင်မှသိကြတယ်။ သတ်ပုံကိုလည်း ကပျက်ကချော်ကများလာတော့၊ တစ်ဂိုးလို့ရေးသူတွေ၊ နတ်ဆိုတာနဲ့ တန်ခိုးလို့မှတ်သူတွေ ရှိမလာဘူးမပြောနိုင်ပါ။ တဂိုးရဲ့ ဂီတဉ္စလီကိုလည်း မဟာဂီတနဲ့ မမှားကြစေလိုပါ။

အကြင်အရပ်၌ စိတ်သည် ကြောက်ရွံခြင်း ကင်း၏။ ဦးခေါင်းကို မော်၍ မော့ထားနိုင်၏။
အကြင်အရပ်၌ အသိပညာရှာရာတွင် အတားအဆီးမရှိ လွတ်လပ်၏။
အကြင်အရပ်၌ ကိုယ့်အချင်းချင်း မကြင်မနာ မကျဉ်းမြောင်းသော တံတိုင်းအကာအရံတို့ဖြင့် ကမ္ဘာလောကကို အစိတ်စိတ် အမွှာမွှာဖြစ်အောင် ခွဲခြားထားခြင်းလည်း မရှိ။
အကြင်အရပ်၌ ပြောဆိုသောစကားတို့သည် သစ္စာအနက်မှ စီးဆင်းယိုထွက်၏။

ကျွန်တော့်အတွက်တော့ အကြင်အရပ်ဆိုတာ မြန်မာပြည်ပါ။ အနှစ်နှစ်ကျော်နေဖူးခဲ့တဲ့ အိန္ဒိယနဲ့ အခုနေရတဲ့ နိုင်ငံတွေကို မဆိုလိုပါ။ အကြင်အရပ်၌ ပြောဆိုသော စကားတို့သည် သစ္စာအနက်မှ စီးဆင်းယိုထွက်ပါစေသတည်း။

ဒေါက်တာတင့်ဆွေ
၃၀-၁-၂၀၁၉

ဘ ဘယက် ရွှေဒေါင်းခွက်

ကျွန်မက မခွဲစိတ်ချင်ဘူးဆရာ ဘလိုလုပ်ရင်ကောင်းမလဲဆရာ

ဘလိုလို့ရေးကြတဲ့ မေးခွန်း နမူသာဖြစ်တယ်။ အဲလိုရေးသူတွေ မနည်းပါ။ ဘယ်လိုလုပ်လို့ ရေးသင့်တယ်။


ဘကြီး
ဘနန်းလုလု
ဘဘ
ဘယက်
ဘယက်တန်ဆာ
ဘယဆေး
ဘရုံးဘရင်း (မညီမညွတ်၊ ဆူဆူညံညံ)
ဘရင်ဂျီနာ (ဂရင်ဂျီနာ)
ဘရဏီနက္ခတ်
ဘရန်ဒီ
ဘရာစီယာ
ဘရိတ်အုပ်
ဘရိုကိတ်
ဘရိုက်တီးကျောက်
ဘဝဂ်အဆုံး
ဘဝင်ကျ
ဘဝပြောင်းသည်
ဘဝဲ
ဘဂေး (ဆိုဘွယ်ရာတစုံတရာမျှမရှိ)
ဘထွေး
ဘထွေး
ဘလောက်
မိဘ
လာဘ်လာဘ
အံ့ဘနန်း
အဘ
အသုဘ
ဥသဘနွား

ဘယ်
ဘယ်ကဲ့သို့
ဘယ်ချမ်းသာနှင့်မတူ
ဘယ်ဇာပြုအံ့နည်း
ဘယ်နံရောအခါ
ဘယ်ပုံဘယ်နည်း
ဘယ်လိုဖန်
ဘယ်လိုလဲ
ဘယ်သန်
ဘယ်သူ ဘယ်ဝါ
ဘယ်အခါ
ဘယ်အတွက်ကြောင့်
ဘယ်တော့
ဘယ်ကြောင့်
ဘယ်လောက်
ဘယ်နှယ်
အဘယ်ကဲ့သို
အဘယ်မိဘုရား
အိုဘဲ့ဘယ်

အိုဘယ့်ဘယ် အိုဘယ့်သမီးတော် ရွှေလှော်သွန်းပုံဆင်း၊ အိုဘယ့်ဘယ် အိုဘယ့်သမီးတော်၊ ထင်ပေါ်ဘုန်းပျံ့သင်း၊ အိုဘယ့်ဘယ် အိုဘယ့်သမီးတော်၊ နတ်သော်ပုံမယွင်း၊ အိုဘယ့်ဘယ် အိုဘယ့်သမီးတော်၊ စန္ဒော်လနှယ်ဝင်း၊ (ရှင်မဟာရဋ္ဌသာရ)

ဒေါက်တာတင့်ဆွေ
၃ဝ-၁-၂ဝ၁၉

A Boat လှေတစင်း

အထဲမှာတော့ မနေ့က မဲပြိုင်ခဲ့ကြတယ်။ အပြင်မှာ တောင်ယဉ်စွန်းတန်းစွန်းနဲ့ ဝေးရာမှာနေရာသူတွေက အအေးဒီဂရီ ပြိုင်ကြတယ်။

ကျွန်တော်က မြန်မာစာသတ်ပုံစာလေးတွေရေးတာကို လက်ခံသူနည်းနည်းရှိတယ်။ တနေ့က တယောက်တော့ ဆဲတယ်။ ကနေ့မနက် တယောာက်ကတော့ ရင့်ရင်းသီးသီးရေးပြီး သူ့ဖါသူ ဘလော့သွားတယ်။ မြန်မာနိုင်ငံသားတွေဆိုတာ အဲလို မတူတာတွေအားလုံးကို ခေါ်ပါတယ်။

ဖွဲ့စည်းပုံပြင်တာ အနှေးနဲ့အမြန် ဖြစ်လာမယ်။ မြန်မာစာကတော့ ကမ်းနဲ့ဝေးခဲ့ပြီ။

ဝံပုလွေတကောင်ဟာ
တောနက်ကြီးထဲမှာ သူ့သဘာဝနဲ့သာ
သူ့ကို ပွဲတော်ကြီးကို ခေါ်သွားလိုက်တာ
အဆန်းအပြား တန်းဆာတွေက သူ့အတွက်တော့ ငိုစရာ
အစိမ်းရောင်မီးရောင်ဟာ သူ့ကိုအနီရောင်မျက်ရည်ကျစေပါ
ရေပင်လယ်မှာသာပျော်တဲ့ လှေဟာ နေရာပြောင်းခံရတဲ့ပမာ။

ရစ်ချတ်ဘရော်တင်ဂန်ရေးတဲ့ လှေတစင်းကဗျာကို ဘာသာပြန်တာပါ။

ဒေါက်တာတင့်ဆွေ
၃ဝ-၁-၂ဝ၁၉

စာမတတ် လမ်းဖတ်

ကျွန်တော်တို့ငယ်ငယ်ကတည်းက အဲလိုအဆိုရှိတယ်။ အမြင်မတော် သင်ပေး၊ လမ်းပေါ်ပညာရေး။

နည်းနည်းကြီးလာတော့ ဇာတ်ပွဲကြည့် အသိတိုး။

နည်းနည်းအိုလာတော့ ဖေ့စ်ဘွတ်မှာတင်၊ အမြင်မတော် ပြင်ပေး၊ အွန်လိုင်းပညာရေး။

ထပ်တိုးဦးမယ်။ သီချင်းစာတန်းထိုးတွေ ဖတ်ကြည့် အမြီးနဲ့ အမောက် မတည့်။ အွန်လိုင်းဒေါင်းလုဒ်တွေ ဖတ်ကြည့် နှမ်းမဖြူးဘဲ ယမ်းလူးထားကြတယ်။

ဖေ့စ်ဘွတ်မှာ ဖုံးမထားတာတွေလည်း အတိုင်းသား၊ ရေးသားတာတွေကလည်း ခါးတောင်းတခြာ့း့ တခြား။ (ကန်တော့)

စာတတ်ချင်ရင် ဖေ့စ်ဘွတ် မဖတ်နဲ့။ သီချင်းစာတန်းထိုး တီဗွီစာတန်းထိုး မဖတ်နဲ့။ ဒေါင်းလုဒ် မဖတ်နဲ့။

ဒေါက်တာတင့်ဆွေ
၃ဝ-၁-၂ဝ၁၈
၃ဝ-၁-၂ဝ၁၉

Pantoprazole ပန်တိုပရာဇိုးလ်

ဆရာ ပုံပါဆေးကို အမြဲသောက်လို့ရလားဆရာ။

ပန်တိုပရာဇိုးလ်ဆေးဟာ လူသုံးများတယ်။ Proton pump inhibitors အမျိုးအစားဆေးဖြစ်တယ်။ အစာအိမ်လေနာ၊ အူသိမ်အစပိုင်းလေနာ၊ အစာမျိုပြွန်ကနေ အစာခြေရည်အထက်ဆန်တာအတွက်ပေးတယ်။ အစာအိမ်က အက်စစ်ရည် ထွက်တာကို နည်းစေတယ်။ ရင်ပူတာသက်သာစေမယ်။ အစာမျိုခက်တာနဲ့ မပြတ်တမ်းချောင်းဆိုးနေတာအတွက်ပါ ပေးနိုင်တယ်။ ဆေးအမည်အမျိုးမျိုးရှိတယ်။ Pantocid 40 နာမည်နဲ့လည်းလာတယ်။

ဆေးဘယ်လိုပေးမလည်း
• Duodenal ulcer အူသိမ်အစပိုင်းလေနာဆိုတာ Helicobacter pylori infection ဗက်တီးရီးယားကနေဖြစ်တယ်။
• Zollinger-Ellison Syndrome ရောဂါအတွက်လည်းပေးတယ်။ အဲတာက ရှားတဲ့ သရက်ရွက်နဲ့ အူသိမ်အစပိုင်းမှာ အကျိတ်ဖြစ်တာ။ အစာခြေရည်တွေအများကြီးထွက်စေတယ်။
• အူသိမ်အစပိုင်းလေနာအတွက် 40 mg တနေ့ ၁ ကြိမ်၊ ၂-၄ ပါတ်။ Helicobacter pylori infection ကြောင့်ဖြစ်ရင် ပိုးသေဆေးနဲ့ပါတွဲပေးရတယ်။
• Gastric ulcer အစာအိမ်လေနာအတွက် 40 mg တနေ့ ၁ ကြိမ်၊ ၄-၈ ပါတ်။
• Reflux oesophagitis အစာခြေရည်အထက်ဆန်လို့ရောင်တာတာအတွက် 40 mg တနေ့ ၁ ကြိမ်၊ ၄-၈ ပါတ်။
• Zollinger-Ellison Syndrome ရောဂါအတွက် 40 mg တနေ့ ၂ ကြိမ်။
• GERD အစာခြေရည်အထက်ဆန်တာအတွက် 20 mg တနေ့ ၁ ကြိမ်၊ ၄ ပါတ်။ လိုသေးရင် နောက်ထပ် ၄ ပါတ်။

ဘေးထွက်ဆိုးကျိုးတွေကတော့ ခေါင်းကိုက်၊ ဝမ်းပျက်၊ ပျို့-အန်၊ အာခေါင်ခြောက်၊ သွေးဖြူဥနည်း၊ သွေးမှုံနည်းတာ ဖြစ်နိုင်တယ်။ တာရှည် (၃ နှစ်ကြာ) သောက်ရင် ဗီတာမင် ဘီ-၁၂ နည်းစေတတ်တယ်။ အဲတာနည်းရင် အားနည်းမယ်။ လျှာအနာပေါက်မယ်။ ခြေလက်ထုံမယ်။

ဒေါက်တာတင့်ဆွေ
၃ဝ-၁-၂ဝ၁၆
၃ဝ-၁-၂ဝ၁၉

Tuesday, January 29, 2019

တညသောအခါ


တညသောအခါ မွေးဖွားလာသည် ဆရာဝန်ဖြစ်မဲ့ ကလေးတယောက်။

ညဥ့်ဦးညဥ့်နက် ဝတ်မပျက် မွေးဖွားပေးရ ခွဲစိတ်ပေးရတဲ့ တောဆရာဝန်တယောက်။

တညသောအခါ ထိုဆရာ ဖမ်းခံထိရ အရွေးချယ်ခံရတဲ့ အမတ်တယောက်။

ညဥ့်ဦးညဥ့်နက် ဝတ်မပျက် မွေးဖွားပေးရ ခွဲစိတ်ပေးရ သူများနိုင်ငံမှာနေရတဲ့ ဆရာဝန်တယောက်။

တညသောအခါ ထိုဆရာ တနိုင်ငံရောက်၊ နောက်တနိုင်ငံရောက်ရတဲ့ နိုင်ငံရေးလုပ်တဲ့ ဒုကသည်တယောက်။

ညဥ့်ဦးညဥ့်နက် ဝတ်မပျက် မေးတာဖြေရ စာပြန်ရတဲ့ အွန်လိုင်းပေါ်က လူအိုလူဟောင်းတယောက်။

တညသောအခါသည်ကား ကျွန်ုပ်၏ကမာ ကျွန်ုပ်၏ဘဝတည်း။

ဒေါက်တာတင့်ဆွေ
၃ဝ-၁-၂ဝ၁၉


Powerful Speech နှုတ်ကောင်းလျှင် ပြည်စိုး

စကားအမျိုးအစားများ
• အပြစ်ဖြစ်သောစကား၊
• ဝါကြွား၍ပြောသောစကား၊
• အနိုင်အထက်ပြောသောစကား
• ချီးမွမ်းစကား။

စကားပုံများ
• စကားကျွံသော် နုတ်မရ၊
• စကားစကား ပြောပါများ စကားထဲကဇာတိပြ၊
• စကားနောက် တရားပါ၊
• ဝစီဗေဒ ထိတိုင်းရှ၊
• နှုတ်ချို သျှိုတစ်ပါး၊
• နှုတ်ကောင်းလျှင် ပြည်စိုး၊
• နှုတ်ကြောင့်သေ လက်ကြောင့်ကြေ၊

ဝစီဒုစရိုက် (၄) ပါး
(၁) မုသာဝါဒါ = မဟုတ်မမှန်သောစကားကို ပြောဆိုခြင်း၊
(၂) ပိသုဏဝါစာ = သူနှစ်ဦးအချစ်ကို ပျက်အောင် ကုန်းချောခြင်း၊
(၃) ဖရုသာဝါစာ = ကြမ်းတမ်းသဖြင့် နားမခံသာတဲ့စကားကို ပြောဆိုခြင်း၊
(၄) သမ္ဗပ္ပလာပဝါစာ = နိဗ္ဗာန်မှ ဖီလာဖြစ်သော သိမ်ဖျဉ်းသောစကားကို ပြောဆိုခြင်း၊

စကားအရာ အင်္ဂါ ၁ဝ ပါး
(၁) ကာလဝါဒီ = ပြောဆိုချိန်ပြောခွင့်သင့်မှ ပြောဆိုခြင်း၊
(၂) ဘူတဝါဒီ = ဟုတ်မှန်သော စကားကိုသာ ပြောဆိုခြင်း၊
(၃) ဓမ္မဝါဒီ = တရားနှင့်စပ်သည်ကိုသာ ပြောဆိုခြင်း၊
(၄) အတ္တဝါဒီ = အကျိုးနဲ့စပ်သည်ကိုသာ ပြောဆိုခြင်း၊
(၅) ပိယဝါဒီ = ချစ်ဖွယ်သော စကားကိုသာ ပြောဆိုခြင်း၊
(၆) မိဟိတပုဗ္ဗဘာဏီ = ပြုံးရွှင်ခြင်း၊ကို ရှေးဦးပြု၍ ပြောဆိုခြင်း၊
(၇) မိတဘာဏီ = မပိုမလွန်ချင့်ချိန်၍ ပြောဆိုခြင်း၊
(၈) အတုရိတဝါဒီ = အဆောတလျင်မပြောဆိုခြင်း၊
(၉) ပေါရီ = မြို့ကြီးသူ မြို့ကြီးသားတို့၏ ဓလေ့ထုံးစံသို့ လိုက်၍ပြောဆိုခြင်း၊
(၁ဝ) ဝိသဝါဒီ = သန့်ရှင်းသေချာ အက္ခရာဌာန်ကရိုဏ်းကျအောင် ပြောဆိုခြင်း၊

စကားကြီး (၁ဝ) မျိုး
(၁) ရေကူးညာတင်စကား = လိုရာဆိပ်ကမ်းကို ရေညာက တင်ကြို၍ ကူးမှရောက်သကဲ့သို့ မိမိလိုရာ ရောက်အောင် ကြိုတင်၍ စကားပိုဖြင့် ပြောဆိုခြင်း၊

(၂) ကောက်ပင်ရိတ်လှီးစကား = ကောက်ပင်ကို လက်တဖက်ဖြင့် မြဲမြံစွာဆုပ်၍ တံစဉ်ဖြင့် အရင်းက ရိတ်ဖြတ်လျှင် လက်တွင်ရှိသမျှ စပါးကို ရသကဲ့သို့ သူဆိုသော စကားမိအောင် ဖမ်းကိုင်ပြီးမှ ပြတ်စဲအောင်ပြောဆိုခြင်း၊

(၃) ရေစီးဖောင်ဆန်စကား = လိုအင်ဆန္ဒရှိသမျှသောအရာဝတ္ထုတို့ကို ဖောင်တွင် တင်၍ ဖြည်းညှင်းစွာ ဆန်တက်သွားလျှင် ကိစ္စပြီးသကဲ့သို့ ခြေသိမ်း၊ ခေါင်းပိုက်၊ ပမာ၊ ပမည်းဟပ် စပ်၍ ပြီးပြတ်အောင်ပြောဆိုခြင်း၊

(၄) အိုးတန်ဆန်ခတ်စကား = အိုးနှင့်ဆန် တန်ရုံထည့်၍ ချက်လျှင် ကောင်းစွာ ကျက်နပ်သကဲ့သို့ ကိုယ်နှင့်ဂုဏ်အင်တန်ရုံ မယုတ်မလွန်ပြောဆိုခြင်း၊

(၅) ဆီပွတ်ကျည်ပွေ့စကား = ကျည်ပွေ့ဖြင့် အကြိမ်ကြိမ်အထပ်ထပ်ဆီပွတ်လျှင် ဆီထွက်၍ မိမိလိုဘတ်ကိစ္စ ပြီးသကဲ့သို့ လိုရာကိစ္စပြီးစေခြင်း၊ငှာ ထိုစကားကိုပင် အထပ်ထပ်ပြောဆိုခြင်း၊

(၆) ဆင်ဝှေ့ရန်ရှောင်စကား = ဆင်ထိုးဝှေ့မည် လိုက်လျှင် တိမ်းရှောင်ဖယ်သွေလွတ်ရာ၌ ပြေးလွှားကာနေရသကဲ့သို့ ကိုယ့်ထံသို့ရောက်မည့်စကားကို ရှောင်လွှဲ၍ ပြောဆိုခြင်း၊

(၇) တောင်သူယာခုတ်စကား = တောင်သူလယ်သမားတို့သည် မိမိတို့ တည်ခုတ်မည့် လယ်ယာမြေကွက်၌ ရှေးဦးစွာ ခြုံပိတ်ပေါင်းနွယ်သစ်ပင်ငယ်တို့ကို ခုတ်ထွင်ရှင်းလင်းပြီးမှ သစ်ပင်ကြီး တို့ကို ခုတ်ထွင်ဖိလှဲသကဲ့သို့ စကားငယ် (အရေးမကြီးသောစကား) ကို ပြောဆို ပြီးမှ စကားကြီး (အဓိကပြောမည့်စကား) ကို ဖိစီး၍ ပြောဆိုခြင်း၊

(၈) ကြက်ခုတ်ခွပ်ပစ်စကား = ကြက်ခွပ်ရာ၌ နောက်ဆုတ်ဟန်ပြု၍ ခွပ်သာမှ ခွပ်ပစ်သကဲ့သို့ သူ့စကားအလိုသို့ လိုက်တန်က လိုက်၍ စီးသာမှ စီးလျက်ပြီးပြတ်အောင် ပြောဆိုခြင်း၊

(၉) ရေစစ်ပမာစကား = ဓမ္မကရိုက်ခေါ် ရေစစ်ကို ရေတွင် နှစ်ခါ ပြည့်မှ အပေါက်ကိုပိတ်၍ ဆွဲယူလိုက်လျှင် ရေမထွက်နိုင်သကဲ့သို့ သူတပါးပြောဆိုခွင့်မရအောင် ပိတ်ဆို့၍ပြောဆိုခြင်း၊

(၁ဝ) စက်တင်မောင်းနင်း = မောင်းနင်းသောသူသည် တဖက်လိုက်ပါတိမ်းစောင်းလွန်းလျှင် အတင်ခက်၍ မတိမ်းမစောင်း နင်းရသကဲ့သို့ ဟုတ်သည်ဖြစ်စေ၊ မဟုတ်သည်ဖြစ်စေ မတင်မကျပြောဆိုခြင်း၊

စကားကြီး ၆ ခွန်း လူ၌ထွန်း ၄ ခွန်းကိုပယ်၊ ၂ ခွန်းလွယ် (၄ ခွန်းရှောင်ခွာ ၂ ခွန်းသာ)

(၁) ဟုတ်မှန်၍ အကျိုးရှိပြီး သူများလည်းနာလိုသော စကား၊

(၂) သူများမနာလိုသော်လည်း ဟုတ်မှန်၍ အကျိုးရှိသော စကား၊

(၃) ဟုတ်မှန်၏၊ အကျိုးမရှိ သူများလည်း မနာလိုသော စကား၊

(၄) မဟုတ်မမှန် အကျိုးရှိ၍ သူများနာလိုနှစ်သက်သော စကား၊

(၅) မဟုတ်မမှန် အကျိုးမရှိ သူများနာလိုနှစ်သက်သော စကား၊

(၆) မဟုတ်မမှန် အကျိုးလည်းမရှိ သူများလည်း မနာလိုမနှစ်သက်သော စကား၊

ဒေါက်တာတင့်ဆွေ

ဆောင်းအမီ

မြောက်လေအပြန် ဟေမာန်ဆောင်းရာသီ
ငွေရည်ငွေနှင်းကလေးတွေ ဖျန်းပက်နေတော့သည်
တယောက်မေအထံ မောင်အပြန်ဆောင်းအမီ
လာစေချင်လွန်းလို့သာ ခွန်းဆင့်ကာတေးသီ
ရွှေရွှေကျီးကလေးအာမည်
တစာစာသူလည်း တအာအာနဲ့မြည်
ဘာလဲလူကို ကျီဆယ်နေသည်
သာလည်းသာနိုင် သာလည်းသာနိုင်ပေသည်
အောင်သွယ်ကောင်းလေးပီ
သာတဲ့အကြောင်းနဲ့ညီ
မေရယ်ဆောင်းအမီ သည်ကနေ့တော့ ရောက်မယ်ထင်ပါသည်
အလွန်အေးတဲ့ရာသီ အလွန်ချမ်းတဲ့ရာသီ
မယ်တရွာ မောင်တမြို့တော့ နေလို့လည်း မဖြစ်နိုင်ပါပြီ
နှစ်ကိုထွေးရန် အရေးကြုံပြီ
မေရယ် ဆောင်းအမီရောက်အောင် ကိုယ့်ဆီ ပြန်ခဲ့စေချင်သည်

တေးရေး သောတမောင်၊ အဆို မေလှမြိုင်သီချင်း ဆောင်းအမီကို ဆောင်းအမှီလို့ ခေါင်းစဉ်တပ်ထားတဲ့ ပြန်ဆိုသီချင်းမှာ သီချင်းစားသာတွေကလည်း အတော်မှားနေတယ်။ ပုံပါလင့်တခုသာ မှန်တယ်။

https://www.youtube.com/watch?v=voD_I-Wn3Kw

မြန်မာသတ်ပုံရယ် ဆောင်းအမီရောက်အောင် ပြန်ခဲ့စေချင်တယ်။

ဒေါက်တာတင့်ဆွေ
၂၉-၁-၂၀၁၉

နှစ်ယောက်ရှိပါသလား

ဦးလှဝင်း (လေသူရဲတဦး) နဲ့ ဦးလှဝင်း (လေသူရဲတစ်ဦး) လို့ နှစ်ဦးရှိပါသလား။

ဒေါက်တာတင့်ဆွေ
၂၉-၁-၂၀၁၉

သြဝါဒပါတိမောက် ဓမ္မစေတီကျောက်စာတော်

သူတပါးကို သတ်သောသူသည် စိတ်အညစ်အကြေးကို နှင်ထုတ်သူမဟုတ်။

သူတပါးကို ညှင်းဆဲသောသူသည် မကောင်းမှုတို့ကို ငြိမ်းစေသူမဟုတ်။

သူတပါးကို မစွပ်စွဲ မပြစ်မှားရာ။

သူတပါးကို မညှင်းဆဲ မနှိပ်စက်ရာ၏။

(သူတစ်ပါးလို့ မှားရေးနေသူများအတွက်)

ဒေါက်တာတင့်ဆွေ

HIV News အမြစ်ပြတ်ကုသနိုင်ပြီသတင်းတွေကို ဆန်းစစ်ခြင်း

မေးလာသူ ၂ ယောက်က HIV ပျောက်ဘို့ နီးစပ်ပြီဆိုတဲ့သတင်းကို မှတ်ချက်ပေးဘို့ ဖြစ်တယ်။ တယောက်ကတော့ HIV ပိုးပျောက်ကင်းအောင် ကုသလာနိုင်ချေ ရှိပါသလားတဲ့။ နောက်တယောက်က မြန်မာလိုရေးတင်ထားတာကို ဆခရင်ရှော့ရိုက်ပို့တယ်။

၁၉-၁-၂ဝ၁၇ နေ့မှာ ထွက်တဲ့သတင်းကို ကိုးကားမေးလာကြတာဖြစ်ပါတယ်။ ၂၅-၁-၂ဝ၁၆ ကလည်းထွက်တယ်။ ဆေးအသစ်က အင်တီဘော်ဒီခေါ် ခုခံအားကိုသုံးတယ်။ စမ်းသပ်မှုတွေအရ အားရစရာ ကောင်းတယ်။ ၉-၁၁-၂ဝ၁၆ မှာ ထပ်ထွက်တယ်။ HIV antibody (bNAb) VRC01 အင်တီဘော်ဒီလို့ခေါ်တယ်။ နောက်နံပတ်တွေနဲ့ အမည်လည်း ပေးထားတယ်။ ဆေးသုတေသနအဆင့်သာ ရှိပါသေးတယ်။ အလားအလာ ကောင်းနေတယ်။

တတိယတယောက်ကတော့ ကျန်းမာရေးဝန်ထမ်းတယောက်ပါ လက်ရှိတာဝန်ကတော့ PHS ပါခင်ဗျာ့။ RT ဆေးကို တနှစ်ကျော်ကျော်လောက် ပုံမှန်သောက်သွားမယ်ဆိုရင် ဆေးအာနိသင်ကြောင့် undetectable voural load ဆိုတဲ့ အခြေအနေကို ရောက်ရှိသွားပါသတဲ့ အဲဒီအခြေအနေကိုရောက်ရှိသွားရင် သုတ်နဲ့ သွေးထဲမှာတောင် HIV ပိုးကို ရှာမတွေ့နိုင်လောက်တဲ့အထိ ဖြစ်သွားပြီး ကွန်ဒုံးကိုတောင် လွှတ်လို့ရပါတယ်လို့ ဖတ်ခဲ့ရပါတယ် ဆရာ။ HIV ကို သတ်နိုင်တဲ့ဆေးမရှိသေးဘူးလို့လည်း သိထားပါတယ်။ ဒါပေမဲ့ သုတ်နဲ့သွေးမှာ ရှာမတွေ့ဘူးဆိုတဲ့အခါ ကျွန်တော်စဉ်းစားမရဖြစ်ရပါတယ်ဆရာ။ ကျွန်တော်နဲ့ရွယ်တူဝန်ထမ်းအချင်းချင်းလည်း အငြင်းပွားနေရပါတယ်ဆရာ။ ဒါကြောင့် ကျွန်တော်သိနေတဲ့ အရာက မှားနေသလား မှန်နေသလား ဝေဖန်ဆုံးဖြတ်ပေးစေလိုပါတယ်ဆရာ။

အဲလို HIV ပျောက်ပြီဆိုတဲ့သတင်းတွေကို မြန်မာ့မီဒီယာမှာတွေလို့ မေးကြပါတယ်။ ကျွန်တော်က ရောဂါပေါင်းစုံနဲ့ နောက်ဆုံးရဆေးပညာသတင်းတွေ မပြတ်တင်ပါတယ်။ သတင်းတွေ မမှန်ပါ။

1. ၈-၅-၂ဝ၁၅ Scientists study Sacramento woman who can spontaneously cure HIV https://doctortintswe.blogspot.com/2015/05/scientists-study-sacramento-woman-who.html

2. ၈-၁-၂ဝ၁၆ HIV Breakthrough စပိန်မှာ HIV ပျောက်သူတယောက်တွေ့ https://doctortintswe.blogspot.com/2016/01/hiv-breakthrough-hiv.html

3. ၁၂-၃-၂ဝ၁၆ HIV cure news အတည်မပြုနိုင်တဲ့ HIV ပျောက်ဆေး https://doctortintswe.blogspot.com/2016/03/hiv-cure-news-hiv.html

4. ၁၄-၃-၂ဝ၁၆ HIV cure news (2) ပျောက်အောင်ကုနည်းသတင်း https://doctortintswe.blogspot.com/2016/03/hiv-cure-news-2.html

5. ၁၃-၁ဝ-၂ဝ၁၆ HIV cure news ပျောက်ကင်းသတင်းများ https://doctortintswe.blogspot.com/2016/10/hiv-cure-news.html

6. ၁၇-၁ဝ-၂ဝ၁၆ HIV ရောဂါအား အမြစ်ပြတ်ကုသနိုင်ပြီသတင်းက မှန်ပါသလား https://doctortintswe.blogspot.com/2016/10/hiv_17.html

၁၃-၁ဝ-၂ဝ၁၆ နေ့ကရေးခဲ့တဲ့  HIV cure news ပျောက်ကင်းသတင်း
၁။ The Berlin patient ဘာလင်လူနာ
၂။ Mississippi girl မစ်ဆစ္စပိကလေးမ
၃။ Barcelona ဘာစီလိုနာသတင်း

HIV ပျောက်တဲ့ ပဌမဆုံးလူသားသတင်းဟာ ၁၉၉၈ မှ ထွက်ခဲ့တယ်။ သူ့ကိုစမ်းသပ်ဆဲကုသမှု didanosine, indinavir နဲ့ hydroxyurea ဆေးအတွဲကို ပေးတာပါ။ အဲသည်တုံးကတော့ လူနာမည်ဖေါ်ပြခဲ့ခြင်းမရှိပါ။ ဒါပေမဲ့ တကယ် မပျောက်ပါ။ သူ့သွေးထဲမှာ HIV ပိုးအရေအတွက်နည်းနေရခြင်းဟာ HLA B*57 allele ကြောင့်ဖြစ်တာလို့ သိလာရပါတယ်။ ဆေးပေးလို့ပျောက်နေတာ မဟုတ်ပါ။

The Berlin patient ဘာလင်လူနာလို့ တင်စားခေါ်ပါတယ်။ သူက ဂျာမဏီနိုင်ငံ၊ ဘာလင်မြို့က Timothy Ray Brown (တင်မိုသီ ဘရောင်း) ဖြစ်ပါတယ်။ မူလက အမေရိကား၊ ဆီယာတဲလ်ကပါ။ ၁၉၉၅ ကတည်းက HIV ပိုးရှိနေတာသိလို့ ART ဆေးပေးနေခဲ့တယ်။ ၂ဝဝ၆ မှာ acute myeloid leukemia လူကီးမီးယားရောဂါ ရလာပြန်ပါတယ်။ Hematopoietic stem cell transplant ကုသနည်းလုပ်ပေးပါတယ်။ ART ဆေး ပေးနေတာကို ရပ်လိုက်ပါတယ်။ ၃ လ နေတော့ HIV ပိုး အရေအတွက်ဟာ စမ်းမရအောင်ကျပြီး၊ CD4 T cells တွေလဲ တက်လာတယ်။ ၂ဝ၁၂ အထိ သူဟာ ရောဂါပျောက်ကင်းသူအဖြစ် ဆက်လဲရှိနေတယ်။

၂၅-၉-၂ဝ၁၄ နေ့ကလာတဲ့သတင်းမှာလည်း (တင်မိုသီ) မှာရောဂါပျောက်ကင်းဆဲဖြစ်တယ်။ HIV ပိုးတွေနဲ့ ၁၁ နှစ်ကြာ နေခဲ့ပြီးမှ ပျောက်တာဖြစ်ပါတယ်။ ဘာလို့ပျောက်သလဲဆိုတာမှာ အချက် ၃ ချက်တွေ့ရပါတယ်။ (၁) လူကီးမီးယားအတွက် ရိုးတွင်းခြင်ဆီအစားမထိုမီမှာ ခီမိုသာရာပီ + ဓါတ်ကင်ပေးတော့ ခုခံအားစနစ်ပျက်စီးတယ်။ ရိုးတွင်းခြင်ဆီလှူတဲ့သူမှာ မျိုးဗီဇမှာ ထူးခြားတဲ့ မြူတေးရှင်းဖြစ်နိုင်နေတာလဲတွေ့ရှိရတယ်။ တတိယအချက်က ခုခံအားစနစ်သစ်ကနေ ကျန်နေသေးတဲ့ပိုးတွေကို အနိုင်ယူတာလို့ယူဆရတယ်။

၁၁-၇-၂ဝ၁၄ နေ့ကရေးထားခဲ့တဲ့သတင်းကတော့ HIV re-emerges in cured Mississippi girl မစ်ဆစ္စပိကလေးမ HIV ပြန်ပေါ်လာဖြစ်ပါတယ်။ အမေရိကန်ပြည်ထောင်စု၊ (မစ်ဆစ္စပိ) က အသက် ၄ နှစ်အရွယ် ကလေးမလေးမှာ အရင်က HIV ကင်းပျောက်နေပြီလို့ သတ်မှတ်ခဲ့တာ အခုစစ်ဆေးတော့ မပျောက်သေးတာတွေ့လာရတယ်။ ကလေးမလေးကို ပိုးမရှိတော့ဘူးဆိုပြီး ဆေးမပေးဘဲထားခဲ့တာ ၂ နှစ်နီးပါးကြာပါပြီ။ သူ့ကို ချစ်နိုးနဲ့ Mississippi baby မစ်ဆစ္စပိကလေးမလို့ ခေါ်ခဲ့ပါသေးတယ်။ ကလေးမကို အသက် ၁၈ လအထိ ဆေးပေးခဲ့ပြီး ဘယ်နေရာရောက်သွားမှန်း မသိလို့ ဆေးမပေးနိုင်တော့ပါ။ ၁ဝ လကြာတော့မှ သူ့အမေကဆေးဆက်ကုမပေးပေမဲ့ ကလေးမမှာ HIV ပိုးမတွေ့တော့လို့ အားလုံးက အံ့သြခဲ့ရတယ်။ ဒီသတင်းထူးကို ကျွန်တော့ ဘလော့ခ်မှာလဲ တင်ခဲ့ပါတယ်။ ဒါပေမဲ့ ပြီးခဲ့တဲ့အပါတ်မှာ ဆေးပြန်စစ်တော့ ပိုးပြန်တွေနေရတယ်။ ပိုးတွေက ဘာလို့ပြန်ပြီး ခေါင်းထောင်လာယ်ဆိုတာကို ဆရာဝန်တွေက မပြောနိုင်သေးပါ။ ဒုတိယကလေးကိုတော့ ၂ဝ၁၃ ဧပြီလထဲတုံးက လော့စ်အင်းဂျဲလိစ်မှာ မွေးကတည်းကနေ ဆေးပေးထားတယ်။ အခုလဲ ပေးနေပါတယ်။ လူကြီးထဲကတယောက်တော့ ပျောက်တဲ့သတင်းရှိထားပါတယ်။

၁၄-၃-၂ဝ၁၆ နေ့ကရေးခဲ့တဲ့ HIV cure news (2) ပျောက်အောင်ကုနည်းသတင်း

HIV cure news အတည်မပြုနိုင်တဲ့ HIV ပျောက်ဆေးကို ရေးထားပါတယ်။ ဘာစီလိုနာ (စပိန်) မှာ HIV လူနာ တယောက်ကို ဗီဇအရ HIV ခံနိုင်ရည်ရှိသူရဲ့ ချက်ကြိုးကသွေးကို ထုတ်ယူပြီး သွင်းပေးတယ်။ ပျောက်တယ်လို့ ဆိုတယ်။ ဒါပေမယ့် လူနာက ကင်ဆာနဲ့ဆုံးသွားတယ်။ ဆေးကုနည်းတခုအဖြစ်လက်ခံကြတယ်။ နောက်သတင်းတခုမှာ မြွေဆိပ်ကနေထုတ်တဲ့ဆေးနဲ့ HIV ကုတယ်လို့ဆိုတယ်။ အဲဒီသတင်း ၂ ပုဒ်လုံးရဲ့ဝက်ဆိုက်တွေမှာ ဗိုင်းရပ်စ်ပါလို့ ကျွန်တော့်ကွန်ပြူတာ (အင်တီဗိုင်းရပ်စ်) စနစ်ကနေ လက်မခံပါ။

မေးတဲ့သူပြောသလို သွေးအသစ်လဲတာနဲ့တော့ ခုခံအားပြန်မရစေနိုင်ပါ။ သွေးထဲမှာ သွေးနီဥ + သွေးဖြူဥ + သွေးမှုံ နဲ့ (ပလာစမာ) ခေါ် အရည်ရယ်လို့ပါတယ်။ အဲတာတွေအားလုံးမှာ သက်တမ်းတွေရှိတယ်။ ဥပမာ သွေးနီဥဟာ ရက်ပေါင်း ၁ဝဝ ကနေ ၁၂ဝ အထိသာရှင်တယ်။ အသစ်တွေအစာထိုးဝင်လာတယ်။ သွေးဖြူဥတွေက ၁၃ ရက်ကနေ ၂ဝ ရက်သာရှင်နေနိုင်တယ်။ သွေးမှုတွေက ၈-၉ ရက်သာရှိတယ်။

ခုခံအားဆိုတာ HIV/AIDS ဆိုရင် CD4 (cluster of differentiation 4) နဲ့တွဲမှတ်ကြရတယ်။ သူ့က Glycoprotein ဖြစ်တယ်။ ခုခံအားဆဲလ်ခေါ်တဲ့ T cells (T helper cells) တွေရဲ့မျက်နှာပြင်မှာရှိတယ်။ monocytes, macrophages နဲ့ dendritic cells တွေမှာလည်းရှိတယ်။ HIV infection ပိုးဝင်ခံရရင် CD4 ကိုအသုံးချပြီး T-cells ထဲကိုဝင်လာတယ်။ ကြာတော့ T cells တွေရော CD4 တွေပါ နည်းနည်းလာတယ်။ CD4 count အရေအတွက်ကို တိုင်တာစရာတခုအနေနဲ့ သတ်မှတ်ထားတယ်။ ပုံမှန်သွေးထဲမှာ CD4 cells အရေအတွက် 500-1200 cells/mm3 ရှိတယ်။ အဲတာကြောင့် လူတယောက်မှာ ခုခံအားဆိုတာ သွေးဟောင်း သွေးသစ်က အရေးမပါပါ။ CD4 အရေအတွက်သာ အရေးပါတယ်။

၈-၁-၂ဝ၁၆ နေ့ကရေးခဲ့တဲ့ HIV Breakthrough စပိန်မှာ HIV ပျောက်သူတယောက်တွေ့

တောင်အာဖရိကသတင်းစာမှာ ၃၁-၈-၂ဝ၁၅ နေ့ကရေးလိုက်တဲ့သတင်းဖြစ်ပါတယ်။ ကျွန်တော် ၁၇-၁-၂ဝ၁၅ နေ့ကလည်း Berlin patient ခုအချိန်ထိ HIV ပျောက်ကင်းနေသူ (သို့) ဘာလင်လူနာကို ရေးခဲ့ပါတယ်။ စပိန်ဆရာဝန်တွေက HIV ကို မျိုးဗီဇအရခံနိုင်ရည်ရှိသူရဲ့ ချက်ကြိုးသွေးကနေ သွေးအစားထိုးကုသပေးရင် ရောဂါပျောက်မယ်လို့ ယူဆကြပါတယ်။ အဲဒီယူဆချက်အရ လူတယောက်ကိုပျောက်အောင်လုပ်နိုင်ပါပြီ။ လူနာက အသက် ၃၇ နှစ်အရွယ် ဘာစီလိုနာက ဖြစ်ပါတယ်။ သူဟာ ၂ဝဝ၉ ကလည်းက ကူးစက်ခံထားရတယ်။ ကံဆိုးတာက အဲဒီလူနာ (လက်ဖိုးမား) ခေါ် တက်စေ့ကင်ဆာနဲ့ နောက် ၃ နှစ်မှာသေသွားတယ်။

ဘာလင်လူနာလို့ခေါ်တဲ့ (တင်မော်သီ ဘရောင်း) ကလည်း ဆေးကုသနည်းသစ်မလုပ်ခင်မှာ (လူကီးမီးယား) သွေးကင်ဆာ ဖြစ်ခဲ့တယ်။ သူ့တုံးက HIV ကို မျိုးဗီဇအရ ခံနိုင်ရည်ရှိသူဆီကနေ ရိုးတွင်ခြင်ဆီအစားထိုးတယ်။ HIV ပိုးပါ ပျောက်သွားတယ်။ အဲလိုဖြစ်တာကို ဆေးပညာအရ CCR5 Delta 35 mutation affects သက်ရောက်မှုလို့ခေါ်တယ်။ သွေးဖြူဥထဲက (ပရိုတင်း) တခုဖြစ်တယ်။

စပိန်ဆရာဝန်တွေက အခု (ဘာစီလိုနာ လူနာ) အတွက် ရိုးတွင်းခြင်ဆီအဆင်သင့်တာရှာမရလို့ (ခီမိုသာရာပီ) နဲ့ (အော်တို ထရန်စပလန့်) နည်းကိုလုပ်ပေးရတယ်။ (အော်တို ထရန်စပလန့်) မလုပ်ခင်မှာ လူနာရဲ့သွေးဖြူဥတွေကို (ခီမိုသာရာပီ) နဲ့ ဖျက်ဆီးပြစ်လိုက်တယ်။ ပြီးမှာ အစားထိုးပေးတယ်။

(ဘာစီလိုနာ လူနာ) ကို သွေးလှူသူတဦးဆီက (စတမ်ဆဲလ်) ကို ယူသွင်းတယ်။ (အော်တို ထရန်စပလန့်) လုပ်ပြီးနောက် (၁၁) ရက်အကြာမှာ လူနာ နလံထာလာတယ်။ (၃) လနေတော့ HIV ပိုးကိုရှာလို့မတွေ့တော့ပါ။ လူနာ ကင်ဆာနဲ့ ဆုံးပါးသွာတာ ကံမကောင်းလှမေယ့် ဆေးကုသနည်းကိုရလိုက်ပါတယ်။ Spain’s National Transplant Organization ကလည်းထောက်ခံချက်ပေးတယ်။

၁၂-၃-၂ဝ၁၆ နေ့ကရေးခဲ့တဲ့ HIV cure news အတည်မပြုနိုင်တဲ့ HIV ပျောက်ဆေးသတင်းအတု

HIV ကို ဗီဇအရ ခံနိုင်ရည် ရှိနေသူရဲ့ ချက်ကြိုးကသွေးကို ထုတ်ယူပြီး သွင်းပေးနည်းဖြစ်တယ်။ လူနာကတော့ ကင်ဆာရောဂါနဲ့ သေဆုံးသွားတယ်။ နည်းသစ်တခုအဖြစ်တော့ ဆရာဝန်တွေက အသိအမှတ်ပြုထားတယ်လို့ သတင်းမှာရေးထားတယ်။ နောက် မြွေဆိပ်ကနေ HIV ပျောက်အောင်ကုသနည်းဆိုတာ တခုလည်း လွန်ခဲ့တဲ့ ၂ ရက်ကထွက်တယ်။ ဒါပေမယ့် စောစောက ဘာဆီလိုနာက သတင်းရော အဲဒီမြွေဆိပ်ဆေးသတင်းရော ဝဘ်ဆိုဒ် နှစ်ခုလုံးမှာ ဗိုင်းရပ်စ်ပါလို့ ကွန်တော့် ကွန်ပြူတာ (အင်တီဗိုင်းရပ်စ်) စနစ်က ပိတ်ပိတ်ပြစ်တယ်။ အဲတော့ ဒီ HIV ပျောက်စေသတင်းတွေက မခိုင်မာဘူးလို့ ယူဆပါတယ်။

၉-၁-၂ဝ၁၃ နေ့ကလည်း နိုက်ဂျီးရီးယားတက္ကသိုလ် ပါမောက္ခတဦးကဆေးတွေ့ပြီဆိုတဲ့သတင်းလည်းထွက်သေးတယ်။ သတင်းထဲမှာကို ဝေဖန်တာပါလို့ အဲတာကိုလည်း အတည်မပြုနိုင်ပါ။

၈-၅-၂ဝ၁၅ နေ့ကလည်း သတင်းထွက်တာရှိတယ်။ အမေရိကန်ပြည်ထောင်စု (ကယ်လီဖိုးနီးယား) မှာရှိတဲ့ (ဆာခရာမန်တို) မြို့က အမျိုးသမီးတယောက်ကနေ HIV ကို အလိုအလျှောက် ပျောက်စေနိုင်တယ်လို့ပြောတာကို ဆရာဝန်တွေက စမ်းသပ်နေကြတယ်လို့ ၈-၅-၂ဝ၁၅ နေ့ထုတ် (ဒေလီမေးလ်) မှာရေးသားထားပါတယ်။ အမျိုးသမီးကတော့ အဲဒီသော့ချက်ကိုသူကကိုင်ထားတယ်လို့ ဆိုပါတယ်။

Loreen (လောရင်း) ခေါ်တဲ့ အဲဒီအမျိုးသမီးဟာ ဆေးသုတေသန (၁၃) ခုမှာပါခဲ့ပြီးဖြစ်ပါတယ်။ HIV ကုသနိုင်တယ်ဆိုရင် ကျမဟာ ဘဝကောင်းတခုရခဲ့တာပါလို့ ဆိုနိုင်ပါတယ်လို့ပြောပါတယ်။ သူ့ဆရာဝန် ဒေါက်တာ (ရစ်ချတ် ပိုးလတ်) သူတို့ကိုယ်ခန္ဓာတွေမှာ ဗိုင်းရပ်စ်ကို တုန့်ပြန်ဘို့ရာ ထိရောက်တဲ့နည်းလမ်းရှိနေကြတယ်။ ပိုးရှိနေတာတောင် အစမ်းရခက်တယ်လို့ပြောပါတယ်။

၁၇-၁ဝ-၂ဝ၁၆ နေ့ကလည်းရေးခဲ့ပါတယ်။ အဲတာလည်း Myanmar Digital Life Journal မြန်မာပြည်မှာရေးတဲ့သတင်း ဖြစ်တယ်။ ရေးထားတာ ဗြိတိန် သိပ္ပံပညာရှင်များက HIV ရောဂါအား ကုသနိုင်မယ့် နည်းလမ်းကို ရှာဖွေတွေ့ရှိခဲ့ပါတယ်။ ပညာရှင်များက လူနာ ၅၀ အား မကြာခင်က စမ်းသပ်ကုသခဲ့ပါတယ်။ အဲဒီအထဲမှ အသက် ၄၄ နှစ်အရွယ် ဗြိတိန်လူမျိုး တဦးရဲ့ သွေးထဲမှ HIV ပိုးအားလုံးကို ဖယ်ရှားနိုင်ခဲ့ပါတယ်။ ဒါဟာ HIV ကို လုံးဝ ပျောက်ကင်းအောင် ကုသနိုင်တဲ့ ပထမဆုံးအောင်မြင်မှု ဖြစ်ပါတယ်လို့ ဗြိတိန် ကျန်းမာရေးသုတေသန ဌာနမှ Mark Samuels က ပြောပါတယ်။ အရင်ကတော့ HIV ရဲ့ ဆိုးကျိုးများကို ထိန်းချုပ်နိုင်တဲ့ ကုသနည်းများကို တွေ့ရှိခဲ့ကြပေမယ့် အခုနည်းလမ်းလိုတော့ အမြစ်ပြတ် ကုသနိုင်ခဲ့တာ မဟုတ်ပါဘူး။ ပညာရှင်များက အခု ကုသနည်းဖြင့် အခြား လူနာများအား ပျောက်ကင်းအောင် ကုသနိုင်ဖို့ ဆက်လက် သုတေသနပြုကြမှာ ဖြစ်ပါတယ်။ ကမ္ဘာမှာ HIV ဝေဒနာရှင် ၃၆.၇ သန်းရှိတယ်လို့ အမေရိကန် ရောဂါ ထိန်းချုပ်ရေးနဲ့ ကာကွယ်ရေး စင်တာရဲ့ စာရင်းများအရ သိရပါတယ်။

အဲဒီရေးသားချက်ကို မမှန်ပါ။
၁၂-၁ဝ-၂ဝ၁၆ နေ့ကနောက်ဆုံးသတင်းက မပျောက်နိုင်သေးပါတဲ့။

၁၆-၁ဝ-၂ဝ၁၆ နေ့ကသတင်းမှာလည်း ပျောက်ဖို့အလားအလာရှိတယ်ဆိုတာ ရှုတ်ထွေးမှုကို ရှင်းလင်းချက်ထုတ်။ ပြောဘို့ စောလွန်းပါသေးတယ်။

အချုပ်ပြောပါမယ်။ HIV ကိုပျောက်အောင်ကုသနိုင်ပြီဆိုတဲ့သတင်းအားလုံး မမှန်ပါ။ ဆောရီး။

ဒေါက်တာတင့်ဆွေ

တက္ကသိုလ်ကျောင်းသူတဦး

တက္ကသိုလ်ကျောင်းသူတဦး လှပုံထူးသမျှ တွေ့ရဖူးသည်မှာ
ကြည်စွာဘဝင်နှလုံး ရွှင်ပြုံးမြေ့ကာ ယနေ့သာတိုင် သြော် မေ့ပါနိုင်အမြဲ
တသက်သက်စိတ်ထဲမှာ မျှော်ကာတွေး ငေးမိအခါခါ

အင်းယားကန်အပါး လျှောက်ကာသွား အနားယူသောတနေ့မှာ
ယဉ်စွာယဉ်စွာ ဆင်ယင်ထုံးဖွဲ့ပြုံးလဲ့လဲ့ချစ်စရာ
ပွင့်သစ်လာသည့်ပန်း လန်းတဲ့ပုံပမာ
တက္ကသိုလ်ကျောင်းသူတဦး ချစ်ကြည်နူးစရာ လှပကြော့ယဉ်စွာ

တပတ်လျှိုဆံထုံးကြော့မှာ တပွင့်ပန်းပန်လာ
ရှုကာငေး နုဝါအသွေး လက်ရှည်ထူထူလေးဝတ်ကာ
ကြက်သွေးနီနီ ထဘီပန်းခက် ယဉ်သထက်ယဉ်စွာ
နက်မှောက်ကတ္တီပါ လှပယဉ်ကျေး ပုံတော်လေးနဲ့ပါ

မြန်မာဆန်ဆန် အနောက်ဟန်မနှော မဖောက်ပြန်သော သဘောထား ဝတ်စားတန်ဆာ
ရှုတိုင်းယဉ် အဆင်ပြေကာ အချိုးကျကျ လှပလို့ချစ်စရာ
တွေ့ခဲ့ဖူးတဲ့ တက္ကသိုလ်ကျောင်းသူတဦးပါ

ဒေါက်တာတင့်ဆွေ
၂၉-၁-၂၀၁၉

George Fernandes ဂျော့ဖာနန်ဒက်စ်

အိန္ဒိယနိုင်ငံရေးသမားကြီးတဦး ကွယ်လွန်သွားပြီတဲ့။ ဂျော့ဖာနန်ဒက်စ်။ အိန္ဒိယမှာ ကျေးဇူးတင်စရာ လေးပုဒ်နဲ့ သမတကတော် ဒေါ်တင့်တင့်အကြောင်းလည်းရေးတယ်။ တပုဒ်ကို ပြန်တင်ပါရစေ။

Thanks to India (1) အိန္ဒိယမှာ ကျေးဇူးတင်စရာ (၁)

လွန်ခဲ့တဲ့ အနှစ်နှစ်ဆယ်ကျော်အတွင်း အိန္ဒိယမှာအခြေစိုက်ပြီး မြန်မာနိုင်ငံဒီမိုကရေစီရေးအတွက် ကြိုးပမ်းကြတဲ့အခါ မြန်မာ့ဒီမိုကရေစီအင်အားစုတွေကို အကူအညီပေးကြတဲ့ ထင်ရှားတဲ့ အိန္ဒိယနိုင်ငံသားတွေ မနည်းမနောရှိပါတယ်။ နိုင်ငံရေးသမားတွေ၊ နိုင်ငံရေးနဲ့ဆက်နေသူတွေ၊ မီဒီယာနဲ့ မြန်မာပြည်ပြန် အိန္ဒိယနိုင်ငံသားတွေပါတယ်။

ကျွန်တော့်အတွက် ပုဂ္ဂိုလ်ရေးအရ ကူညီခဲ့ကြသူတွေထဲမှာ ထိပ်ဆုံးက မိသားစုနှစ်ခုရှိတယ်။ ဦးမောသီရိ ခေါ် (စီ၊ ပီ၊ ပရာဘားကား) မိသားစုနဲ့ ဝန်ကြီးချုပ်ဟောင်း ဦးနုသမီး ဒေါ်သန်းသန်းနုမိသားစု။ သူ့တို့ကျေးဇူးကင်းတဲ့သူ မရှိသလောက်ပါ။ ၂၁-၁၂-၁၉၉၁ နေ့မှာ ကျွန်တော် ဒေလီကိုရောက်လာတော့ ဦးမောသီရိနဲ့ ဒေါ်သန်းသန်းနုရဲ့ခင်ပွန်း ဦးအောင်ငြိမ်းတို့က မီးရထားဘူတာရုံကိုလာကြိုကြတယ်။ ဦးမောသီရိနဲ့ ဇနီးတို့ ကွယ်လွန်သွားကြပြီ။ ဦးအောင်ငြိမ်း ဆုံးသွားတာ သိပ်မကြာလှသေးပါ။

နာမည်တွေရေးရင် ကျန်နေရစ်မှာစိုးပါတယ်။ ပြန်အမှတ်ရတဲ့အခါ ထပ်ဖြည့်ပါမယ်။ သမတကြီး (ကေအာရ် နာရာယန်း) ကနေစတယ်။ သူ့ကို အထက်လွှတ်တော်အမတ်ဘဝကတည်းကတွေ့တာပါ။ သူ့ဇနီး ဒေါ်တင့်တင့် ခေါ် (အူရှာ နာရာယန်း) ကလည်း တော်ကြတယ်။ ဒေါ်တင့်တင့် ကွယ်လွန်ကာနီးကာလတွေမှာ မြန်မာ့အငွေ့ အသက်လေးတွေနဲ့ ထိတွေ့စေချင်လို့ သူ့သမီးတွေကနေ ကျွန်တော့ဇနီးအပါအဝင် မြန်မာအမျိုးသမီးတွေနဲ့ အကြိမ်ကြိမ် ဆုံပေးပါသေးတယ်။

အိန္ဒိယမှာ ပါတီနိုင်ငံရေးကို သတိထားကြရပါတယ်။ နိုင်ငံရေးပါတီတွေဟာ အကြမ်းအားဖြင့် အုပ်စု နှစ်စုလိုထဲမှာ ကွဲနေကြတယ်။ အုပ်စုတခုက ပါတီဖြစ်ဖြစ် ပုဂ္ဂိုလ်ဖြစ်ဖြစ်နဲ့နီးစပ်တာကို ကျန်အုပ်စုက သိပ်သဘောမကျတာ သဘာဝဖြစ်ပါတယ်။ မြန်မာ့ဒီမိုကရေစီရေးကို ထောက်ခံရာမှာတော့ အားလုံးကအတူတူသာဖြစ်ပါတယ်။ မြန်မာ့ ဒီမိုကရေစီအရေးကြိုးပမ်းမှုဟာ ရှည်ကြာတာမို့ ထောက်ခံကူညီသူတွေထဲက အနိစ္စသဘောအရ တဦးပြီးတဦး ဆုံးရှုံးသွားခဲ့ရပါတယ်။ ကောင်းရာသုကတိ လားကြပါစေ။ ဘုရားသခင် စောင့်ရှောက်ပါစေ။

ဂန္ဒီလမ်းစဉ်မှာထင်ရှားတဲ့ အထက်လွှတ်တော်အမတ် (မဒမ်၊ နီမလာ ဒက်ရှ် ပန်ဒေး) လည်းကွယ်လွန်ပြီ။ သူနဲ့အတူ အကြမ်းမဖက်လှုပ်ရှားမှုတွေ အများကြီးလုပ်ခဲ့ပါတယ်။ ဆိုရှယ်လစ်ကြီးလို့ ခေါ်ရမဲ့ (ဆူရင်ဒါ မိုဟန်း) လည်း ကွယ်လွန်ပြီ။ သူစကားပြောတိုင်း ဝန်ကြီးချုပ်ဦးဘဆွေနာမည်ကို ထည့်ပြောတတ်ပါတယ်။

ကာကွယ်ရေးဝန်ကြီး (ဂျော့ခ်ျ၊ ဖာနန် ဒက်စ်) ကတော့ ကျန်းမာရေး မကောင်းတော့ပါ။ သူ့ကို (အေဘီအက်စ်အယ်လ်) ကျောင်းသားအဖွဲ့ကို အဓိကအကူအညီပေးသူလို့ မြင်နိုင်ပေမဲ့ ကျွန်တော့်ကိုလဲ လမ်းလှမ်းပါတယ်။ ကျွန်တော်က NLD က ဖြစ်လို့ ပိုပြီးသတိထားရတယ်။ အစုတခုနဲ့တွဲမြင်ခံရမှာကို သတိထားရတာဖြစ်ပါတယ်။ (ဂျော့) အုပ်စုနဲ့ (ကွန်ကရက်စ်) ပါတီနဲ့က နိုင်ငံရေးအရ အတော်အဆင်မပြေကြပါ။

(ကွန်ဂရက်) ပါတီဆီလဲ သွားတယ်။ (ဘီဂျေပီ) နဲ့လဲ ရင်းနှီးတယ်။ (ဂျနာတာဒါးလ်)၊ (ဆမာ့ခ်ျဝါဒီ ပါတီ)၊ စတဲ့ ဆိုရှယ်လစ်ပါတီခွဲတွေနဲ့လဲ ပူးတွဲလုပ်ခဲ့ပါတယ်။ ကျွန်တော်က ကွန်မြူနစ်ပါတီတွေဆီလဲ ရောက်ပါတယ်။ (အောလ်အန္ဒိယ ဖေါဝပ် ဘလော့ခ်) ပါတီကဆိုရင် ပါတီညီလာခံတိုင်းကို ဖိတ်လို့တက်ခဲ့ပါတယ်။
ဒေသဆိုင်ရာ ပါတီအမျိုးမျိုးတွေဆီလဲ ရောက်တာပါဘဲ။ မီဒီယာကလဲ အားကိုးရပါတယ်။ လူမှုအဖွဲ့အစည်းတွေဆို နည်းတာမဟုတ်ပါ။ ထောက်ခံ အားပေးခဲ့ကြတယ်။ အမျိုးသမီးတွေကို ပိုပြီးကူညီကြသူ စသဖြင့်လဲရှိပါတယ်။

တက္ကသိုလ်တွေ၊ ကောလိပ်တွေလဲ သိပ်မနည်းလှပါ။ ဥပမာ ဒေလီက (ဂျေ-အင်န်-ယူ)၊ (ဒီယူ)၊ (ဇကီးဟူစိန်) ကောလိပ်၊ (ဂျားမီးယား အစ္စလားမီးယား) တက္ကသိုလ်၊ နောက်ပြီး (မဒရပ်စ်) တက္ကသိုလ်၊ (မနိပူ) တက္ကသိုလ်၊ စတာတွေ။
(သင့်တင့်ခ်) ခေါ်တဲ့ ပညာရှင်အဖွဲ့အစည်းတွေကလဲ ဖိတ်ပြီးစကားပြောခွင့်၊ ဆွေးနွေးခွင့်ပေးတယ်။ ဥပမာ (အိန္ဒိယ နိုင်ငံတကာစင်တာ)၊ (အိန္ဒိယ ဖေါင်ဒေးရှင်း)၊ (ဗိုက်ဗီကန် နန္ဒာ ဖေါင်ဒေးရှင်း)၊ (ဂန္ဒီ) ငြိမ်းချမ်းရေး စင်တာ၊ (အိုင်ဒီအက်စ်အေ)၊ (အိုအာရ်အက်ဖ်) စတာတွေ။

သတင်းစာ၊ ဂျာနယ်၊ အွန်လိုင်းတွေမှာလဲ ကျွန်တော်ရေးတာကို ထည့်ပေးတတ်ပါသေးတယ်။ ဥပမာ (အက်စ်အက်စ်အေဂျီ)၊ (အေရှန်း နယူးစ်)၊ စတာတွေ။ မြန်မာ့အရေး အခမ်းအနားတွေကို ဒေလီက အိန္ဒိယနိုင်ငံတကာစင်တာဆိုတာမှာ အကြိမ်ပေါင်းများစွာ ကျင်းပခွင့်ရပါတယ်။ (ဘားမာ) ညနေခင်းတွေကိုလဲ ကျင်းပခဲ့ပါသေးတယ်။

နယ်စပ်နေရာတွေဖြစ်တဲ့ (မီဇိုရမ်) ပြည်နယ်က (အိုက်ဇော)၊ (မနီပူ) ပြည်နယ်က (အင်ဖါး) နဲ့ (လမ်ကား)၊ (နာဂ) ပြည်နယ်က (ဒင်မာပူ)၊ (အာသန်) ပြည်နယ်က (ဂဝါဟာတီ) တွေမှာ မကြာမကြာကျင်းပခဲ့နိုင်ပါတယ်။

တိဘက်လှုပ်ရှားမှုက အိန္ဒိယမှာဘဲ အခြေစိုက်ပါတယ်။ တိဘက်လူငယ်၊ တိဘက်အမျိုးသမီးအဖွဲ့အားလုံးနဲ့ မြန်မာ့ဒီမိုကရေစီလှုပ်ရှားမှုက အမြဲလိုလို လက်တွဲလုပ်ကြပါတယ်။ ကျွန်တော့်အဖို့တော့ တိဘက်အဝေးရောက် အစိုးရနဲ့ ပါလီမန်အပြင် ဘုန်းတော်ကြီး ဒလိုင်လားမားနဲ့အထိ ဆက်စပ်မှုတွေ ကောင်းပါတယ်။ ဒလိုင်လားမားကနေ နာဂစ်အကူငွေ ဒုတိယအသုတ်ကို ကျွန်တော့်ဆီကတဆင့်ပို့ပေးခဲ့သလို ခက်ခဲတဲ့ကာလတွေမှာ ဒေါ်အောင်ဆန်းစုကြည်ဆီ စာပို့ရတာလဲ လုပ်ပေးခဲ့ရပါသေးတယ်။

BCD (ဘားမား စင်တာ၊ ဒေလီ) ကို အိန္ဒိယနိုင်ငံသားတွေနဲ့ မြန်မာနိုင်ငံသားတွေ ပူးတွဲဖွဲစည်းထားနိုင်ခဲ့ပါတယ်။ အိန္ဒိယ နိုင်ငံသားတွေထဲမှာ အရှေ့မြောက်ပြည်နယ်ကလူတွေနဲ့က ပိုပြီးရင်းနှီးချစ်ကြည်ကြလို့ နှစ်နိုင်ငံဆက်ဆံရေးကို လက်တွေ့အထောက်အကူပြုမယ်လို့ ယုံကြည်ပါတယ်။

ပုဂ္ဂိုလ်ခင်မှ တရားမင်ဆိုသလို ကျွန်တော်တို့အထဲက တဦးချင်းအပေါ်မှာ ပိုပြီးရင်းနှီးယုံကြည်လို့ ကူညီခဲ့ကြသူတွေလဲ ရှိပါတယ်။ အိန္ဒိယလုံခြုံရေးအဖွဲ့အစည်း အမျိုးမျိုးတွေကလည်း ကူညီနိုင်သလောက်ကူညီခဲ့ကြတာကို မမေ့နိုင်ပါ။ ကျွန်တော်က အမတ်တယောက်အနေနဲ့နေခဲ့တာမို့ ဒီနိုင်ငံကအမတ်တွေ အတော်များများနဲ့ ခင်မင်ရင်းနှီးမှုတွေ ရခဲ့ပါသေးတယ်။

ကူညီမှုတွေရဲ့ရလဒ်ကို အကြမ်းပြောရရင် မြန်မာ့ဒီမိုကရေစီအရေးဟာ အနှစ်နှစ်ဆယ်ကျော်အတွင်း ဘယ်သောအခါမှ မှေးမှိန်မသွားခဲ့ပါ။ အစိုးရပေါ်လစီအပေါ် သက်ရောက်မှုကတော့ မပြောပလောက်သာ ရှိပါတယ်။ နိုင်ငံသားချင်း ချစ်ကြည်မှုကိုတော့ အခိုင်အမာတည်ဆောက်နိုင်ခဲ့ကြတယ်လို့ မှတ်တမ်းတင်ပါရစေ။

ပုံကတော့ ပန်းချီစစ်ငြိမ်းအေးက ဂျော့ပုံတူလက်ဆောင်ပေးနေတာ။

Thanks to India (1) အိန္ဒိယမှာ ကျေးဇူးတင်စရာ (၁) http://doctortintswe.blogspot.com/2015/09/thanks-to-india-1.html
Thanks to India (2) အိန္ဒိယမှာ ကျေးဇူးတင်စရာ (၂) http://doctortintswe.blogspot.com/2015/09/thanks-to-india-2.html
Thanks to India (3) အိန္ဒိယမှာ ကျေးဇူးတင်စရာ (၃) http://doctortintswe.blogspot.com/2015/09/thanks-to-india-3.html
Thanks to India (4) အိန္ဒိယမှာ ကျေးဇူးတင်စရာ (၄) http://doctortintswe.blogspot.com/2017/01/thanks-to-india-4.html
Daw Tint Tint ဒေါ်တင့်တင့် http://doctortintswe.blogspot.com/2015/09/daw-tint-tint.html

ဒေါက်တာတင့်ဆွေ
၉-၃-၂ဝ၁၄
၂၉-၁-၂၀၁၉

ဘော် နှင့် ဖေါ်

၁။ ဦးဘေမောင်တင်က ဖ ကို မသုံးတာလဲ ဆရာ ဖော် ကိုလည်း ဘော် သုံးတယ်

လူအမည်ကိုမေးတာဆိုရင်တော့ ကိုယ့်သဘောအတိုင်း သုံးလေ့ရှိကြတယ်။ လေးနဲ့မြားက မှန်ပေမဲ့ ဒဂုံရွှေမျှားလို့ ရေးတယ်။ အရင်က နာမည်ကြီးပုဂ္ဂိုလ်အတော်များများ ဘ နဲ့ရေးကြတယ်။ မန်းဘခိုင်၊ ဒီးဒုတ်ဦးဘချို၊ ကာတွန်းဦးဘဂျမ်း၊  ပန်းချီဆရာ ဦးဘဇော်၊ ပန်းချီဆရာ ဦးဘဥာဏ်၊ ပန်းချီဆရာ ဦးဘလုံ၊ ရုပ်ရှင်မင်းသား ဘတင့်၊ အာဇာနည် ဦးဘဝင်း၊ ယာအတွင်းဝန် ဦးဘိုးလှိုင် စသည်။ အမျိုးသားပညာဝန်ဦးဖိုးကျားကတော့ ဖ နဲ့ပေါင်းတယ်။

၂။ လုပ်ဖော်လား လုပ်ဘော်လား ဆရာ မရှင်းလို့။

၃။ ဆရာ အကောင်းဆုံးအဘော်ဖြစ်သည်လို့သုံးတာ အမှန်လားဆရာ။ အဖော် အဘော် ဘယ်ဟာအမှန်ပါလဲဆရာ။

၎။ အဖော်ကိုလဲ အဘော်လို့ရေးထားတယ်နော် ဆရာ အဲ့ဒါလေးလဲအချိန်ရရင် ရှင်းပြပေးပါအုံးဆရာ။

၅။ မင်္ဂလာပါဆရာရှင့်။ လုပ်ဖော်ကိုင်ဖက်၊ လုပ်ဘော်ကိုင်ဖက်၊ လုပ်ဖော်ကိုင်ဘက်၊ လုပ်ဘော်ကိုင်ဘက်၊ ဘယ်ဟာ အမှန်ဆိုတာ သိပါရစေရှင့်။

၆။ မင်္ဂလာပါဆရာ။ အပျိုဘော်ဝင်လို့ သုံးထားတာတွေ့တယ်ဆရာ။ တော်တော်များများနေရာတွေမှာ အပျိုဖော်ဝင်ဆိုပြီး သုံးတတ်ကြတယ်။ ဘယ်ဟာက အမှန်လည်းပြောပြပေးပါဆရာ။

ဘော်
ရဲဘော်
လူဘော်မဝင်
ဝသီဘော်ငါးပါး
အပျိုဘော်ဝင်သည်
အယ်ဒီတာအာဘော်
အာဘော်
အာနုဘော်
အပေါင်းအဘော် = အပေါင်းအဖေါ်
ဆေးဘော်ကြောဘက်
ဒွေးဘော်
ဘော်တွင်း
ဘော်ဖြူငွေရွက်
ဘော်လီဘော
ဘော်ဝါ
ဘော်ငွေ
ရွေဘော်တသင်း

ဖေါ်
တဖေါ်နှစ်ဖေါ်
အပေါင်းအဖေါ်
ဆေးဖေါ်သည်
ဆွေမျိုးပေါက်ဖေါ်
ပေါ်အောင်ဖေါ်
ဖေါ်ထုတ်သည်
ဖေါ်ပြသည်
ဖေါ်လံဖါးသည်
ဖေါ်လှစ်ပြသည်
ဖေါ်ကောင်သက်သေ
ဖေါ်ဖေါ်ရွေရွေ
ဖေါ်ပြောသည်
ဖေါ်ရွေသည်
ဖော်ကျူး
ဖော်စပ်
ဖော်ထုတ်
ဖော်ပြသည်
ဖော်ရွေသည်
ဖော်ညွှန်းသည်
ဖေဖေါ်ဝါရီလ

အဲဒီအသုံးက နောက်ပေါ်ဖြစ်တယ်။ အရင်ထုတ်သတ်ပုံကျမ်းတွေမှာမပါ။ နောက်ထုတ်သတ်ပုံစာအုပ်မှာ လုပ်ဖေါ်ကိုင်ဖက်လို့ ရေးတယ်။ အပေါင်းအဖေါ်နဲ့ ဆက်တွေးယူတာဖြစ်ပါမယ်။ ဖက်တွဲ၊ ဖက်လဲတကင်းနဲ့ ရဲဘော်လို့ ရေးတာမို့ ကျွန်တော်ကတော့ လုပ်ဘော်ကိုင်ဖက်လို့လည်း ရေးပါတယ်။ ကျွန်တော် မှားချင်လည်းမှားမယ်။

အပျိုဘော်ဝင်စ မိန်းကလေးတယောက် သူ့အဖေါ်နဲ့ ဈေးဝယ်သွားတယ်။ ကန်တော့ပါ။ ကန်တော့ပါ။ ကွန်ဒွမ်ကို အဖေါ်လို့ ပြောနေကြတယ်။ ဖော်နဲ့ ဖေါ်လည်း အတူတူသာဖြစ်တယ်။

ဒေါက်တာတင့်ဆွေ

ဝတ္တရားများ

ဆရာခင်ဗျာ မိဘဝတ် ဆရာဝတ် တပည့်ဝတ် လင်ဝတ် မယားဝတ်တင်ပေးပါဦးခင်ဗျာ။

မေးလို့သာ ထပ်တင်ရာမှာ အားတော့နာတယ်။ ဆောရီး။ လွန်ခဲ့တဲ့ ၄ နှစ်က ရေးထားတယ်။

အထက (၁) သာယာဝတီ ပထမတန်း လပတ်စစ်ဆေးခြင်း၊ မြန်မာစာမေးခွန်း = အောက်ပါကဗျာကို လက်ရေးလှ ကူးရေးပါ။
တပည့်ဝတ် = ကျွေးမွေးမပျက်၊ ဆောင်ရွက်စီမံ၊ မွေခံထိုက်စေ၊ လှူမျှဝေ၍၊ စောင့်လေမျိုးနွယ် ဝတ်ငါးသွယ်၊ ကျင့်ဖွယ်သားတို့တာ။

စာမေးပွဲမေးခွန်းက မှားနေတယ်။ အဲတာက သားသမီးဝတ်သာဖြစ်ပါတယ်။

၁။ တပည့်ဝတ်
ညီညာထကြွ၊ ဆုံးမနာယူ၊ လာမူကြိုဆီး၊ ထံနီးလုပ်ကျွေး၊ သင်တွေးအံရွှတ်၊ တပည့်ဝတ်၊ မချွတ်ငါးခုသာ။

၂။ သားသမီးဝတ်
ကျွေးမွေးမပျက်၊ ဆောင်ရွက်စီမံ၊ မွေခံထိုက်စေ၊ လှူမျှဝေ၍၊ စောင့်လေမျိုးနွယ် ဝတ်ငါးသွယ်၊ ကျင့်ဖွယ်သားတို့တာ။

၃။ မိဘဝတ်
မကောင်းမြစ်တာ၊ ကောင်းရာညွှန်လတ်၊ အတတ်သင်စေ၊ ပေးဝေနှီးရင်း၊ ထိမ်းမြားခြင်းလျှင်၊ ဝတ်ငါးအင်၊ ဖခင်မယ်တို့တာ။

၎။ ဆရာဝတ်
အတတ်လည်းသင်၊ ပဲ့ပြင်ဆုံးမ၊ သိပ္ပမချန်၊ ဘေးရန်ဆီးကာ၊ သင့်ရာအပ်ပို့ ဆရာတို့ ကျင့်ဖို့ဝတ်ငါးဖြာ။

၅။ မိတ်ဆွေဝတ်
ပေးကမ်းချီးမြှင့်၊ ကိုယ်နှင့်ယှဉ်ထား၊ စီးပွားဆောင်ရွက်၊ နှုတ်မြွက်ချိုသာ၊ သစ္စာမှန်စေ၊ ဝတ်ငါးထွေ၊ ကျင့်လေမိတ်သဟာ။

၆။ မယားကျင့်ဝတ်
အိမ်တွင်းမှုလုပ်၊ သိမ်းထုပ်သေချာ၊ မိစ္ဆာကြဉ်ရှောင်၊ လျော်အောင်ဖြန့်ချိ၊ ပျင်းရိမမူ၊ ဝတ်ငါးဆူ၊ အိမ်သူကျင့်အပ်စွာ။

၇။ လင့်ကျင့်ဝတ်
မထေမဲ့ကင်း၊ အပ်နှင်းဥစ္စာ၊ မိစ္ဆာမမှား၊ ဝတ်စားဆင်ယင်၊ မြတ်နိုးကြင်၊ ငါးအင်လင်ကျင့်ရာ။

၈။ အကြီးအကဲဝတ်
ထကြွ၊ နိုးကြား၊ သနား၊ သည်းခံ၊ ဝေဖန်၊ ထောက်ရှူ၊ ဤခြောက်ခု၊ ကြီးသူ့နာယက ဂုဏ်ခြောက်ဝ။

၉။ ရှင်ရဟန်းဝတ်
မကောင်းမြစ်တား၊ ကောင်းရာကိုလှစ်၊ အသစ်ဟောကြူး၊ နာဖူးထပ်မံ၊ နတ်ထံတင်ရာ၊ မေတ္တာလည်းပြု၊ ရဟန်းမှု ခြောက်ခုလွန်သေချာ။

၁ဝ။ လူဒါယကာကျင့်ဝတ်
မေတ္တာစိတ်သက်၊ ဆောင်ရွက်ချစ်ကြင်၊ ခင်မင်နုတ်ချို၊ လိုလျှင်ဖိတ်ထား၊ တတ်အားလှူစေ၊ ဝတ်ငါးထွေ၊ ကျင့်လေဒါယကာ။

၁၁။ အလုပ်သမားကျင့်ဝတ် (တချို့က ကျွန်လို့ရေးပါတယ်)
အိပ်သော်နောက်ကျ၊ ထသော်ကားရှေး၊ ပေးမှယူအပ်၊ စေ့စပ်ဆောင်ရွက်၊ ကျေးဇူးမြွက်၊ ငါးချက်ကျွန်ကျင့်ရာ။

သိင်္ဂါလသုတ်လာ ကျင့်ဝတ်များကို သင်္ဂဇာဆရာတော်ကြီးကနေ ဆောင်ပုဒ်များအနေနဲ့သီကုံးထားတာဖြစ်ပါတယ်။

ဒေါက်တာတင့်ဆွေ
၂၇-၂-၂ဝ၁၅
၂၉-၁-၂၀၁၉
Photo from Zayar Phyo

Aesthetic Life ဘဝ နှင့် ရသ

ဆရာ ရသစာပေနင့် သုတစာပေကို အင်္ဂလိပ်လို ဘယ်လိုရေးရသလဲ မသိလို့ပါ။

ကျွန်တော်က စာပေအကြောင်း နည်းနည်းလေးသာသိတယ်။ စာရေးဆရာတွေ၊ သုတေသီတွေကသာ မှန်တာကို ပြောနိုင်ကြပါမယ်။ မေးလာလို့ ဖြေနိုင်တာတော့ ဖြေပါမယ်။

မြန်မာစာပေမှာသာ ရသစာနဲ့ သုတစာလို့ပြောကြတယ်။ သူများတွေဆီမှာက တမျိုးသတ်မှတ်ကြတယ်။ ရသလို့ ဘာသာပြန်နိုင်တဲ့ Aesthetic literature ဆိုတာရှိတယ်။ မြန်မာပြည်မှာခေါ်တာနဲ့ တူတယ်။ အဲတာမဟုတ်တာကိုတော့ Information ခေါ် သတင်းအချက်အလက်ပေးစွမ်းတာမျိုး။ Take away သယ်ယူပါသွားနိုင်တာမျိုးလို့ ဆိုပါတယ်။

ရသက နောက်မှ ပေါ်လာတာ။ ရသလှုပ်ရှားမှုဆိုတာ ပေါ်ခဲ့တယ်။ စာပေ၊ တေးဂီတ၊ အနုပညာနယ် အစုံမှာဖြစ်တယ်။ လူမှုရေးနဲ့ နိုင်ငံရေးနယ်ပယ်မှာ ရသပေးစွမ်းနိုင်တဲ့ ဖွဲ့နွဲ့ သီကုံး စပ်ဆို ရေးသားမှုတွေ ရှိအပ်တယ်လို့ ဆိုတာပါ။ တနည်းအားဖြင့် နက်နည်းမှုထက် လှပမှုကို ပိုပြီးဇောင်းပေးတယ်။

Art for Art's sake အနုပညာသည် အနုပညာအတွက်ဆောင်ပုဒ်လည်း ပေါ်လာတယ်။ ဥရောပမှာ ၁၉ ရာစုထဲမှာ ဖြစ်ခဲ့တာတွေပါ။ အော်စကာဝိုင်းဒ် က ထင်ရှားသူဖြစ်တယ်။ မြန်မာပြည်မှာတော့ အဲတာနောက်မှာ အနုပညာသည် လူထုအတွက်ဆိုတဲ့ ဆောင်ပုဒ် ပေါ်ထွန်းခဲ့ပါတယ်။ သူတို့ဆီမှာလည်း အပျော်ဖတ်ဆိုတာရှိတယ်။ အဲတာလည်း လှုပ်ရှားမှုတခုပဲ။

မြန်မာပြည်မှာ ရသကို ပိုပြီးတန်ဖိုးထားကြပုံရတယ်။ ရသမဟုတ်တာကို ဒုတိယတန်းလို့ သဘောထားတယ်။ အချက်အလက်ပါတဲ့စာတွေကိုလည်း ဖတ်ချင့်စဘွယ်ရေးကြတယ်။ ဖတ်ဖူးတာတွေကို အကြမ်းဖျင်း ကောက်ချက်ချရရင် အချက်အလက်မမှန်တာ တန်ဖိုးနည်းတယ်။ စာဖတ်သူတွေကို လမ်းလွဲဆွဲခေါ်တတ်တယ်။ သမိုင်းပါ အဖြစ်အပျက်တွေကို ထုံမွန်းလွန်းတော့ ဇာတ်နိပါတ်လိုလို၊ စိတ်ကူးယဉ်လိုလို ဖြစ်ကုန်တယ်။ ဘာသာရေးစာတွေမှာလည်း စာပန်းချီ ခြယ်လွန်းရာကနေ အကြည်ညို လိုတာထက်ကဲစေပြီး တချိန်မှာ မေးခွန်းထုတ်ခံရတယ်။

အနုပညာသည် အနုပညာအတွက်ခေတ်မှာ စာရေးဆရာတွေအချင်ချင်း၊ ကဗျာဆရာတွေအချင်းချင်း ကျွန်တော် နားမလည်တာတွေကို အခန်းဆက်ပြောဆိုငြင်းခုန်နေကြတယ်။ အနုပညာသည် ပြည်သူ့အတွက်ခေတ်မှာ မွဲတဲ့သူတွေမှာ ကုန်းကောက်စရာမရှိ၊ ချမ်းသာတဲ့သူက ကျိကျိတက်။ သူဌေးသမီးနဲ့ ဒရိုက်ဘာကို ပေးစား။ ကြေးစားမိန်ကလေးနဲ့ ကောလိပ်ကျောင်းသား ညား။ အဲဒီအနုပညာတွေဟာ ကျွန်တော့်အတွက် မဟုတ်ခဲ့ပါ။ ကန်တော့ပါ။ ကျွန်တော့်ဘေးမှာ သာမန်လူတွေ များတယ်။ သူလိုကိုယ်လိုလူတွေ များတယ်။ စာတင်တာတွေက အစွန်းတဘက်ဘက်ကလူတွေ။

ကျွန်တော်က စာဖတ်အားကောင်းသူလည်း မဟုတ်၊ စာပေနယ်ထဲကလည်း မဟုတ်ပါ။ ကျွန်တော်ရေးတာ လွဲတာတွေ ပါနိုင်တယ်။ ဆောရီး။ ဆယ်တန်းတုန်းကကျောင်းစာထဲမှာပါတဲ့ အိုင်းစတိုင်းရဲ့ နှိုင်းရသီအိုရီအကြောင်းကို ဖတ်ကောင်းအောင် ရေးတဲ့စာတော့ ကနေ့အထိကြိုက်တယ်။

တချို့ရသသမားတွေကတော့ သဘောတူကြမှာ မဟုတ်။ ကိုယ့်တသက်တာမှာ စာအုပ်ထဲက ဇာတ်လိုက်တွေကရှားတယ်။ သူလို ကိုယ်လိုလူတွေသာများတယ်။ ကျွန်တော့် ဆရာဝန်သက်တမ်းမှာ ဂျော်နီရှိတယ်။ နိုင်ငံရေးခရီးရှည်မှာ ဗေဒါပင် ရှိတယ်။ ဖိုးမောင် ရှိတယ်။ သူတို့က စာအုပ်ထဲမရောက်ကြ။ ခွဲစိတ်ဒါးကိုင်ခဲ့ပေမဲ့ ဓါးတောင်ကို မကျော်ဖူးပါ။ ချင်းတောင်သာ ကျော်ဖြတ်ဖူးတယ်။ မီးပင်လယ် မကူးရ။ ဒုက္ခသမုဒ္ဒရာမှာတော့ အခုထိ။ အဲတာမျိုးကတော့ လူတိုင်းမဟုတ်လား။

ကိုယ်တိုင်လည်း သမိုင်းထဲရောက်နေပြီ။ ထုံမွမ်း ဖွဲ့နွဲ့ခံရမှာတော့ ကြောက်တယ်။

ဒေါက်တာတင့်ဆွေ
၂၉-၁-၂ဝ၁၈
၂၉-၁-၂ဝ၁၉

Sponsor စပွန်ဆာ




မြန်မာပြည်မှာ ခေတ်စားလာတဲ့ဝေါဟာရကိုသိချင်လို့ မေးပါတယ်။ အင်္ဂလိပ်စာလုံးကို အသံထွက်အတိုင်း ပြောဆိုတာ ဖြစ်ပါတယ်။ Sponsorship စပွန်ဇာရှစ်ပ်လို့လည်းရှိတယ်။ အဓိပ္ပါယ်ဆင်တဲ့ စကားလုံးတွေက နောက်ခံပြုပေးခြင်း၊ ထောက်ကူမှုပေးခြင်း၊ အုပ်ထိန်းသူလုပ်ပေးခြင်း၊ ငွေထောက်ပံ့ပေးခြင်း၊ အကူအညီပေးခြင်း။

စပွန်ဆာဟာ ကုန်သွယ်ရေးလောကသုံး စကားလုံးဖြစ်ပါတယ်။ အစီအစဉ်တခုကိုဖြစ်မြောက်ဘို့ရာ နောက်ကနေ၊ အထက်ကနေ၊ ဘေးကနေ၊ တရားဝင်ကူညီထောက်ပံ့မှုပေးခြင်းဖြစ်တယ်။ တဦးတည်းကနေလည်း လုပ်တာရှိတယ်။ အသင်းအဖွဲ့ကနေလုပ်တာလည်းရှိတယ်။ ငွေ သို့မဟုတ် တခြားအရာကိုကူညီတယ်။ အားကစားပွဲ၊ အနုပညာပွဲ၊ ဖျော်ဖြေရေးပွဲလမ်း စသည်။

Sponsoree ခေါ်အဲလိုကူညီသူဟာ နန်းပရောဖစ် ခေါ် အမြတ်မယူအဖွဲ့လည်းဖြစ်နိုင်တယ်။ Philanthropy ခေါ် ပရဟိတနဲ့ မတူပါ။ စီးပွါးကုန်သွယ်မှုမှာ တစုံတရာအကျိုးကိုမျှော်ကိုးပြီး ကုန်ကျခံတာဖြစ်တယ်။ အဲလိုနည်းက နာမည်ကြီးစေတယ်။ လူသိများစေတယ်။ ကြော်ငြာနည်းနဲ့ ထပ်တူတော့ မဟုတ်ပြန်ပါ။ အခုနည်းမှာ ထုတ်ကုန်၊ ရောင်းကုန်ကို တိုက်ရိုက် ထုတ်ပြတာ မလုပ်ပါ။

အထွေထွေစပွန်ဇာအမျိုးအစားနဲ့ အော်ဖစ်ရှယ် စပွန်ဇာလို့ကွဲပြားသေးတယ်။ နည်းပညာစပွန်ဇာ၊ Participating sponsor ပါဝင်မှုစပွန်ဇာနဲ့ သတင်းအချက်အလက် စပွန်ဇာတွေလို့ရှိသေးတယ်။ အားလုံးမှာ ကွန်ထရက်သဘောတူညီမှု ရယူထားပြီးမှသာ လုပ်ပါတယ်။ ကြိုတင်သတ်မှတ်ချက်တွေ ရှင်းရှင်းလင်းလင်းထားတယ်။

ဥရောပတိုက်ဟာ အကြီးဆုံး စပွန်ဇာဈေးကွက်ကြီးဖြစ်တယ်။ ၂ဝ၁၄ ခုနှစ်မှာ အီယူအတွင်း စုစုပေါင်း €26.44 million (US$29 million) အကုန်ခံခဲ့တယ်။ ဒုတိယက မြောက်အမေရိကနဲ့ တတိယက အာရှ-ပစိဖိတ်ဒေသဖြစ်တယ်။ ယူကေမှာ လျှော့ပေါ့ထားတဲ့ တီဗွီဥပဒေအရ တီဗွီမှာ စပွန်ဇာလုပ်တာ တိုးများလာတယ်။ အားကစားကထိပ်မှာရှိတယ်။ ဥပမာ ၂ဝ၁၄ ဘောလုံးရာသီမှာ Adidas ဟာ မန်ချက်တာယူနိုက်တက်ဘောလုံးသင်းကို စပွန်ဇာပေးတယ်။ အနည်းဆုံး £750 million (US$1.1 billion) ကျော်တန်တယ်။

၂ဝ၁၆-၁၇ ဘောလုံးရာသီ ဗြိတိသျှဘောလုံးကလပ်တွေနဲ့ စပွန်ဇာတွေ
၁။ မန်ချက်စတာ ယူနိုက်တက် = Chevrolet (US), £53m, 7 Year deal (2014-21)
၂။ ချယ်ဆီးလ် = Yokohama (Japan), £40m, 5 Year deal (2015-20)
၃။ အာဆင်နယ်လ် = Fly Emirates (UAE), £30m, 5 year deal (2014-19)
၎။ လီဗာပူးလ် = Standard Chartered, £25m, 3 year deal (2013-16)
၅။ မန်စီတီး = Etihad Airways (UAE), £20m, 10 year deal (2011-21)
၆။ တော်တင်ဟန် = AIA (China), £16m, 5 year deal (2014-19)
၇။ ဝက်စ်ဟမ် = Betway (Malta), £6m, 3.5 year deal (2015-18)
၈။ အဲဗာတန် = Chang Beer (Thailand), £5.3m, 3 year deal (2014 to 2017)
၉။ ဆော့သင်မ်တန် = Vigin Media (UK), £6m, 3 year deal (2016-19)
၁ဝ။ ဆန်ဒါလင်း = Dafabet (Philippines), £6m, 2 Year deal (2015-2017)

၂၀၁၉ ခုနှစ် နောက်ဆုံးသတင်းအရ

Manchester United (Chevrolet) မန်ချက်စတာယူနိုက်တက် ၄၇ ပေါင်သန်း
Manchester City (Etihad) မန်ချက်စတာစီးတီး ၄၅ ပေါင်သန်း
Chelsea FC (Yokohama) ချယ်လ်ဆီး ၄၀ ပေါင်သန်း
Liverpool FC (Standard Chartered) လီဗာပူးလ် ၄၀ ပေါင်သန်း
Arsenal FC (Fly Emirates) အာဆင်နယ် ၄၀ ပေါင်သန်း
Tottenham Hotspur (AIA) တော်တင်ဟမ် စော့စပါး ၃၅ ပေါင်သန်း
West Ham United (Betway) ဝက်စ်ဟမ်ယူနိုက်တိုက် ၁၀ ပေါင်သန်း
Everton FC (SportPesa) အဲဗာတန် ၉့၆ ပေါင်သန်း
Crystal Palace (ManBetX) ခရစ်စတယ်ပဲလေ့စ် ၆့၅ ပေါင်သန်း
Newcastle United (Fun88)
Southampton FC (Virgin Media)
Wolverhampton Wanderers FC (W88)
Burnley (Laba360)
Leicester City (King Power)
AFC Bournemouth (M88)
FC Fulham (Dafabet)
Cardiff City (Visit Malaysia)
Watford (FXPro)
Huddersfield (Ope Sports)
Brighton (American Express)

ဒေါက်တာတင့်ဆွေ
၂၉-၁-၂ဝ၁၇
၂၉-၁-၂ဝ၁၉

Monday, January 28, 2019

ဖါးပါရင် တကောင်ပေးပ










စကား၊ ကဗျာ၊ သီချင်း၊ သံချပ်၊ ဆောင်ပုဒ်၊ သတင်း စတာတွေမှာ စံကိုက်သတ်ပုံမဟုတ်တာမျိုး သုံးတတ်ပါတယ်။ ဖါးပါလျှင်လို့ မရေး၊ ပေးပါလို့ မရေးပါ။ ဖါးကိုလည်း ဖားလို့မရေးပါ။

ကစွန်းပင်

ဟိုအရင်ကတည်းက ကစွန်းနဲ့ ကန်စွန်းလို့ပါ ရေးပါတယ်။ ကဇွန်းနဲ့ ကန်ဇွန်းလို့ မရေးပါ။

ဆပ်သဖူး

ဆပ်သဖူးတဲ့ တရုံနှစ်ရုံ

ခွေးမြီးကောက်တဲ့ တကောင်နှစ်ကောင်

နာရီသံ တချက်ပေး

ကြွက်ငယ် ဆင်းလို့ပြေး

ပဲ ပဲ သိုးမဲ

ပဲ ပဲ သိုးမဲ
သိုးမွေးရှိပါစ
ဟုတ်ကဲ့သခင်
သုံးအိတ်အပြည့်ဗျ။

တအိတ်က သခင့်ဖို့
တအိတ်က သခင်မ
အရပ်ထဲက လူကလေးသို့
ကျန်တအိတ်ကိုမျှ။

ဆီး ဆော ပျဉ်ကိုခွ

ရန်ကုန်မြို့ကို သင်လမ်းပြ

ခြေတဖက်ချီ ခြေတဖက်ချ

ရန်ကုန်သွားလမ်း ဤသို့ဗျ။

ကိုးတဆယ် ကြက်မကြီးကိုဝယ်

တစ် နှစ် အင်းကျီဝတ်
သုံး လေး တံခါးပိတ်ပေး
ငါး ခြောက် တုတ်ကိုကောက်
ခုနစ် ရှစ် တည့်တည့်ပစ်
ကိုး တဆယ် ကြက်မကြီးကိုဝယ်။

ရွှေမိုး

ရွှေမိုး ညိုညို
မရွာပါနဲ့ ဆို။

နောက်တနေ့မှ လာခဲ့ပါ
မလိုသေးလို့ တောင်းပန်တာ
ကိုနီလေး ကစားချင်လို့ပါ။

ကိန်နရီ အသူဖြစ်ချင်တယ်

ကိန်နရီ အသူဖြစ်ချင်တယ်
တကိုယ်တည်း သီချင်းဆိုလို့ကွယ်
မြိုင်တောကြီး ပင်မြနန်းပေါ်ဝယ်
ပန်းပုတီး လည်ဆွဲရစေမယ်။

ကိန်နရီ

ကိန်နရီ သီတာဖြစ်ချင်တယ်
တကိုယ်တည်း သီချင်းဆိုလို့ကွယ်
မြိုင်တောကြီး ပင်မြနန်းပေါ်ဝယ်
ပန်းပုတီး လည်ဆွဲရရင်ကွယ်။

ဒေါက်တာတင့်ဆွေ

သတ်ပုံမှန်ခေတ်က

ကောက်ရိုးကလေးတမျှင် စာကလေးတစောင် ဒေါက်တာတင့်ဆွေ