Intestinal obstruction အူပိတ်ခြင်း
အူပိတ်ခြင်းဟာ အရေးပေါ်ခွဲစိတ်ပညာထဲမှာပါတယ်။ အစာအိမ်ပေါက်တာ၊ အူအတက်ပေါက်တာနဲ့ အူပိတ်တာ သုံးခု အဖြစ်များတယ်။ အူဆိုတာ လူကြီးတယောက်မှာ ပေအစိတ်လောက်ရှည်တယ်။ အစာချေတဲ့အလုပ်၊ စုပ်ယူတဲ့အလုပ်ကိုလုပ်နေရင်း အောက်ဖက်ဆီပို့ပေးနေတယ်။ အဲလိုဆက်မဆင်းနိုင်တော့တာကို အူလမ်းပိတ်တယ်လို့ခေါ်တယ်။ တပိုင်းတစပိတ်တာနဲ့ လုံးလုံးပိတ်တာလို့ ရှိတယ်။ ပိတ်နေတာကို လမ်းပြန်ပွင့်အောင် မလုပ်နိုင်ရင် ပေါက်ထွက်ပြီး အသက်ဆုံးပါနိုင်တယ်။ ဆောရီး။
အူလမ်းတနေရာမှာ ပိတ်နေရင် ဗိုက်ဖောင်းကားနေမယ်။ ဗိုက်နာမယ်။ ပျို့အန်မယ်။ မစားချင်မသောက်ချင်ဖြစ်မယ်။ ဝမ်းချုပ်မယ်။ တစိတ်တပိုင်းသာပိတ်ရင် ဝမ်းလျှောတယ်။
ဘာလို့ဖြစ်သလဲ အကြောင်းအမျိုးမျိုးရှိတယ်။ အူကျနေတာမှာ ကျနေတဲ့အူဟာ ထွက်ပေါက်နေရာမှာ ကျဉ်းတဲ့နေရာက ပိတ်နိုင်တယ်။ အရေးပေါ်ဖြစ်တယ်။ Crohn’s disease ရောဂါ။ အရင်ကခွဲစိတ်ခံရဘူးရာကနေ အတွင်းထဲမှာ တွယ်ကပ်မှုတွေကြောင့်ပိတ်ခြင်း။ အူမကြီးကင်ဆာ။ Parkinson’s disease ရောဂါရှိသူ ဝမ်းချုပ်ရာကနေဖြစ်နိုင်တယ်။ သည်းခြေကျောက်ကနေ ဖိထားလို့ပိတ်နိုင်တယ်။ ပါးစပ်ကနေ အစာမဟုတ်တာတခုခုကို မျိုချမိရာကနေ ဆက်ဖြစ်ခြင်း။ Paralytic ileus ခေါ် အူရောဂါဆိုတာ ဗိုက်ခွဲစိတ်မှုနောက်မှာ ကံမကောင်းလို့ဖြစ်တာမျိုး။
Volvulus ဆိုတာက အူသိမ်လိမ်ခေါက်ခြင်း။ အခုမေးခွန်းထဲကကလေးမှာ အဲတာဖြစ်နိုင်တယ်။ Intussusception ဆိုတာ အူရှေ့ပိုင်းထဲကို နောက်ကအူကနေ တိုးဝင်တာ (စာတပုဒ်ရေးထားတယ်)။ အသက် ၂ နှစ်ဝန်းကျင်ကလေးတွေမှာ အဖြစ်များတယ်။ လူကြီးတွေလည်းဖြစ်နိုင်တယ်။
ကုသတာမှာ ဘာကြောင့်လဲကိုသိရမယ်။ ဆေးရုံတင်ကုသရမယ်။ စမ်းသပ် စစ်ဆေးမှုတွေလုပ်မယ်။ ချက်ချင်းကုသရမယ်။ ပိုက်ထည့်ပြီး ရသလောက် စုပ်ထုတ်ပေးမယ်။ ပိုးသေဆေးတွေ၊ အအန်သက်သာဆေးတွေ လိုသူကို ပေးတယ်။ သွေးပြန်ကြောထဲ ဆေးသွင်းပေးမယ်။ ခွဲစိတ်ရတာများတယ်။ ဗိုက်ကိုဖွင့်ပြီး ဆို့ပိတ်နေတာကို ဖြေရှင်းမယ်။ စောစော ကုသရရင် အူကို မဖြတ်တောက်ရပဲ ကောင်းမယ်။ လိုအပ်ရင် ဖြတ်ပြီးဆက်ပေးရတယ်။ ကုသတာ စောလေကောင်းလေ။
ကျွန်တော် နယ်ဆေးရုံတွေမှာ အဲလိုဖြစ်တဲ့ ကလေးတွေ လူကြီးတွေကို ရှိတဲ့ခွဲစိတ်ကရိယာလေးတွေသုံးပြီး၊ ခွဲစိတ် ကုသပေးခဲ့ရတာတွေကို ပြန်အမှတ်ရနေမိတယ်။ မှတ်မိသလောက် အနည်းဆုံး ၅ ယောက်လောက် ခွဲပေးခဲ့ရဖူးတယ်။ နေကောင်းသွားကြပါတယ်။
Intussusception အူထဲ အူဝင် http://doctortintswe.blogspot.com/20…/…/intussusception.html
ဒေါက်တာတင့်ဆွေ
၂၅-၁-၂ဝ၁၇
၂၅-၁-၂ဝ၁၉
Comments
Post a Comment