X-rays and infertility ဓါတ်မှန်နဲ့ ကလေးမရခြင်း

ဆရာရှင့် ကျွန်မက မြို့နယ်ဆေးရုံတစ်ခုမှာ ဓာတ်ခွဲမှူးပါ။ ဓာတ်မှန်လဲရိုက်ပေးရပါတယ်။ ကျွန်မသိချင်တာက ဓာတ်မှန်ရောင်ခြည်ထိရင် ကလေးမရဘူးဆိုတာဟုတ်ပါသလားရှင်။ ကျွန်မတို့လင်မယားက ခုထိကလေးမရသေးလို့ပါ။ သားဖွား မီးယပ်အထူးကုတွေနဲ့လဲပြကြည့်ပြီးပါပြီ။ နှစ်ဦးစလုံးမှာ ဘာချို့ယွင်းချက်မှမရှိဘူးဆိုတော့ ဘာကြောင့်မှန်း မသိလို့ပါရှင်။

အခုမေးခွန်းလိုပါပဲ အင်္ဂလန်သူတယောက်ကနေ သူတို့ဆီမှာ အွန်လိုင်းကနေ အမေးအဖြေ လုပ်ပေးနေတဲ့ ဆရာဝန်ကို မေးပါတယ်။ မေးတဲ့သူမှာ Scoliosis ခေါ်တဲ့အရိုးပုံစံမကျတဲ့ရောဂါကို ၁၁ နှစ်သမီးကတည်းကသိခဲ့လို့ ဓါတ်မှန် ခဏခဏ ရိုက်ရပါတယ်တဲ့။ ၁၆ နှစ်သမီးအထိ ၆ လ တခါရိုက်ရပါတယ်။ ကံဆိုးချင်တော့ ၁၆ နှစ်အရွယ်မှာ ခါးထိုခိက်ဒဏ်ရာရလို့ ဓါတ်မှန်ကို ၃-၆ လတခါ နောက် ၆ နှစ်ကြာရိုက်ရပြန်ပါတယ်တဲ့။ အခု ၂၂ နှစ်ရှိပါပြီတဲ့။ ခါးရိုးခွဲစိတ်မှုလုပ်ရပြန်လို့ ၆ လ တခါရိုက်ရပြန်ပါတယ်။ သူ့ဗိုက်ပေါ်မှာ အကာအကွယ်ခုဖုံးပေးတာက မျိုးဥအိမ်ကိုကာကွယ်ဘို့ဖြစ်တာကို နောက်ဆုံး ဓါတ်မှတ်ရိုက်မှ လုပ်ခဲ့ပါတယ်တဲ့။ သူစိုးရိမ်နေတာက အဲလိုဓါတ်မှန်တွေရိုက်ရလွန်းလို့ မျိုးဥအိမ်ပျက်စီးပြီး ကိုယ်ဝန် မရတော့မှာဖြစ်ပါတယ်တဲ့။

ပထမဆုံးဖြေရမှာက အဲလိုပုံမှန်သဘောမျိုး ဓါတ်မှန်ရိုက်ခံရတာက အန္တရယ်မများပါ။ အသက် ၁၁ နှစ်ကနေ ၂၂ နှစ်အထိ ဓါတ်မှန် ၂၂ ကြိမ်လောက်ရိုက်ခဲ့တာကတော့ သက်ရောက်မှုရှိနိုင်တယ်။ လွန်ခဲ့တဲ့ နှစ်ပေါင်း ၂ဝ အတွင်းမှာ ဓါတ်မှန် အသုံးပြုတာအတွက် လမ်းညွှန်တွေပိုကောင်းအောင်လုပ်ထားပါတယ်။ မိန်းကလေးတိုင်း အမျိုးသမီးတိုင်း မျိုးပွါးနိုင်တဲ့ အသက်မှာ မျိုးဥအိမ်နဲ့ သားအိမ်နေရာကို ကာကွယ်မှုလုပ်ပေးထားဘို့လည်းပါတယ်။

မေးတဲ့သူမှာ စိုးရိမ်စရာမရှိဘူးလို့တော့ မပြောနိုင်ပါ။ ကိုယ်ဝန်ရအောင် မျိုးဥအိမ်ကနေ မျိုးဥထွက်ဘို့လိုတယ်။ ဓါတ်မှန်ကြောင့် စိုးရိမ်စရာကိုပြောရင် မျိုးဥမထွက်တော့မှာကို ပြောတာမဟုတ်ပါ။ မျိုးဥ ထွက်-မထွက်ကို Ovulation test ကိရိယာနဲ့ အိမ်မှာတင် စမ်းလို့ရပါတယ်။

မျိုးဥအိမ်ကနေ မျိုးဥထွက်လို့၊ သန္ဓေဖြစ်လို့၊ ကိုယ်ဝန်ရရင်လည်း (ခရိုမိုဇုမ်း) မှာ တခုခု ဖြစ်-မဖြစ် မပြောနိုင်ပါ။ ဖြစ်ဘို့ အခွင့်အလမ်းကတော့ အတော်ကိုနည်းပါတယ်။ သီအိုရီအရပြောရတာပါ။

အဲလိုအမျိုးသမီးတွေ ကိုယ်ဝန်ရှိတာနဲ့ (ဆခရင်နင်း) ဆန်ခါတင်စမ်းသပ်မှု လုပ်သင့်ကြတယ်။ ကလေးမှာ မွေးရာပါ ချို့ယွင်းချက် ပါ-မပါ သိနိုင်မယ်။ Amniocentesis ရေမြွာရည်စုပ်ယူစစ်ဆေးနည်းမျိုးကို ပြောတာဖြစ်ပါတယ်။ စိုးရိမ်စရာနဲ့ အလားအလာကောင်းဟာ ဆတူလောက်ရှိတာကိုတော့ သတိရှိစေချင်ပါတယ်။ ဓါတ်မှန်ပညာသယ်တွေတိုင်းက ခဲ (အေပရွန်) သုံးကြမှာပါ။ စိတ်ချနိုင်ပါတယ်။

Radiation Aprons ဓါတ်မှန်အကာအကွယ်ကို ခဲ့သားနဲ့လုပ်ထားလို့ Lead shielding လို့ခေါ်တယ်။ gamma rays ဂါမာရောင်ခြည်နဲ့ x-rays (အိတ်စရေး) ရောင်ခြည်တွေကနေ ကောင်းကောင်းကာကွယ်နိုင်ပါတယ်။ Lead ခဲဟာ သိပ်သည်းဆများတယ်။ အနုမြူထုထည်များတယ်။ အဲတာကြောင့် x-ray machines ဓါတ်မှန်စက်၊ nuclear power plants နယူကလီယာအင်အားသုံးစက်။ labs ဓါတ်ခွဲခန်း၊ military equipment စစ်သုံးကိရိယာ စတာတွေမှာသုံးတယ်။ သွားဓါတ်မှန်အကာအကွယ်၊ လည်ပင်းကြီးအနုမြူအကာအကွယ်နဲ့ ခဲသားလက်အိတ်တွေလည်း ရှိတယ်။

ဖတ်နိုင်တဲ့စာတွေလည်းရေးထားပါတယ်။
- Risks of an X-ray and Diagnostic ultrasound အာလ်ထွာဆောင်းနဲ့ ဓါတ်မှန်အန္တရာယ် http://doctortintswe.blogspot.com/2014/11/risks-of-x-ray-and-diagnostic-ultrasound.html
- Pregnancy and x-ray at airport ကိုယ်ဝန်ဆောင်နဲ့ လေဆိပ်ဓါတ်မှန် http://doctortintswe.blogspot.com/2014/11/pregnancy-and-x-ray-at-airport_24.html
- MRI Scan (အမ်-အာရ်-အိုင်) http://doctortintswe.blogspot.com/2014/10/mri-scan.html

ဒေါက်တာတင့်ဆွေ
၂-၅-၂ဝ၁၅