Breast biting baby ကလေးနို့ကိုက်ခြင်း

ဆရာ ကလေးကကိုက်လို့ နို့သီးခေါင်းအပေါ်တဖက်လုံးကွဲပြီး အနာဖြစ်နေတာမျိုးကိုရော နို့ဆက်တိုက်ရင် ကလေးမှာ ဘာတွေဖြစ်လာနိုင်ပါသလဲရှင့်။ ရောဂါပိုးများ ကလေးကို အလွယ်တကူဝင်နိုင်ပါလားဆရာ။

ကလေးက ချိုစို့နေချိန်မှာ မိခင်နို့ကိုကိုက်ရင် နို့တိုက်တာ ရပ်ထားစရာမလိုပါ။ ကလေးတွေ ၆ လသားမှာ သွားပေါက်လာရင် ချိုကိုကိုက်ကြတယ်။ တနှစ်လောက်မှာ အန်သွားပေါက်တယ်။ ကလေးတိုင်းတော့ မဟုတ်ပါ။ သွားကောင်းကောင်း ပေါက်ရင်တော့ ကိုက်ချင်ရင် လျှာထုတ်ပြီးမှသာ ကိုက်ရတော့မှာမို့ မကိုက်တော့ပါ။

နည်းနည်းကြီးလာတဲ့ကလေးတွေက အာရုံပြောင်းတာလွယ်တော့ တခုခုဆီစိတ်ရောက်သွားရင် နို့စို့နေတာကို အမှတ်မထားပဲ မအေနို့ကိုကိုက်မိတတ်ကြတယ်။ တချို့ကလေးက သူနို့စို့တာဝပြီဆိုရင် ကိုက်ပြီးအဆုံးသတ်ကြတယ်။ တချို့ကလေးက အိပ်ပျော်သွားချိန်မှာကိုက်တယ်။ အအေးမိတာခံစားနေရရင် ကိုက်တဲ့ကလေးလည်းရှိတယ်။ တချို့ကလေးက စူးစမ်းလိုတဲ့သဘောနဲ့ မအေနို့ကိုကိုက်တယ်။

အဲလိုကိုက်ရင် ကိုယ်လက်သန်းတချောင်းကို ကလေးပါးစပ်တဖက်စွန်းမျာထည့်လိုက်ပါ။ လက်ကိုပဲလာကိုက်မယ်။ သူကိုက်နေတုံး အတင်းဆွဲမခွါပါနဲ့။ နာတော့နာနေမှာပေါ့။ ဆောရီး။ သူ့အောက်မေးရိုးတင်းနေတာမြင်ရင် သူ့လက်သန်းလေးကို သူ့ပါးစပ်ထဲထည့်လိုက်ပါ။ သူ့လက်သူကိုက်မယ်။ ကိုက်နေရင် သူ့လက်ကို အတင်းဆွဲမထုတ်ပါနဲ့။

ကလေးကိုက်တဲ့အကျင့်ပျောက်အောင် နည်းပေါင်းစုံလုပ်နိုင်ပါတယ်။ သွားအသစ်တွေက ထက်တယ်။ စူးရှတယ်။ အော်တာ၊ ငေါက်တာလုပ်နိုင်တယ်။ ကိုက်ရင် နို့မတိုက်ဘူးဆိုတဲ့ဒဏ်ပေးနည်းလုပ်နိုင်တယ်။ ကလေးက လက်လျှော့အုံးမှာတော့မဟုတ်ပါ။ မျက်လုံးခြင်းစကားပြောနည်းသုံးပါ။ ဒဏ်ပေးနည်းအပြင် မွှေးမွှေးပေးနည်းလည်း စမ်းနိုင်တယ်။

နို့တိုက်တဲ့အနေအထားပြောင်းကြည့်ပါ။ သူနို့ဝချိန်လေ့လာနေပါ။ မဆာာပဲနို့မတိုက်ပါနဲ့။ အိပ်ပျော်သွားရင် နို့ကို သူ့ပါးစပ်ထဲက ထုတ်ထားပါ။ နို့ကိုက်တဲ့အကျင့်ကို ဖျောက်ရတာ လွယ်တာလည်းရှိတယ်၊ ခက်ခဲတာလည်းရှိတယ်။ နို့တိုက်နည်းမမှန်ရင် ပိုကိုက်တယ်။ နို့သီးခေါင်းထိပ်က အတွင်းထဲရောက်လွန်းနေတာမျိုး။ သူ့ကိုဂရုစိုက်စေချင်လို့ ကိုက်တာလည်းရှိတယ်။ နို့တိုက်နေတုံးမှာ ကလေးကို အာရုံပြောင်းစေတာမျိုးနည်းနေပါစေ။ နို့နည်းနေရင်ကိုက်တယ်။ အရင်တုံးက benzocaine ပါတဲ့ Orajel ထုံဆေးကို သုံးခဲ့ကြတယ်။ အခုမသုံးတော့ပါ။

နို့မှာ ကလေးကိုက်လို့နာနေတာကို ဆေးထည့်ဘို့မလိုတတ်ပါ။ ရေနွေးဝတ်နဲ့ကပ်ပေးနိုင်တယ်။ ချက်ချင်းဖြစ်တာကို ရေအေး-ရေခဲကပ်ပေးနိုင်တယ်။ နာတာနဲ့ ရောင်တာသက်သာအောင် (ပါရာစီတမော) သောက်နိုင်တယ်။ အနာဖြစ်ချင်ရင် အရက်ပြန်မသင့်ပါ။ ပိုးသေဆေးပါ ခရမ်းရောင်ဆေးရည်ကို အခုနောက်ပိုင်း မသုံးစေတော့ပါ။ တခြား ရှေးဦးသူနာပြုသုံး အနာထည့်ဆေး မသင့်ပါ။ ကော်မျက်စဉ်းသုံးနိုင်တယ်။ ကလေးပါးစပ်ထဲဝင်လည်း စိုးရိမ်စရာမရှိပါ။ အနာကို ခြောက်သွေ့စေပါ။ မဟုတ်ရင် မှိုဝင်တာတတ်တယ်။ ကလေးနို့တိုက်ချိန်မှာ ဖန်းဂတ်း (မှို) ပိုသာဝ်တတ်တယ်။ မှက္ခရု ခေါ်တယ်။ အလိုလိုပျောက်တာများတယ်။ စာတပုဒ်ရေးထားပါတယ်။

Thrush (Oral candidiasis) မှက္ခရုနာ http://doctortintswe.blogspot.com/2014/12/thrush-oral-candidiasis.html

ဒေါက်တာတင့်ဆွေ
၁၅-၅-၂ဝ၁၅