Farewell to Surgery ခွဲဆရာဝန်
မနှစ်က တယောက်မေးတယ်။ ဆရာက ခွဲစိပ်လူနာတွေရော ကုသနိုင်သလားဆရာ။ ခွဲတော့ ခွဲတတ်တယ်။ ခွဲလည်း ခွဲခဲ့တယ်။ အများကြီးပေါ့ဗျာ။ ဒါပေမဲ့ အခုကမှ တကယ့်ခွဲဆရာဝန်ဖြစ်နေပြီ။ ဘယ်လို့လဲဆရာ့့။
ဆရာဝန်တွေ ဘွဲ့ရပြီးနောက်မှာ တယောက်တမျိုးဖြစ်လာကြတယ်။ ကျွန်တော်လို ရတဲ့ဘွဲ့လေးတခုနဲ့ အရိုးထုတ်ကြရသူက များတယ်။ အဲလိုဆရာဝန်တွေထဲမှာလည်း ဆေးကုတာအားသန်သူနဲ့ ခွဲစိတ်တာမှာစိတ်ပါသူလို့ မတူကြပြန်ဘူး။ ကျွန်တော်က အစုံသုပ်လုပ်ပါတယ်။ ဓါးဆရာဝန်လို့ နာမည်ပေးသူတွေက ပေးကြတယ်။ ဒေလီမှာနေရတုံးက ယမုန်နာဆေးခန်းလေးမှာ ကလေးပေါင်း ၃၄၉ ယောက်ကိုမွေးပေးလို့ အိုဂျီလို့မှတ်ကြတယ်။ အမှန်က အိုပြီဆရာဝန်။
နိုင်ငံရေးကြောင့်ပြည်ပြေးဖြစ်ရတော့ တိုင်းပြည်နဲ့ရော၊ ပြည်တွင်းလူနာတွေနဲ့ပါ ခွဲရတော့တယ်။ ဒါလဲ ရသလောက်တော့ လုပ်သေးတယ်။ ထိုင်း-မြန်မာနယ်စပ် ချောင်းကလေးဘေးမှာ အစည်းအဝေးတွေတက်ရင်း ရှိတဲ့ပစ္စည်းနဲ့ မိုင်နာဆာဂျရီ လုပ်ပေးဘူးတယ်။ ထိုင်းနိုင်ငံ မဲဆောက်က ဒေါက်တာဆင်သီယာမောင် ဆေးခန်းရောက်တိုင်းလဲ ခွဲစိတ်ခန်း ဝင်သေးတယ်။ နယ်စပ် မြစ်ကမ်းနဖူးပေါ်မှာရှိတဲ့ ကရင်ဆေးခန်းလေးမှာလဲ ခွဲစိတ်ပေးဘူးတယ်။ လူတွေစိတ်ဝင်စားကြတဲ့ မအူပင်ဆေးရုံမှာ လူဥအုတယ်ဆိုတဲ့ ကိုယ်ဝန်လစေ့လောက်ကြီးတဲ့ မျိုးဥအိမ်အကျိတ်ရောဂါ။ အိန္ဒိယနိုင်ငံ မီဇိုရမ်ပြည်နယ်မှာလဲ မြန်မာရက်ကန်းသမားတွေကို ခွဲစိတ်တာအပါအဝင်ဆေးကုပေးတယ်။ မဏိပူပြည်နယ်၊ မိုးရေးမှာလဲ အဲလိုဘဲ။
မြန်မာပြည်မှာတုံးက အစစအရာရာရှားပါးလွန်းလှတဲ့ ဆိုရှယ်လစ်ခေတ်ကြီးထဲမှာ ဆရာဝန်ဖြစ်ရတော့ ခွဲစိတ်ကိရိယာတွေကို ကိုယ်ပိုင်စုဆောင်းရတယ်။ တိုင်းပြည်ကနေထွက်ပြေးရတော့ ပြစ်ထားခဲ့ရတာက မိသားစု၊ ဆွေမျိုး၊ မိတ်ဆွေ၊ မဲပေးသူတွေ အပြင် အဲဒီခွဲစိတ်ကိရိယာတွေပါမို့ နှမြောလိုက်တာ မပြောပါနဲ့တော့။ ဒေလီရောက်တော့ ခွဲစိတ်လူနာတွေနဲ့ တွေ့ပြန်တယ်။ လက်နက်သာရှိပြီး ကျည်ဆံမရှိပြန်လို့ ခွဲစိတ်ကိရိယာတွေ ပြန်စုရပြန်တယ်။ သည်တခါလည်း ထားခဲ့ရပြန်ပြီ။
အခုတတိယနိုင်ငံရောက်တော့ ကျည်ဆံရောလက်နက်ပါ မရှိတော့ပါ။ ကျွန်တော် စိတ်မကုန်၊ လက်မတုန်သေးပါ။ ဒါပေမဲ့ ခွဲစိတ်လူနာတွေနဲ့ ခွဲစိတ်ကိရိယာတွေပါ အပြီးအပိုင်ခွဲခွါရတော့တဲ့ (ခွဲဆရာဝန်) ဖြစ်သွားပါပြီ။
ဒေါက်တာတင့်ဆွေ
၂၁-၅-၂ဝ၁၅
Comments
Post a Comment