Duty Free မြန်မာပြည်ကနေ သယ်လာပေးပါ
• ဘာမှာမလဲတဲ့။ စာအုပ်လေး (၃) အုပ်ပါးလိုက်တယ်။ မိတ်ဆွေတယောက်အတွက် ၁ အုပ်နဲ့ ညီအတွက် ၂ အုပ်။ အန်တီကတော့ သူ့မိတ်ဆွေ ဆရာဝန်မ တယောက်အတွက် ဆေးဝယ်ပေးမလို့စဉ်းစားနေတယ်။ ကျွန်တော်တို့မှာက ဆေးနဲ့စာ နှစ်ဘာသာပဲ တတ်နိုင်ကြတာကိုး။
• အပြန်လည်း မှာချင်တာမှာတဲ့။ ဒီရောက်မှ တွေ့ရခင်ရသူတွေပေမယ့် အားနာစရာ မလိုသူတွေဖြစ်နေပြီ။ မြန်မာပြည်ကနေ သယ်လာစရာ ဘာရယ်တော့မမှာချင်ပါ။ သယ်ရပိုးရတဲ့ဒုက္ခ သိပါတယ်။ စားရာသယ်ရာက အခက်ဆုံး။ ဒေလီကနေ ဒီကိုပြောင်းလာတော့ ချီကာဂိုလေဆိပ် အကောက်ခွန်ဂိတ်မှာ ဒန့်သလွန်သီးအစည်းကို ထုတ်ထားပစ်ခဲ့ရတယ်။ တော်သေးတယ်၊ ကျန်တဲ့စားစရာတွေရော ဗောဓိညောင်ပင်ပေါက်တွေပါ လွတ်လို့။
• မြန်မာပြည်ကနေ မှာစရာမလိုပဲ ပါလာမှာကရှိတယ်။ ဆရာ့အတွက်ကုန်ကြမ်းတွေ သယ်ခဲ့မယ်တဲ့။ စာရေးဆရာတွေ စာရေးဘို့ကို ကုန်ကြမ်းခေါ်ကြတယ်။ ပစ္စည်းအချောထည်ထုတ်ဘို့ဟာလည်း ကုန်ကြမ်းပဲ။ ဗမာပြည်က ကုန်ကြမ်းထုတ်တဲ့ တိုင်းပြည်အဆင့်က တက်လာစရာမရှိ။ ကုန်ကြမ်းဆိုတာက ကုန်တော့မယ်။
• ကျွန်တော်က စာရေးဆရာမဟုတ်လို့ အဲလိုဟာမလိုပါ။ ရေးတာကလည်း လူကြမ်းတွေအကြောင်းပဲ ရေးတတ်တယ်။ လူကြမ်းကြတော့ ဘယ်ကမှ မဝယ်ချင်ကြလို့ ပြည်တွင်းမှာပဲ နာမည်လေးပြောင်းလိုက်၊ အဝတ်အစားလေးပြောင်းလိုက်နဲ့ အသုံးကိုတည့်လို့။
• အေးဗျာ ခင်များတို့ပြန်လာရင် မြန်မာပြည်က သတင်းကောင်းလေးတွေသာ နိုင်သလောက် သယ်ခဲ့ကြပါ။ (ကပ်စတမ်) (ဂျူတီ ဖရီး) ဖြစ်ပါတယ်။
ဒေါက်တာတင့်ဆွေ
၁၇-၅-၂ဝ၁၅
Comments
Post a Comment