Damp Proof Coronavirus ဥတုသုံးပါးခံသည်
၂၀၂၀ ခုနှစ်မှာ တကမ္ဘာလုံးအတွက် ကျန်းမာရေးသတိပေးစာကလည်း ဥတုသုံးပါးခံသည် ဖြစ်လာပါတယ်။ ကရိုနာဗိုင်းရပ်စ် ကူးစက် ရောဂါ။
၃၁-၁၂-၂၀၁၉ နေ့ကမှာ တရုပ်ပြည် ဝူဟန်မှာ ကရိုနာဗိုင်းရပ်စ် ကူးစက် ရောဂါစခဲ့ပါတယ်။ အဲဒီအချိန်မှာ ပိုးအမည် တရားဝင် မရသေးပါ။ ကျွန်တော်က ၄-၁-၂၀၂၀ နေ့မှာ ဝူဟန်နူမိုးနီးယားလို့ စတင်တင်ပြခဲ့ပါတယ်။
၃၀-၁-၂၀၂၀ နေ့မှာတော့ ကမ္ဘာ့ကျန်းမာရေးအဖွဲ့ကြီးက အရေးပေါ်ကျေညာတယ်။
၂-၂-၂၀၂၀ နေ့မှာ ရောဂါက တရုပ်ပြည်ကနေထွက်လာပြီး ဖိလစ်ပိုင်မှာ စတွေ့တယ်။
၇-၂-၂၀၂၀ နေ့မှာ ရောဂါအကြောင်း စပြီးတပ်လှန့်တဲ့ တရုပ်ဆရာဝန် ကွယ်လွန်တယ်။
၁၁-၂-၂၀၂၀ နေ့ကျမှာ ရောဂါအမည်ရတယ်။ ကမ္ဘာ့ကျန်းမာရေးအဖွဲ့ကြီးက Covid-19 လို့အမည်ပေးတယ်။
၁၄-၂-၂၀၂၀ နေ့ ပြင်သစ်နိုင်ငံကစပြီး ဥရောပတခွင်လုံးကို ရောဂါရောက်တယ်။
၂၄-၂-၂၀၂၀ အီရန်။
၂၆-၂-၂၀၂၀ နေ့ ဘရာဇီးလ်နဲ့ တောင်အမေရိကတိုက်။
၂၉-၂-၂၀၂၀ ယူအက်စ်အေမှာ ပဌမဆုံးလူနာ သေဆုံးတယ်။
၂၄-၃-၂၀၂၀ နေ့ မြန်မာပြည်မှာ ပြည်ပကနေလာသူ ပဌမဆုံးလူနာ ၂ ယောက်တွေ့တယ်။
ကမ္ဘာ့မြောက်ဘက်ခြမ်းနဲ့ တောင်ဘက်ခြမ်းတို့မှာ ရာသီဥတုက ပြောင်းပြန်။ ဒီဇင်္ဘာ၊ ဇန္နဝါရီလ ဆောင်းရာသီ ဖြစ်နေတဲ့ တရုပ်ပြည်မှာ ရောဂါစတင်ပါတယ်။ ၂၅-၁-၂၀၂၀ နေ့က နွေရာသီရှိတဲ့ သြစတေးလျမှာ စတယ်။
ကရိုနာဗိုင်းရပ်စ်ရောဂါဖြစ်စမှာ နေရောင်ရလို့ ပူလာရင် သက်သာသွားမယ်လို့ ပြောခဲ့ကြတာတွေ မှားတယ်။ မဟုတ်ပါဘူး ပြောတာ မရ၊ ခံငြင်းကြတယ်။ ကာကွယ်ဆေးလည်း လွန်ခဲ့တဲ့ ၄-၅ လကတည်းထိုးပေးနေပြီလို့ ခံငြင်းကြတယ်။
အခုဆိုရင် ၁၀ လ ကျော်လာပြီ။ တနှစ်လည်တော့မယ်။ မုတ်သုန်ရှိတဲ့ မြန်မာပြည်မှာ နွေ၊ မိုးနဲ့ ဆောင်း။ ဥရောပနဲ့ အမေရိကမှာ နွေဦး၊ နွေ၊ ဆောင်းဦးနဲ့ ဆောင်း လေးခုရှိတယ်။ ကရိုနာဗိုင်းရပ်စ်ရောဂါဟာ ဥတု သုံးပါး လေးပါး ခံတယ်။
မြန်မာလိုရေးသားကြတဲ့ လူမျိုးတွေ လေ့လာ ဆင်ခြင် စဉ်းစားဉာဏ် တိုးတက်ကြပါစေသတည်း။
ဒေါက်တာတင့်ဆွေ
Comments
Post a Comment