Name and DOB အမည် နှင့် အသက်
လူတယောက်နဲ့တယောက်ဆက်ဆံရေးမှာ လူအမည်ခေါ်တာနည်းပြီး အမျိုးတခုခုနဲ့ ခေါ်ကြတာများတယ်။ အကို၊ အမ၊ မမ၊ အဒေါ်၊ အန်တီ၊ ညီလေး၊ ဦးလေး၊ ဦးကြီး၊ အဘ၊ ဘဘ စသည်။ အမျိုးမတော်ပဲ ခေါ်ကြတယ်။
ကျွန်တော် ၁၉၉၁ ကတည်းက ပြည်ပမှာသာနေရတယ်။ အိန္ဒိယမှာ ၂၄ နှစ်နဲ့ ယူအက်စ်အေမှာ ၆ နှစ်ရှိပြီ။ အိန္ဒိယမှာ မြန်မာပြည်လောက် အမျိုးတပ်ခေါ်တာ မရှိပါ။ အန်ကယ်လ် အန်တီလောက်သာ များတယ်။
အသက်အရေးအကြီးတာက ယူအက်စ်အေမှာ၊ လူတိုင်းရဲ့ မွေးနေ့ကို လ-ရက်-ခုနှစ် အတိအကျ၊ တလုံးမလွဲ ကွန်ပြူတာစနစ်ထဲ ထည့်သိမ်းထားပြီး လုပ်ကိုင်ဆောင်ရွက်တယ်။ ဘာမဆို၊ ဘယ်နေရာမဆို၊ ဘယ်တော့မဆို၊ ဘယ်သူမဆို။ မွေးနေ့ လ-ရက်-ခုနှစ် အတိအကျ၊ တလုံးမလွဲ ပြောရတယ်။ လွဲတာနဲ့ ဆက်လုပ်မရနိုင်တော့ပါ။ အလုပ် မရနိုင်။ ငွေထုတ် မရနိုင်။ ဆေးထုတ် မရနိုင်။
လူတိုင်းကို အမည်တပ်ခေါ်ကြတယ်။ ဥပမာ ကျွန်တော့်အမည် တင့်၊ မစ္စတာတင့်၊ ဒေါက်တာတင့်။ ဘရားသား မခေါ်ပါ။ အန်ကယ် မခေါ်တာ၊ ဂရင်းဖါးသား မခေါ်ပါ။ အဘ မခေါ်ပါ။
အမေမွေးတဲ့ နေ့စွဲ၊ မိဘတွေပေးတဲ့ အမည်ကို အမှန်အတိုင်း ဂုဏ်ယူဝံ့ကြွားစွာ သုံးစွဲခွင့်ကို ယူအက်စ်အေရောက်မှသာ ရရှိပါတယ်။
မြန်မာပြည်မှာ ကိုယ့်အသက်အရေးကြီးတာ သိကြစေချင်တယ်။ အမေအဖေပေးတဲ့အမည်ကို ချစ်တတ်ကြစေချင်တယ်။
အသက်မပါတဲ့မေးခွန်းတွေ နည်းပါစေသတည်း။
ဒေါက်တာတင့်ဆွေ
၁-၁၀-၂၀၂၀
Comments
Post a Comment