Dr. Tint Swe's Writings

HIV ပိုးတွေ ပုန်းအောင်နေရာကနေ ထွက်လာအောင် ကင်ဆာဆေးနဲ့လုပ်နိုင်တယ်လို့ ၃၁-၇-၂ဝ၁၅ နေ့ ဆေးသုတေသန သတင်းကဆိုပါတယ်။ Anti-retroviral therapy (ART) ဆေးကနေ ပိုးတွေကို သေစေနိုင်တယ်။ ဒါပေမယ့် ဆေးနဲ့မတွေ့နိုင်တဲ့ ပိုးတွေကိုတော့ ဘာမှမတတ်နိုင်ပါ။ Mississippi baby မစ်စစ်စပီကလေးမလေးကိုကြည့်ရင် ပိုးအားခိုအောင်းနေနိုင်စွမ်းရှိတာသိသာတယ်။ UC Davis School of Medicine ဆေးကျောင်းမှာ PEP005 ဆေးနဲ့စမ်းသပ်ခဲ့တာဖြစ်ပါတယ်။ ဒီဆေးကို နေလောင်ရာကနေဖြစ်တဲ့ကင်ဆာအတွက်သုံးပါတယ်။ လူနာ ၁၃ ယောက်ဆီကနေယူထားတဲ့ ဓါတ်ခွဲခန်းထဲမှာ ဆဲလ်တွေကို ဆေးနဲ့တွေ့စေခဲ့ပါတယ်။ အခုတွေ့ရှိချက်ဟာ အလွန်စိတ်ဝင်စားစရာကောင်းပါတယ်။ လူနာအတွက်စိတ်ချရမှုကိုတော့ လေ့လာရပါအုံးမယ်။ ဒေါက်တာတင့်ဆွေ ၃၁-၇-၂ဝ၁၅

စက်တင်္ဘာ-အလဲဗင်းခေါ်တဲ့ နယူးယောက် ကမ္ဘာ့ကုန်သွယ်ရေးစင်တာတာဝါကြီးနှစ်ခုကို ဘင်လာဒင်ကနေ စီစဉ်စေခိုင်းသူ အကြမ်းဖက်သမားတွေကနေ ၂ဝဝ၁ စက်တင်္ဘာ (၁၁) ရက်နေ့မှာ လေယာဉ်နဲ့တိုက်ပြီး ဖြိုချဖျက်ဆီးခဲ့တယ်။ ဒီအဖြစ်အပျက်နဲ့ နောက်ဆက်တွဲဖြစ်ပျက်တာတွေကို ကမ္ဘာသူကမ္ဘာသားအများစုက မမေ့နိုင်ကြသေးပါ။ အဲလိုကမ္ဘာကြီးတခုလုံးကို တုန်လှုတ်သွားအောင်ဖြစ်တဲ့အကြမ်းဖက်မှုဒဏ်ခံလိုက်ရတဲ့ နယူးယောက်မြို့ကြီးကို အရေးပေါ် စီမံခန့်ခွဲမှုတွေကို စနစ်တကျအောင်အောင်မြင်မြင် လုပ်ပေးနိုင်စွမ်းရှိတဲ့ပုဂ္ဂိုလ်ဟာ နယူးယောက်မြို့တော်ဝန် Rudy Giuliani ရူဒီ ဂီလာနီဖြစ်ပါတယ်။ သူ့မြို့တော်ဝန်ပထမသက်တမ်းအတွင်းမှာ William Bratton ကို ရဲချုပ်သစ်အဖြစ်ခန့်ခဲ့တယ်။ Broken windows theory of urban decay အိုမင်းနေသောမြို့များ၏ ကွဲနေသောပြူတင်းပေါက်များခေါ်တဲ့ သီအိုရီကို ကိုးကားသူဖြစ်တယ်။ အသေးအဖွဲအမြင်အတော်မှုတွေ၊ ဥပဒေချိုးဖေါက်မှုတွေကနေ ကြီးမားဆိုးဝါးလှတဲ့ ရာဇဝတ်မှုကြီးတွေဖြစ်လာစေနိုင်တယ် ဆိုတာဖြစ်တယ်။ (ဂီလာနီ) ဟာ နယူးယောက်မြို့တော်နေလူတွေရဲ့ နေထိုင်မှုအရည်အသွေးကို တိုးတက်လာအောင်ကြိုးပမ်းနိုင်ခဲ့သူအဖြစ် နာမည်ရတယ်။ ရာဇဝတ်မှုလည်း ကျဆင်းလာစေနိုင်ခဲ့တယ်။ တိုင်းမဂ္ဂဇင်းက...

ရွေးကောက်ပွဲကမ်ပိန်းခေါ်တဲ့ ရွေးကောက်ပွဲနိုင်အောင် စည်းရုံးရေး ဘယ်လိုလုပ်မလဲကို စာတွေ့ ရေးရမလား၊ ကိုယ်တွေ့ ရေးရမလား။ နှစ်မျိုးလုံးပါမှရမယ် ထင်တယ်။ ဒါပေမယ့် ၁၉၉ဝ ပြည့်နှစ်တုန်းက မဲဆွယ်ခဲ့ရတာက ၂ဝ၁၅ နဲ့ မတူပါ။ အရင်တုန်းက အဖြူနဲ့ အမည်း။ အခုဟာက တက်ကနီကာလာ။ တက်ကနော်လော်ဂျီပါမှ ရမယ်။ အရင်က ရိုးစဉ်းတယ်။ အခုက ဆန်းပြားတယ်။ စိတ်မချရတာကတော့ သိပ်မကွာလှဖူး။ ယုံကြည်မှုဆိုတာ ဖွဲ့စည်းပုံအသစ်ရေးရုံနဲ့ မရပါ။ ရွေးကောက်ပွဲကော်မရှင်ကနေ ရွေးကောက်ပွဲစည်းရုံးရေးကာလ သတ်မှတ်ပေးပေမယ့် အမှန်ကတော့ ကမ်ပိန်း လုပ်ငန်းတွေက လပေါင်းများစွာကတည်းကနေ စရတယ်။ အာဏာရပါတီ ကတော့ အခု အစိုးရတက်ကတည်းက ရွေးကောက်ပွဲ ကမ်ပိန်းကို အုံနဲ့ကျင်းနဲ့ စထားပြီးသား တွေ့ရတယ်။ (ကမ်ပိန်း) လို့ မပြောချင်နေပါ၊ အနိုင်ရရေး (ပလင်) အရ လုပ်နေတာ ဖြစ်တယ်။ ရွေးကောက်ပွဲကမ်ပိန်းဆိုတာ ရွေးကောက်ပွဲမတိုင်ခင် ခွင့်ပြုကာကလတိုအတွင်းမှာ ကိုယ့်ပါတီကို၊ ကိုယ့်ကို၊ ကိုယ့်အမတ်လောင်းကို မဲပေးမဲ့သူတွေက မဲပေးချင်လာအောင် စည်းရုံးသိမ်းသွင်းရတဲ့ အလုပ်တွေ ဖြစ်ပါတယ်။ အုပ်စုတခုကို ပစ်မှတ်ထားပြီး လုပ်ကြရတယ်။ အရွေးခံမယ်လို့ ဆုံးဖြတ်ချက်က အရင်ဆုံး ချရတယ်။ အလားအလာ တွက်ချက်ရမယ်။ တ...

ဒီပဲယင်းနဲ့ နာဂစ်ဘေးသင့်တဲ့ဒေသတွေမှာ ပြည်ခိုင်ဖြိုးအမတ်တွေအနိုင်ခဲ့တာဟာ မဲခိုးတာနဲ့ ကြိုတင်မဲတွေကြောင့်။ ရေဘေးသင့်ဒေသတွေမှာ ပြည်ခိုင်ဖြိုးအမတ်တွေကိုပဲရွေးကြအုံးမယ်ဆိုရင်တော့ ညံ့တဲ့အစိုးရထက် ညံ့တဲ့မဲပေးသူတွေ ရှိနေလို့။ အဲဒါတွေကို သိ-မြင်-ကြားနေသူတွေက မညံ့ကြပါနဲ့။ ကျွန်တော်က နိုင်ငံရေးမှာ အားမနာတတ်ပါ။ ဒေါက်တာတင့်ဆွေ ၃၁-၇-၂ဝ၁၅

ဆရာ ရေဘေးကျရောက်နေတဲ့နေရာတွေအတွက် သွားရင်ယူသွားရမဲ့ဆေးဝါးနဲ့လိုအပ်ချက်တွေရေးပါဦးဆရာ။ နိုင်ငံအနှံ့ ကပ်ဘေးကျသလို ရေကြီးတာကို ဟိုသေသွားတဲ့မသာလောက်တောင် အစိုးရကစိတ်မဝင်စားဘူးဆရာရေ။ လူတွေအားလုံး ကပ်ဘေးကျနေပါပြီ။ • Paracetamol အနာ-အဖျား-အရောင် သက်သာဆေး • Ibuprofen အနာ-အဖျား-အရောင် သက်သာဆေး • Immodium ဝမ်းလျောပျောက်ဆေး • Lomotil ဝမ်းလျောပျောက်ဆေး • Lopramide ဝမ်းလျောပျောက်ဆေး • Cetrizine အလာဂျီ-အအေးမိသက်သာဆေး • Metronidazole ဝမ်းကိုက်ပျောက်ဆေး၊ အမျိုးသမီးအဖြူဆင်းပျောက်ဆေး • Amoxacylin ဗက်တီးရီးယားသေဆေး • Doxycycline ဗက်တီးရီးယားသေဆေး • Antacid လေနာဆေး • Vitamin B ဗီတာမင် ဘီ • Ferrous sulphate သံဓါတ်အားဆေး • Calcium ကယ်လ်စီယမ် • Balm အပူလိမ်းဆေး • ORS ဓါတ်ဆား First-aid kit ရှေးဦးသူနာပြုအိတ်ထဲမှာပါသင့်တဲ့ပစ္စည်းများ 1. Adhesive tape ကပ်သည့် ပလာစတာ၊ 2. Adhesive bandages ဆန့်နိုင် ကြုံ့နိုင်သော ပလာစတာလိပ်၊ 3. Anesthetic spray ထုံဆေးပန်းသည့် ဆေးပုလင်း၊ 4. Antibiotic cream (Povidone-Iodine, Burnol ointment, Iodine 2%) 5. Antiseptic solution (Savlon, Hydrogen Peroxide) အနာ၊...

စစ်အစိုးရကနေ ဒီမိုကရေစီရရှိရေးလှုပ်ရှားမှုကြီးကို စာအုပ်စစ်ဆင်ရေးလုပ်ခဲ့တယ်။ • မြက်ခင်းသစ်မဂ္ဂဇင်းနဲ့ စတယ်။ • မိုးလုံးပြည့်မုသာဝါဒ ဆက်လာတယ်။ • လှိုင်းကြီးလေထန်လည်း ပါတယ်။ ဒိနောက်မှာ • နေပြည်တော်သစ် ဆောက်တယ်။ • မုသာဝါဒ ဖွဲ့စည်းပုံရေးတယ်။ • မိုးလုံးပြည့် လွှတ်တော်နဲ့ အစိုးရဖြစ်လာတယ်။ • လှိုင်းကြီးလေထန်က နှစ်ခါပြန်လာတယ်။ ဒေါက်တာတင့်ဆွေ ၃ဝ-၇-၂ဝ၁၅ Photo from Aung Ko Ko Ng အဲတာတွေအားလုံးက အမှန်နည်းနည်းမှာ အမှားတွေဗုံးပေါလအော ရောထည့်ထားတယ်။ မြက်ခင်းသစ်မဂ္ဂဇင်းက ပြည်ပ ထွက်ပြေးသူတွေကို၊ မိုးလုံးပြည့်မုသာဝါဒက မြန်မာဘာသာနဲ့ထုတ်လွှင့်တဲ့ ရေဒီယိုတွေကိုနဲ့ လှိုင်းကြီးလေထန်က အရေးအခင်းကာလ အဖြစ်အပျက်တွေကို ပစ်မှတ်ထားတယ်။ ဖတ်တဲ့ကြည့်တဲ့သူတွေကို အမှားတွေချည်းသာ ထင်မြင်စေအာင် လုပ်ခဲ့တာ ဖြစ်တယ်။

• ကလေး၊ မုံရွာ၊ စေတုတ္တရာ၊ ရခိုင်မှာ၊ ကချင်မှာ၊ ရှမ်းမှာ၊့့ မှာ၊ • မအော်နိုင်ကြသူတွေအတွက် အော်သံတွေထွက်ပေးနေကြတာ။ • သူ့ဇာတိ၊ ကိုယ့်အရပ်၊ သူ့မြို့ရွာ၊ ကိုယ့်ဒေသ ရေလွှမ်းခံနေကြရလို့ပါ။ • ပုံတွေမြင်ရတာနဲ့ အချိတင်ကဲ ဝမ်းနည်းပက်လက်ဖြစ်ကြရရှာ။ • လူလုပ်တဲ့ဘေးက လွတ်အောင်ပြေးသူတွေက သဘာဝဘေးမှာ ပြေးစရာမြေမရှိရှာသူတွေအတွက် ရတက်မအေးကြပါ။ • တောင်မင်းကို မြောက်မင်းမကယ်နိုင်တဲ့ဘဝမှာ အရှေ့မင်းအတွက်ပဏ္ဍာတော်ဆက်လိုက်တဲ့ နေပြည်တော်ကမင်း လည်ပင်းမှာ ခဲကြီးကြီးဆွဲ၊ ရေထဲမှာသာ မျှောလိုက်ချင်တော့တာ။ ဒေါက်တာတင့်ဆွေ ၃ဝ-၇-၂ဝ၁၅

ဆရာ့နာမည်နဲ့ သမီး ဝါဆိုသင်္ကန်းတစ်စုံ လှူဒါန်း ပေးခွင့်ပြုပါဆရာ။ ဟုတ်။ အများကြီးကျေးဇူးတင်ပါတယ်။ မကျန်းမာတဲ့သူအတွက် ဆရာကဆုတောင်းပေးပါမယ်။ ဒေါက်တာတင့်ဆွေ ၃ဝ-၇-၂ဝ၁၅

• ဝှိုက်ကပ်တွေသိမ်းတုံးကလည်း မလိမ့်တပတ်လုပ်မှာကို ကြိုပြောထားကြတယ်။ • နှစ်ရှည်ထောင်ဒဏ်ချတော့လည်း ကြိုပြောကြတာပဲ။ • အနာဂတ်ကိုတော့ ကြိုတင်မြင်နိုင်ကြပါကလား။ • ဓါတ်ရိုက်ဓါတ်ဆင်တော့ မကျွမ်းကျင်ကြသေးပါ။ • ရေကသိုဏ်းသာနာနာရှု၊ အခုမရသေးလည်း နိုဝင်္ဘာမှာလိုချင်တာရကြမယ်။ ဒေါက်တာတင့်ဆွေ ၃ဝ-၇-၂ဝ၁၅

ဆရာ မနက်မြန်မာစံတော်ချိန် ၅ နာရီခွဲမှာ မြတ်စွာဘုရားရှင်ကို ပူတင်းကျောက်ကျော ကပ်လှူပေးပါမယ်။ ဆရာနဲ့ အန်တီအေးအတွက် ဆုတောင်းပေးပါမယ်။ ပုံသီးသန့်မပို့တော့ပါ။ ဆရာ FB ပေါ်ကျေးဇူးတင်ကြောင်း ပြန်ပြောနေရတာ အားနာလို့ပါ။ တကယ်ကျေးဇူးရှိလို့ကျေးဇူးဆပ်တာ ဆရာကကျေးဇူးတင်ပါတယ်ပြန်ပြောနေရတော့ ကိုယ်ကျေးဇူးဆပ်ရာ မရောက်မှာစိုးလို့ပါ။ ဆရာအဲ့ဒီအချိန်လေးတော့ ဆရာနဲ့အန်တီအေး ကိုယ်တိုင်လှူသလိုပဲ မေတ္တာပို့ပေးချင်တဲ့လူတွေ ပို့ပေးလို့ရအောင် အကြောင်းကြားတာပါဆရာ။ အများကြီးလုပ်ပေးချင်ပေမယ့် အိမ်မှာလူမမာတစ်ဖက်နဲ့မလို့ ကိုယ်လုပ်တာလေးနဲ့ လှူပေးတာပါ။ ဆရာ့မွေးနေ့ ၉ ရက်နေ့လည်း လှူပေးမယ်။ နောက်ထပ်လည်း ဆရာ့ကိုကျေးဇူးဆပ်ခွင့် ရချင်ပါသေးတယ်။ ပုံမပို့လို့လေနဲ့လှူတယ်လို့မထင်စေချင်ပါ။ ကျမခုပဲဆေးခန်းကပြန်ရောက်ပြီး ခုလုပ်နေပါပြီဆရာ။့့။ ဟုတ်။ ဝမ်းသာပါတယ်။ စိတ်ရဲ့ပဓါနကျမှုကို ယုံကြည်တယ်။ ကျေးဇူးတင်ပါတယ်။ ကျွန်တော်က အစားအစာဇီဇာကြောင်တယ်။ ချိုတာ၊ ပျော့အိတာကိုကြိုက်တယ်။ မြန်ချင်လို့။ စားရတာလည်းမြန်တယ်၊ သွေးထဲကို သကြားဓါတ် ရောက်တာလည်း မြန်တယ်။ အချိန်အားရှိမှသာ ကြာကြာဝါးစားရတာမျိုးကို စားလေ့ရှိတယ်။ အားချိန်ကနည်းတယ်။ စားစရာဆိုရင် ...

ရေပတ်လည်ဝိုင်းရံလျှက်ရှိသောကုန်းမြေကို ကျွန်းဟုခေါ်သည်။ တိမ်မည်းတွေအုံမိုးလျက်ရှိသော၊ မြစ်ရေတွေကြီး၊ အပူမီးတွေတောက်လောက်လျက်ရှိသော တိုင်းပြည်ကို့့ ဟု ခေါ်သည်။ မဲပေးမယ့်သူတွေက ဒုက္ခရောက်သူတွေကို ကယ်ဆယ်လျက်ရှိသော၊ နိုင်ငံရေးပါတီတွေက မဲဝယ်မယ့်သူတွေစာရင်းထုတ်ဖို့ အလုပ်ရှုပ်လျက်ရှိသော တိုင်းပြည်ကို့့ ဟု ခေါ်သည်။ ဒေါက်တာတင့်ဆွေ ၂၉-၇-၂ဝ၁၅

Nyein Wai = စိတ်မချမ်းမြေ့ဖွယ် မနက်ခင်း ဒီပုံတွေဟာ ဒီမနက် ၆:၁၅ မှာ ရိုက်ခဲ့တာပါ။ မုန်းရေလှောင်တမံဆည်ကြီး ကျိုးကျမှာကို လည်စင်းပြီးခံပြီးစောင့်နေရုံကလွဲ အခြားနည်းလမ်းမရှိရှာတဲ့ စေတုတ္တရာမြို့ကလေးအတွက် စိတ်ပူမိတယ်။ ဘယ်တော့လာလာ ကဗျာသာပါတဲ့သူဟာ ဒီတခါ တိမ်မည်းညိုပြာမှာ ကာရံမပါပါလား။ တိမ်တောင်မှာ ကဗျာအရောင် မပါပါလား။ မာန်ဟုန် ဟုန် = ပုလဲတစ်နယ်လုံးနီးပါး မိုးအရမ်းရွာတော့ နှမ်းထောင်တွေ အကုန်ပျက်လို့ တောင်သူတွေ ဒုက္ခရောက်ကုန်ပြီဆရာ။ ပုလဲနယ်သားကရေးတဲ့စာမှာ မိုးရေတွေမည်းပြီး စိုရွှဲနေတယ်။ တနယ်မြေမ ခြေမချရဲခဲ့တာကို အမှတ်ရစေတယ်။ ဆယ်မြောင်းချောင်းကန် ပြည့်လျှံဖြိုး၊ ဆက်မတိုးပါနဲ့တာ့မိုး။ ရေလယ်ခေါင်သောင်ထွန်း နတ်သမီးနေတဲ့ကျွန်းမှာ ဘေးရှင်းကြပါစေ မြန်မာပြည်သားတွေ။ ဒေါက်တာတင့်ဆွေ ၂၉-၇-၂ဝ၁၅

• ဝါဆိုဝါခေါင်ရေတွေကြီးလို့ သပြေသီးမှည့်ကောက်စို့ကွယ်။ • အသီးဆိုတာမှည့်ပြီးရင် ကြွေကျတယ်။ • အမှည့်လွန်တဲ့အသီးတွေ ကျွေမကျအောင် ဖွဲ့စည်းပုံနဲ့ ကပ်ထားတယ်။ • ဒီနှစ်မှာ ဝါဝင်မတိုင်ခင်ကတည်းက ရေတွေကြီးနေတယ်။ • ဇမ္ဗုသပြေသီး ငါးကြီးဟပ်တဲ့အသံကတော့ သာယာလှတယ်။ • အမှည့်လွန်ပြီ်း ပုပ်နေတဲ့အသီးကတော့ နားညီးမယ်။ ဒေါက်တာတင့်ဆွေ ၂၉-၇-၂ဝ၁၅ Photo from Ogga Lin

ဆရာ့စာတော်တော်များ သမီးဖတ်တာပါ။ ၂ဝ၁၁ fb စသုံးထဲက နေ့တိုင်းဖတ်တာပါ။ သမီးသိချင်တာရှိရင် print out လုပ်ပြီးထုတ်ဖတ်တာပါ။ ယမုံနာဆေးခန်း၊ အသက် ၁၈ နှစ်ပြည့်မှဖတ်ပါ၊ Medical writings ခုဆို အဲဒါတွေအားလုံး ဖတ်လို့မရတော့ဘဲ ဆရာ့ကို Like, follower လုပ်ထားတာဘဲ ဖတ်ရတော့တာ။ ဆရာ့ Yumuna online mobile clinic အကောင်အထည်ဖော်ရင် သမီးလူအားငွေအား အကူအညီပါဝင်မှာပါဆရာ။ သမီးလဲ ဆရာနဲ့ဇနီးအမည်နဲ့ ဝါဆိုသင်္ဃန်း လှူဒါန်းပေးချင်ပါတယ်။ ဝါဆိုလပြည့်နေ့မှာပါဆရာ။ သမီးဆန္ဒက ဆရာ့ကို မြန်မာနိုင်ငံအတွင်းကို အမြန်ဆုံး ပြန်ရောက်ရှိစေချင်ပြီး ဆရာရဲ့စိတ်ကူး mobile clinic ကို အမြန်ဆုံး အကောင်အထည်ဖော်စေချင်တာပါဆရာရှင့်။ ဟုတ်။ အိပ်မက်ကို အားပေးလို့လည်း ကျေးဇူးတင်ပါတယ်။ အခုထိတော့ အိပ်မက်ပဲရှိသေးတယ်။ ကုသိုလ် ပြုပေးမှာအတွက် အများကြီးကျေးဇူးတင်ပါတယ်။ ၅ ယောက်မြောက်ဖြစ်သွားတာပေါ့။ ဆရာနှင့်ဇနီးနာမည်နဲ့ လှူဒါန်းပေးမဲ့ သင်္ဃန်းဒွိစုံနဲ့ လှူဒါန်းပေးမဲ့ သမီးစိုးစိုးဝင်းပါဆရာ။ သင်္ဃန်းထဲမှာ အကောင်းဆုံး အသားပါ။ တန်ဖိုးရောင်းဈေး ၆၅ဝဝဝ ကျပ်ပါဆရာ။ သမီးကပိတ်စအုပ်လိုက်ဝယ်ပြီး နှစ်စဉ်မြသီတာ သင်္ဃန်းတိုက်ကို အပ်ပြီး ချုပ်ခိုင်းတာပါ။ ပိတ်စဖိုးက ၃၁၅ဝဝ နဲ့...

Tin Lay ပြည်သူချစ်တဲ့ (ဦးတင်ဦး) ဗိုလ်ချုပ်ကြီးဆိုတဲ့ဘွဲ့အတွက် မုဒိတာမပွားနိုင်ကြသူတွေရှိမယ်ဆိုတာ လူအများ နားလည်နိုင်ပါတယ်။ ဒီလိုပုဂ္ဂိုလ်မျိုးက သူ့ထက်ဝါငယ်တဲ့ နိုင်ငံရေးသမားတစ်ယောက်ကို ပုခုံးနဲ့ထမ်းတင်ဖို့ တစိုက်မတ်မတ်ကြိုးစားနေတာ ဘာကြောင့်လဲဆိုတာကို နားလည်တဲ့သူ များလှမယ်မထင်ဘူး။့့ ပုခုံးနဲ့ထမ်းတင်ဆိုလို့ သတိရတာတခုပြောပါရစေ။ ကွယ်လွန်သူ (လုပ်ကြံခံရသူ) KNU အထွေထွေအတွင်းရေမှူး ပဒိုမန်းရှာလာဖမ်းကို သတိရတာပါ။ ထိုင်းနယ်စပ် တနေရာမှာကျင်းပတဲ့ ဖက်ဒရယ်ဖွဲ့စည်းပုံရေးဆွဲရေး အစည်းအဝေးကြီးတခုမှာပါ။ ဖွဲ့စည်းပုံထဲမှာ အမျိုးသမီး လွှတ်တော်ကိုယ်စားလှယ် ၃ဝ% ပါရေးအဆိုကို ငြင်းခုန်ခဲ့တုံးကပေါ့။ ကျွန်တော်တော်က မထည့်သင့်တဲ့ဖက်ကနေ ဆွေးနွေးလို့ အမုန်းအခံရဆုံး။ ပဒိုမန်းရှာကလည့် ကျွန်တော်တို့ဖက်က။ သူထောက်ပြတာကတော့ ပြည်တွင်းမှာ မ့့ တိုလို့ အမျိုးသမီးမျိုးဆိုရင် ပခုံးနဲ့ထမ်းတင်ပါမယ်တဲ့။ အရည်အချင်းကို သူကဆိုလိုတာဖြစ်ပါတယ်။ အသက်ရသူများက ထမ်းတင်ပေးရမယ့်သူတွေကိုသာ ရှာနေတယ်။ တော်တဲ့သူဆိုရင် ကျား-မ မဟူ၊ ကြီးသူငယ်သူ မရွေး၊ ပခုံးနဲ့ထမ်းတင်ပါမယ်။ ဒေါက်တာတင့်ဆွေ ၂၉-၇-၂ဝ၁၅

သတင်း = မင်္ဂလာဒုံမြို့နယ် ဇေကမ္ဘာအိမ်ရာဝင်းအနီး ကုန်တင်ကားတစီးပေါ်က ကျပ် ၁၃၃ ဘီလျံ၊ (အမေရိကန်ဒေါ်လာ သန်း ၁၃ဝ ကျော်) တန်ဖိုးရှိတဲ့ မူးယစ်ဆေးဝါးတွေကို ဖမ်းဆီးရမိခဲ့ မူးယစ်ဆေး ရေးထားပြီးသမျှ 1. Amphetamines (1) ယာဘ-ရာဘ-ရာမ-ယာမ http://doctortintswe.blogspot.com/2014/10/amphetamines-1.html 2. Amphetamines (2) ရာမ ဇာတ်လမ်းတခု http://doctortintswe.blogspot.com/2015/02/drugs-used-in-military.html 3. Amphetamines စိတ်ကြွဆေး http://doctortintswe.blogspot.com/2015/02/amphetamines.html 4. Burundanga ပဒိုင်းပွင့်လိုဆေး 5. Cough Syrup Addiction ချောင်းဆိုးပျောက်ဆေးစွဲခြင်း 6. Date Rape Drugs သတိလစ်စေရန် ပြုလုပ်နိုင်သည့်ဆေးဝါးများ 7. Dirty drugs ညစ်ညမ်းဆေးတွေ 8. Drug Abuse ဆေးဝါးတလွဲသုံးခြင်း 9. Drugs and politics ဆေးတန်ခိုးနဲ့ ဟီးရိုးဖြစ်နိုင်တယ် http://doctortintswe.blogspot.com/2015/02/drugs-and-politics.html 10. Drugs used in the military စစ်သုံးဆေးများ http://doctortintswe.blogspot.com/2014/10/amphetamines-2.html 11. Ecstasy Drug Tests စိတ်ကြွဆေး ဆေးစစ်ခြင်း http://doctortintswe.blog...

၂ဝ၁၂ စာရင်းတွေအရ အမေရိကန်ပြည်ထောင်စုမှာနေထိုင်ကြသူ ၁ဝ ယောက်မှာ ၁ ယောက်က ဆေးခြောက်သုံးခဲ့ကြတယ်။ အခုပြောင်းလဲလာတယ်။ ဟီရိုးအင်း နဲ့ LSD ဆေးတွေကို ပိုသုံးလာနေတယ်။ ဒါပေမဲ့ ဆေးခြောက်သုံးနေသူပေါင်း ၃၂ သန်းရှိလို့ ထိပ်ဆုံးမှာဘဲဆက်ရှိနေပါတယ်။ Crack ခေါ်တဲ့ ဆေးစွဲနိုင်စွမ်းအား အများဆုံးကတော့ သုံးတာလျှော့ကျလာတယ်။ ကိုကိန်းသုံးလို့ ဆေးရုံအရေးပေါ်ဌာနရောက်ကြရသူက အများဆုံးဖြစ်တယ်။ ဈေးအကြီးဆုံးကတော့ Ecstasy စိတ်ကြွဆေးဖြစ်တယ်။ အမျိုးအမည်များ - ၁ ပြား/၁ ဂရမ် ဈေးနှုန်း - သုံးစွဲသူပေါင်း - စွဲနိုင်စွမ်းအား - အရေးပေါ်ဌာနရောက်ရသူ - သုံးစွဲမှုအတက်-အကျ • Ecstasy စိတ်ကြွဆေး -၂၅ ဒေါ်လာ – ၂့၆ သန်း - ၂ဝ% - ၂၂ဝဝဝ ယောက်၊ - (+) ၂၃% • Marijuana ဆေးခြောက် – ၁၈ ဒေါ်လာ - ၃၂ သန်း - ၃ဝ% - ၄၅၆ဝဝဝ ယောက်၊ -  (+) ၂၅% • PCP – ၁၃ ဒေါ်လာ – ၁၇၂ဝဝဝ ယောက် - ၃ဝ% - ၇၆ဝဝဝ ယောက်၊ - (-) ၂၁% • Inhalants ရှူဆေး – ၁ဝ ဒေါ်လာ – ၁့၇ သန်း - ၁၅% - ၁ဝဝဝဝ ယောက်၊ - (-) ၁၈% • LSD စိတ်ကိုပြောင်းလဲစေသောဆေး – ၅ ဒေါ်လာ – ၁့၁ သန်း - ဝ% - ၅ဝဝဝ ယောက်၊ - (+) ၉၈% - (+) ၉၈% • Heroin ဘိန်းဖြူ – ၉၃ ဒေါ်လာ - ၂၅၈ဝဝဝ ယောက်၊ - ၈ဝ% - ၂၅၈ဝဝဝ ယောက်၊  - (+) ...

လူကြီးတယောက်နာရေးကိုပို့ပေးတဲ့ ဒေါ်စုဆီကပန်းခြင်းစာတမ်းကို (အတွက် - မှ) ကို (မှ - သို့) လို့ ပြောင်းထားပြီး မြန်မာစာမှ ရေးတတ်ရဲ့လားဆိုတာ တွေ့လိုက်တယ်။ မြန်မာစာအရေးအသားဆိုလို့ သေချာဖတ်မိတာပါ။ ကျွန်နော့်ဇနီးကိုပြောပြတော့ အဲလိုသူများကို မကောင်းကြံဖို့စိတ်ကူး ရှိကတည်းကစမယ်၊ လက်ကလည်း လိုက်လုပ်တယ်၊ လူအများမြင်အောင်လည်း တကူးတကတင်ရသေးတော့ အင့်း့ အကုသိုလ်များ ဘယ်လောက်ကြီးမားရှာမလည်းတဲ့။ ဒေါက်တာတင့်ဆွေ ၂၈-၇-၂ဝ၁၅

အခုလေးတင်းဓါတ်ဆားထုပ်ကို အိမ်မှာဘယ်လိုဖျော်ရမလည်းမေးလို့ ဖြေလိုက်ပါတယ်။ ရေကျက်အေး ၄ ခွက်ထဲမှာ သကြားလက်ဖက်ရည် ၈ ဇွန်း၊ ဆားလက်ဖက်ရည် ၁ ဇွန်းထည့်ပြီး အိပ်မှာတင် ဓါတ်ဆားရေ လုပ်နိုင်တယ်။ ပိုတက်ဆီယမ်ရအောင် လိမ်မော်ရည်တိုက်ပေးပါ။ ငှက်ပျောသီးကျွေးပါ။ အန်နေရင် နည်းနည်းချင်း ခဏခဏတိုက်ပါ။ မူကွဲနည်းတွေလည်းရှိပါသေးတယ်။ ရေကျက်အေး ၁ လီတာ (၁ ခွက် = ၂ဝဝ မီလီလီတာ - ၅ ခွက်) ထဲမှာ သကြားလက်ဖက်ရည်ဇွန်း ၆ ဇွန်း + ဆား လက်ဖက်ရည်ဇွန်း တဝက်ထည့်ပြီးပါ။ ရေကျက်အေး ၁ လီတာ (၁ ခွက် = ၂ဝဝ မီလီလီတာ - ၅ ခွက်) ထဲမှာ သကြားလက်ဖက်ရည်ဇွန်း ၈ ဇွန်း + ဆား လက်ဖက်ရည်ဇွန်း ၁ ဇွန်းထည့်ပါ။ Where there is no doctor ဆရာဝန်မရှိတဲ့နေရာမှာဆိုတဲ့စာအုပ်အကြောင်းနိဒါန်းပျိုးပြီး ကျွန်တော့်ထုတ်ချင်တဲ့စာအုပ်ကို Where there are doctors ဆရာဝန်တွေရှိတဲ့နေရာလို့ ခေါ်ချင်နေတယ်လို့ ပြောထားသေးတယ်။ ရွဲ့ပြောတာမဟုတ်ကြောင်းသိပြီမဟုတ်ပါလား။ ဒေါက်တာတင့်ဆွေ ၂၈-၇-၂ဝ၁၅

VOA မှာ အခုပဲဆွေးနွေးကြတဲ့အထဲမှာ ပါရတယ်။ အချိန်ကနည်းတော့ အချုပ်ကိုမပြောလိုက်ရပါ။ ဆောရီး။ NLD ပါတီအနေနဲ့ တိုင်းရင်းသားတွေနဲ့ မဟာမိတ်ပြုဖို့ပြောကြတယ်၊ အချက်အလက်တွေနဲ့ရေးတာလည်း ဖတ်ရတယ်။ ဆွေးနွေးတာထဲမှာလည်းပါတယ်။ ရွေးကောက်ပွဲမတိုင်ခင် မလုပ်ရင်မဖြစ်ဖူးလို့လည်းပြောတယ်။ မကြာသေးခင်က ဧရာဝတီတိုင်းမှာ ဒေါ်အောင်တန်းစုကြည့်က ပြောခဲ့တာတခုရှိတယ်။ အမျိုးသားပြန်လည်ရင်ကြားစေ့ရေး ဦးစားပေးမယ်လို့။ ကျွန်တော်မြင်တာက ရွေးကောက်ပွဲမတိုင်ခင် မဟာမိတ်ဖွဲ့တာနဲ့ ရင်ကြားစေ့သွားမှာ မဟုတ်ပါ။ NLD က ၁၉၉ဝ ကတည်းကစလုပ်နေတာပါ။ ဆက်လုပ်နေတာပါ။ ရွေးကောက်ပွဲဝင်မယ်လို့ တရားဝင်ထုတ်ပြောတဲ့နေ့မှာပဲ CRPP ကို အမွှမ်းပြန်တင်တယ်။ ဘယ်ပါတီက တိုင်းရင်းသားရင်ကြားစေ့ရေးကို ပြောပါသလည်း၊ လုပ်ပါသလည်း။ ပါတီနာမည်ကိုအဲလိုပေးထားတာနဲ့  ရပါသလား။ ဘယ်တိုင်းရင်းသားပါတီတွေကရော ကိုယ့်အမျိုးသားရေးဘောင်ထက်ကျယ်ပြေပာပါသလည်း လုပ်နေခဲ့ပါသလည်း။ ဖက်ဒရယ်လို့တော့ အစိုးရတောင်ပြောနေတာတော့ မှန်ပါတယ်။ လက်ရှိအစိုးရသက်တမ်းမှာ အပစ်အခတ်ရပ်စဲရေးနဲ့ ပြည်တွင်းငြိမ်းချမ်းရေးအတွက် ဒေါ်လာသန်းပေါင်းများစွာအကုန်ခံ၊ အစည်းအဝေးပေါင်း ထောင်ဂဏန်းနဲ့ ဟိုနိုင်ငံသည်နိုင်ငံတွေမှ...

9:49am Hinn Yu သင်္ကန်းအရောင်းဆိုင်ကလဲ အလှူရှင်နာမည်ရေးရမဲ့နေရာကို သေးသေးပဲပေးပြီး၊ ဆိုင်ကြော်ညာက ကြီးနေတော့ သိပ်တောင်မမြင်ရဘူးဆရာ။ ဆရာကတော့ ကိုယ့်နာမည်ဆို အကြီးကြီးလို့မြင်တယ်။ Smile! ဒေါက်တာတင့်ဆွေ ၂၈-၇-၂ဝ၁၅

၂၄ နာရီအတွင်းမှာ ကလေးတွေ လိမ့်ကျလို့၊ ဆော့လို့ ခေါင်းထိခိုက်မိတာ မေးလာသူ (၃) ယောက်ရှိတယ်။ လူငယ် တယောက်ပါဆိုရင် (၄) ယောက်။ ရောဂါတွေက တပြိုင်တည်းဖြစ်တာတွေ တကယ်ရှိတာကို မေးခွန်းတွေအရသိတယ်။ ကလေးတွေကို သတိထားပေးကြပါ။ ဘယ်သူမဆို ခေါင်းထိခိုက်မိတာမဖြစ်အောင် သတိထားကြပါခင်ဗျား။ ခေါင်းခွံကအမာကြီး။ အထဲက ဦးနှောက်ဆိုတာက ပျော့စိစိ။ ခေါင်းခွံအထက် ဦးရေခွံကထူတယ်။ လူ့အရေပြားဆိုတာ လက်ဖမိုး၊ ခြေဖမိုးရှိတာက အရေပါး။ လက်ဖပါး၊ ခြေဖဝါး ရှိတာက အရေထူ။ ဦးခေါင်းဖုံးထားတာက အထူဆုံး။ မှန်ဘီလူးနဲ့ကြည့်ရင် ငါးထပ်တောင်ရှိတာ။ SCALP စာလုံးငါးလုံး မဟုတ်လား။ ဦးရေခွံ ကွဲနိုင်-ပြဲနိုင်တယ်။ ဒါက ချုပ်လိုက်ရင် ပြီးရော။ အမှန်က မပြီးသေးပါ။ ခေါင်းထိရင် အနည်းဆုံး ၂၄ နာရီ စောင့်ကြည့်ရတယ်။ ကြားထဲမှာ မူးသလား၊ အန်သလား၊ သတိ ကောင်းရဲ့လားစတာတွေ ကြည့်ရမယ်။ ပျော့စိစိကို သွားထိသလား ဆိုတာပေါ့။ ဦးနှောက်ဟာ ခေါင်းခွံ အမာကြီးထဲမှာ နေရတာ မလွတ်လပ်ပါ။ မလွတ်လပ်ဘူးဆိုတာက ဒီလို့့ ဘောင်းဘီက ခပ်ကြပ်ကြပ်၊ ခါးပတ်လည်း ပတ်ထားပြီး၊ ထမင်း အဝအပြဲစားလိုက်ရင် ဘာဖြစ်မလဲ။ အဲလိုဘဲဖြစ်မယ်။ လူ့ကိုယ်မှာ တခုခုနဲ့ခိုက်မိရင် ထိတဲ့နေရာမှန်သမျှ ရောင်လာတယ်။ တိတိ...

• နက်ဖြန်ညမှာ ရေဒီယိုတခုကနေ ဆွေးနွေးဖို့ရာပြောထားတယ်။ သမတ ဘယ်သူဖြစ်မလည်းတဲ့။ • ဖြစ်သင့်သူလား၊ ဖြစ်ချင်သူလား၊ ဖြစ်သင့်တာဖြစ်ချင်တာအသာထား၊ ဖြစ်သွားမဲ့သူလား။ • မြန်မာပြည်မှာ အရည်အချင်းတွေ စံသတ်မှတ်ချက်ကို ဘေးချထားရတာကြာပြီ။ • များတာကိုလိုက်တာလည်းမဟုတ်။ ပြောတော့ဒီမိုကရေစီ။ ထောက်ခံမှုနည်းတာက အနိုင်ရတဲ့ကာလ။ • သူများတိုင်းပြည်တွေမှာ လူထုကနေတိုက်ရိုက်ရွေးတယ်။ မြန်မာပြည်မှာ ဖွဲ့စည်းပုံကရွေးတယ်။ ဖွဲ့စည်းပုံကို အလိုကျ ရေးထားတယ်။ • သန်း ၅ဝ ရှိရှိ၊ ၆ဝ ရှိရှိ၊ လူ (၃) ယောက်ကနေသာ လူ (၃) ယောက်ကိုရွေးမယ်။ (၃) ဆိုတာ (၁) နဲ့ (၁ + ၁)။ အဲတာလည်း ပထမ (၁) ကို ဆစ်ထား၊ ကန့်တား၊ တားထားသေးတယ်။ ဆွေးနွေးခန်းမှာ အဲဒီလူ ၃ ယောက်နဲ့လုပ်ရင် အဖြေမှန်ရမယ်။ အမှန်က (၂) ယောက်ဆို လုံလောက်နေပြီ။ • ဖြစ်မှာမဖြစ်မှာအသာထား (ဆတ်ချင်းဖိုင်းယား) တော့လုပ်ကြရတာပေါ့။ NLD ကအနိုင်ရရင် ဘယ်သူ့ကိုတင်မှာလည်း။ သူများဆီမှာ ပါတီအနိုင်ရရင် တင်မယ့်ဝန်ကြီးချုပ်လောင်းနာမည်နဲ့ ရွေးကောက်ပွဲဝင်ကြတယ်။ အဲတာကြည့်ပြီး မဲပေးတာ များတယ်။ • ခက်တာက မလိုတာကို ကြိုပြောထားရင် ပိုပြီးဒုက္ခရောက်နိုင်တာမျိုးရှိတတ်တယ်။ • NLD ကအများစုနိုင်ပြီး ပါတီဥက္ကဋ္ဌကလည်းလ...

၂၄ နာရီအတွင်း ဆရာဝန်အချင်ချင်း စကားစမည်တွေပြောဖြစ်ကြတယ်။ ညတုံးကတော့ နိုင်ငံတခုသွားပြီးဆရာဝန်လုပ်နေတဲ့ သူငယ်ချင်းတယောက်ရဲ့ဇနီးကတော့ သူ့ခင်ပွန်း ကျွန်တော့် သူငယ်ချင်းအမေ အသက် ၉ဝ ကျော် ကျန်းမာရေးအတွက်ခွင့်ယူပြီး မြန်မာပြည်ခဏပြန်မယ်တဲ့။ ကျွန်တော်က သူငယ်ချင်းအမေ နာမည်ကိုပါသိတာ။ ဆေးကျောင်းသားမှာ အမေချက်ကျွေးတာစားဖူးတယ်။ ညအိပ်တော့ သူငယ်ချင်းအမေအတွက် ဆုတောင်းပေးလိုက်တယ်။ ကနေ့တော့ မန္တလေးဆေးကျောင်းတုံးက သူငယ်ချင်းတယောက်ကနေရေးလာတယ်။ ကျောင်းမှာအချင်းချင်းပေးထားတဲ့ နာမည်တွေနဲ့ ခေါ်တာဆိုတော့ ရင်းနှီးကြတာပြောစရာမလိုဖူး။ သူအခုဘယ်မှာနေတယ်။ သားတွေအမွေခွဲပေးပြီးပြီ၊ ဇနီးက ဆုံးသွားပြီတဲ့။ ဆောရီးသာပြောနိုင်တယ်။ မန္တလေးကိုပြန်ရောက်ချင်တာလည်း ပါတာပေါ့။ တမြန်နေ့က အမျိုးလည်းတော်တဲ့ ဆရာဝန်တယောက်သတင်းကို ပြည်တွင်းကနေ လူ ၂ ယောက်က သတင်းပေးတယ်။ သတင်းမေးတယ်။ ဒေါက့့် ကအရွေးခံမလို့ဆိုတဲ့။ တယောက်အပြောက့့ ပါတီကတဲ့။ တယောက်အထင်က့့ ပါတီကတဲ့။ ဆန့်ကျင်ဖက်ပါတီနှစ်ခု။ မကြာခင်ကတောင် သူကဆရာ့ဆီဖုန်းဆက်တော့ ဘာမှမပြောပါလို့ပြန်ပြောရတယ်။ သံယယကိုဖြေပေးလိုက်ရလို့ ကျေနပ်တယ်။ မနေ့က့့ နိုင်ငံမှာနေတဲ့ သူငယ်ချင်းဆရာဝ...

သမီးကပြည်ပရောက်နေပါတယ်။ အိမ်ထောင်ရှိပါတယ်။ ဆရာဝန်က ၂၁ လုံးဆေး ၂ ကဒ်ပေးပါတယ်ဆရာ။ ဘယ်လို သောက်ရမလဲဆိုတာကို ဆေးကောင်တာက သေချာမပြောပေးနိုင်ဘူး။ သူပြောသလောက်က ၂၁ ရက် ဆက်သောက်ပြီးရင် ၇ ရက်နားဆိုလားဘဲ။ ပြီးရင်ပြန်သောက်ပါ။ နောက်ထပ် ၂၁ လုံး ၁ ကဒ်ကိုတဲ့။ အိမ်ရောက်တော့မှ စဉ်းစားမိတာ ဒီကြားထဲသောက်နေရင်း ရာသီလာရင်ဘယ်လိုဆက်လုပ်ရမလဲဆရာ။ သမီး ၂၁ လုံးဆေးကို တခါမှ မသောက်ဖူးတော့ သောက်နေတုန်း ဘယ်အချိန်ရာသီလာတာလဲ၊ ရာသီလာနေတုန်း ဆက်သောက်သင့် မသောက်သင့်နဲ့ ရာသီလာပြီး ဘယ်နှစ်ရက်နားပြီးမှပြန်သောက်ရမှာလဲဆိုတာ၊ ဒါမှမဟုတ် နားဖို့လိုမလို ဘယ်လိုသောက်ရသလဲ၊ ဘယ်လိုနားပြီးမှ ပြန်သောက်သင့်သလဲ၊ ရာသီလာနေတုန်းနဲ့ လာပြီးတဲ့အချိန်မှာ ဘယ်လိုသောက်ရမလဲဆိုတာ လမ်းညွှန်ပေးပါဆရာ။ ကျေးဇူးတင်ပါတယ်။ Yasmin ကိုယ်ဝန်တားဆေးထဲမှာ Drospirenone နဲ့ Ethinyl estradiol ပါတယ်။ မျိုးဥမထွက်အောင်လုပ်ပေးတယ်။ သားအိမ်အတွင်းလွှာကိုလည်း ကိုယ်ဝန်မကပ်စေအောင်ပြင်ပေးတယ်။ ဝက်ခြံထွက်သူတွေကိုလည်း ပေးတယ်။ နေ့တိုင်းသောက်တာမှန်ရင် ၉၉% စိတ်ချရတယ်။ ရာသီသွေးဆင်းတာ မများဘူး။ ရက်မှန်တယ်။ ရာသီလာလို့ နာတာ သက်သာတယ်။ မလာခင်ဖြစ်ချင်တာတွေလဲ သက်သာတယ်။ မျိုးဥအိမ်-ကင်ဆာ၊...

ဖေ့စ်ဘွတ်ပေါ်က ရုပ်ရှင်မင်းသမီးကို ခပ်တိုတိုရေးတော့ နာမလည်ဖူးတဲ့။ ဟုတ်မယ်။ ကျွန်တော်က စာဖတ်သူတွေရဲ့ အချိန်ကို အားနာတယ်။ တယောက်က လူတွေကတိုမှသာဖတ်တယ်ဆရာတဲ့။ နောက်တယောက်က ပုံပဲကြည့်တယ်တဲ့။ စိတ်ဝင်စားရင်တော့ စာဖတ်တယ်တဲ့။ ကျွန်တော်ရေးချင်တာကလည်း အဲတာပါ။ စာထက် ပုံကအရေးကြီးနေတဲ့ခေတ်။ Sony ဆိုနီကုမ္ပဏီကို အီလက်ထရောနစ်ကနေ ဓါတ်ပုံကိုခြေလှမ်းရတဲ့အကြောင်းကို ဆိုနီစာအုပ်ငယ်လေးထဲမှာ ဖတ်ဖူးတယ်။ အဲဒီကာလ မြန်မာပြည်မှာ ဖလင်လိပ်ထည့် ကင်မရာတွေသာရှိတယ်။ မှတ်ဥာဏ်သုံးကင်မရာကို အကြီးအကျယ်လုပ်မယ်ဆိုတော့ စဉ်းစားတာလိုက်မမီခဲ့ပါ။ အခုတော့နေရာတိုင်းမှာ ကင်မရာ၊ ဓါတ်ပုံ၊ ဗီဒီယို။ မကြာခင်မှာ ဖေ့စ်ဘွတ်ပေါ်လာတယ်။ ဖေ့စ်ဘွတ်မှာ ပို့စ်အပြင် ဖိုတိုလို့လုပ်ထားတယ်။ ဓါတ်ပုံကို ဦးစားပေးတဲ့သဘောဖြစ်တယ်။ တင်ထားတဲ့စာကိုသာပြင်လို့ရတယ်။ တင်ပြီးသားပုံကို ပြင်မရပါ။ တမြန်နှစ်တုံးက သင်္ကြန်သတိပေးစာတပုဒ်တင်တယ်။ မိန်းကလေးတွေ အရက်သေစာသောက်စားကြတာနဲ့ သောက်စရာထဲမှာ မတော်တရော်ဆေးခပ်ခံရနိုင်တယ်လို့ သတိပေးပါတယ်။ စာနဲ့တွဲတင်ဖို့ ပုံလိုက်ရှာတော့ မြန်မာပြည်က အမျိုးသမီး ၃ ယောက် ဘီယာလား၊ အရက်လားမသိ ခွက်တွေကိုယ်စီကိုင်ထားပြီး နောက်ခံမှာ ရေကစာနေတဲ့...

စစ်ကိုင်းအကြောင်းလေးရေးတော့ ပြန်ပြောတာတွေမှာ ချီးမွမ်းတာလည်းပါတယ်။ ဘုန်းကြီးနဲ့ သီလရှင်တွေကို ပိုက်ဆံမယူပဲဆေးကုတာတော့ မှန်ပါတယ်။ ဒါပေမယ့် ကျွန်တော်က အဲလောက်ထိချီးကျူးစရာ မဟုတ်ပါ။ ကိုးကွယ်ရာဘာသာမှာ ကြည်ကြည်လင်လင်သာ ယုံကြည်ပါတယ်။ အစွန်းရောက်အသုံးအနှုံးတွေ ပေါ်လာတော့လည်း ယုံကြည်မှုက တိုးမလာ၊ နောက်ကျိလည်း မသွားပါ။ ကိုယ့်လူမျိုးနဲ့ ကိုယ့်တိုင်းပြည်ကို ချစ်မြတ်နိုးမှုလည်း တည်တည်ငြိမ်ငြိမ်သာဖြစ်ပါတယ်။ ဆိုင်းဘုတ်ထောင်ပြီး ချစ်လှချည်ရဲ့အထိတော့ လုပ်မပြတတ်ပါ။ ဘာသာရေးကိုအသုံးချတဲ့နိုင်ငံရေးကို ဖက်နှစ်ခုလုံးက လုပ်နေကြတာကို ကောင်းကောင်းသိပါတယ်။ ဒီလိုစာမျိုးရေးတိုင်းမှာ ဘလော့စရာ ၂ ယောက်လောက်တော့ ပေါ်ပေါက်တတ်တယ်။ ပုညရှင်စေတီမှာ ဆွမ်းဦးတင်ချင် ကိုယ့်ထက်အရင်ဦးပြီးသားတွေ့မယ်တဲ့။ အရုဏ်ဆွမ်းကို အရုဏ်မတက်မီမှာ ကပ်လို့မရပါ။ တို့ကတော့ သန်းကောင်ကျော်ကတည်းကပ်မယ်ကွလို့ သိပ်ကြည်ညိုပြချင်သူများ မှားပါတယ်။ ဒေါက်တာတင့်ဆွေ ၂၇-၇-၂ဝ၁၅

ဒေါ်အောင်ဆန်းစုကြည်ကို သမတဖြစ်ရင်ဘာလုပ်လည်းမေးတဲ့ကလေးက ဆယ်နှစ်သားတဲ့။ ဆယ်နှစ်သားကို အမေးနွားကျောင်းသား လုပ်ကြည့်ချင်တယ်။ - ကြီးလာဘာလုပ်။ အမတ်လုပ်။ - ဘာလို့။ တလဆယ်သိန်းရမှာမို့။ - မဲရအောင်ဘယ်လိုစည်းရုံး။ စစ်သားစုဆောင်းရေးရုံး။ - ဒီကနေဘယ်သွား ဒံပေါက်စား။ ဒေါက်တာတင့်ဆွေ ၂၆-၇-၂ဝ၁၅

ယူကေမှာ လွတ်လပ်တဲ့ပညာရှင်အဖွဲ့ကနေထောက်ခံချက်ပေးလိုက်တဲ့ ဦးနှောက်ထဲမှာ သွေးကြောပိတ်ထွက်တာအတွက် ဆေးသစ်ဖြစ်ပါတယ်။ ဒီဆေးကို ရောဂါလက္ခဏာတွေစဖြစ်ပြီး ၄ နာရီကနေ ၆ နာရီအတွင်းမှာသုံးတာ အကောင်းဆုံးလို့ ဆိုပါတယ်။ Strokes ဆထုပ်ဖြစ်တာဟာ အများဆုံးက ဦးနှောက်သွေးကြောပိတ်လို့ဖြစ်ပါတယ်။ ဒီဆေးကနေ သွေးခဲကို ပျော်စေပါမယ်။ Thrombolysis ခေါ်တယ်။ ဒေါက်တာတင့်ဆွေ ၂၆-၇-၂ဝ၁၅ http://www.bbc.com/news/health-33636838

Bisphosphonates ဆေးကနေ ရင်သားကင်ဆာကြောင့်သေဆုံးရမှုကို ၁၈% လျှော့နည်းစေတယ် ယူကေနိုင်ငံ ဆေးသုတေသနသတင်းဖြစ်ပါတယ်။ ဒီ Bisphosphonates ဆေးကို Osteoporosis ခေါ် အရိုးအားနည်းသူတွေကို ပေးနေတဲ့ဆေး ဖြစ်ပါတယ်။ ဈေးလည်းချိုတယ်။ ဆေးကြောင့် ယူကေမှာ အမျိုးသမီးပေါင် ၁ဝဝဝ အသက်ကိုကယ်နိုင်စရာရှိပါတယ်။ လူနာပေါင်း ၁၈၇၆၆ ယောက်ကိုစမ်းသမ်းပြီးဖြစ်ပါတယ်။ ဆေးပေးထားရင် ရင်သားကင်ဆာက အရိုးကိုမပြန့်စေပါ။ ဒေါက်တာတင့်ဆွေ ၂၆-၇-၂ဝ၁၅ http://www.bbc.com/news/health-33635575

ဖေ့စ်ဘွတ်မှာ စာတင်ရတာက စာအုပ်တွေထဲကစာတွေကို ဖတ်ကြတာနဲ့ အတော်ကိုမတူပါ။ မဂ္ဂဇင်းထဲမှာ စာတပုဒ်၊ သရုပ်ဖေါ်ပုံနဲ့ ဆိုပါစို့။ စာကိုပဲအားထားဖတ်ကြတယ်။ ပုံကိုတော့ စာဖတ်ချင်အောင် ဆွဲဆောင်ပေးတဲ့သဘော၊ အမွှမ်းတင်ပေးတဲ့သဘောသာထားကြတယ်။ ဖေ့စ်ဘွတ်မှာတော့ တချို့က ဒီစာကိုကြိုက်တယ်၊ မကြိုက်ဖူးပြောပါတယ်။ တချို့ကတော့ ပုံကိုပဲ ချီးမွမ်းကြတယ်။ သိမ်းထားချင်တယ်ပြောတယ်။ နောက်တမျိုးကတော့ စာထဲကဇာတ်ကောင်ကိုပဲ ချီးကျူးတယ်။ အရေးအသားနဲ့ အကြောင်းအရာ သိပ်အလေးမထားတာမျိုး မကြာမကြာသတိထားမိတယ်။ ခုခေတ်ကလည်း အရင်စာအုပ်ခေတ်တုံးကလို ရေးပို့တဲ့စာကို စာပြင်ဆရာ၊ အယ်ဒီတာတွေ အဆင့်ဆင့်နဲ့ ဆန်ခါတင်စစ်ဖို့ မလိုတော့တဲ့ခေတ်ရောက်နေပြီပဲ။ ဆေးဝယ်ရင် ဗူးခွံလှတာနဲ့ ကြော်ငြာကြည့်ဝယ်ကြသူက မရှားပဲကိုး။ ဘာနဲ့တူလည်းဆိုတော့ ရုပ်ရှင်ဇာတ်လမ်းထက်၊ မင်းသမီးသရုပ်ဆောင်တာထက်၊ မင်းသမီးကဘာလေးဝတ်ထားတယ်၊ ဘယ်လိုအလှပြင်ထားတယ်ကိုသာ ကြည့်တတ်ကြတဲ့ ပရိတ်သတ်နဲ့မထူးပါဖူး။ အဲတာမျိုးက အကယ်ဒမီတောင်မှ ရတတ်သေးတယ်။ ဒေါက်တာတင့်ဆွေ ၂၆-၇-၂ဝ၁၅

ကွန်မင့်တစ်ခု = လူဖြူတွေများတဲ့အမေရိကားမှာ လူမဲသမ္မတအိုဘားမားအုပ်ချုပ်တာ သမ္မတသက်တမ်း ၂ ဆက်ရှိနေပါပြီ၊ အမေရိကန်တနိုင်ငံလုံး မည်းသွားလို့လားတဲ့။ ကျနော်တို့ဆီမှာတော့မှာ အရပ်ဝတ်နဲ့ ၅ နှစ်၊ မည်းညစ်သွားတာပဲ။ ဒေါက်တာတင့်ဆွေ ၂၆-၇-၂ဝ၁၅

ရေဘေးသွားကူကြတဲ့ မုံရွာကလူတွေကရေးတယ်။ ဒီနေ့တော့ မိုးကအဆက်မပြတ်ရွာ ထမင်းစားဖို့ကလည်း အဆင်မပြေတော့ သီလရှင်ကျောင်းသွားပြီး ထမင်းစားကြတယ်တဲ့။ ကျွန်တော် ဆရာဝန်ဖြစ်ကလည်းက ဘုန်းကြီးနဲ့ သီလရှင်တွေကို ကိုယ်ပိုင်အချိန်မှာ ဆေးကုပေးရရင် အခကြေးငွေမယူပါ။ စစ်ကိုင်းဆေးရုံမှာတာဝန်ကျတုံးက ဘုန်းကြီးနဲ့ သီလရှင်တွေကိုဆေးကုရတော့ ပိုက်ဆံမယူပါ။ မယူတော့ပိုရတယ်။ ထမင်းလည်းကောင်းကောင်းစားရတယ်။ လှူဖွယ်ထဲက စွန့်ကြဲတာတွေလည်းရတယ်။ ညနေဆေးခန်းချိန်ပြီးတာနဲ့ စစ်ကိုင်းတောင်ရိုး ဒိုးတော့တာပဲ။ တခါတလေကားမောင်း၊ တခါတလေမြင်းလှည်းနဲ့ဂျောင်း။ အဲဒီကာလမှာ ကိုးကွယ်ဖို့ရာ ရွေးနေစရာမလိုဖူး။ ရွှေကျင်နဲ့ သုဓမ္မာ ကြည်ညိုဖွယ်ရာချည်းပါ။ ဒေါက်တာတင့်ဆွေ ၂၆-၇-၂ဝ၁၅

- တီးခိုင်းလို့ထွက်တဲ့ လက်ခုပ်သံ၊ - ထောက်ခံသူနည်းပေမယ့် အနိုင်ရတဲ့အဆို၊ - လူကိုခြိမ်းခြောက်ပြီးရတဲ့ မဲ၊ - အရွေးမခံပဲဖြစ်တဲ့ အမတ်၊ - အမတ်ဖြစ်စရာမလိုတဲ့ သမတ၊ - အလေ့ကျပေါက်တဲ့ မြက်၊ - ပေါင်းရှင်းမဲ့ရက်ရောက်တော့မယ်။ ဒေါက်တာတင့်ဆွေ ၂၆-၇-၂ဝ၁၅

တယောက်က ကွန်မင့်ရေးလာတယ်။ ခေတ်စမ်းကဗျာ ခေါ်ရမလားဆရာတဲ့။ ကျွန်တော်က ကဗျာစပ်လိုက်မယ်လို့စိတ်ကူးပြီး မရေးပါ။ ဖတ်ကောင်းအောင်တော့ ကြိုးစားရေးလေ့ရှိပါတယ်။ ဖတ်တဲ့သူကို ဖတ်ပြီးမှတ်မိသွားစေချင်တာနဲ့ အချက်အလက်ပါအောင်ဂရုစိုက်ပါတယ်။ ကျွန်တော်ရေးတာမှာ ကာရံပါချင်ပါမယ် ကဗျာတန်းမဝင်ပါ။ အစဉ်အလာကဗျာတွေမှာ ရသပါပြီး၊ စည်းချက်ဝါးချက်မိရတယ်၊ သာယာနာပျော်ဖွယ်ဖြစ်မှု (ပြောင်းပြန်ဖြစ်မှု)၊ အသံထွက် ဆင်တူမှုနဲ့ စာလုံးအရေအတွက်၊ အသံ (အဓိပ္ပါယ်) အနိမ့်အမြင့်လည်းပါတယ်လို့ ဖတ်ရဘူးပါတယ်။ အဲလို ရေးနည်း ဥပဒေသတွေကို နည်းနည်းတော့သိပါတယ်။ ဒါပေမယ့် ဖတ်ဖူးတာ၊ သိတာနဲ့ လိုက်လုပ်တတ်တာ မတူပါ။ ကျွန်တော်က ကဗျာဆရာဖြစ်ချင်သူလည်း မဟုတ်ပါ။ ကိုယ်ရေးချင်တာကို ဖတ်တဲ့သူမှာ စွဲထင်ကျန်စေဘို့တော့ ကြိုးစားပါတယ်။ ကာရံပါကဗျာမဟုတ်လို့သာ ပြောချင်ပါတယ်။ အမှန်ကတော့ဗျာ ကဗျာကသာ လူတွေကို ဖတ်နေ စပ်နေတာပါ။ လူတွေဟာ စိတ်ကူးတွေနဲ့ တွန့်ပြီး၊ ကွန့်ပြီး၊ စွန့်ပြီး ရေးတာကို ကဗျာတဲ့။ ငါကတော့ မှန်ကြည့်ရေးတာ၊ ဖွင့်ကြည့်နေစရာမလိုပါ၊ ကဗျာလို့မခေါ်လဲနေပါတဲ့။ အဲတာ ကဗျာကပြောတာ။ ကဗျာဆရာတွေက ဖတ်တဲ့သူကို ခံစားမှုရစေချင်တဲ့စေတနာထားရေးကြတယ်။ ကျွန်တော်ရေးတတ်တာက အသိတခုခု ...

တောင်ပြိုကမ်းပြိုလို့ အတော်သုံးလာကြတာကို သတိထားမိပါတယ်။ ဂန္ဒီအစည်းအဝေးတုံးကတော့ ၁၉၉ဝ ရလဒ်ကို လုံးလုံးလျားလျား အများစုအနိုင်ရရှိတယ်လို့ သုံးနှုန်းခဲ့ပါတယ်။ နိမိတ်လို့ပြောရမလား ရေကြီးလို့ တောင်ပြိုကမ်းပြိုတွေဖြစ်ပြီး၊ လူတွေတာ့ အတော်ကြီးအတိဒုက္ခရောက်နေကြတယ်။ အဆိုးထဲကအကောင်းမြင်ဖို့ ကြိုးစားမှုပါ။ ဒုက္ခပင်လယ်ဝေနေသူတွေကိုတော့ တောင်းပန်ပါတယ်။ ဆည်တွေလည်း ကျိုးသလိုလို ကြားရတယ်။ ပိတ်ဆို့ထားတာတွေ၊ တားဆီးထားတာတွေများ ကျိုးပေါက်ပျက်ကျလေမလား။ အဲတာကော နိမိတ်လား။ နိမိတ်ဆိုတာ အတိတ်ကို ပြောင်းပြန်ပြန်ဖို့သာဖြစ်ပါစေ။ ဒေါက်တာတင့်ဆွေ ၂၅-၇-၂ဝ၁၅

- မုန်တိုင်းမွှေ လူသေ၊ - ဆန္ဒခံယူပွဲ မသေ၊ - စစ်အုပ်စိုးမှု အသက်ရှည်။ - ရေတက် ရတက်ပွေ၊ - ရေကြီး လူကြီးသေ၊ - စစ်အုပ်စိုးမှု အသက်ဆက်နေ။ - မိုးမှန် လေမှန် - ရေမှန် ဧကန် - စစ်အုပ်စိုးမှုလက်ကျန် - နိုဝင်္ဘာမှာ ရှင်းကြတော့အမြန်။ ဒေါက်တာတင့်ဆွေ ၂၅-၇-၂ဝ၁၅

ဆရာ ကျွန်တော်အသက် ၂၇ သားဦးကိုယ်ဝန်။ dd က ဒီနေ့။ boy ကိုယ်ဝန်ပါ။ ဒီနေ့ထိ ဗိုက်မနာသေးပါဘူး။ OG က ဒီနေ့ အောက်ပိုင်းစမ်းတော့ သားအိမ်ဝက နောက် နည်းနည်းရောက်နေတယ် ပြောပါတယ်။ ကလေးကတော့ အနေအထား မှန်ပါတယ်။ အဲဒါ ရိုးရိုးမွေးလို့ အဆင်ပြေပါ့မလားဆရာ။ ကလေးကတော့ အခုထိ ကောင်းကောင်းလှုပ်ပါတယ်။ OG က ခွဲမွေးရင် ကောင်းမယ်ပြောလို့ပါ။ မနက်ဖြန် Ultrasound ထပ်ရိုက်ပြီး ရေမွှာနဲ့ အချင်း အခြေအနေကြည့်မယ်တဲ့ဆရာ။ တကယ်လို့ normal ပဲဆိုရင် ရိုးရိုးမွေးဖို့ ၁ ပတ်စောင့်သင့်ပါသလားဆရာ။ သားအိမ်အဝက မွေးလမ်းကြောင်းနောက် နည်းနည်းရောက်နေတယ်ပြောပါတယ်ဆရာ။ မွေးရခက်နိုင်ပါလားဆရာ။ Cx posterior ပါဆရာ။ သားအိမ်ဝအနေအထားမှာ အခုမေးတဲ့သူလို နောက်ရောက်နေတာရှိတတ်တယ်။ အဖြစ်နည်းတယ်။ ကိုယ်ဝန်မရှိခင်မှာ စမ်းတွေ့ရင် ကိုယ်ဝန်မရမှာအတွက် စိုးရိမ်ရမလား စဉ်းစားတယ်။ လေ့လာမှုတွေလုပ်တော့ အဲလိုစိုးရိမ်စရာမရှိတာ တွေ့ရပါတယ်။ အဲလိုဖြစ်နေတာကို ရောဂါလို့မခေါ်ပါ။ Endometriosis ခေါ် သားအိမ်တစ်ရှူးတွေ သားအိမ်အပြင်မှာ ရောက်နေသူဆိုရင်သာ ကလေးမရဖြစ်စေနိုင်တယ်။ အမျိုးသမီးအများစုမှာ သားအိမ်နဲ့ သားအိမ်ဝဟာ တန်းမနေပါ။ ဒေါင့်ချိုးကျနေတယ်။ ရှေ့ဖက်မှာရှိတဲ့ ဆီးအိမ်ဆီကို ...

အကူအညီတောင်းတာပါဆရာ။ ဆီးအိမ်ထဲမှာရေအိတ်တည်နေတယ်လို့ပြောပါတယ်။ အမျိုးသမီးအသက်က ၃၄ နုစ်ပါ ဆီးခဏခဏသွားရပါတယ်။ ဆီးအိမ်ထဲမှာဆီးပမာဏ 250 ml အမြဲကျန်နေပါတယ်။ CT အဖြေကို ရေးပေးလိုက်ပါတယ်။ A small bladder diverticulum near the right VU junction is noted. It is 1.9 x 1.1cm diameter and the luminal diameter of the neck of diverticulum is 2.9mm. IMPRESSION = Small bladder diverticulum just beside the right VU junction. ဘာဆက်လုပ်ရမလဲဆိုတာ အကြံညဏ်ပေးပါဆရာ။ လက်ရှိပြနေတဲ့ဆရာကတော့ ဘာမှမဖြစ်ဘူး၊ ထပ်ပြီး ဆီးသွားရခက်လာရင် ပြန်လာပြလို့ဘဲပြောလိုက်လို့ပါ။ အားကိုးပါတယ်။ ဆီးအိမ်အမှာ အိတ်ကလေးလိုဖြစ်လာတာကိုခေါ်တယ်။ မွေးရာပါလည်းဖြစ်နိုင်တယ်။ နောက်မှပေါ်လာတာလည်းရှိတယ်။ အာလ်ထွာဆောင်းရိုက်မှ သိလာရတာလည်းရှိတယ်။ ကြီးမှဖြစ်တာက ယောက်ျားတွေမှာဆိုရင် ဆီးအိမ်ထွက်လမ်း ဆီးကျိတ်ကြီးလို့ဆို့နေရာကနေဖြစ်လာနိုင်တယ်။ ဆီးထွက်ပြွန်မှာဆို့လို့လည်းဖြစ်နိုင်တယ်။ အမျိုးသားတွေမှာ အဖြစ်များတယ်။ ရှိနေပြီး ဘာမှမဖြစ်သလိုနေနိုင်တယ်။ ဆီးမကုန်တာဖြစ်နိုင်တယ်။ ဆီးလမ်းပိုးဝင်နိုင်တယ်။ ဆီးထဲသွေးပါနိုင်တယ်။ CT scan စကန်ရိုက်နည်း၊ Ultrasound ...

ဒီအကြောင်း ခွင့်တောင်းပြီးတင်ဘူးပါတယ်။ ကနေ့ မေးလာသူနှစ်ယောက်ဆက်တိုက်လာလို့ ပြန်တင်ပါရစေလို့ ထပ်ပြီး ခွင့်တောင့်ပါတယ်။ ၁။ တခါသုံးတားဆေး (Ecee2 လိုဆေးမျိုး) တွေကို အကြိမ်အရေတွက် များများသောက်မိရင် ဘာဘေးထွက်ဆိုးကျိုးတွေ ဖြစ်နိုင်ပါလဲဆရာ။ အကြိမ်ရေတွက်များပေမယ့် မကြာခနတော့မဟုတ်ပါဘူးဆရာ။ အနည်းဆုံး တခေါက်နဲ့ တခေါက်ကို လေးငါးခြောက်လတော့ ခြားပါတယ်ဆရာ။ ကျေးဇူးပြုပြီးဆရာဖြေကြားပေးပါနော်။ ကျေးဇူးအထူးတင်ပါတယ်ဆရာ။ ၂။ မင်္ဂလာပါဆရာ။ ကျမအသက် ၂၈ နှစ်ပါဆရာ။ ကျမခင်ပွန်းက မြန်မာပြည်မှာအမြဲတမ်းမရှိတော့ ဆရာဝန်က Ezze2 တားဆေး ၂ လုံးတခါသောက်ပဲ ပေးပါတယ်ဆရာ။ နေ့စဉ်သောက်ရတဲ့တားဆေး မသောက်နဲ့လို့ပြောပါတယ်ဆရာ။ ဘယ်တားဆေးက ပိုပြီးအဆင်ပြေနိုင်မလဲသိချင်ပါတယ်ဆရာ။ ezze2 ရဲ့ side affect ကို ကြားဖူးထားလို့ သောက်သင့် မသောက်သင့် အကြံဥာဏ်ပေးပါဆရာ။ သောက်ဆေးသောက်ရင် ကလေးယူတဲ့အချိန်ကျရင် ဆိုးကျိုးရှိတယ်လို့လဲ ကြားဖူးထားလို့ပါဆရာ။ ဝေခွဲမရဖြစ်နေလို့ ဘယ်လိုလုပ်သင့်လဲဆိုတာနှင့် ဘယ်ဆေးသောက်သင့်လဲဆိုတာ အကြံဥာဏ်ပေးပေးပါဆရာ။ စာအရေးအသားလိုအပ်တာများရှိရင် တောင်းပန်ပါတယ်ဆရာ။ Ecee2 ဆေးဆိုတာ Levonorgestrel ဟော်မုန်းပါတဲ့ အရေးပေါ်ကိုယ်ဝန်တ...

အိတ်စိုက်နိုင်ငံရေးကိုဖတ်ပြီး ချီးကျူးကြတယ်။ မဟုတ်သေးတာကို ထပ်ဖြည့်ပေးပါရစေ။ အဲလိုလုပ်သူမျိုးကို လူတချို့က ချီးကျူးချင် ချီးကျူးမယ်၊ ဒါပေမယ့် အထင်မကြီးဘူး။ အတိအကျပြောရရင် တာဝန်မပေးချင်ကြဖူး။ ကိုယ့်ဘဝတောင် ထိပ်တန်းရောက်အောင် မစွမ်းဆောင်နိုင်သူမျိုးဟာ ဘယ်လိုလုပ်ပြီး တိုင်းပြည်ကိုချမ်းသာအောင် လုပ်ပေးနိုင်မလည်းလို့ မေးခွန်းထုတ်ကြတယ်။ အဲတာက စီးပွါးရေးသီအိုရီအရ ငြင်းလို့မရဘူး။ ချွတ်ခြုံကျတဲ့ဝန်ကြီးဆိုတာ မရှိဘူးမဟုတ်လား။ သမတတို့ ဝန်ကြီးချုပ်တို့ဆိုတာလည်း မီလီယန်တာတွေ။ ဗမာပြေမှာ ဘီဘီယန်နာ ၄ဝ ကျော်တောင်ရှိပြီလည်း ဖတ်လိုက်ရတယ်။ သူတို့က ဘယ်နှယ် အမတ်လျှောက်လွှာကြေး ၃ သိန်းတောင် မတတ်နိုင်သူမျိုး ရွေးမလည်း။ စစ်သားနဲ့ စီးပွါးရေးသမားဆိုတာ လက်တွေ့စဉ်းစားကြတယ်။ ဒေါက်တာတင့်ဆွေ ၂၅-၇-၂ဝ၁၅

ပုလဲနယ်ကတယောက်ကနေ ကွန်မင့်ရေးပါတယ်။ အဲဒီ (အဘ) အခေါ်အဝေါ်လိုပဲ (သမဝါယမ) ဆိုတဲ့စကားလုံးဟာ ခေတ်ကြောင့် ရွံစရာဖြစ်ခဲ့ရတယ်တဲ့။ ဟုတ်ပ။ (မဆလ) ကလုပ်လိုက်တာနဲ့ (သမဝါယမ) ကို လူတွေက မကြိုက်ကြတော့ဖူး။ အခုလည်းဗျာ အဲဒီဝန်ကြီးဌာနကြောင့် သမဝါယစာလုံးကို ပိုမုန်းလာတယ်မဟုတ်လား။ အဲလိုပဲ မြန်မာ့ဆိုရှယ်လစ်လမ်းစဉ် (မဆလ) ပါတီကြောင့် (ဆိုရှယ်လစ်) ဆိုတဲ့အသုံးကိုလည်း လူတွေကမုန်းတီးကြတယ်။ ၁၉၉ဝ ရွေးကောက်ပွဲတုံးက နိုင်ငံရေးပါတီပေါင်း ၂၃၅ ခုထဲမှာ ဆိုရှယ်လစ်ပါတာ တခုမှမရရှိခဲ့ဘူးဗျ။ (မဆလ) အဖြစ် ၂၆ နှစ်ကြာ တိုင်းပြည်ကို အုပ်စီးခဲ့တဲ့ပါတီကိုယ်၌က တိုင်းရင်းသားစည်းလုံးညီညွတ်ရေး (တစည) ပါတီလို့ပြောင်းလိုက်တယ်။ အခုလူတွေကလည်းဗျာ စည်းကမ်းပြည့်ဝသောတဲ့။ အင်မတန်ကောင်းမွန်လှတဲ့ (စည်းကမ်း) စကားလုံး သုံးရတာတောင် သတိထားနေရပြီကော။ ဒေါက်တာတင့်ဆွေ ၂၄-၇-၂ဝ၁၅

နိုင်ငံရေးပါတီတခုက အမတ်လောင်းတဦးအတွက် ပါတီကနေ (၁ဝ) သိန်းစီထောက်ပံ့မယ်တဲ့။ ၁၉၉ဝ တုံးက NLD ကနေဝင်အရွေးခံခဲ့တာ ပါတီကလည်းမရပါ၊ ဘယ်ကမှလည်း ထောက်ပံ့ငွေမရခဲ့ပါ။ ကိုယ်က ဆရာဝန်ဖြစ်နေတာ့ တခြားမြို့နယ်တွေက ရံပုံငွေအတွက် အထိန်းအမှတ်ပစ္စည်းရောင်းတိုင်းဝယ်ရတယ်။ အလှူခံရင် ထည့်ရတယ်။ ရွေးကောက်ပွဲစည်းရုံးရေးအတွက် ပုလဲမြို့နယ်တခွင်ပြဲပြဲစင် ကိုယ့်ကားလေးနဲ့ကိုယ်သွားခဲ့ရတယ်။ တောင်ပေါ်လည်း တက်ရ၊ လယ်ကန်သင်းတွေကိုလည်း ကျော်ရဖြတ်ရ၊ ဘာပြောကောင်းမလည်း ကားကလေး ဖွတ်ဖွတ်ကျေလို့။ တိုင်းပြည်ကနေ ထွက်ပြေးရတော့လည်း ဝရမ်းပြေးကြေညာပြီးမို့ ဘယ်ကားမှငှားမရလို့ ကားလမ်းအဆုံးအထိ ကိုယ့်ကားလေးနဲ့ကိုယ်။ ကားအိမ်ပြန်ရောက်တာနဲ့ ချက်ချင်းရောင်းရတယ်။ မဟုတ်ရင် အိမ်လေးလိုပဲ မနေရ၊ မငှားရ၊ မပြင်ရဖြစ်မှာ သေချာတယ်။ တချို့က စစ်အစိုးရသင်ပေးထားသလို အိန္ဒိယအစိုးရကပေးတဲ့ငွေ၊ စီအိုင်အေကပေးတဲ့ငွေတဲ့။ ဘယ်ကလာ ခြူးတပြားမှ မရပါ။ စင်ပြိုင်အစိုးရမှာလုပ်ရတုံး ရုံးစရိတ်စတာရပါတယ်။ NED နဲ့ နော်ဝေအစိုးရကနေရတာပါ။ ၂ဝဝ၈ မှာ အဲတာတွေ ဖြတ်သွားတော့လည်း နောက်ထပ် ၂ နှစ်ကြာအောင် ကိုယ့်အိပ်စိုက် ဆက်လုပ်ပါသေးတယ်။ စိုက်စရာကုန်တော့မှ ရပ်လိုက်ရတယ်။ ၂ဝ၁၅ မှာ အိမ်ြ...

ငှက်ဖျားကာကွယ်ဆေး နောက်တဆင့်ပိုနီးစပ်လာပြီလို့ ကနေထွက်ဆေးသုတေသနသတင်းက ဆိုပါတယ်။ European Medicines Agency ဥရောပဆေးအေဂျင်စီကနေ ဆေးစမ်းသပ်နေတဲ့ငှက်ဖျားကာကွယ်ဆေးသစ်ကို အာဖရိကမှာသုံးဖို့ မီးစိမ်းပြလိုက်ပါတယ်။ GlaxoSmithKline ကနေထုတ်တဲ့ Mosquirix ထိုးဆေးဖြစ်ပါတယ်။ RTS,S vaccine လို့လည်းခေါ်ပါတယ်။ World Health Organization ကနေလည်း ဒီနှစ်နောက်ပိုင်းမှာ စဉ်းစားဖို့ရှိပါတယ်။ ငှက်ဖျားရောဂါကြောင့် ကမ္ဘာမှာ လူပေါင်း ၅၈၄ဝဝဝ ယောက်နှစ်စဉ်သေဆုံးနေရတယ်။ ၁၉၉၈ ကနေစလုပ်ခဲ့တာမို့ နှစ်ပေါင်း ၃ဝ သုတေသနလုပ်လာခဲ့တဲ့အိပ်မက်ကတကယ်ဖြစ်လာတာပါလို့ဆိုပါတယ်။ ကလေး ၅ လသားကနေ ၁၇ လသားတွေကို တလခြားပြီး ဆေး ၃ ကြိမ်ထိုးပေးပါတယ်။ လ ၂ဝ မှာ နောက်တကြိမ် ထပ်ထိုးပါတယ်။ ၄ နှစ်အတွင်း ဆိုးဝါးတဲ့ငှက်ဖျားဖြစ်မှု ၃ ပုံ၁ ပုံကျဆင်းတာတွေ့ရှိရပါတယ်။ ဒေါက်တာတင့်ဆွေ ၂၄-၇-၂ဝ၁၅

May 6th, 10:32pm Dear Doctor, I would like to know about Gestational diabetes. I am currently 32 week pregnant and 38 year old. This is my second time pregnant and I have no medical complication when I gave birth my first baby. Currently I am taking a 2.5MG Glyburide before lunch and dinner but blood sugar level is between 140 to 197. Could you please give me a link if you already have posted about it? May 7th, 12:34am Gestational Diabetes ကိုယ်ဝန်နဲ့ဆီးချိုကိုပို့လိုက်ပါတယ်။ Jul 24th, 4:46pm Hi doctor ကျမ induction လုပ်ပြီး Jun ၂၃ က သမီးလေးကိုမွေးပြီးပါပြီး။ ကလေးရော လူကြီးရော ကျန်မာပါတယ်။ doctor ကိုလည်း အထူးကျေဇူးတင်ပါတယ်။ By the way doctor မြန်မာပြည်မှာ အမတ်ဝင်ရွေးခံရင် မြန်မာပြည်အတွက် သိပ်ကောင်းမှာပဲလို့ စဉ်စားမိလို့ပါ။ Have a good day to you! တမဲရပြန်ပြီ။ တခါမေးတမဲဆိုရင် ကြိုတင်မဲတောင်လိုမှာမဟုတ်ဖူး။ ဒေါက်တာတင့်ဆွေ ၂၄-၇-၂ဝ၁၅

အဘအရွယ်တွေတောင် အဘလို့မခေါ်ရတော့ဖူးလားလို့တယောက်နဲ့ သမီးလို့သာသုံးချင်သူတယောက်ကနေ ရေးပါတယ်။ ကျွန်တော့်လျှောက်လဲချက်ပို့ပြီး တခဏအတွင်းမှာ အဘအတွက်မေးသူက သူ့ကွန်မင့်ကို သူကိုယ်တိုင် ဖျက်သွားလို့ အများကြီးကျေးဇူးတင်ပါတယ်။ မနေ့ညကလည်း အဲလိုအသိသူ ၂ ယောက်ရှိထားသေးတယ်။ မြန်မာ့ယဉ်ကျေးမှုနဲ့အညီ ဘယ်လိုသုံးနှုံးခေါ်ပြောတာတွေက သင့်တော်ကြောင်းကို ရေးဖူးပါတယ်။ အမျိုးတွေ၊ ရင်းနှီးသူတွေအချင်းချင်း ကြိုက်သလိုခေါ်ကြတာ ဘာမှပြောစရာမရှိပါခင်ဗျား။ ကျွန်တော်ကို အကို၊ ဦးလေး၊ အဘလို့ခေါ်တာနဲ့ ကိုယ်ကိုယ်ကို သား၊ သမီးလို့ရေးတာတွေဟာ အခက်အခဲတွေ ဖြစ်စေပါတယ်။ ကိုယ့်ကိုယ်ကို သားလို့ရေးရင် ရေးတဲ့သူလား၊ သူ့သားလား စဉ်းစားရတယ်။ ကိုယ့်ကိုယ်ကို သမီးလို့ ရေးသူဆိုရင် ရေးတဲ့သူလာ၊ သူ့သမီးလား၊ စဉ်းစားရတယ်။ သမီးရဲ့သမီးလို့ရေးရင် သူ့ (မြေး) လား စဉ်းစားရတယ်။ နမူနာစာတွေ အများကြီးရှိတယ်။ အဘလို့ရေးတာကိုတော့ မသတီပါ။ အကြိမ်ပေါင်း ၅ဝ လောက်ရေးရပြီးပြီ။ အဘဆိုတာ စစ်အစိုးရထဲကလူကြီးတွေကို ခေါ်ကြတယ်၊ တပ်ရင်းမှူးကိုခေါ်ကြတယ်။ နိုင်ငံရေးလုပ်သူတွေကို ဖမ်းဆီးနှိပ်စက်ထောင်ချခဲ့သူကိုယ်တိုင်က ထောင်ကနေလွတ်လာတော့ သူ့ကိုယ်သူ အဘတဲ့။ စစ်အစိုးရကနေ အဘခေါ်န...

- အသိအမျိုးသမီးအဆိုတော်တယောက် စန္ဒယားခုံပေါ်မှာထိုင်နေတယ်။ - မေးလိုက်တယ် ဧယဉ်ကျူးနေတာလား။ - အသိစာရေးဆရာတယောက်ကရေးတယ်၊ လည်းနေလှအောင်း မြင်းဇောင်းမကျန်အောင့့် တဲ့။ - ပြန်ပြောလိုက်တယ် အနီးနေ အဝေးနေ၊ သုခိတ ဒုက္ခိတ၊ သုံးဆယ့်တဘုံ အကုန်ပါဗျာ။ ဒေါက်တာတင့်ဆွေ ၂၄-၇-၂ဝ၁၅

ကျွန်တော့်ပို့စ် = White Madonna lily အပြစ်မဲ့ခြင်းကို ပြန်လည်ရရှိပါစေ Michelle Mon Share ပြီ အဘ Tint Swe အဘစကားလုံးကို မသတီကြောင်း ပို့လိုက်ပါတယ်။ အနည်းဆုံး အကြိမ် ၅ဝ မြောက်ရှိမယ်ထင်တယ်။ အဘခေတ်မှာလူဖြစ်ရသူတွေအတွက် စိတ်မကောင်းပါ။ အဘတယောက်အသုဘနဲ့အတူ အဘခေတ်ကြီး အဆုံးသတ် ကွယ်ပျောက်ပါစေသတည်း။ အဘခေါ်ကြသူတွေ အမြင်မှန်ရကြပါစေသတည်း။ ဒေါက်တာတင့်ဆွေ ၂၄-၇-၂ဝ၁၅

မနေ့ကကွယ်လွန်သွားသူတဦးအတွက် ဒေါ်အောင်ဆန်းစုကြည်နေပို့တဲ့ လွမ်းသူ့ပန်းခြင်းမှာ လီလီပန်းတွေနဲ့ဖြစ်တယ်။ ကွန်မင့်ရေးသူတွေကလည်း ကောင်းကောင်းသတိထားမိကြတယ်။ Lilies လီလီပန်းသမိုင်းက ဘီစီ ၁၅၈ဝ ကတည်းကနေစတယ်။ Crete ခရိကျွန်းမှာ ရှေးဟောင်းဂရိဒဏ္ဍာရီထဲမှာပါတယ်။ ဂရိစာလုံး Leiron ကနေလာတယ်။ White Madonna lily အဖြူရောင်မက်ဒိုနာလီလီပန်းကို ဆိုလိုပါသတဲ့။ နတ်ဘုရားတွေရဲ့ ဘုရင်မ Hera ဟီရာရဲ့ နို့ရည်ကနေလာတယ်လို့ ဖွဲ့ဆိုပါတယ်။ မေလရဲ့ပန်းနဲ့ နှစ် (၃ဝ) ပတ်လည် မင်္ဂလာနေ့ပန်းလို့လည်း သတ်မှတ်ထားတယ်။ Virgin Mary အပျိုစင်မေရီကို အမွှမ်းတင်ပြီး Chastity ဗြဟ္မစရိယအကျင့်နဲ့ Virtue သူတော်ကောင်းတရားလို့လည်း အဓိပ္ပါယ်ဖွင့်ပါတယ်။ နောက်ပိုင်းမှာ လီလီပန်းကို အသုဘအတွက်သုံးလာကြပါတယ်။ သေဆုံးပြီးနောက်မှာ Restoration of innocence အပြစ်မဲ့ခြင်းကို ပြန်လည်ရရှိပါစေလို့ ဆိုလိုတာဖြစ်ပါတယ်။ ဒေါက်တာတင့်ဆွေ ၂၄-၇-၂ဝ၁၅

ဘာသာရေးယဉ်ကျေးမှု + လူမှုရေးယဉ်ကျေးမှု + နိုင်ငံရေးယဉ်ကျေးမှု = မြန်မာ့ယဉ်ကျေးမှု ဒေါက်တာတင့်ဆွေ ၂၄-၇-၂ဝ၁၅

မြန်မာပြည်မှာ ရေတွေကြီးတဲ့သတင်းက ဆက်တိုက်။ အခုတော့မိုးတွေသည်းတဲ့သတင်းက ဆက်လိုက်လာနေတယ်။ အရင်ရေးထားတာလေး ပြန်တင်ပါရစေ။ ၁၅-၃-၂ဝ၁၅ နေ့က နိုင်ငံရေးရာသီဥတုရေးလိုက်တာကို ပုလဲကလူရွယ်တယောက်ရဲ့မှတ်ချက်က အမှန်ဆုံးဖြစ်မယ်ထင်လို့ မျှဝေပါရစေ။ မင်္ဂလာပါဆရာ။ ဆရာ့ရဲ့နိုင်ငံရေးရာသီဥတုကိုဖတ်ပြီး ရင်ထဲမကောင်းလို့ပါဆရာ။ ဆရာတို့ ဖြတ်သန်းခဲ့ရတဲ့ ခရီးကလည်း ကြမ်းတမ်းလိုက်တာ။ သွားရတဲ့ခရီးရော နိုင်ငံရေးခရီးရောပါပဲ။ ဒီမှာရာသီဥတုကတော့ ကောင်းတယ်ထင်ရပေမယ့် ဘယ်အချိန်မိုးရွာမလဲ၊ ဘယ်အချိန်နေပူမလဲ၊ ဘယ်အချိန်မုန်တိုင်းတိုက်မယ် မခန့်မှန်းနိုင်ပါဘူးဆရာ။ အရင်ကတော့ မိုးရယ်၊ နွားသိုးရယ် မခန့်မှန်းနိုင်ဘူးပေါ့။ အခုတော့ မိုး၊ နွားသိုး၊ အစိုးရ ခန့်မှန်းလို့ လုံးဝမရပေါ့ ဆရာ။ ရာသီဥတု ကောင်းတဲ့တစ်နေ့မှာ ပြန်လည်ဆုံတွေ့ချင်ပါသေးတယ်ဆရာ။ ဒါပေမဲ့ ထီးနဲ့ မိုးကာတော့ ဆောင်ထားဖို့လိုမှာပေါ့နော် ဆရာ။ လေးစားစွာဖြင့်၊့့ (ပုလဲ) ထီးနဲ့မိုးကာအပြင် အသက်ကယ်ဂျက်ကက်လည်းလိုမယ်။ ကံတရားလည်းအားကိုး၊ အရေးပေါ်လူနာပြုစုနည်းလည်း အနားမှာထား၊ မင်းတို့က စင်္ကာပူလည်းသွားကုနိုင်တာမဟုတ်။ ဒေါက်တာတင့်ဆွေ ၂၄-၇-၂ဝ၁၅

Tint Swe အစိုးရသတင်းစာ အားကိုးရပါသလား Naing Aung အဲလိုအစိုးရကို မဲပေးရွေးကြအုံးမှာလားဗျာ။ အဒီလိုအစိုးရကိုလဲ မဲမပေးဘူး၊ ၈၂ နိုင်ငံသားဥပဒေကို ဘင်ဂါလီတွေအတွက် ပြင်ရမယ်ပြောတဲ့ NLD ပါတီကိုလဲ မဲမပေးပါဘူးဆရာ။ Yewin Ning ဘင်္ဂလီကိုနိုင်ငံသားအဖြစ် အသိအမှတ်ပြုခြင်သူ LND နှင့်စာရင် ဒီထက်ညဥ့်မနက်နိုင်တော့ပါဘူး ရွေးဖို့မှ မရှိတာ။ လူတိုင်းမှာ မဲပေးဖို့အခွင့်အရေးအတူရှိပါတယ်။ နိုင်ငံရေးပါတီတိုင်းရဲ့ နိုင်ငံခြားသားအရေးပေါ်လစီနဲ့ စိုးရိမ်အချက်တွေ တကယ်ရှိနေတဲ့ နိုင်ငံရေးပါတီတွေကို ကိုယ်တိုင်ဆန်းစစ်ပြီး ဆုံးဖြတ်နိုင်ကြလိမ့်မယ်လို့ မျှော်လင့်ပါရစေ။ ဖေ့စ်ဘွတ် ကွန်မင့်လောက်နဲ့တော့ ဆုံးဖြတ်ချက်ကိုမပြောင်းသင့်ပါ။ အဲတာကြောင့် NLD ကိုမဲပေးပါဗျာလို့ မဲမဆွယ်ပါခင်ဗျား။ ဒေါက်တာတင့်ဆွေ ၂၃-၇-၂ဝ၁၅