Beauty of post ပုံလည်းလှ၊ စာလည်းရုပ်မဆိုးပါ
Sony ဆိုနီကုမ္ပဏီကို အီလက်ထရောနစ်ကနေ ဓါတ်ပုံကိုခြေလှမ်းရတဲ့အကြောင်းကို ဆိုနီစာအုပ်ငယ်လေးထဲမှာ ဖတ်ဖူးတယ်။ အဲဒီကာလ မြန်မာပြည်မှာ ဖလင်လိပ်ထည့် ကင်မရာတွေသာရှိတယ်။ မှတ်ဥာဏ်သုံးကင်မရာကို အကြီးအကျယ်လုပ်မယ်ဆိုတော့ စဉ်းစားတာလိုက်မမီခဲ့ပါ။ အခုတော့နေရာတိုင်းမှာ ကင်မရာ၊ ဓါတ်ပုံ၊ ဗီဒီယို။
မကြာခင်မှာ ဖေ့စ်ဘွတ်ပေါ်လာတယ်။ ဖေ့စ်ဘွတ်မှာ ပို့စ်အပြင် ဖိုတိုလို့လုပ်ထားတယ်။ ဓါတ်ပုံကို ဦးစားပေးတဲ့သဘောဖြစ်တယ်။ တင်ထားတဲ့စာကိုသာပြင်လို့ရတယ်။ တင်ပြီးသားပုံကို ပြင်မရပါ။
တမြန်နှစ်တုံးက သင်္ကြန်သတိပေးစာတပုဒ်တင်တယ်။ မိန်းကလေးတွေ အရက်သေစာသောက်စားကြတာနဲ့ သောက်စရာထဲမှာ မတော်တရော်ဆေးခပ်ခံရနိုင်တယ်လို့ သတိပေးပါတယ်။ စာနဲ့တွဲတင်ဖို့ ပုံလိုက်ရှာတော့ မြန်မာပြည်က အမျိုးသမီး ၃ ယောက် ဘီယာလား၊ အရက်လားမသိ ခွက်တွေကိုယ်စီကိုင်ထားပြီး နောက်ခံမှာ ရေကစာနေတဲ့ပုံကို ရွေးလိုက်ပါတယ်။ ဖတ်တဲ့သူတွေက အတော်များတယ်။ သောင်းဂဏန်းထိရောက်ရော။ ပုံကြောင့်ဖတ်တယ်လို့တော့ မထင်ပါ။
အဲဒီအချိန်မှာ ဆရာတင်ထားတဲ့ပုံထဲမှာ ကျမပုံပါတယ်။ ဖျက်ပေးပါလားတဲ့။ ပုံကို ချက်ချင်းဖျက်ပါတယ်။ မရလို့ သောင်းဂဏန်းဖတ်ပြီးသားစာကို ဖျက်လုပ်ပြီးမှ ပုံအသစ်နဲ့တင်လိုက်တယ်။
ပြီးခဲ့တဲ့သင်္ကြန်မှာ အဲဒီစာကိုဆန်းသစ်ပြီး တင်ပါတယ်။ ပုံသင့်တာကို ဂူဂယ်မှာရှာတော့ အဲဒီအမျိုးသမီးသုံးယောက်ပုံလည်း ဒိထက်ဆိုးဝါးတဲ့ပုံတွေနဲ့ ရှိနေတာတွေ့တယ်။ မသုံးပါ။ တောရွာမှာနွားလှည်းနဲ့ရေပက်နေကြတဲ့ပုံကိုသာ သုံးလိုက်ပါတယ်။ ဖတ်ကြတာပါပဲ။ ထောင်ဂဏန်းမနည်းပါ။
ပုံကိုလည်း အရသာခံပေါ့။ စာကိုလည်းဖတ်ကြစေချင်ပါတယ်။
ဒေါက်တာတင့်ဆွေ
၂၇-၇-၂ဝ၁၅
Comments
Post a Comment