Sharpshooter လက်ဖြောင့်သမား
သူငယ်ချင်းစာထဲမှာ သူငယ်ချင်းနာမည်တွေ ထည့်ရေးထားတယ်။ အုန်းသန်းဆိုတဲ့သူငယ်ချင်းကို ဆရာကနေ ကျောင်းဘောလုံးကွင်းမှာ စတဲ့အနေနဲ့ အုတ်ခဲကျိုးနဲ့ လှမ်းပစ်တယ်။ ပေ ၁ဝဝ လောက်ဝေးမလားပဲ။ အဲတာ သူ့ခေါင်းပေါ် တည့်တည့်ထိပါရောလား။ ဒီကောင်က စိတ်မဆိုးဖူး။ ဆရာက လက်တည့်သူမဟုတ်ပါ။ ဖေါင်ကြီးသင်တန်းမှာ ၃ဝ၃ ကျည် အတောင့် ၂ဝ ပစ်ရတာ စက်ဝိုင်းထိ-မထိ ပြန်ကြည့်မနေတော့ဖူး။ ကိုယ့်လက်ကိုသိလို့။
ဒေလီရောက်ကာစ လုပ်သေနတ်ပစ္စတိုတလက် ဝယ်လာတယ်။ ဝါသနာပေါ့။ ကျောင်းသားအဖွဲ့က လာလည်ကြတယ်။ ဆရာက အဲဒီ Toy gun နဲ့ နံရံက ပိန်ညောင်တကောင်ကို မချိန်ပဲပစ်ပြတာ ပိန်ညောင် ကားကနဲကျပါရောလား။ အလွန်မဝတဲ့ကိုဗလက ဘရာဗိုလုပ်တယ်။ နောက်တချက်တော့ ထပ်မပစ်တော့ဖူး။ အဲတာလည်း ကိုယ့်လက်ကိုသိလို့။
ဒေါက်တာတင့်ဆွေ
၂ဝ-၇-၂ဝ၁၅
Photo from Mabel
Comments
Post a Comment