Monday, November 23, 2015

Army and USDP ပြည်ခိုင်ဖြိုးပါတီလုပ်တာ ဘာနာသလည်း

ပြည်ခိုင်ဖြိုးပါတီဖွဲ့လိုက်တာ ဘာကောင်းသလည်း။ ဘာအမြတ်တွေ ရသလည်း။ ဘယ်သူတွေ အကျိုးခံစားရသလည်း။ တပ်မတော် နာမည်ကောင်းရသလား။ မထင်ပါ။ ငွေကြေးအတွက်ဆိုရင် ဗိုလ်ချုပ်နေဝင်း (ဦးအောင်ကြီး) လက်ထက်က BEDC ဖွဲ့သလို့ (နဝတ) လက်ထက်မှာ UMEH ဦးပိုင်လီမိတက်ကြီး ဖွဲ့ပြီးပြီမဟုတ်ပါလား။

ပြည်ခိုင်ဖြိုးပါတီဖွဲ့လိုက်တာ ဘာနာသလည်း။ တိုင်းပြည်နာတယ်။ တပ်မတော်နာတယ်။

ပြည်ခိုင်ဖြိုးအသင်းအဖွဲ့ကို နိုင်ငံရေးပါတီ မလုပ်ပါဘူး၊ မလုပ်ပါဘူးငြင်းပြီးတဲ့နောက်မှာ နိုင်ငံရေးပါတီလုပ်လိုက်တယ်။ အဲတာနဲ့ စစ်တပ်ကနေအကြောင်းအမျိုးမျိုး (သက်ပြည့်ပင်စင်၊ နှစ်ပြည့်ပင်စင်၊ ဆေးပင်စင်) နဲ့ အနားယူထားကြတဲ့ စစ်မှုထမ်းဟောင်းတွေကနေ နိုင်ငံရေးပါတီထူထောင်တာနဲ့ နည်းနည်းလေးမှ မတူပါ။

တပ်ထဲကနေ အရပ်ဝတ်ပြောင်းပြီး ပြည်ခိုင်ဖြိုးပါတီထဲနဲ့ လွှတ်တော်တွေထဲ လာထိုင်ကြတဲ့ စစ်အရာရှိကြီးတွေဟာ တိုက်ရည်ခိုက်ရည် ညံ့လို့လား။ မဟုတ်လောက်ပါ။ တပ်ထဲမှာမရှိသင့်လို့လား။ မဟုတ်လောက်ပါ။ တပ်မတော်က မလိုတော့လို့လား။ မဟုတ်လောက်ပါ။ ဘယ်အကြောင်းကြောင့်ပါလည်း။

စစ်ရေးမလိုအပ်ချက်ကြောင့်မဟုတ်ပဲ နိုင်ငံရေးလိုအပ်ချက်ကြောင့်သာ အဲလိုလုပ်တာဆိုရင် အတော်ကိုမှားတဲ့ ဆုံးဖြတ်ချက်ကြီးဖြစ်တယ်။ တိတိကျကျပြောရရင် တိုင်းပြည်ကာကွယ်ရေး (လုံခြုံရေး) ကတိသစ္စာဖေါက်ဖျက်မှုကြီး ဖြစ်တယ်။

၂ဝ၁၅ ရွေးကောက်ပွဲမတိုင်မီ ဗိုလ်ချုပ်ကြီးအဆင့်တွေအထိ အရပ်ဝတ်ပြောင်းပြီး အရွေးခံကြတယ်။ ရှုံးကြတာများတယ်။ လူထုကမကြိုက်တာ သိသွားကြတယ်။ ဒါပေမယ့် ကျွန်တော်က သိပ်မရှုံ့ချလိုပါ။ တပ်ထဲမှာဆိုရင် သူတို့တတွေကို ကျန်အရာရှိအရာခံအကြပ်တပ်သားတွေက လေးစားတဲ့အပြင် အားထားကြမှာသေချာတယ်။

အဲလိုဗိုလ်ချုပ်တွေနဲ့ လွှတ်တော်ထဲမှာလာထိုင်ကြမယ့် (၅၆ + ၁၁ဝ) နဲ့ ပြည်နယ်-တိုင်းဒေသကြီးလွှတ်တော်တွေထဲမှာ သွားထိုင်ကြမယ့် နောက်ထပ်ရာဂဏန်းအရာရှိတွေနဲ့ မတူကြပါ။ လွှတ်တော်ထဲထိုင်ရသူတွေက ယူနီဖေါင်းဝတ်ထားမယ်။ ကာချုပ်က မလိုတော့ရင်တပ်ထဲပြန်ပြီး၊ ကာကွယ်ရေးတာဝန်ဆက်ယူနိုင်ကြတယ်။

ပြည်ခိုင်ဖြိုးထဲကို အရပ်ဝတ်နဲ့လာကြတဲ့ စစ်အရာရှိကြီးတွေရဲ့ စစ်ရေးစွမ်းရည်တွေဟာ တိုင်းပြည်ကာကွယ်ရေးအတွက် အဟောသိကံဖြစ်ရတယ်။ တိုင်းပြည်နာတယ်။ တပ်မတော်နာတယ်။

ဒေါက်တာတင့်ဆွေ
၂၃-၁၁-၂ဝ၁၅

No comments:

Post a Comment

Note: Only a member of this blog may post a comment.

မြန်မာစာလုံးပေါင်းသတ်ပုံကျမ်းများ

မြန်မာစာလုံးပေါင်းသတ်ပုံကျမ်းများ သမိုင်း (ကန်တော့) ၁။ ကဝိလကဏဒီပနီကျမ်း လွှတ်တော်စာရေးကြီးမောင်သော် နှင...