Happy Diwali ဟက်ပီး သီတင်းကျွတ်

မြန်မာပြည် သီတင်းကျွတ်လပြည့်နေ့ ဗျောက်ဖေါက်ကြတာ အတော် များပြားဆိုးဝါးတယ်လို့ ဖတ်ရတယ်။ အရင်က အဲလောက်မများခဲ့ မဆိုးခဲ့ပါ။ စစ်အစိုးရခေတ်မှာ မီးခြစ်ဆံဗျောက်တောင် မဖေါက်ရဲကြပါ။ အခု တိုးတက်လာတာလား၊  ဒါမှမဟုတ့့်

ကျွန်တော် ၂၄ နှစ်ကြာနေခဲ့ရတဲ့ အိန္ဒိယမှာတော့ ဘာတခုလုပ်လုပ် ဗျောက်ဖေါက်ကြလို့ အတော်ဒုက္ခရောက်ခဲ့ပါတယ်။ မင်္ဂလာဆောင်တွေကလည်း တနေ့တည်းမှာ ရာဂဏန်းရှိတာ။ ဗျောက်သံတွေဆူညံလို့။ ခရစ်ကက်ပွဲဆိုရင် တမှတ်ရရင် တခါဖေါက်ကြတယ်။ ၂ဝ၁၇ အတွက်၂၂-၁ဝ-၂ဝ၁၇ မှာ ဒေဝါလီနေ့ ကျရောက်ပါမယ်။ လမ်းတွေပေါ်မှာ လူတွေအပြည့်။ ဆိုင်တိုင်းဆိုင်တိုင်းမှာ လက်ဆောင်ပေးစရာ ဝယ်သူကတွေကလည်း တိုးမပေါက်အောင် စည်တယ်။ အမျိုးတွေ မိတ်ဆွေ သင်္ဂဟတွေအိမ်ကို လက်ဆောင်ပစ္စည်းတွေ အပြန်အလှန် ပို့ကြတယ်။ ကျွန်တော် နေစဉ်ကလည်း အဲဒီထုံးစံကို လိုက်ရတယ်။ လက်ဆောင်တွေရတယ်။ လက်ဆောင်ပြန်ပေးရတယ်။

ညမှာ မီးရောင်စုံတွေ အပြိုင်အဆိုင်ထွန်းကြတယ်။ ဗျောက်တွေဖေါက်ကြတယ်။ ကျွန်တော်တို့က အဲလိုဆူညံလွန်းတာကို နားမခံသာ၊ မီးခိုးမွမ်းတာလည်း မခံနိုင်ကြပါ။ တချို့နှစ်တွေမှာ ဒေလီမြို့အပြင်ထွက်ပုန်းခဲ့ကြရတယ်။

Diwali - Deepavali - Dīpāvali ဒေဝါလီအသံထွက်

ကျွန်တော့်ပို့စ်တခု = Happy Diwali ဟက်ပီး သီတင်းကျွတ်

ကွန်မင့်များ -
၁။ ဆရာခင်ဗျာ ဒေဝါလီ နေ့မဟုတ်ဖူးထင်တယ် ဒီပါဝလီနေ့ထင်ပါတယ် သတင်းစာမှာ ဟိန္ဒူတွေ ကြော်ငြာတာ မြင်ဖူးပါတယ် အမှားပါရင် ခွင့်လွှတ်ပါခင်ဗျ။

၂။ မြန်မာတွေ အသံထွက်မှားတယ်ထင်ပါတယ်။ ပ သံတစ်လုံးမှ မပါဘူးလို့ထင်ပါတယ်။

Diwali ဒေဝါလီ သို့မဟုတ် Deepavali ဒိပါဝါလီလို့ အင်္ဂလိပ်စာလုံးနဲ့ရေးပါတယ်။ သကတ္တ ခေါ် ဆန်းစ်ခရစ်လို Dīpāvali ဒီပဝါလီလို့ ခေါ်တယ်။ မြန်မာလိုရေးရတာ အသံထွက် ထပ်တူမကျတတ်ပါ။ ဟင်ဒူဘာသာကိုးကွယ်တဲ့နေရာဒေသတွေမှာ အသံထွက် နည်းနည်းစီကွဲတာလည်းရှိပါတယ်။

နယူးဒေလီမှာ ကျန်ရစ်ကြတဲ့ မိတ်ဆွေတွေနဲ့ ယမုန်ဆေးခန်းအဖွဲ့သူတွေအားလုံးကို သတိရတယ်။

ဓါတ်ပုံ = လွန်ခဲ့တဲ့ လေးနှစ်က ဒေဝါလီနေ့ည ကျွန်တော်တို့နေခဲ့တဲ့အိမ် ဝရမ်တာမှာ

ဒေါက်တာတင့်ဆွေ
၅-၁ဝ-၂ဝ၁၇

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး