ဤအကွေ့
ဤအကွေ့
သည်တကွေ့မှာလ
ပျော်၍သာ နေတော့မလားရယ်လို့
စကား ခြွေကာကာဖြင့်
စေတနာ တကယ်ကောင်းကြတဲ့
ပေါင်းမိတ်လှ ဆွေသဟာ။
သူတို့မေးပြန်တော့
ဖြေရေး အတန်တန်ခက်လှချည့်
ဥာဏ်သက်ကာ တကယ်စောသော်လဲ့
မောခဲ့သည် အတန်တန်ပေါ့
မသန်ပြီ သည်နှလုံးရယ်နှင့်
ပုန်းချင်တော့တာ။
စေ့စေ့တွေးပြန်တော့
ရေးရေးပေါ်လာပေပေါ့
သူခေါ်ရာ ငါမလှမ်းနိုင်ဘု့
ငါ့လမ်းဟာ သည်တဖက်ရယ်လို့
သိလျက်နဲ့ ယောင်ချာချာ
မှောင်ကာလို့ ပိတ်မှေး။
ခါတနေ့တွင်ဖြင့်
အကွေ့ကို အမေလာ၍
ရွေပမာ နေဝါပေးကာပေါ့
မောင်ရွှင်လျှင် အမေအေးတယ်တဲ့
ပျံ့မွှေးစွာ ဖြေဖျော်လာတော့
ဖေဇော်မှာ အကွေ့နားဆီက
နေပျော်ကာ မရွေ့ရှားလိုဘု့
မြေပေါ်မှာ အမေ့သားရယ်လို့
ကြားခဲ့တယ်လေး။ ။
စာပေလောကစာအုပ်တိုက်၊ ဇွန်၊ ၁၉၉၈ ထုတ် ဇော်ဂျီ ကဗျာပေါင်းချုပ်ထဲမှာတော့ -
ငါ့လမ်းဟာ သည်တစ်ဖက်ရယ်လို့ နဲ့ ခါတစ်နေ့တွင်ဖြင့် လို့ (တ) နေရာတွေမှာ (တစ်) လို့ရိုက်နှိပ်ထားတာတွေ့ရပါတယ်။ ဆရာဇော်ဂျီ သတ်ပုံမှားတယ်လို့ ပြောလိုတာလား မသိပါ။ ကိုယ်ရေးတဲ့စာမှာ ကိုယ့်သတ်ပုံနဲ့ရေးတာ သိပ်မပြောလိုပါ။ တကယ့်အထင်ကရ လူတိုင်းက လေးစားအားထားရတဲ့ စာရေးဆရာ၊ ကဗျာဆရာတွေရဲ့စာတွေကို ကိုယ်ပိုင်သတ်ပုံနဲ့ ပြင်ရိုက်ကြတာ မသင့်လျှော်လို့ ထင်ပါတယ်။ ဆရာဇော်ဂျီထက်ပိုမှန်တဲ့ အဲဒီကဗျာဆရာ ဘယ်သူလဲ သိချင်ပါတယ်။
ဒေါက်တာတင့်ဆွေ
၁-၁၁-၂ဝ၁၆
၁-၁၁-၂ဝ၁၇
Comments
Post a Comment