V-C Injection ဗီစီ ထိုးဆေး

ဆရာရှင့် Facebook မှာ ယခုပုံပါ ထိုးဆေးကိုမျက်နှာများလိမ်းနေကြပါသည်။ သုံးသင့်မသုံးသင့် ဘယ်လို side effect များရှိနိုင်ပါသလဲဆရာ။ ပြည့်ပြည့်ဝဝမသိရှိတဲ့အတွက် ပြန်လည်ဗဟုသုတလည်း ဝေမျှချင်လို့ပါဆရာ။ ကျေးဇူးတင်ပါတယ်ဆရာ။

V-C Injection ဆိုတာ ၁ဝဝ% ဗီတာမင်စီထိုးဆေးလို့ ဆေးကုမ္ပဏီဝဘ်ဆိုက်မှာရေးထားတယ်။ အရေပြားလိမ်းလို့ ဘာမှစိုးရိမ်စရာမရှိလို့လည်းပါတယ်။ အရေပြားမှာ ဝက်ခြံ၊ အမာရွတ်၊ အစက်အပျောက်စတာကိုသက်သာစေမယ်တဲ့။ အဲတာ ဆေးရောင်းတဲ့ဆီကပြောတာဖြစ်တယ်။ ထိုင်းဘာသာနဲ့ https://www.youtube.com/watch?v=5jv74T8dwqY ယူကျုလည်းရှိတယ်။ အဲလိုလုပ်နည်းတွေဟာ ကြော်ငြာဆေးတိုင်းသုံးနေတဲ့နည်းနာတွေလို့သိကြပါ။ ဆေးအစစ်နဲ့ အတုရှိသတဲ့။ သူတို့ကရေးထားတာ။ အမေရိကားမှာတော့ အဲတာမျိုးမတွေ့ဖူးသေးပါ။

ဗီတာမင် (စီ) အကြောင်း ဆေးသုတေသနအရရေးထားတာရှိပါတယ်။ ကြော်ငြာဆေးအားကိုးလိုသူတွေက ဆက်ဖတ်ရန် မလိုပါ။

Vitamin C ဗီတာမင် (စီ) ဟာ Ascorbic Acid အက်စကောဗစ်အက်စစ်ဖြစ်တယ်။ အနာကျက်စေဘို့၊ နာတာရှည်ရောဂါ၊ အရိုး၊ သွား၊ သွားဖုံး၊ အရွတ်၊ သွေးကြောတွေ ကောင်းစေဘို့ပေးတယ်။ ခုခံအားအတွက်အသုံးကျတယ်။ မီးလောင်နာ၊ 100-500 mg daily ပေးတယ်။ စိမ်းသည့်အသီးအရွက်၊ ချဉ်တဲ့အသီးတွေနဲ့ အသီးအနှံတွေမှာပါတယ်။

နည်းရင် Scurvy စကာဗီရောဂါဖြစ်တယ်။ ပင်လယ်ခရီးသွားသင်္ဘောသားတွေ၊ ပင်လယ်ဓါးပြတွေမှာ အသီးအရွက် စိုစိုစိမ်းစိမ်းမစားရတာကြာလို့ ဖြစ်တယ်။ အဲတာကနေ စကာဗီရောဂါကို စသိလာရတာပါ။ စကာဗေရောဂါ သြစတေးလျမှာ မထင်မှတ်ဘဲ ပြန်တွေတယ်လို့ လွန်ခဲ့တဲ့ ၄ နာရီ လောက်က သတင်းတက်လာပါတယ်။ ဗီတာမင်စီမရှိရင် လူ့ကိုယ်ကနေ ကိုလာဂျင်ဆိုတာ မလုပ်နိုင်ဘူး။ ကိုလာဂျင်က အရေပြား၊ သွေးကြောတွေ။ အရိုးနဲ့ အရိုးနုတွေမှာ မရှိမဖြစ်ပါ။ သူကနေတွယ်ဆက်ပေးတာဖြစ်တယ်။

ဖြစ်ပုံက မအီမသာ ခံစားရတာ၊ မောနေမယ်။ အလုပ်ချင်မကိုင်ချင်ဖြစ်မယ်။ စားချင်စိတ်နည်းမယ်။ အသက်ရှူမဝဖြစ်မယ်။ ခြေထောက် အရေပြားမှာ အစက်အပျောက်လေးတွေ ပေါ်တယ်။ သွားဖုံးရောင်လာမယ်။ နေရာတချို့မှာ သွေးထွက်မယ်။ ကြာလာရင် အနာတွေဖြစ်မယ်။ ပြည်တည်နိုင်တယ်။ သွားတွေ ကျွတ်ထွက်မယ်။ အသားဝါဖြစ်မယ်။ ကိုယ်ပူမယ်။ အာရုံကြောတွေ ထုံမယ်။ သွေးယိုတာနဲ့ သေဆုံးနိုင်တယ်။

ကုသရာမှာ လတ်ဆတ်တဲ့ အသီးအနှံတွေစားစေရတယ်။ လိမ်မော်သီး။ သံပုရာသီး၊ ကမ္ဗလာသီး၊ ရှောက်သီးအမျိုးမျိုး၊ ဆီးဖြူသီး၊ စပျစ်သီး၊ ခရမ်းချဉ်သီး၊ ဆီးသီး စတာတွေမှာများတယ်။ အသားငါးတွေမှာလည်းပါတယ်။

ဗီတာမင် (စီ) ကို အအေးမိတာအတွက်လည်းပေးတာ တချို့သုတေသနက ထိရောက်တယ်ပြောတယ်။ အနာတွေ ကျက်တာကောင်းစေဘို့လည်း ပေးလေ့ရှိတယ်။ နှလုံး၊ သွေးကြောအတွက်လည်းကောင်းစေတယ်။ မျက်စိရေတိမ်၊ သည်းခြေအိတ်ရောဂါ၊ သွးအခေါင်းပေါက်တာ၊ ဝမ်းချုပ်တာ၊ ခုခံအားကောင်းစေဘို့ရာ၊ ပန်းနာ၊ လေပြွန်ရောင်တာ၊ ကင်ဆာ၊ အဆစ်နာ၊ ကလေးမရသေးတာ၊ ဆီးချို စတာတွေမှာလည်းပေလေ့ရှိတယ်။ အရက်ဖြတ်၊ ဆေးဖြတ်သူတွေအပြင် အသက်အိုစာတာနည်းစေဘို့ဆိုပြီးလည်း ပေးတယ်။ သွားဖုံးရောဂါ၊ အရေပြားအနာ၊ အရေပြားစိုပြေစေဘို့၊ HIV ပိုး ရှိနေတာ၊ လေနာ၊ ဝမ်းကိုက်၊ ဝက်ခြံ စတာတွေအတွက်လည်းပေးတယ်။ စိတ်ဓါတ်ကျနေသူတွေ၊ မှတ်ဥာဏ်နည်းသူ လူကြီးတွေ၊ ဥာဏ်ရည်နည်းတဲ့ ကလေးတွေကိုလည်းပေးတယ်။

ဗီတာမင် (စီ) ဆေးပြားမှာ 25 mg ကနေ 1500 mg အထိပါတယ်။ ဆေးကို လေလုံအောင်ထားရတယ်။ မဟုတ်ရင် ညိုသွားတယ်။

V-C Injection ဗီစီထိုးဆေး မေးတာကိုဖြေရရင် သုံးလို့ ဘေးထွက်သက်ရောက်မှု မရှိလောက်ပါ။ ထိရောက်မှု မသိပါ။ ပိုက်ဆံအိတ်တော့ထိမယ်။

ဒေါက်တာတင့်ဆွေ
၂၄-၁ဝ-၂ဝ၁၇