Pronunciation အသံထွက်
ဂိမ်းလို့သာရေးသင့်တယ်။ ဂိန်းလို့ နငယ်သံနဲ့ပြောရင် ရေးရင် ရယူသည်၊ အမြတ်လို့အဓိပ္ပါယ်ဖြစ်မယ်။ မှားသွားတယ်။
အင်္ဂလိပ်စာလုံးတွေကို မြန်မာလို့ပြောတာ ရေးတာတွေ ကြာလေများလေ။ အရင်ကတည်းက ကား၊ ရေဒီယို၊ မော်တာ၊ စတာတွေ။ ပန်ကာ၊ ဂေါ်ဖီ၊ အာလူးကတော့ အိန္ဒိယကလာတာ။ အခုတော့ စကားပြောတာ တရားဟောတာ ကပြားတွေ များလာတယ်။
ဆူပါမားကက်ကို စူပါမားကက်လို့ဆိုင်းဘုတ်ကအစ ရေးနေတာတွေ့တယ်။ ကျွန်တော် တိုင်းပြည်ကနေမထွက်ရခင်က ဆူပါကပ်ဆိုင်ကယ်ကို အသံထွက်တာမှန်ကြပါတယ်။ အခုတော့ စူနာမီ မှားတယ်။ စူပါမင်း မှားတယ်၊ စူပါပါဝါ၊ မှားတယ် စူပါမွန်း မှားတယ်။ နှုတ်ခမ်းစူသူတွေများလာတယ်။ မလှပါ။ မယဉ်ကျေးပါ။
ကျန်းမာရေးနဲ့ဆိုင်တာမှာ အသုံးလွဲနေတာတွေရှိတယ်။ တီဘီရောဂါကို တီဗွီလို့မှားကြတယ်။ ကွန်ဒွမ်လို့က ပိုသင့်တယ်။ ကွန်ဒုံးလုပ်နေကြတယ်။ အာထွာဆောင်းကို အာထွာစောင်းလို့မှားကြသူများတယ်။ ငါးတန်းလောက်ရောက်ရင် အင်္ဂလိပ်လို ဆောင်းဆိုတာ အသံလို့သိကြပြီ။ အသံလှိုင်းသုံးတဲ့ကရိယာဖြစ်ပါတယ်။
အင်္ဂလိပ်လို မပြောမဖြစ်တာတွေရှိတယ်။ မိုင် နိမ်း အစ့့် လို့ပြောတဲ့အခါ နိမ်းမှာ ပါးစပ်မပိတ်မိရင် မှားတယ်။ တိုင်းပြည် တံခါးပွင့်လာတော့ လူတကာနဲ့ကူးလူးဆက်ဆံရတော့ ဘိုစကားလည်း နည်းနည်းပါးပါး တီးခေါက်မိရတယ်။ တီးတာခေါက်တာက စည်းချက်ကျမှသာ နားထောင်ကောင်းတယ်။
ဒေါက်တာတင့်ဆွေ
၂၄-၁ဝ-၂ဝ၁၇
Comments
Post a Comment