The Moon in my Room ဝါးလုံးခေါင်းထဲမှာသာတဲ့လ

Tint Swe - ရေးတော့အမှန် ဖတ်တော့အသံ၊ အာဏာနဲ့တော့ ကပြောင်းကပြန်

Tin Lay - Nay Pyi Taw = နေပြည်တော

Thu Rein Tun Pku - Nay Pyi Daw မှ မှန်တယ်မို့လားဆရာ။ အခု Nay Pyi Taw နဲ့ပေါင်းနေကြတာ။ အသံထွက် အရဆိုရင် (နေပြည်ဒေါ်) လို့ပဲ ထွက်ကြတာပါ။ (နေပြည်တော်) လို့ ဘယ်သူမှမထွက်ကြပါဘူးနော်။

Tint Swe - ဘာသာစကားမတူတာကို အသံထွက်အမှန်အတိုင်းရေးဘို့ခက်တယ်။ မြန်မာစကားမှာ ရေးတော့အမှန် ဖတ်တော့အသံဆိုတာလဲရှိတယ်။ အင်္ဂလိပ်မှာလဲ နည်းနည်းရှိတယ်။ ဗြိတိသျှအင်္ဂလိပ်နဲ့ အမေရိကန်အင်္ဂလိပ်လဲ မတူတာတွေရှိတယ်။ သူ့နေရာနဲ့သူပေါ့။ ဒါပေမဲ့ အင်္ဂလိပ်လိုရေးရင် အင်္ဂလိပ်အစစ်တွေကထွက်တာကသာ အမှန်လို့ ယူဆရမယ်။ ဗမာအင်္ဂလိပ်ကသာမှန်တယ်လို့ ဇွတ်မငြင်းသင့်ပါ။

Phyu Habringer - သူ့ နိုင်ငံနဲ့သူ့ အသံထွက်ကျတာပါ (ဖိုနက်တစ်) သိရင်တော့ အနီးစပ်ဆုံးရေးနိုင်ထွက်နိုင်မှာပါ၊ ဥပမာ ပြိုင်ကားမောင်းသမားဂျာမန်လူမျိုး Schumacher ကို မြန်မာ့သတင်းဌာနက (ရှုးမေကာ) လို့ပြောကြပါတယ် အမှန်က (ရှုးမာ့ခါ) ပါ။ ဘိနပ်ချုပ်သမားလို့ အဓိပ္ပါယ်ရပါတယ်။ နောက် Lichtenstein ဆိုတဲ့ (လိခ်ျတန်းစတိန်း) လို့ ပြောသူက ပြောပါတယ် အမှန်က (လစ်ခ်ျတန်းရှတိုင်း) ပါ။ Burma ကို ဂျာမန်တွေက (ဘူရ်မား) ဘဲထွက်ပါတယ်။

Tint Swe - ၁၉၈၈ အရေးအခင်းကြီးအပြီး စစ်တပ်ကအာဏာသိမ်းတော့ ထွက်ပြေးကြရတဲ့ ကျောင်းသားတွေ အိန္ဒိယနိုင်ငံနယ်စပ်မှာ ခိုလှုံကြတယ်။ အိန္ဒိယကအားပေးတယ်။ ကြိုဆိုတယ်။ ကြိုဆိုပွဲတခုမှာ မြန်မာ့သမိုင်းကိုသိထားတဲ့ ခေါင်းဆောင်တဦးကနေပြောတာထဲမှာ (ယူနု၊ သာခင်) လို့ပြောတာကို မြန်မာ ကျောင်းသားတွေက နာမလည်နိုင်ကြဘူး။ “ဟာ မင်းတို့က နိုင်ငံရေးလုပ်မှာ၊ ကိုယ့်နိုင်ငံက ဝန်ကြီးချုပ် နာမည်တောင်မှ မသိကြဘူးလား” တဲ့။ (သခင် ဦးနု) ကို စာအုပ်တွေမှာ (ဆာနိမ်း) ကို ခွဲထားတဲ့စနစ်ရှိတော့ (ဦးနု၊ သခင်) လို့ ရေးထားတာကို (ယူနု၊ သာခင်) လို့ ဖတ်တာပါ။

Phyu Habringer - ဟားဟားဟုတ်တယ်ဆရာ U ကို အူလို့ အင်္ဂလိပ်ကလွဲပြီး ဥရောပနိုင်ငံ အတ်ာတော်များများက ထွက်တယ် ဥပမာ ရေငုတ်သင်္ဘော Uboat ကို ဂျာမန် က (အူးဘုတ်) လို့ ထွက်တယ် မြေအောက်ရထား ကို Ubahn (အူးဘန်း) လို့ ထွက်တယ် အဲဒါကြောင့် ဦးနုကို ဒီကလူတွေ အမှန်ထွက်နိုင်ပေမဲ့ အင်္ဂလိပ်က (ယူ) ဘဲထွက်တော့ မှားကုန်တာ။

Tint Swe - (ဗိုလ်ချုပ်ကြီး) ကနေ (ဦး) လို့ပြောင်းတာဆိုတော့ (ယူသန်းရွှေ)၊ (ယူသိန်းစိန်)၊ (ယူရွှေမန်း)၊ (ယူတင်အေး)၊ အကုန်ယူနေကြတယ်။

ပြည်ပမှာ လုပ်ဖေါ်ကိုင်ဖက် ဦးသာနိုးဆိုတာရှိတယ်။ ခရီးတခုထွက်တော့ Mr. Tha No E (မစ္စတာ သာနိုးအီး) လို့ ခေါ်ခံရတယ်။ မြန်မာအင်္ဂလိပ်မှာ No ဆိုရင် (နိုး) ဖြစ်ပြီးသားကို E ထည့်တော့ အပိုတလုံးဖြစ်သွားရော။

ကျွန်တော့် နာမည် (ဆွေ) ကိုလဲ မှန်အောင် အင်္ဂလိပ်လို စာလုံးပေါင်းမရပါ။ မြေးမလေး (တာရာ) ကို Taya လို့ပေါင်းတော့ (တေယာ) လို့ အသံထွက်ကြတယ်။ ကနေ့ခတ်မှာ ကျွန်တော်တို့ လူမျိုးတွေ အပြင်ကိုထွက်ကြရတာ သိပ်များလာတော့ နာမည်မှည့်တာကို အင်္ဂလိပ်လိုပေါင်းရတာ မခက်တာကို ရွေးသင့်ကြပြီလို့ ထင်ပါတယ်။

ကနေ့ မြန်မာ-အင်္ဂလိပ်စာဟာ “ဝါးလုံးခေါင်းထဲမှာသာနေတဲ့လ” လိုပဲ။

ဒေါက်တာတင့်ဆွေ

၁၆-၁၂-၂ဝ၁၄