Friday, December 19, 2014

Rheumatoid arthritis ရူမက်တွိုက် အဆစ်နာ

ခြေ-လက် အဆစ်သေးတွေမှာဖြစ်တယ်။ သုံးရဖန်များလို့ဖြစ်ရတဲ့ osteoarthritis မတူပါ။ ဒီအဆစ်နာမှာ အဆစ်ဖုံးတွေကို ထိခိုက်ပြီး အရိုးထဲ ထိစားနေတယ်။ Autoimmune disorder (အော်တိုအင်မြူး) ရောဂါဖြစ်တယ်။ ခုခံအား ကမောက်ကမ ဖြစ်တာပါ။ အရေပြား၊ မျက်စိ၊ အဆုပ်နဲ့ သွေးကြောတွေကိုလဲထိခိုက်နိုင်တယ်။ အရွယ်မရွေးဖြစ်နိုင်ပေမဲ့ အများအားဖြင့် အသက် ၄ဝ မှာစဖြစ်တယ်။ အမျိုးသမီးတွေမှာ ပိုဖြစ်တယ်။ မိသားစုထဲမှာ တယောက်မကဖြစ်တတ်တယ်။ မျိုးဗီဇ လိုက်သလားယူဆရတယ်။ ပါတ်ဝန်းကျင်ကိုလဲအပြစ်ရှာနိုင်တယ်။ ပိုးအမွှာတွေကနေဖြစ်သလား ထင်ရတယ်။

ဖြစ်တဲ့အဆစ်တွေ နာမယ်။ ပူမယ်။ ရောင်မယ်။ မနက်ခင်းမှာ အဆစ်တွေတင်းနေမယ်။ rheumatoid nodules လက် အရေပြားပေါ်မှာ တင်းမာနေတဲ့အဖုအကျိတ်တွေတွေ့နိုင်တယ်။ အားယုတ်နေမယ်။ ပိန်လာမယ်။ လက်ချောင်းတွေနဲ့ ခြေမမှာ စတာများတယ်။ ကြာလာရင် လက်ကောက်ဝတ်၊ ဒူး၊ တံတောင်ဆစ်၊ တင်ပါဆုံအဆစ်၊ ပခုံးတွေ ဆက် ဖြစ်လာနိုင်တယ်။ ဘယ်ညာ နှစ်ဖက်လုံးမှာဖြစ်နိုင်တယ်။ ဖြစ်လိုက် ပျောက်လိုက်နေမယ်။ ကြာတော့ အဆစ်တွေ ပုံပန်း ပြောင်းလာမယ်။

ရောဂါပြီးစနစ်ကမောက်ကမဖြစ်ရင် ကိုယ့် (တစ်ရှူး) တွေကိုပြန်တိုက်ခိုက်တယ်။ အဆစ်က synovium နေရာကို ထိခိုက်တယ်။ အရိုးနုနဲ့ အရိုးမာတွေပျက်စီးမယ်။ ဆက်စပ်နေတဲ့ အရွတ်ချောင်းတွေအားနည်းလာမယ်။ ပုံပန်းပါ ပြောင်းလာမယ်။

Rheumatoid arthritis ရောဂါရှိနေသူတွေမှာ Osteoporosis အရိုးရောဂါပိုဖြစ်နိုင်တယ်။ Carpal tunnel syndrome လဲဖြစ်နိုင်တယ်။ နှလုံးနဲ့ အဆုပ်ကိုလဲထိုခိုက်လာနိုင်တယ်။

သွေးစစ်ရင် ESR များနေမယ်။ ရောင်ရမ်းဖြစ်စဉ်ရှိနေတာကိုပြတယ်။ rheumatoid factor နဲ့ anti-cyclic citrullinate d peptide (anti-CCP) antibodies အင်တီဘော်ဒီစစ်ဆေးတာတွေလဲလုပ်မယ်။ X-rays ဓါတ်မှန်ရိုက်မယ်။

ဆေးကုရင် ပျောက်ကင်းသွားမယ်လို့ အာမမခံနိုင်ပါ။ နာတာသက်သာစေမယ်။ အဆစ်တွေပျက်စီးတာနည်းစေမယ်။
Occupational and physical therapy ရုပ်ပိုင်းကုသနည်းလုပ်ပေးနိုင်တယ်။

Medications ဆေးပေးမယ်။
• Nonsteroidal anti-inflammatory drugs (NSAIDs) အနာ-အရောင် သက်သားဆေးတွေ ပေးရတယ်။ ibuprofen (Advil, Motrin IB) နဲ့ naproxen sodium (Aleve) တွေအသုံးများတယ်။ ပိုပြင်တာတွေလဲပေးနိုင်တယ်။ ဘေးထွက်တိုးကျိုးတွေကိုကြည့်ရတယ်။
• Corticosteroid ကော်တီကိုစတီရွိုက်ဆေးလဲသုံးတယ်။ စနစ်တကျသာသုံးရတယ်။ တာရှည်သုံးရင် အရိုးပါးမယ်။ လူကဝလာမယ်။ ဆီးချိုသတိထားရတယ်။
• Disease-modifying antirheumatic drugs (DMARDs) ဆေးအမျိုးအစားတွေလဲသုံးတယ်။ methotrexate (Trexall), leflunomide (Arava), hydroxychloroquine (Plaquenil) နဲ့ sulfasalazine (Azulfidine) တွေဖြစ်တယ်။
• Biologic agents ဆေးအမျိုးအစားလဲရှိတယ်။ abatacept (Orencia), adalimumab (Humira), anakinra (Kineret), certolizumab (Cimzia), etanercept (Enbrel), golimumab (Simponi), infliximab (Remicade), rituximab (Rituxan) နဲ့ tocilizumab (Actemra) တွေဖြစ်တယ်။ Tofacitinib (Xeljanz) ကဆေးအသစ်ဖြစ်တယ်။

Surgery လိုအပ်ရင် ခွဲစိတ်ကုသမှုလုပ်ရတယ်။ Total joint replacement အဆစ်အသစ်လဲနည်း၊ Tendon repair အရွတ်ချောင်းပြင်နည်းနဲ့ Joint fusion အဆစ်ခွဲစိတ်နည်းတွေရှိတယ်။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.

ဆိုရှယ်လစ်ခေတ်၏ ကောင်းကွက်ကိုရှာခြင်း

လုပ်သားပြည်သူနှင့် ဦးကြီးဟု အခေါ်ခံရသူများ၏ စကားဝိုင်းမှာ ပြောကြတယ်။ လုပ်သားပြည်သူ- အဲဒါ ငစိန်နဲ့ မီးဒုန်းခေတ် ဦးကြီး - ဆန်တပြည် ၆၅ ပြ...