Thursday, December 25, 2014

Carbamazepine ဆေး

(၁) ဆရာရှင့် ကျမရိုသေစွါဖြင့်မေးပါရစေ။ ကျမ လက်မလက်ညိုး နှင့် လက်ချောင်းလေးတွေမှာ မကြာမကြာ ငါးမျက်စိ သေးသေးလေးတွေ ထွက်ထွက်လာတယ်။ ဘာဓါတ်ချို့ယွင်းလို့ပါလဲသိပါရစေရှင့်။ ကျမ protinet အားဆေးတော့ သောက်တယ်။ carbamazepine 200mg ကိုတော့ နေ့တိုင်းသောက်ပါတယ်။ ခေါင်းမှာ ဒဏ်ရာအမာရွတ်ကြောင့်ပါ။ နောက်တခုကတော့ မရိုမသေကန်တော့ပါ၊ ကျမမိန်းမကိုယ် အပြင်ဘက်ကလဲ အမြဲတမ်းလိုလို ယားတတ်တယ်။ အများအားဖြင့် ပင်လယ်စာစားရင်တော့ ပိုယားပါတယ်။ ဆရာဝန်ပြတော့ Getalene C လိမ်းဆေးကို လိမ်းခိုင်းပါတယ်။ cetrizine 1/2 ကို သောက် ခိုင်းပေမဲ့ လုံးလုံးမပျောက်ပါဘူး။ ပြန်ပြန်ဖြစ်တာပဲ။ အတွင်းခံတွေကိုလဲ သေချာနေပူလှန်းပြီး မီးပူတိုက်ပါတယ်။

Carbamazepine ဆေးက ဆေးမတည့်တာ ဆိုးဆိုးဝါးဝါးဖြစ်စေနိုင်တယ်။ Stevens-Johnson syndrome (SJS) or toxic epidermal necrolysis (TEN) ဖြစ်စေနိုင်တယ်။ လူတိုင်းတော့မဟုတ်ပါ။ ပြောပြချက်တွေအရ (အလာဂျီ) မတည့်တာ ဖြစ်နေတယ်။

Cetrizine ဆေးကို တည ၁ ပြားသောက်သင့်တယ်။ နာတာရှည်ယားယံနေတာကလဲ အဲဒီကနေ ဆက်ဖြစ်တယ်။ နှင်းကူနာဆေးတွေကို သုံးရတယ်။ ဆေးတွေမှာ (ကော်တီဇုန်း) ပါမယ်။ ရေရှည်တော့ မသုံးရပါ။ သုံးလိုက် နားလိုက် လုပ်ရတယ်။ ဆေးလိမ်းတုံးမှာ သက်သာသွားမယ်။ ပြန်ဖြစ်ရင် ပြန်လိမ်းနိုင်တယ်။ မတည့်တာကို မရှောင်ရင် ပြန်ဖြစ်တယ်။ ဘာမတည့်သလဲဆိုတာ အရှာရခက်တတ်တယ်။

Carbamazepine ဆေးကို ဝက်ရူးပြန်လို့အရပ်ခေါ် အတတ်ကရောဂါအတွက်အများဆုံးသုံးတယ်။ Trigeminal neuralgia ခေါ်တဲ့ မျက်နှာအာရုံကြောနာတာအတွက်လဲပေးတယ်။ Mania စိတ်ရောဂါအတွက်လဲသုံးတယ်။ mania and depression စိတ်တက်လိုက်ကျလိုက်ဖြစ်တာမှာလဲပေးနိုင်တယ်။ Depression စိတ်ကျရောဂါ၊ posttraumatic stress disorder ထိခိုက်ဒဏ်ရာရပြီး စိတ်ဖိအားများလွန်းတာ၊ အရက်ဖြတ်တာ၊ ခြေမငြိမ်တာ၊ diabetes insipidus ဆီးချိုရောဂါတမျိုး အတွက်တွေမှာလဲ သုံးပါသေးတယ်။

ဘေးထွက်-ဆိုးကျိုးတွေ = အိပ်ချင်မယ်၊ ခေါင်းမူးမယ်၊ ပျို့မယ်၊ အန်မယ်၊ ခေါင်းကိုက်မယ်၊ စိုးရိမ်စိတ်ဖြစ်မယ်၊ မှတ်ဥာဏ်ထိခိုက်မယ်၊ ဝမ်းမမှန်ဖြစ်မယ်၊ ရင်ပူမယ်၊ အာခေါင်ြောခက်မယ်၊ ခါးနာမယ်။

Carbatrol, Epitol, Equetro, Tegretol, Tegretol, Teril Suspension နာမည်တွေနဲ့ရောင်းတယ်။

Eczema နှင်းခူနာ http://doctortintswe.blogspot.com/2014/12/eczema.html ကို တွဲဖတ်ပါ။

Dr. တင့်ဆွေ

No comments:

Post a Comment

Note: Only a member of this blog may post a comment.

အရွက် နှင့် အပွင့်

အရွက်တွေသာ ရှိစဉ်က အတူတူ အစိမ်းရောင်သာ။ ပွင့်လာတော့ အရောင်အမျိုးမျိုး။ အဲလိုပါပဲ။ ကိုယ့်သားသမီးတွေ၊ ကိုယ်စာသင်ပေးလိုက်တဲ့ ကျောင်းသူကျောင...