Hearing problem နားတစ်ဖက် မကြားရတော့လို့ပါ

သမီးက အသက်၂၄ ပါ။ နားတစ်ဖက် မကြားရတော့လို့ပါ။ လွန်ခဲ့တဲ့ ၆ လ လောက်တုန်းက ဖြစ်ခဲ့တာပါ။ အလုပ်မှာ တနေ့လုံး အကောင်းပါ။ ညကျတာ့ ရင်ဘက်အောင့်တယ် ဆိုပြီး အိပ်ပြန်ပါတယ်။ မနက်လည်းထရော ဘယ်လိုမှ ထလို့ မရတော့ပါဘူး။ တစ်ဖက်မှတစ်ဖက်သို့ လည်းစောင်းလို့ မရတော့ပါဘူး။ ဆရာဝန် ခေါ်ပြီး အိမ်မှာပြပါတယ်။ ဒါပေမယ့် မသက်သာပါ။ ၃ ရက် ၄ ရက် လောက်နေမှ အာရုံကြော အထူးကု ဆရာဝန်နှင့် ပြဖြစ်ပါတယ်။ အာရုံကြော အားနည်းတာလို့ ပြောပါတယ်။

ဆေးထိုးပြီးတော့ နဲနဲသက်သာပါတယ်။ ၄ ရက် ၅ ရက်နေတော့ သက်သာ သွားပါတယ်။ ဒါပေမယ့် ခေါင်းကတော့ ရေးရေးလေး မူးနေတုန်းပါ။ ကြာတော့ ခေါင်းမူးတာပျောက်ပြီး နားထဲက လေထွက်သလိုလို ဖြစ်လာပါတော့တယ်။ ၁ ပတ်ကြာတော့လည်း နားကလေထွက်နေတုန်းပါပဲ။ နားတစ်ဖက်က မကြားတော့ပါဘူး။ အာရုံကြောဆရာနဲ့ ထပ်ပြတော့လည်း အာရုံကြောကြောင့် ဖြစ်တာပါတဲ့ သောက်ဆေး ရက် ၂ဝ စာ ပြန်ပေးပါတယ်။ သောက်ပြီးတော့လည်း မသက်သာဘူး ဖြစ်နေတယ်။ နားဆရာဝန်နဲ့ ပြဖြစ်ပါသေးတယ်။ နားထဲမှာလည်း ဘာမှမရှိဘူးတဲ့ နားကိုရှာတော့လည်း ဘာမှတွေ့ဘူးလို့ ပြောပါတယ်။ နားတစ်ဖက်မကြားတာ ၅ လလောက်တောင် ရှိနေပါပြီ။ ပြန်ကောင်း လာပါ့မလား။ အာရုံကြောဆရာနဲ့ပဲ ထပ်ပြရမလား။ နားကြားကိရိယာ တပ်ရတော့မလား။ သမီးက လေဆိပ်မှာ လုပ်တာပါ။ နားတစ်ဖက်မကြားတော့ သမီးမှာ နဲနဲတော့ အခတ်အခဲ ဖြစ်ရပါတယ်။

Acquired Hearing Loss အရင်က နားကောင်းပြီး နောက်မှ နားလေးရစေတဲ့ အကြောင်းတွေ -
အသက်အရွယ်၊ ကျားမ မရွေး ဖြစ်နိုင်တယ်။ ပြန်ကောင်းနိုင်တာရော မကောင်းနိုင်တော့တာပါ ဖြစ်နိုင်တယ်။
၁။ Infections ရောဂါပိုးကြောင့်၊ Viral ဗိုင်းရပ်စ် နဲ့ bacterial ဗက်တီးရီးယးကြောင့် Encephalitis ဦးနှောက်ရောင်တာ၊ Chicken pox ရေကြောက်၊ Measles ဝက်သက်၊ Mumps ပသိရောင်၊ Meningitis ဦးနှောက်မြှေးရောင်၊ Syphilis ဆစ်ဖလစ် စတာတွေကနေ ဖြစ်စေနိုင်တယ်။
၂။ Trauma ထိခိုက်မိတာ၊ Head injury ဦးခေါင်းထိခိုက်တာ၊ နားအကြားနဲ့ဆိုင်တဲ့ ခေါင်းထဲကနေရာမှာ ထိခိုက်ရာကနေ ဖြစ်စေနိုင်တယ်။
၃။ Medication ဆေးဝါးတွေကြောင့်၊ Salicylates (Aspirin), NSAID အကိုက်အခဲပျောက်ဆေးတွေ၊ Antibiotics (Aminoglycosides, Erythromycin, Vancomycin) ပဋိဇီဝဆေးတွေ၊ Diuretics ဆီးသွားစေတဲ့ဆေးတွေ၊ Chemotherapy agents ကင်ဆာဆေး၊ Quinine ငှက်ဖျားဆေးတွေ ကနေ ဖြစ်စေနိုင်တယ်။
၎။ Noise ဆူညံသံတွေကြောင့်ဖြစ်ရင် ရုတ်တရက် မဟုတ်ဘဲ တိုးတိုး ဆိုးဆိုးလာတယ်။
၅။ Age အသက်ကြီးလို့ ဖြစ်တယ်၊
၆။ Others တခြား အကြောင်းတွေကြောင့်၊ Acoustic nerve Tumour အကြားအာရုံကြော အကျိတ်၊ Otosclerosis အရိုးမာရောဂါ၊

• Conductive Hearing Loss အသံလှိုင်း သယ်ပို့စနစ်မှာ ချို့ယွင်ပြီး နားမကောင်းတာမျိုးက ပြန်ကောင်းနိုင်တယ်။
• Sensorineural Hearing Loss အကြားအာရုံကြောကြောင့် နားမကောင်းတာမျိုးက ပြန်မကောင်းနိုင်ပါ။ ဥပမာ အတွင်းနားမှာရှိတဲ့ Cochlea, Hair cells နဲ့ Nerve cells တွေမှာ ဖြစ်တာမျိုး။ ဒါမျိုးက မွေးရာရော နောက်မှ ဖြစ်တာပါ ရှိတယ်။ ဖြစ်ရင် Hearing devices နဲ့ Implants ကရိယာ သုံးနိုင်တယ်။

မေးတဲ့သူက နား-အာရုံကြော ဆရာဝန်တွေကို ပြထားတာမို့ ကောင်းပါတယ်။ ဆရာပြောတာက အထောက်အကူသာ ဖြစ်ပါမယ်။

Dr. တင့်ဆွေ