Friday, December 26, 2014

Next pregnancy နောက်ကိုယ်ဝန် ယူချင်သူများ

မင်္ဂလာပါဒေါက်တာရှင့် သမီးနံမည့့် ဖြစ်ပါတယ်ရှင့်၊ အခုအသက်က (၃၃)နှစ်ထဲမှာပါ။ ဟိုအရင် ဆရာကို မေးဖူးပါတယ်ရှင့်။ အဲ့တုန်းက သမီးသပျစ်သီးသန္ဓေလဲဖြစ်ခဲ့ပါတယ်။ သားအိမ်လဲခြစ်ခဲ့ပါတယ်။ အခု ကိုယ်ဝန်ဆောင်ပြီး ကလေးဗိုက်ခွဲမွေးထားပါတယ်။ ကလေးက (၆)လထဲမှာပါ။ ကလေးဗိုက်ခွဲမွေးပြီး ဘယ်နှစ်လကြာ ကိုယ်ဝန်ပြန်ဆောင်လို့ ရပါသလဲရှင့်။ အကယ်၍ ကလေး (၆) လထဲမှာ ကိုယ်ဝန်ရှိခဲ့မယ်ဆိုရင် ဘယ်လိုလုပ်ရပါမလဲရှင့်။

• ကလေးဗိုက်ခွဲမွေးပြီး ဘယ်တော့မှာ နောက်ကိုယ်ဝန်ဆောင်သင့်သလဲ၊ ယေဘုယျပြောရရင် ၁၈-၂၃ လလို့ ဆိုနိုင်ပါတယ်။ ဒီလိုကာလကို ရိုးရိုးမွေးလမ်းကနေမွေးထားသူတွေအတွက်လဲ မှန်ပါတယ်။
• ကြာလှချေလားထင်နိုင်ပါတယ်။ အစအစ အသားကျအောင်၊ ကိုယ်ခန္ဓာကလဲ အဆင်သင့်ဖြစ်အောင် စောင့်စေချင်တာပါ။ အဲဒီစောင့်စေချင်တာထဲမှာ သွေးအားမနည်းစေချင်တာက ထိပ်ကပါ။ ဗိုက်ခွဲမွေးရသူတွေဟာ ရိုးရိးမွေးသူတွေထက် သွေးထွက်တာ နှစ်ဆရှိတယ်။
• လေ့လာမှုတွေအရ ပဌမကိုယ်ဝန်နဲ့ နောက်ကိုယ်ဝန် ၆ လသာခြာသူတွေမှာ မွေးဖွါးခြင်းဆိုင်ရာ ပြဿနာတွေ ပိုများတာ တွေရတယ်။ သားအိမ်ကွဲတာ၊ စောမွေးတာ၊ ကလေးသေးတာ။
• လူမှုရေးဘက်ကတွက်ရင်လဲ ကလေးပြုစုဘို့ ပိုများလာတာ၊ အလုပ်အကိုင်၊ ငွေကြေး၊ မိခင်ကအသက်ရလာတာ၊ စိတ်ပိုင်း စတာတွေကိုလဲ ထည့်တွက်သင့်ပါသေးတယ်။
• ဒါပေမဲ့ ပြောထားတဲ့ ၁၈ လထက်စောပြီး နောက်ကိုယ်ဝန်ရှိတယ်ဆိုရင် နည်းနည်းလေးမှ စိတ်မပျက်ပါနဲ့။
• တချို့လင်မယားတွေမှာ အသက်အရွယ်အရ သိပ်မကြီးကြခင် ကလေးတွေမွေးထားချင်ကြပါမယ်။ ရပါတယ်။ အနည်းဆုံး ၁၂ လအထိစောင့်နိုင်ရင် ပိုသင့်ပါမယ်။ အသက် ၃၅ နှစ်ကျော်လာရင် ကိုယ်ဝန်ရဘို့ ခက်လာသူတွေ ရှိတယ်။ တယောက်နဲ့တယောက်တော့ အတော်ကို မတူကြပါ။
• WHO ကနေအကြံပြုချက်ကတော့ ၂ နှစ် ဖြစ်ပါတယ်။ ဒါကလဲ အရင်ကလေးကို ခွဲမွေးတာ ဟုတ်ဟုတ်-မဟုတ်ဟုတ်အတွက် သတ်မှတ်ချက်ပါဘဲ။ တချို့အစိုးရတွေက ၃ နှစ်အထိခြာဘို့ အကြံပြုထားတယ်။
• ကလေးတွေ ၂ နှစ်ကြီး၊ ၂ နှစ်ငယ်တာက စံပြပုံစံလို့ပြောနိုင်တယ်။
• အိန္ဒိယမှာ ၈% သောကိုယ်ဝန်ဆောင်တွေက ဗိုက်ခွဲမွေးနေတယ်။ ဗိုက်ခွဲမွေးတယ်ဆိုတာ အကြီးစား ခွဲစိတ်ကုသမှု ဖြစ်ပါတယ်။ ခွဲပြီးနာနေမယ်။ အားတွေကုန်ခမ်းသလိုနေမယ်။ ရင်းစားရအောင် အချိန်ယူမယ်။ အဲတာမှာ တယောက်နဲ့ တယောက် မတူကြပြန်ပါ။ ကလေးတယောက်နဲ့တယောက်ကြား ခြာနိုင်လေလေ သင့်လေလေ ဖြစ်တယ်။ အိန္ဒိယမှာလဲ ဆရာဝန်တွေက ၁၈ လ စောင့်စေချင်တယ်။
• ဗိုက်ခွဲမွေးပေးတဲ့အခါ ဆီးစပ်နေရာမှာ ဒေါက်လိုက်ဖြစ်ဖြစ် (ဘီကီနီ ကတ်) ကန့်လန့့် ဖြစ်ဖြစ် ခွဲတယ်။ အထဲရောက်ရင် သားအိမ်ကို အားလုံးလောက်ကို ကန့်လန့်သာခွဲမွေးပေးတယ်။ အဲဒီခွဲတာတွေကို ပြန်ချုပ်သမမှ ၃ လနေရင် နရိုလို ပြန်ဖြစ်ပါပြီ။ကြာလေလေ ခိုင်မာ၊ ခိုင်မြဲလေလေဖြစ်တယ်။ ကောင်းကောင်းခိုင်မြဲနေတာကြာလေလေ၊ နောက်တခါ ခွဲစိတ်ရရင် နောက်ဆက်တွဲနည်းလေလေဖြစ်ပါမယ်။
• နောက်ခါမှာ ရိုးရိုးမွေးလ်း (ဗဂျိုင်းနား) ကနေမွေးတာကို Vaginal birth or VBAC (ဘီးဘက်) လို့ခေါ်တယ်။
• သုတေသန သိပ်မစုံလှသေးပေမဲ့ ၁၈ လထက်စောမွေးရသူတွေမှာ အောင်မြင်မှုနှုန်း ၇၉% နဲ့ ၁၈ လစောင့်ပြီး နောက်ကလေးမွေးသူတွေမှာ အောင်မြင်မှုနှုန်းက ၈၆% ရှိတာတွေ့ရတယ်။
• နောက်တယောက်ကို သိပ်မခြာဘဲမွေးသူတွေမှာ နောက်သတိထားစရာတခုက အချင်းအောက်ပိုင်းမှာနေတာ (အချင်းရှေ့ရောက်) ပိုဖြစ်တာတွေ့ရတယ်။ ဖတ်တာနဲ့ ကြောက်စရာလို့ မထင်စေချင်ပါ။ အချင်းကွာနိုင်တာက အလွန်ဖြစ်ခဲပါတယ်။
• နိဂုံးချုပ်လိုက်ရင် နောက်ကလေးတယောက် ဘယ်တော့လောက် ထပ်မွေးသင့်သလဲ ဆရာဝန်တွေက တိတိကျကျ မပြောနိုင်ပါ။ ၁၈-၂၃ လ စောင့်တာအကောင်းဆုံးဖြစ်ပါတယ်။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.

Djenkol bean တညင်းသီးကျန်းမာရေး

၁။ တညင်းသီးက ကျောက်ကပ်ကို ထိခိုက်ပျက်စီးစေတယ်ဆိုတာ ဟုတ်ပါသလား ဆရာ ၂။ ဆရာကခင်ဗျာ၊ တညင်းသီးက လူခန္ဓာကိုယ်အတွက် အကျိုးပြုပါသလားခင်ဗျာ ကျန...