Pneumococcal Polysaccharide Vaccine နူမိုကော်ကယ် ကာကွယ်ဆေး

ကနေ့ ကာကွယ်ဆေးသွားထိုးကြတယ်။ Pneumococcal polysaccharide vaccine (PPSV23) လို့ခေါ်တယ်။ အသက် ၆၅ နှစ်ပြည့်သူတိုင်း တနှစ်တခါထိုးကြရတယ်။ ကျွန်တော်နဲ့ဇနီးတို့ ဂရင်းကတ်ခေါ် အမြဲတမ်းနေထိုင်ခွင့် ကတ်ရဘို့ ထိုးခဲ့တာ တနှစ်ပြည့်သွားပြီ။ 

PPV23 နဲ့ PCV 13 လို့ နှစ်မျိုးရှိတယ်။ Pneumococcal disease နူမိုကော်ကယ်ရောဂါကို ကာကွယ်တယ်။ နူမိုကော်ကယ် ဗက်တီးရီးယားကနေ နားပိုးဝင်တာ၊ အဆုပ်ပိုးဝင်တာ၊ သွေးထဲပိုးဝင်တာ၊ ဦးနှောက်နဲ့ အာရုံကြောပိုးဝင်တာ၊ စတာတွေကို ဖြစ်စေနိုင်တယ်။ အသက်အရွယ်မရွေးမှာ ဒီပိုးဝင်ခံရနိုင်တယ်။ PPSV23 လို့ခေါ်တာက ပိုးအမျိုးကွဲပေါင်း ၂၃ ခုကို ကာကွယ်ပေးလို့ ဖြစ်တယ်။ 

PCV13 (Prevnar 13) vaccine ကာကွယ်ဆေး

နူမိုကော်ကယ်ဗက်တီးယား အမျိုးကွဲပေါင်း (၉ဝ) ကျော်ရှိတယ်။ ဒီကာကွယ်ဆေးက ၁၃ မျိုးကိုကာကွယ်မယ်။

ကလေးတွေ အသက် ၂-၄-၆ လနဲ့ ၁၂-၁၅ လတွေမှာထိုးတယ်။ အသက်ကြီးကလေးတွေလည်း ထိုးနိုင်တယ်။ PCV7 (Prevnar) ကာကွယ်ဆေးနဲ့ (DTaP) ထိုးထားသူတွေက ဒီ PCV13 ကာကွယ်ဆေးမလိုကြပါ။

အသက် ၂ နှစ်ကျော်သူတွေမှာ ကျန်းမာရေးမကောင်းသူတွေ၊ ခုခံအားမကောင်းသူတွေဆိုရင် ထိုးပေးပါတယ်။ အသက် ၁၉ နှစ်ကျော်လို့ ဆေးလိပ်သောက်များသူတွေနဲ့ ပန်းနာရှိသူတွေကိုလည်း ထိုးပေးတယ်။ ကာကွယ်ဆေးကို အများအားဖြင့် တကြိမ်တည်းသာလိုတယ်။ အသက် ၆၅ နှစ်ကျော်သူတွေ အရင်ကထိုးခဲ့လည်း ထပ်ထိုးစေတယ်။ ကိုယ်ဝန်ဆောင်တွေလည်း ထိုးနိုင်တယ်။ ဖြစ်နိုင်ရင် မွေးပြီးမှသာထိုးတယ်။

ကာကွယ်ဆေးကို 0.5 mL subcutaneously or intramuscularly ထိုးတယ်။ ဆေးထိုးပြီး ၂-၃ ပတ်ဆိုရင် ကာကွယ်မှုရမယ်။ ဆေးထိုးတာ မနာပါ။ နည်းနည်းသာနီရဲတယ်။ ဖျားနာတာ ၁% မရှိပါ။

အမေရိကမှာ နှစ်စဉ် လူပေါင်း တသောင်းရှစ်ထောင်က ဒီပိုးကူးစက်လို့ သေဆုံးနေကြရတယ်။ ပိုးဝင်တာသိရင် ပင်နယ်စလင်ဆေးနဲ့ ကုသလို့ရပါတယ်။

အခုစာရေးနေချိန် ဆေးအရှိတ်တက်လာပြီ။ ဖျားချင်သလိုလိုဖြစ်နေတယ်။ ဆေးထိုးတဲ့နေရာကလည်း နာလာပြီ။ အိုက်ဘူပရိုဖင် တပြားတော့ သောက်ရမယ်။ 

ဒေါက်တာတင့်ဆွေ

၂ဝ-၁ဝ-၂ဝ၁၇