Asthma inhaler during pregnancy ကိုယ်ဝန်နဲ့ ပန်းနာဆေးများ

ကျွန်မအသက် ၂၉ နှစ်ပါရှင်။ သားဦးကိုယ်ဝန်ဆောင်ပါ။ ၂၅ ပတ်နှင့် ၄ ရက်ရှိပါပြီ။ ရင်ကြပ်ရောဂါရှိပါတယ်ဆရာ။ ရာသီဥတုအကူးအပြောင်းဆိုပိုဆိုးပါတယ်ဆရာ။ ကိုယ်ဝန်စရှိစတုန်းကတော့ ရင်မကြပ်ပါဘူးဆရာ။ ကိုယ်ဝန် ၄ လ နောက်ပိုင်းကစပြီး ရင်ကြပ်ပါတယ်။ အဆုတ်နှင့်ရင်ခေါင်းအထူးကုနှင့်ပြတော့ Ventolin Tablet 2mg , Amino Tablet, Loratadine တို့ကို သောက်ခိုင်းပြီး Budeflam Inhaler ကို ရှုခိုင်းပါတယ်။ အရေးပေါ်အရမ်းအသက်ရှုကြပ်လာရင်တော့ Ventolin Inhaler ကိုရှုခိုင်းပါတယ်ဆရာ။ အဲဒီအထူးကုကိုမေးပါတယ်ဆရာ။ သန္ဓေသားကို ထိခိုက်နိုင်လားဆရာလို့ မေးတော့ သေချာလည်းမရှင်းပြပါဘူးဆရာ။ OG ကိုမေးတော့လည်း ရေရှည်တော့ မကောင်းဘူးပေါ့လို့ပဲ ဖြေကြပါတယ်။ အထူးသဖြင့် စိတ်လည်းမရှည်ကြဘူးဆရာရယ်။ အဲဒီသောက်ဆေး၊ ရှုဆေးတွေက သန္ဓေသားကို ထိခိုက်နိုင်လားဆရာ။  မိခင်က ရင်ကြပ်ရောဂါရှိနေတော့ ကလေးမှာရော အဲဒီရောဂါ ပါလာနိုင်လားဆရာ။ အဲဒီရောဂါရှိနေတော့ ရိုးရိုးမွေးတာနဲ့ ခွဲမွေးတာ ဘယ်ဟာပိုသင့်တော်ပါသလဲရှင်။

Asthma inhaler ရှူဆေးက ကိုယ်ဝန်မှာသုံးလို့ စိတ်ချရပါတယ်။ ကလေးကိုလဲ မထိခိုက်စေပါ။ ကိုယ်ဝန်ဆောင်ချိန်မှာ ပန်းနာထရင်တော့ အဲဒီအချိန်မျိုးမျာတော့ ကလေးဆီ အောက်စီဂျင်မဝတာဖြစ်နိုင်တယ်။ ဆိုးဆိုးဝါးဝါးကြပ်မှသာ အဲလို ဖြစ်ပါမယ်။ ပန်းနာကိုမထိန်းနိုင်ရင် PET ကိုယ်ဝန်သွေးဆိပ်တက်တာမျိုး တခြားကိုယ်ဝန်တွေထက် ပိုဖြစ်နိုင်တယ်။ သွေးဖိအားလဲ ပိုတက်နိုင်တယ်။ ကလေးပေါင်ချိန်နည်းမှာလဲ သိတိရှိရမယ်။ မရှိခင်ကတည်းက ပန်းနာရှိနေသူ ကိုယ်ဝန်ရှိတော့ ပိုဆိုးမလား၊ သက်သာမလား ပြောမရပါ။ ၆ လဝန်ကျင်မှာ ပန်းနာထတာ များတယ်။

Bronchodilators လေပြွန်ကျယ်ဆေးတွေထဲက salbutamol (Ventolin) ဆေးကလဲ ကိုယ်ဝန်အတွက် စိုးရိမ်စရာမရှိပါ။ Ventolin ဆေးကို ကလေးစောမမွေးအောင်သုံးတာလဲရှိလို့ ပိုတောင်မှ သင့်တယ်လို့ပြောနိုင်ပါတယ်။ ဘေးထွက် ဆိုးကျိုးတွေက မဆိုးပါ။ ခေါင်းကိုက်၊ ခေါင်းမူး။ ချောင်းဆိုး၊ အိပ်ရေးပျက်၊ ပျို့-အန်ချင်၊ အာခေါင်ခြောက်၊ ကြွက်သားနာနဲ့ ဝမ်းလျှောတတ်တာတွေသာရှိတယ်။

Anti-inflammatories အရောင်ကျဆေးပေးနိုင်တယ်။ cromolyn sodium (Intal) ဆေး nedocromil sodium (Tilade) ဆေးနဲ့ beclomethasone (Beclazone) တွေကိုသုံးတာများတယ်။ ကိုယ်ဝန်ကိုမထိခိုက်ပါ။

leukotriene receptor antagonist အမျိုးအစားဆေးကိုစပေးလေ့ရှိတယ်။ Montelukast (Singulair) နဲ့ Zafirlukast (Accolate) ဆေးတွေဖြစ်တယ်။ ကိုယ်ဝန်မှာသုံးနိုင်ပါတယ်။

Loratadine FDA သတ်မှတ်ချက်က pregnancy category B ဖြစ်တယ်။ ဘေးထွက်ဆိုးကျိုးထက် အကျိုးရလဒ်ကသာရင် သုံးနိုင်ပါတယ်။ ကလေးအတွက် မစိုးရိမ်ပါနဲ့။

Budeflam Inhaler ရှူဆေး ဘေးထွက်-ဆိုးကျိုးများ = အာခေါင်ခြောက်၊ လည်ချောင်းယား၊ ခေါင်းမူး၊ ခေါင်းကိုက်၊ ခေါင်းထဲပေါ့၊ အစားပျက်၊ စိုးရိမ်၊ ဂဏာမငြိမ်၊ လက်တုန်။ ဆေးကိုဆရာဝန်ကညွှန်မှသာ သုံးသင့်တယ်။ နို့ထဲမှာဆေးပါနေမယ်။

Aminophylline (theophylline) ဆေးကိုတော့ FDA သတ်မှတ်ချက်က pregnancy category C ဖြစ်တယ်။ ဖြစ်နိုင်ရင် မသုံးသင့်ပါ။ အထဲကကလေးအတွက်ပါ။ အမျိုးသမီး ၁၉၃ ယောက်ကိုလေ့လာတာမှာတော့ ကလေးမှာ ချို့ယွင်းချက် ပါတာတော့ မတွေ့ရပါ။ ဒါပေမဲ့ % ပြည့်စိတ်ချရတယ်လို့တော့ မပြောနိုင်ပါ။ ကလေးကိုနို့တိုက်နေချိန်မှာလဲ သတိပေးချက် ရှိပါသေးတယ်။ နို့ထဲမှာဆေးပါနေမယ်။

ပန်းနာရှိနေသူ ရိုးရိုးမွေးနိုင်ရင် ပိုကောင်းပါတယ်။ ခွဲရမယ်ဆိုလဲ မေ့ဆေးဆရာဝန်က ပိုပြီးသတိထားပါမယ်။ ပန်းနာ မိခင်ကနေ မွေးတဲ့ကလေးမှာ ပန်းနာနဲ့တော့ မွေးမလာပါ။ ဒါပေမဲ့ ပန်းနာက မျိုးရိုးလိုက်တယ်။ မွေးသမျှ ကလေးတိုင်းမှာ ပန်းနာရှိမယ်လို့တော့ ပြောမရပါ။

ဒေါက်တာတင့်ဆွေ
၆-၁-၂ဝ၁၅