Weight loss pills ပိန်ဆေးတွေအန္တရာယ်

၁။ ဆရာ အဲ့ဆေးက အဆီကျဆေးလို့ပြောတယ်ဆရာ။ ဆိုးကျိုးရှိလားသိချင်လို့ ပြောပြပေးပါဆရာ။ ကျေးဇူးတင်ပါတယ်ဗျာ။

၂။ ဆရာရှင့် အမတစ်ယောက်က Orlistat 120 mg ဆိုတဲ့ဆေးကို သောက်နေပါတယ်။ အဲ့ဒီဆေးရဲ့ ကောင်းကျိုး ဆိုးကျိုးလေး သိချင်လို့ပါ။ တစ်ချို့ကလည်း အဲ့ဒီဆေးကို ပိန်ဆေးလို့ပြောပါတယ်။ တစ်ချို့ကလည်း မလိုလားအပ်တဲ့ အဆီတွေ ကျစေတယ်လို့ပြောပါတယ်။ သမီးက အဲ့ဒီအမအတွက် စိတ်ပူလို့ ဆရာ့ဆီ အကူအညီတောင်းတာပါ။

Orlistat (အော်လီစတက်) ပိန်ဆေးကိုသုံးသူတွေမှာ သက်ရောက်မှု မတူတာတွေ့ရတယ်။
• တနှစ်တာလေ့လာမှုတခုလုပ်တော့ ၁၆့၎% ကနေ ၂၄့၈% မှာ အဆီ ၁ဝ% ကျတာတွေ့ရတယ်။ ၃၅့၅% ကနေ ၅၄့၈% မှာ ကိုယ်ထုထည် ၅% ကျတယ်။
• ဆေးရပ်ပြီး အလေးချိန်ပြန်တက်ထာလဲ ၃၅% ရှိတယ်။
• အစာမစုပ်ယူနိုင်တဲ့ရောဂါရှိသူ၊ သည်းခြေအိတ်မကောင်းသူ၊ ကိုယ်ဝန်ဆောင်နဲ့ ကလေးနို့တိုက်နေသူတွေကို မပေးရပါ။
• ဘေးထွက်-ဆိုးကျိုးများ = ဝမ်းသွားတဲ့အထဲ အဆီတွေများနေမယ်။ ဝမ်းသွားရအဆင်မပြေ (မထိန်းနိုင်တာ၊ အမြန်သွားချင်တာ) ဖြစ်မယ်။ သက်သာချင်ရင် အဆီမစားပါနဲ့။ သုတေသနတခုအရ ကျောက်ကပ်နဲ့ အသဲကိုထိခိုက်မှုရှိတယ်။
• ဒီဆေးသောက်ရင် အဆီမှာပျော်ဝင်နိုင်တဲ့ ဗီတာမင်တွေ A, D, E, K တွေ တည ၁ ပြားကျသောက်သင့်တယ်။
• Orlistat ဆေးဟာ tetrahydrolipstatin ဆေးဖြစ်တယ်။ Xenical နာမည်နဲ့လဲရောင်းတယ်။ အသင့်အတင့် ထိရောက်တယ်။ သွေးဖိအားနည်းနည်းကျစေတယ်။ ဆီးချိုကို ကာကွယ်ရာကျတယ်လို့ဆိုတယ်။ အင်တာနက်ကနေ မဝယ်သင့်ပါ။
• သည်းခြေကျောက်၊ ဆီးချို၊ လည်ပင်းကြီးဟော်မုန်းနည်းရောဂါ၊ သရက်ရွက်ရောဂါ၊ အသည်းရောဂါရှိနေသူတွေ မသင့်ပါ။ ကိုယ်ဝန်အတွက် FDA pregnancy category B သတ်မှတ်ထားလို့အကျိုးက အဆိုးထက်ပိုရင် သောက်နိုင်တယ်။

အမျိုးသမီးတွေကလည်း ပုံတွေနဲ့မေးကြပါတယ်။ လူအရေအတွက် မနည်းလှပါ။ ပူးတွဲပါကြော်ငြာထဲကပုံကို တကယ်လို့တော့ မထင်မှတ်ပါနဲ့။ ကြော်ငြာပိန်ဆေးတွေဟာ ကျန်းမာရေးအန္တရာယ်ရှိတယ်။ တချို့ဆေးတွေကို ဈေးကွက်မှာပိတ်ပင်လိုက်ရတယ်။ ဆေးဝါးနဲ့အစားအသောက် ထိန်းချုပ်ရေး လျော့ရဲတဲ့တိုင်းပြည်တွေမှာတော့ အန္တရာယ်ဆက်ရှိနေပါတယ်။

ပိတ်ပင်ထားတဲ့ဆေးတွေ
- Ephedra ဆေးကိုပိတ်ပင်လိုက်တယ်။
- Hydroxycut ဆေးကိုပိတ်ပင်လိုက်တယ်။
- Fen-Phen ဆေးကိုပိတ်ပင်လိုက်တယ်။
- Meridia ဆေးကိုပိတ်ပင်လိုက်တယ်။
- Sibutramine ဆေးကိုပိတ်ပင်လိုက်တယ်။

အဲလိုဆေးတွေကနေ -
• Increased heart rate နှလုံးခုန်မြန်စေတယ်။
• High blood pressure သွေးဖိအားတက်စေတယ်။
• Agitation စိတ်တိုစိတ်ဆိုးစေတယ်။
• Diarrhea ဝမ်းပျက်စေတယ်။
• Sleeplessness အိပ်ရေးပျက်မယ်။
• Kidney problems ကျောက်ကပ်ကိုအန္တရာယ်ပေးမယ်။
• Liver damage အသည်းကိုလည်းအန္တရာယ်ပေးတယ်။
• Rectal bleeding စအိုကသွေးယိုမယ်။

ဒေါက်တာတင့်ဆွေ