Monday, February 15, 2016

Save Our Language ကယ်တော်မူပါဘုရား

ဆရာ သမီးအမည့့် ပါ။ မန်းတလေးမြို့ကပါ။ ပြီးခဲ့တဲ့နှစ် ၃ လပိုင်းဝန်းကျင်က ဆရာ့ထံ ကိုယ်ဝန်ရည်မြွှာရည် နည်းတဲ့အတွက် မေးခဲ့ဖူးသူပါ။ ဆရာ့ပြန်စာရေးသားချက်တွေအတိုင်းလည်းလိုက်နာခဲ့ဖူးသူပါ။ သားလေးအား ဘုရားသခင်ကောင်းချီးကြောင့် ဘေးမသီစွာမွေးဖွားနိုင်ခဲ့ပါတယ်။ သားလေး လသားအရွယ်နဲ့ သမီးသိချင်တာတွေ ဆရာ့ထံ မမေးမိပေမယ့် ဆရာကလေးတွေအတွက်ရေးပေးနေတာတွေ ဖတ်ရတာနဲ့ သိသင့်သလောက် သိခွင့်ရတဲ့အတွက် အတိုင်းမသိ ဝမ်းသာမိပါတယ်ဆရာ။ သမီးတို့မြန်မာနိုင်ငံမှာ ဆရာတို့လို အသိပညာပေးဆရာဝန်တွေ အများကြီး လိုအပ်တာသိလိုက်ရတဲ့အတွက် များစွာရင်ထဲမကောင်းမိပါတယ်။ ဒါ့ကြောင့် ဆရာရေးသားထားသောစာတွေ အတတ်နိုင်ဆုံး အချိန်ပေးဖတ်ပြီး သူများတွေသိရအောင် ရှယ်ပေးပါတယ်။ ဆရာတို့ မိသားစု ယခုထက်မက ပညာများ ဆပွားတိုးတက်ပြီး ဘုရားသခင်ထံမှ စိတ်ချမ်းသာ ကိုယ်ကျန်းမာပြီး ယခုထက်ဆပေါင်းများစွာတိုး၍ အများအကျိုး သယ်ပိုးနိုင်ပြီး လိုတိုင်းတ တတိုင်းရ ဘဝကိုချီးမြှင့်တော်မူပါစေ။ (အာမိန့်း့ သမီးတို့ဘာသာအရပါ။)

ဟုတ်။
God bless you and your family!

ကျွန်တော် သတိထားမိတာတခုရေးပါရစေ။ သုတေသနတော့မဟုတ်ပါ။ ကျန်းမာရေး၊ ဆေးပညာနဲ့ နိုင်ငံရေး မေးကြ၊ ပြောပြကြသူတွေထဲမှာ ဗမာမဟုတ်၊ ဗုဒ္ဓဘာသာမဟုတ်သူတွေရေးတာမှာ မြန်မာစာကို ကျကျနနနဲ့ အသုံးအနှုန်းကအစ ယဉ်ကျေးကြတာတွေကို သတိထားမိလာပါတယ်။ တိုင်ဝမ်မှာနေတဲ့ တရုပ်စပ် ကိုယ်ဝန်ဆောင်နှစ်ယောက်ကနေစပြီး သတိထားမိတာပါ။ တိုင်းရင်းသားလို့ခေါ်ခံရတဲ့ ဗမာမဟုတ်သူတွေထဲကနေ မြန်မာစာနဲ့ ကဗျာ (ကလပ်ဆစ်) တွေကိုပါ နှံ့နှံ့စပ်စပ်ရှိသူလည်း တွေ့ရတယ်။

ကျွန်တော်တို့ ဗမာစစ်စစ်တွေထဲမှာ ကိုယ့်ကိုယ်ကိုတော့ ရွှေလို့ပြောပြီး မြန်မာစာ မြန်မာစကားကို အမြီးအမောက် တည့်အောင်မရေး၊ ပီပီသသမပြော၊ သတ်ပုံတွေလည်း တလွဲချည်းသာရေးနေကြတယ်။

မြန်မာစာမြန်မာစကား ရှိရှိသမျှဘုရား ကယ်တော်မူပါဘုရား။

ဒေါက်တာတင့်ဆွေ
၁၅-၂-၂ဝ၁၆

No comments:

Post a Comment

Note: Only a member of this blog may post a comment.

Celebrity in Green ဆယ်လီ သို့မဟုတ် လီဆယ်

လူမှုရေးစည်းကမ်းအရ လူတဦး ကွယ်လွန်သွားရင် မကောင်းတာ ထုတ်မပြောအပ်ပါ။ နိုင်ငံရေးစည်းကမ်းအရတော့ ပြောချင်တယ်။ ပို့စ်တခု တွေ့တယ်။ ၈၈ ပြီးတော့ ...