Teratozoospermia တာရာတိုဇူးစပါးမီးယား သုက်ပိုးရောဂါ
သုက်ပိုးစစ်တာမှာ Morphology (%) > = 14% (Kruger's Strict Criteria) ရှိရမှာက <1.000 သာရှိနေတယ်။ ကျန်တာတွေက ကောင်းတယ်။
မှတ်ချက်မှာ Teratozoospermia တာရာတိုဇူးစပါးမီးယားလို့ ရေးထားတယ်။ Teratospermia တာရာတိုစပါးမီးယား လို့လည်းခေါ်တယ်။ ယောက်ျားသုက်ပိုး အရည်အသွေးမှာ အားနည်းချက်ရှိနေဖြစ်တယ်။ Abnormal morphology အသွင်သဏ္ဌာန် မူမမှန်တာလို့ခေါ်တယ်။ သားသမီးမရစေတာဖြစ်နိုင်တယ်။
ဆရာရှင့် Teratozoospermia တာရာတိုဇူးစပါးမီးယား ရှိနေတဲ့သူကို Antiestrogens အင်ဒရိုဂျင်ဟော်မုန်းနဲ့ ကုသနည်းဆိုတာ ဘယ်လိုမျိူးလဲဆရာ။ အဲလိုမျိူး ကုသရင်ရော သားသမီး ရနိုင်လားဆရာ သမီးသေချာ မသိလို့ ဖြေကြားပေးပါနော်ဆရာ။ ဆရာ အမြဲကျန်းမာပါစေလို့ဆုတောင်းပါတယ်။
တာရာတိုဇူးစပါးမီးယား ဘာလို့ဖြစ်သလည်း အများအားဖြင့် မသိနိုင်ပါ။ Hodgkin's disease ဟော့ခ်ျကင်းရောဂါ၊ Coeliac disease စီးလိယက်ရောဂါနဲ့ Crohn's disease ခရုန်းရောဂါရှိနေသူတွေမှာဖြစ်နိုင်တယ်။ ဆေးလိပ်သောက်တာ၊ အဆိပ်သင့်တာတွေလည်း ထည့်စဉ်းစားနိုင်တယ်။ Varicocele ခေါ်ကြောထုံးရောဂါလည်းဖြစ်နိုင်တယ်။
သုက်ပိုးစစ်ကြည့်ရင် ခေါင်းပိုင်းကကြီးနေနိုင်တယ်။ သေးနေနိုင်တယ်။ ရှူးနေနိုင်တယ်။ ပိရမစ်လိုပုံလည်းဖြစ်နေနိုင်တယ်။ အမြီးပိုင်းကလည်း ပုံမှန်မဟုတ်ဖြစ်နေနိုင်တယ်။
Antiestrogens အင်ဒရိုဂျင်ဟော်မုန်းနဲ့ကုသနိုင်တယ်။ Intracytoplasmic sperm injection (ICSI) ကုသနည်းလည်း လုပ်နိုင်တယ်။ မမျိုးဥထဲကို ကျားသုက်ပိုးကို ဆေးထိုးထည့်ပေးနည်းဖြစ်တယ်။
WHO သတ်မှတ်ချက်အရ သုက်ပိုးအသွင်သဏ္ဌာန် ၁၄% ပုံကောင်းနေရင် နော်မယ်လ်ဖြစ်ခဲ့တယ်။ ဒါပေမယ့် ၂ဝ၁ဝ မှာ ပြင်လိုက်တာက ၅% ကောင်းရင် နောမယ်လ်ဖြစ်လာတယ်။ သားသမီးမထွန်းကားနိုင်ကြသေးတဲ့စုံတွေတွေထဲမှာ Male-related fertility problems ခေါ်တဲ့ ယောက်ျားဖက်က အားနည်းချက်ရှိတာဟာ စုစုပေါင်းရဲ့ ၃ဝ-၅ဝ% ရှိတယ်။
Antiestrogen treatment ဆိုတာ Stage IV and II estrogen receptor-positive breast cancer ရင်သားကင်ဆာ ကိုလည်းပေးတယ်။ Tamoxifen ဆေးသုံးတာများတယ်။ ရင်သားကင်ဆာအတွက် Fluoxymesterone ဆေးကိုလည်း သုံးတယ်။ မေးခွန်းမေးသူအတွက် ဟော်မုန်းအထူးဆရာဝန်က တိတိကျကျပြောနိုင်ပါမယ်လို့ အကြံပေးပါရစေ။
ဒေါက်တာတင့်ဆွေ
၁၆-၁-၂ဝ၁၆
၁ဝ-၂-၂ဝ၁၆
Comments
Post a Comment