Banyan tree ညောင်ကုသိုလ်
 |
| ၂၆-၉-၂ဝ၁၄ |
အိန္ဒိယနိုင်ငံ ဗုဒ္ဓဂါယာက မဟာဗောဓိညောင်ပင်ကြီးကနေ ဦးဇင်းတပါးက ပျိုးစိုက်ထားပါတယ်။ ဆရာဝန်ဆိုတာမျိုးက ဘုန်းကြီးတွေဆီကနေပါ အလှူခံတတ်တယ်။ အင်ဒီယာနာပိုးလစ်အထိ သိုသိုသပ်သိပ် တကူးတကယူလာခဲ့ရပါတယ်။ လေယာဉ်မတင်ခင် သယ်ယူဘို့ရာ ထုပ်ပိုးတာမှာ နေရာကျဉ်းအောင် ပင်စည်ကနေဖြတ်၊ ကိုင်းတွေလဲဖြတ်၊ အရွက်တွေပါ သတ်လိုက်တယ်။ နာရီနှစ်ဆယ်လောက်ခရီးကို ပစ္စည်းထားသိုခန်းမှာထားရမှာမို့ အနည်းဆုံးတော့ ညောင်ပင်လေးခင်မြာ လေရပါစေဆိုပြီး၊ ပလပ်စတစ်ပုံးအဖုံးကို အပေါက်ဝိုင်းလေးတွေ စီစီညီညီဖေါက်ပေးရတယ်။
 |
| ၂၁-၁၁-၂ဝ၁၄ |
၂၆-၉-၂ဝ၁၄
ခရီးဆုံးရောက်တဲ့နောက်နေ့မှာ သမီးနဲ့သူ့ခင်ပွန်းတို့က ဝယ်လာပေးတဲ့ပန်းအိုးထဲမှာ မြေဆွေးနဲ့စိုက်လိုက်တယ်။ နေ့တိုင်း အရိပ်ကြည့်နေရတယ်။ အခန်းကကျဉ်းလို့ အပြင်မှာသာထားရတာ ကိုယ့်သားသမီးကို တခြားနေရာမှာ သိပ်ထားရသလိုပဲ။ စိတ်မချနိုင်ပါ။ တလနေတော့ အခန်းထဲသွင်းလိုက်ပါတော့တယ်။
၂၁-၁၁-၂ဝ၁၄
တလခွဲအရမှာ အစို့အညှောက်လေးတွေ စထွက်လာတယ်။ ထွက်လာကြတဲ့အရွက်လေးတွေဟာ ရွှန်းစိုလဲ့နေကြတယ်။ စိမ်းစိုမှည့်နေကြတယ်။ မြင်တဲ့သူကို အားသစ်တွေဖြစ်စေတယ်။ ညောင်ပင်ရဲ့ မျိုးဗီဇကလဲ မှန်တယ်မဟုတ်ပါလား။ မကြာခင်မှာ သရဏမဉ္စူကျောင်းကို ပို့လိုက်ပါတယ်။
 |
| ၂၁-၂-၂ဝ၁၆ |
မနှစ်ကဆောင်းမှာ ရာသီဥတုအေးတာကိုမခံနိုင်လို့ ညောင်ပင်လေးတွေမှာ အရိုးပင်စည်သာကျန်တော့တယ်။ သွားရှာပြီလို့ အောက်မေ့လိုက်ပါတယ်။
၆-၁-၂ဝ၁၆
ဆောင်းကုန်ပြီးတော့ ဗောဓိညောင်နှစ်ပင် ပြန်လည်ရှင်သန်လာလို့ ဝမ်းသာနေခဲ့ရပြန်တယ်။
၂၁-၂-၂ဝ၁၆
ကနေ့ ဘုန်းကြီးကျောင်းရောက်တယ်။ ထမနဲထိုးပွဲအတွက်စည်းဝေးကြတာပါ။ ညောင်ပင်လေးနှစ်ပင်ဟာ ခူးစားရတဲ့ အရွက်ပင်နဲ့ တူနေတယ်။ အပင်ခြေကနေ အစို့သစ်လေးတွေအစီအရီနဲ့မို့ စိမ်းလို့စိုလို့။
 |
| ၄-၁ဝ-၂ဝ၁၅ |
ဗောဓိညောင်ပင်အတွက် အဆင့်ဆင့်ကောင်းမှုပြုပေးကြသူတွေအားလုံး ညောင်ပင်ကြီးတမျှ ကုသိုလ်တွေ ရကြပါစေသောဝ်။ ။
ဒေါက်တာတင့်ဆွေ
၂၁-၂-၂ဝ၁၆
Comments
Post a Comment