Trans Fats ထရန့်စ်ဖက်

- KFC တဲ့ မစားဘူးလို့စားကြည့်တာ၊ မေမေကြော်တဲ့ ဗမာကြက်ကြော်လောက် စားမကောင်းဘူး။

- အဲတာ အမေ့ကိုချစ်တဲ့တဲ့စိတ်သာမက အတည့်လဲမြင်တတ်လို့နဲ့ ပလွှားလိုစိတ်လည်းမပါလို့။ ကောင်းတယ်။ KFC တခါတလေစားတာတော့ ကောင်းပါတယ်။ ဒီအမြင်က ခေတ်ဆန်တာတိုင်းကို ဆန့်ကျင်တာမဟုတ်။ အနောက်နိုင်ငံကဟာတိုင်းကို ကဲ့ရဲ့တာမဟုတ်ဘူး။ အတည့်မြင်တတ်စေချင်တာဖြစ်တယ်။ တချို့က ချမ်းသာတဲ့သူတွေကိုကဲ့ရဲ့ပြီး လူထောက်ခံမှု ယူချင်ကြတယ်။ အနောက်တိုင်းကို ကန့်ကွက်ပြီး ဟီးရိုးဖြစ်ချင်ကြတယ်။ ဘယ်နေရာ ဘာစနစ်မှာဖြစ်ဖြစ် အားနည်း-အားသာ ရှိတာချည်းပဲ။ ကိုယ်-ကိုယ့်တိုင်းပြည်အတွက် အကောင်းဆုံးကိုသာ ရွေးတတ်ရမယ်။

အဲတာ အခုလေးတင် တူတော်မောင်နဲ့ ချတ်လုပ်ထားတာပါ။ ငယ်ငယ်က နွေရာသီကျောင်းပိတ်ရင် ဇာတိရွာကို သွားလည်နေကျ။ အိမ်တိုင်းမှာ ဆီကြိတ်တဲ့ဆုံ ဆိုတာရှိကြတယ်။ သစ်ပင်ကြီးကြီးရဲ့ အောက်ခြေပင်စည်ကို အလည်မှာ တွင်းပေါက်တခု ထွင်းပြီး ဆုံလုပ်တာပါ။ ဆုံထဲကို မြေပဲဖြစ်ဖြစ် နှမ်းဖြစ်ဖြစ်ထည့်၊ သစ်ကျဉ်ပွေ့မှာ ဝါးကိုင်းတပ်ပြီး နွားတကောင်ကို ဆွဲခိုင်းတယ်။ ဆုံအောက်ခြေမှာ သစ်သားပြားကြီးကို ခွထောက်လုပ်ပြီး ထောက်ပေးထားတာမို့ နွားက ပတ်ခြာလည်သွားရတယ်။ သစ်သားပြားကြီပေါ်မှာ တက်စီးလိုက်ရတာ ပျော်စရာကောင်းတယ်။ ကြာတော့ နှမ်းကနေ နှမ်းဆီ၊ မြေပဲကနေ မြေပဲဆီတွေထွက်လာပြီ၊ လူကြီးတွေက ဆီစစ်စစ်က မွှေးတယ်လို့ပြောတာကို နားမလည်တတ်သေးတဲ့အရွယ်ကပေါ့။

တချိန်က ဗမာပြည်ဟာ တကယ်ကို ဆီကိုရေချိုး၊ ဆေးရိုးမီးလှုံအဆင့်မှာရှိခဲ့တာပါ။ ဆီဆုံခေတ်ကနေ ဆီစက်ခေတ် ရောက်တော့ အမျိုးမျိုးအထွေထွေသော ဆီဆိုတာတွေပေါ်လာ ရောလာတယ်။ မြေပဲထဲ၊ နှမ်းထဲ တခြားအစေ့အဆံတွေ ရောရတော့တဲ့ခေတ်ရောက်လာတယ်။ ဒီနောက်တော့ ဆီကိုရေချိုးဘို့ နေနေသာသာ လက်ဖက်ကိုဆမ်းဘို့တောင် မလောက်တော့ပါ။ ယှဉ်ပြောရရင် ဆီကောင်းသုံးနိုင်ခဲ့တာက ပါလီမာန်ဒီမိုကရေစီခေတ်၊ ဆီအရောသုံးရတာက (မဆလ) ခေတ်။ ဒိနောက်ခေတ်မှာ ဘာတွေပိုဆိုးလာသလဲ၊ ဆီတခုတည်းသာ ကြည့်ပါတော့။

အရင်တုံးက တိရစ္ဆာန်အဆီထက် အသီးအနှံဆီက ပိုကောင်းတယ်လို့ ပြောခဲ့ကြတယ်။ အခုအဲလိုပြောတာ မတိကျပါ။ ကျန်းမာရေးနဲ့ မသင့်တဲ့ ဆီတွေဆိုတာ အင်္ဂလိပ်လို Trans fats (ထရန့်ဆီ)၊ (ထရန့်ဖက်တီးအက်စစ်) လို့ ခေါ်တယ်။ (ထရန့်ဆီ) ဟာ ဝါစေ့ဆီ၊ ပဲပုတ်စေ့ဆီတွေကနေ ထုတ်တာပါ။ လူတွေ သမားရိုးကျစားသုံးခဲ့ကြတဲ့ဆီကို လူတွေကဘဲ ပြုပြင်ပြီး၊ (ထရန့်ဆီ) လုပ်ကြတာပါ။ သမားရိုးကျဆီကို ဟိုက်ဒရိုဂျင် ထပ်ပေါင်းထည့်လိုက်တာတဲ့။ စလုပ်ခဲ့သူက ဂျာမန်လူမျိုး။ ၁၉ဝ၂ ကပေါ့။

အဲလိုလုပ်လိုက်တော့ ဆီကပြစ်သွားတယ်။ ပြစ်တော့ ဘာပိုကောင်းလာလဲဆိုတော့ လွယ်လွယ်ပြောရရင် အသုံးခံတယ်။ ဒီဆီနဲ့ကြော်တဲ့ အစားအသောက်ကလည်း အရသာတမျိုးထူးလာစေတယ်။ ပြန်ပြန်လဲသုံးနိုင်လို့ တွက်ခြေလဲကိုက်တယ်။ မကိုက်တာကတော့ ကျန်းမာရေးနဲ့ပါ။

နာမည်ကြီး (ကိုလက်စထော) ဆိုး တိုးစေတယ်။ (ကိုလက်စထော) ကလည်း အဆိုး (LDL) နဲ့ အကောင်း (HDL)ဆိုပြီး၊ နှစ်မျိုးနှစ်စား ရှိတာဘဲ။ လူတွေအတိုင်းပါဘဲ။ (ကိုလက်စထော) အဆိုးများရင် နှလုံးသွေးကြောကျဉ်းတဲ့ (စထုပ်ခ်) ရမယ်။ ဆီးချိုအမျိုးအစား ၂ ရမယ်။ နောက်ပြီး အဝလွန်၊ အသဲရောဂါ၊ ကင်ဆာ၊ (အဇာမိုင်ယား) ဆိုတဲ့ရောဂါတွေကိုလည်း ဖြစ်စေမယ်။ (အဇာမိုင်ယား) ဆိုတာက နာမည်ကြီး ဟောလီဝုဒ်မင်းသားကနေ နှစ်ထပ်ကွမ်းသမတ ဖြစ်ခဲ့သူ (ရော်နယ်-ရီဂင်) အသက်ကြီးတော့ ဖြစ်တာမျိုးပြောတာ။

ဒီလိုမကောင်းပါလျှက်ကနဲ့ ဘာလို့ ပေါ်ပြူလာဖြစ်လာလဲဆိုတာ သိဘို့လိုတယ်။ အရင်က (ထရန့်ဆီ)မကောင်းတာကို သိပ်မသိကြဘူး။ သူငယ်ချင်းတို့၊ လင်မယားတို့၊ နိုင်ငံရေးလုပ်ဖေါ်ကိုင်ဖက်တွေလို ပေါင်းကြည့်မှ သိတာမျိုးပေါ့။

ကဇီဓါတ်၊ ပရိုတင်း (အသား-ငါး-ဥ-ပဲ) နဲ့ ဆီ-အဆီဆိုတဲ့ သုံးမျိုးကို ယှဉ်ကြည့်ရင် တဇွန်းချင်း တူတာတောင် ဆီ-အဆီ ကနေရတဲ့ (ကလိုရီ) ဟာ ကျန်တဲ့အုပ်စုတွေထက် နှစ်ဆမကတောင်များတာ။ လူတယောက်ဟာ ကိုယ်လိုတဲ့ (ကယ်လိုရီ) ရဲ့ ဆယ်ပုံတပုံထက် (ထရန့်ဆီ) ကနေရတာက များနေတယ်ဆိုရင်တော့ မကောင်းဘူးမှတ်ပါ။

အစားအသောက်တွေမှာ အဆီဘယ်လောက်ပါတယ်ဆိုတာရေးပြီးမှ ရောင်းရမယ်လို့ ဥပဒေထုတ်တဲ့တိုင်းပြည်တွေမှာဆို သတိထားနိုင်ပါမယ်။ ဘာဥပဒေမှဂရုမစိုက်တဲ့နိုင်ငံဆိုရင် ကံသာလျင်အမိ၊ ကံသာလျင်အဖ သဘောထားပြီး၊ တရားနဲ့သာ ဖြေပေတော့။

(ထရန့်ဆီ) ကို စက်နဲ့ ဖြစ်အောင်မလုပ်ဘဲ နဂိုကတည်းက (ထရန့်ဆီ) ပါတဲ့ဆီတွေဆိုတာလည်း ရှိပါတယ်။ နွားနို့၊ အမဲ-ဆိတ်-သိုးအဆီ၊ ထောပတ်၊ မာဂျရင်းတွေဖြစ်တယ်။

လူတွေအားလုံး ဂလိုဘယ်လိုက်ဇေးရှင်းနဲ့အတူပါလာတဲ့ အစားအသောက်တွေမှာ (ထရန့်ဆီ) တွေပါတယ်။ (ဖရင့်ခ်ျ-ဖရိုင်း)၊ (ဒူးနတ်)၊ (ပက်စ်ထရီ)၊ (ပီဇာ)၊ (ကွတ်ကီးစ်)၊ အာလူး (ချစ်ပ်)၊ (ကင်ဒီ-ဘား)၊ ဟမ်းဘာဂါ၊ ကြက်ကြော်၊ (ပေါ့ပ်ကွန်)၊ (မာဂျရင်း-စတစ်)၊့့။

၁၉၉ဝ ခုနှစ်အကုန်မှာ ဇာတိမြို့ရွာကနေ ချင်းတောင်ဖြက်ပြီး၊ ဖြတ်ထွက်ခဲ့ရတုံးက ကားလမ်းဘေးမှာ ကျောက်ဆုံထဲကို ချင်းနှမ်းမဲမဲတွေတည့်ပြီး ကြည်ပွေ့ကို လက်နဲ့ မမောမပမ်းထောင်းပြီး၊ ဆီဖြစ်အောင်လုပ်နေတဲ့ ချင်းမကြီးတွေ မြင်ခဲ့ရဘူးတယ်။ စိတ်မကောင်းဘူး။ ခုချိန်မှာ (ကပီး) တို့ကော ဆီထောင်းနိုင်သေးရဲ့လား။ ကျွန်တော့်ရွာမှာတော့ ဆီဆုံပျောက်တာ ကြာခဲ့ပါပြီကော။ (ကေအက်ဖ်စီ) တို့၊ (မက်ဒေါ်နယ်) တို့၊ (ပီဇာ) တို့ သွားစားနိုင်သူများ ကံကောင်းပါစေ။

Dr. တင့်ဆွေ
၉-၄-၂ဝဝ၉
၁၉-၂-၂ဝ၁၆