U အူး
ကျွန်တော်တို့က U ကို ဦးလို့ အသံထွက်ကြတယ်။ ရခိုင်တွေက သားဦးယောက်ျားလေးတိုင်း နာမည်အစမှာ ဦးထည့်မှည့်တယ်။ နောက်ဆုံးအလုံးကပါ ဦးဖြစ်နေရင် အင်္ဂလိပ်လိုပေါင်းတော့ ယူ ကတလုံး၊ အိုအို ကတလုံး။
၁၉၈၈ အရေအခင်းကြီးအပြီး ကျောင်းသားတွေ အိန္ဒိယဖက်ကို ပြေးကြတော့ အဲဒီမှာရှိနေကြတဲ့ နိုင်ငံရေးအသိုင်းအဝိုင်းက ကြိုဆိုကြတယ်။ သူတို့က ဝန်ကြီးချုပ်ဦးနုကိုသိကြတယ်။ စကားထဲမှာ (ယူနု၊ သာကင်) လို့အသံထွက်တယ်။ အဲတာ ကျွန်တော်တို့ကျောင်းသားတွေက နားမလည်ကြဘူး။ ဟာ့့ မင်းတို့က နိုင်ငံရေးလုပ်မှာ မင်းတို့ ဝန်ကြီးချုပ် နာမည်တောင်မှ မသိကြဘူးလားဆိုတော့မှ အော့့် ဖြစ်ကြရတယ်။
စာအုပ်တွေမှာ လူနာမည်ရေးရင် ရေးထုံးလုပ်ထားတာက ဘွဲ့သဘောစာလုံးကို နောက်မှာသာထားတယ်။ U Nu, Thakin ယူနု၊ သာကင် ဆိုတာ ဦးနု၊ သခင် = သခင်ဦးနု ကိုရေးတာ။
ဂျာမန်၊ အိန္ဒိယနဲ့ မီဇိုးစာမှာလည်း U ကို အူးလို့ထွက်ပါတယ်။ ဂျာမန်စကားတတ်တဲ့ ဖရင်းတယောက်ကရေးလာတယ်။ ရေငုပ်သင်္ဘော Uboat ကို ကျွန်တော်တို့က (ယူ-ဘုတ်) လို့ ဖတ်ကြတယ်။ ဂျာမန် က အူးဘုတ်လို့ထွက်တယ်။ မြေအောက်ရထား ကို Ubahn (အူးဘန်း) လို့ထွက်တယ်။ Burma ကို ဂျာမန်တွေက ဘူရ်မား ပဲထွက်ပါတယ်တဲ့။
ဗိုလ်ချုပ်ကြီးတွေ အရပ်ဝတ်ပြောင်းတော့ ယူသိန်းစိန်လို့ရေးပြီး၊ အူးသိန်းစိန်လို့ အသံထွက်ရတယ်။ Myanmar ကို မှန်အောင်မထွက်တတ်တဲ့အကြောင်းတော့ ၂-၃ ပုဒ် ရေးယူရတယ်။
ဂျာမန်လုပ် နာမည်အကြီးဆုံးမော်တော်ကား Mercedes ကို (မားစီးဒီး) လို့အသံထွက်ကြတယ်။ အမှန်က (မာစေဒီးစ်)။
အသံထွက်မမှန်၊ အရေးအသားမမှန်၊ ဂိုဏ်းမမှန်တွေ များလာတယ်။ မျိုးဗီဇမမှန်တာက ပိုဆိုးတယ်။ DNA စစ်မှသာရမယ်။
ဒေါက်တာတင့်ဆွေ
၁-၃-၂ဝ၁၆
၁-၃-၂ဝ၁၈
Comments
Post a Comment