ကို ကိုယ် ဂို

(ကန်တော့ပါ )

အသက် ၂၈ ဆရာ ရာသီမလာတလ ကိုဝန်ဖျက်ဆေးနဲ့ နည်းလမ်းလေးကူညီပါဆရာ Cynomax တပြားကျွေး တပြား မိန်းမဂိုထဲထည့် ခြေနေမထူးလို့ပါဆရာ

ကိုယ်ဝန် ဖျက်မပေး၊ ဖျက်နည်း မပေး။ ဆေးစာသာ စုံအောင်ရေးတယ်။ ဘလော့မှာ ဖတ်နိုင်။

ကိုယ်ဝန်လို့ ရေးရတယ်။ မိန်းမကိုယ်လို့ ရေးရတယ်။ အဲလိုမှာသူတွေ မနည်းလှပါ

ဆရာရှင့် သမီးက အသက် ၂၈နှစ်ပါ။့့ မှာသားဦးလေးကိုယ် မွေးဖွားခဲ့ပါတယ်။ သားလေးကိုယ် ခွဲမွေးခဲ့တာပါဆရာ။့့ သားလေးကိုယ်လဲ မိခင်နိ့တိုက်နေတာပါရှင့်။

သားလေးကိုလို့ ရေးရတယ်။ ကိုယ်ခွဲမရှိလို့ ရေးရတယ်။

ကို
ကိုလူချော (လူအမည်)၊
ကိုကင်းဆေး
ကိုဓဥပဒေ
ကိုရင်သာမဏေ
ပင်ကိုနာမ်၊
ပင်ကိုသဘော၊
ပင်ကိုရေးဝတ္ထု၊
ပင်ကိုမူလ၊

ကိုယ်
ကိုယ်ထူကိုယ်ထ
ကိုယ်ရေးရာဇဝင်
ကိုင်တိုင်ကိုယ်ကြပ်
ကိုယ်ကျင့်တရား
ကိုယ်ကျပ်အင်္ကျီ
ကိုယ်ကျိုးနည်း
ကိုယ်ခံဆေး
ကိုယ်ချင်းစာတရား
ကိုယ်ခန္ဓာ
ကိုယ်စွမ်းကိုယ်စ
ကိုယ်စားလှယ်
ကိုယ်စီကိုယ်င
ကိုယ်တုံးလုံး
ကိုယ်တိုင်ကိုယ်ကျ (မိမိကိုယ်တိုင်)
ကိုယ်ထင်ပြ
ကိုယ်ထည်
ကိုယ်ထီးကျန်
ကိုယ်ထူးကိုယ်ချွန်
ကိုယ်ပစ်လက်ပစ်
ကိုယ်ပိုင်အုပ်ချုပ်ရေး
ကိုယ်ဖိရင်ဖိ
ကိုယ်ရံကြီးပင်
ကိုယ်ရုံသင်္ကန်း
ကိုယ်ရံတော်တပ်
ကိုယ်ရင့်တတူ
ကိုယ်ရည်သွေး
ကိုယ်ရှိန်သတ်
ကိုယ်လုံးကိုယ်ပေါက်
ကိုယ်လုံးတီး
ကိုယ်လုံးပေါ်မှန်
ကိုယ်လွတ်ရုန်း
ကိုယ်လုပ်မောင်းမ
ကိုယ်ဝတ်သင်းပိုင်
ကိုယ်ဝန်ဆောင်
ကိုယ်တွေ့မျက်မြင်
ကိုယ်ယောင်ပြ
ကိုယ်ယောင်ဖျောက်
ကိုယ်ရောင်ကိုယ်ဝါ
ကိုယ်လေးလက်ဝန်

ဂို
နဂိုမူလ
ဂိုထောင် (ဟိန္ဒီစကား)
နဂိုဇာတိ

ဂိုရ်
စမ္ပါနဂိုရ် (အရင်က စမ္ပန္နဂိုရ်လို့ရေးတယ်)
နဂိုရ် = နဂရ = မြို့
သင်္ကဿနဂိုရ် (မြတ်စွာဘုရား လူ့ပြည်ကို ပြန်လည်ကြွတဲ့နေရာ)

ဒေါက်တာတင့်ဆွေ
၂၃-၂-၂ဝ၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး