Acne vulgaris ဆိုးတဲ့ ဝက်ခြံ

၁။ ဆရာရှင့် ကျွန်မ အသက် ၂၇ နှစ်ပါ။မျက်နှာမှာအနာလိုလို ဝက်ခြံလိုလို ပေါက်လိုက်ပြန်ပျောက်လိုက်နဲ့ တခါမှ မပျောက်ပါဘူးရှင့်။ ၃ နှစ်လောက်ရှိနေပါပြီဒေါက်တာ။ ကျွန်မအဲ့တာတွေပျောက်ချင်ပါတယ်။ ဘယ်လိုလုပ်ရမယ်ဆိုတာ လမ်းညွှန်ပေးပါဒေါက်တာ။ လေးစားပါတယ်ရှင့်။

၂။ ကျမက မြန်မာပြည် မြို့တွင်နေထိုင်ပါတယ်။ အသက် ၃၈ နှစ်ရှိပြီး အိမ်ထောင် မရှိသူဖြစ်ပါသည်။ ယခင် ၁ နှစ်ခန့်က ပါးပြင်အောက်တွင် ဝက်ခြံကဲ့သို့ အသီးများတက်ပြီး မျက်နှာတပြင် လုံးနီးပါးဖြစ်ပါသည်။ မညှစ်လျှင်မထွက်ဘဲ အဆီအခဲသဖွယ် အလုံးများရှိနေပြီး ညှစ်လိုက်မှ အဆံအခဲအမာအလုံးလေးများ ထွက်သည်။ ဆေးခန်းများတွင် ပြကြည့်သော်လည်း မသက်သာပါ။ မည်ကဲ့သို့ ပြုလုပ်ရမည်ကို ဆရာမှပြောပြ ပေးပါရှင့်။

Acne vulgaris ဆိုးတဲ့ ဝက်ခြံခေါ်တယ်။ အဖြစ်များတယ်။ ခေါင်းဖြူ-ခေါင်းမဲ ဝက်ခြံမှာဖြစ်တာတွေ အကုန်ဖြစ်တယ်။ ဒါ့အပြင် အဆီပြန်မယ်။ အဖုအသီးထမယ်။ အမာရွတ်ထင်မယ်။ အရောင်ရင့်နေမယ်။ မျက်နှာသာမက လည်ပင်း၊ ရင်ပတ်နဲ့ နောက်ကျောမှာလဲဖြစ်နိုင်တယ်။ ပိုးဝင်လို့ တခါတလေ ရောင်-နာလာနိုင်သေးတယ်။ ကြီးတဲ့ဟာဆိုရင် အိပ်လေးလို အကျိတ်ဖြစ်မယ်။ ကြာတော့ စိတ်ပိုင်းကိုပါ ထိခိုက်လာမယ်။

ဟော်မုန်းအပြောင်းအလဲက အဓိကကျတယ်။ အရွယ်ရောက်လာတာ၊ အရွယ်ရောက်ပြီး မိန်းကလေးတွေဆိုရင် ရာသီနဲ့ဆက်ပြီးဖြစ်တယ်။ အိမ်ထောင်ပြုချိန်မှာ ပြုလို့ရော မပြုလို့ပါဖြစ်နိုင်တယ်။ မျိုးရိုးအရလဲလိုက်နိုင်သလား စဉ်းစာနိုင်တယ်။ စိတ်ပိုင်းဆိုင်ရာကလဲ ပါနိုင်တယ်။ စိတ်ဖိအား များတာ၊ အလုပ်များတာ။ အစားအသောက်ကို သုတေသနလုပ်တော့ တိတိကျကျပြောမရဘူး။

ဘယ်လိုကုသမလဲ
• Benzoyl peroxide cream လိမ်းဆေးက အများဆုံးသုံးတယ်။
• Salicylic acid ကိုလဲပေးတယ်။
• အမျိုးသမီးတွေမှာ (အိမ်ထောင်မရှိပေမဲ့) ဟော်မုန်း ၂ မျိုးတွဲပါ ကိုယ်ဝန်တားဆေးကိုလဲ သောက်သင့်တယ်။ တရက် ၁ ပြား၊ တလ ၂၈ ပြားသောက်ရတဲ့ဆေးဖြစ်တယ်။ ၃-၄-၅ လ သောက်သင့်တယ်။ ဥပမာ Desogestrel, Norgestimate or Drospirenone ဆေးတွေဖြစ်တယ်။
• Topical retinoids လိမ်းဆေးသုံးနိုင်သေးတယ်။ ဥပမာ Tretinoin, Adapalene နဲ့ Tazarotene လိမ်းဆေးတွေ။
• Oral retinoids စားဆေး Isotretinoin လဲပေးတယ်။
• Laser surgery လေဆာနဲ့ အမာရွတ်ကိုကုသနိုင်တယ်။
• တခြားနည်းတွေကတော့ Azelaic acid နဲ့ Tea tree oil ဆီတွေဖြစ်တယ်။

ပိုးသေဆေးတမျိုးသုံးသင့်တယ်။ ဗက်တီးရီးယားတွေရှင်းသွားစေမယ်။ Erythromycin, Clindamycin, Tetracyclines နဲ့ Doxycycline တခုခုကိုသောက်နိုင်တယ်။
၁။ Erythromycin (အရစ်သရိုမိုင်စင်) ကိုလဲ သုံးနိုင်တယ်။ သူက (တက်ထွာဆိုက်ကလင်း) ထက်သာတာက ရောင်ရမ်းခြင်း ဖြစ်စဉ်အတွက် ပိုကောင်းတယ်။ အစားနဲ့လဲ သောက်လို့ရတော့ အစားကြီးတဲ့ ငယ်ရွယ်သူတွေနဲ့ ကိုက်တယ်။ တခါသောက် 250 - 500 mg တနေ့ ၂ ကြိမ်ပေးတယ်။ ပျို့အန်ချင်တာ ဖြစ်တတ်တယ်။ ကိုယ်ဝန်ဆောင်တွေလဲ ပေးနိုင်တယ်။
၂။ Doxycycline (တက်ထွာဆိုက်ကလင်း) နဲ့ (အရစ်သရိုမိုင်စင်) သုံးလို့ မထူးခြားသူတွေကို ဒီဆေး ပေးတယ်။ တခါသောက် 50 to 100 mg တနေ့ ၂ ကြိမ်ပေးတယ်။ အစာနဲ့လဲနီးလို့ ရတယ်။ ပျို့ချင်တယ်။ နေရာင်နဲ့ မတည့်ဘူး။
၃။ Clindamycin ဆေးကို တခါသောက် 75 to 150 mg တနေ့ ၂ ကြိမ်ပေးတယ်။ သောက်ဆေးထက် လိမ်းဆေး အဖြစ်သုံးတာ များတယ်။ ဘေးထွက်-ဆိုးကျိုးကတော့ Pseudomembranous colitis, Clostridium difficile အူမကြီးရောင်တတ်တယ်။

အလှအပအသုံးအဆောင် သဘာဝ (သနပ်ခါး) ကလွဲရင် မသင့်ပါ။ မျက်နှာ တနေ့ ၂ ကြိမ်သစ်ပါ။ ရာသီမှန်-မှန် မသိရပါ။ စိတ်ဖိအားနဲ့ ဟော်မုန်း (ရာသီ၊ ကိုယ်ဝန်) တွေကနေ သက်ရောက်စေနိုင်တယ်။ (အိမ်ထောင်မရှိလို့ရေးထားတာ တွေ့ပါတယ်။ ဆောရီး) စိတ်ပျော်ရွှင် ပေါ့ပါးအောင် ကြိုးစားပါ။ ဗီတာမင် စီ ၅ဝဝ နေ့တိုင်းသောက်ပါ။

1. Accutane ဝက်ခြံဆေးတမျိုး http://doctortintswe.blogspot.com/2016/01/accutane.html
2. Acne Antibiotics ဝက်ခြံအတွက် ပဋိဇီဝဆေးများ http://doctortintswe.blogspot.com/2014/10/acne-antibiotics.html
3. Acne Laser treatment ဝက်ခြံကို လေဆာ နဲ့ ကုသခြင်း http://doctortintswe.blogspot.com/2014/10/acne-laser-treatment.html
4. Acne question ဝက်ခြံမေးခွန်း http://doctortintswe.blogspot.com/2016/06/acne-question.html
5. Acne Scars ဝက်ခြံအမာရွတ် http://doctortintswe.blogspot.com/2014/11/acne-scars.html
6. Acne vulgaris ဆိုးတဲ့ ဝက်ခြံ http://doctortintswe.blogspot.com/2014/10/acne-vulgaris.html
7. Acne ဝက်ခြံ ရောင်စုံ http://doctortintswe.blogspot.com/2014/10/acne.html
8. Betnovate (ဘက်နိုဗိတ်) လိမ်းဆေးများ https://doctortintswe.blogspot.com/2015/11/betnovate.html?q=Acne+vulgaris
9. Body Acne ကိုယ်မှာပေါက်တဲ့ ဝက်ခြံ http://doctortintswe.blogspot.com/2014/11/thigh-acne.html
10. Dermavive ဝက်ခြံဆေးဆပ်ပြာ http://doctortintswe.blogspot.com/2016/07/dermavive.html
11. Diane-35 တားဆေး ဝက်ခြံအတွက်လည်းပေး http://doctortintswe.blogspot.com/2016/05/diane-35.html
12. Seborrheic Keratosis or Keratosis pilaris ဆားဝက်ခြံ http://doctortintswe.blogspot.com/2014/11/seborrheic-keratosis-or-keratosis.html
13. Thigh Acne ချိုင်းနဲ့ ပေါင်မှာပေါက်တဲ့ ဝက်ခြံ http://doctortintswe.blogspot.com/2014/11/thigh-acne.html

ဒေါက်တာတင့်ဆွေ
၃ဝ-၁ဝ-၂ဝ၁၄
၁၆-၂-၂ဝ၁၈