Gout ဂေါက်ရောဂါ (သို့) ဘုရင်ရောဂါ

၁။ ဆရာရှင့် ဂေါက်ရောဂါ အကြောင်းသိချင်လို့ပါ။ အထူးသဖြင့် ရှောင်ရမည့် အစားအစာတွေကို ပြောပြပေးစေချင်ပါတယ်။

၂။ လေးဘက်နာနဲ့ အဆစ်နာအကြောင်းတွေကို ရှာတွေ့ပေမဲ့ ဂေါက်အကြောင်းသပ်သပ်ရေးထားတာ မတွေ့မိလို့ သိချင်ပါတယ်။

ဂေါက်ဆိုတာအဆစ်မှာနာ-ရောင်-နီ-ပူဆိုတာ ဖြစ်လိုက်၊ ပျောက်လိုက်နေတဲ့ နာတာရှည် ရောဂါတခုပါ။ ခြေမမှာအများဆုံး (တဝက်လောက်) ဖြစ်တတ်တယ်။ ဒူး၊ ဖနောင့်၊ လက်ကောက်ဝတ်၊ လက်ချောင်းတွေမှာလဲ ဖြစ်တာဘဲ။ အနောက်နိုင်ငံတွေမျာလူဦးရေရဲ့ ၁-၂% လောက်ဖြစ်နေကြတယ်။ ဖြစ်တဲ့သူလဲတိုးလာနေသေးတယ်။

ဂေါက်ရောဂါကို ရှင်ဘုရင်ရောဂါလို့လဲပြောစမှတ် ရှိတယ်။ ဘာလို့လဲဆိုတော့ အင်္ဂလန်ဘုရင် လူဝကြီး အဌမမြောက် ဟင်နရီ၊ ရှာလ်မိန်း၊ ရိုမန်အင်ပါယာ ပဉ္စမြောက် ချားလ်တို့မှာ ဖြစ်ခဲ့လို့ပါ။ နောက်ပြီး နာမည်ကြီးတွေ ရှိပါသေးတယ်။ လီယိုနာဒို-ဒါဗင်ချီ၊ ဗော်လ်တဲယား၊ နယူတန်၊ ချားလ်စ် ဒါဝင်၊ အမေရိကန် ဒေါ်လာ ၁ဝဝ တန်ငွေစက္ကူပေါ်က ဘင်ဂျမင်-ဖရင့်ကလင် တို့မှာလဲဂေါက်ရောဂါ ရှိခဲ့ကြတယ်။

အဆစ်နာတာအပြင် အားယုတ်တာ၊ ဖျားတာနဲ့ တွဲဖြစ်တတ်တယ်။ ကျောက်ကပ်နာ၊ ဆီးကျောက်တွေလဲ ဖြစ်နိုင်တယ်။ သွေးတိုး၊ ဆီးချို၊ နှလုံးသွေးကြောရောဂါ၊ ဝတာ၊ အဆီများတာတွေနဲ့ ဆက်စပ် နေတတ်တယ်။ ဆေးတွေထဲက Diuretics, Niacin, Aspirin, Cyclosporine, Ciclosporin, Tacrolimus ဆေးတွေကနေလဲ ဖြစ်စေနိုင်တယ်။

မျိုးရိုးကနေ ၆ဝ% မှာသက်ရောက် စေတယ်။ ထိခိုက်မိတာကြောင့် ပြန်ဖြစ်တတ်တယ်။ စားတဲ့ အစားအသောက်ကလဲ ၁၂% ဖြစ်စေဘို့ အားပေးတယ်။ ဂေါက်ကို လူချမ်းသာရောဂါလို့ပါ ပြောတယ်။ ရောဂါရစေနိုင်တဲ့ အစားတွေဟာ ဈေးကြီးလို့ပါ။ အသား၊ ပင်လယ်စာ၊ ငါး၊ နဲ့ အသည်း၊ ကျောက်ကပ်၊ ဦးနှောက်၊ ကလီစာတွေ ဖြစ်တယ်။ အရက်၊ ဖရပ်တို့စ် အချိုရည်သောက်တာဒီရောဂါအတွက် မကောင်းပါ။ ကော်ဖီ၊ ဗီတာမင်စီ၊ နို့သောက်တာနဲ့ ကိုယ်ကာယ သန်စွမ်းနေတာတွေက အဖြစ်နည်းစေပါတယ်။

ဂေါက်ရောဂါရဲ့ အကြောင်းတရားခံကသွေးထဲမှာ (ယူရစ်-အက်စစ်) တွေ များနေလို့ ဖြစ်ရတာပါ။ Uric acid ဆိုတာ အစားထဲမှာပါတဲ့ Purines ကနေဖြစ်တယ်။ Purine metabolism ချက်လုပ်တဲ့ ဖြစ်စဉ် ပျက်ယွင်းလို့ ဖြစ်တာပါ။ အဲဒီကနေလာတဲ့ Crystal အမှုံတွေကအဆစ်တွေ၊ အရွတ်တွေမှာလာစုပုံနေကြတယ်။ သွေးစစ်ရင် Uric acid levels မြင့်နေမယ်။ တဝက်လောက်မှာတော့ မများပြန်ဘူး။ ယောက်ျားတွေမှာ 420 μmol/L (7.0 mg/dL) အမျိုးသမီးတွေမှာ 360 μmol/L (6.0 mg/dL) ဆိုရင် များတယ်။ သွေးဖြူဥလဲများနေမယ်။ ပိုးဝင်တဲ့အဆစ်ရောင်ရောဂါ၊ (ရူမတွိုက်) တွေနဲ့ ခွဲခြားရမယ်။

ကုတဲ့အခါ ဆေးသောက်တာနဲ့ အစားရွေးစားတာ ၂ မျိုးလုပ်ရတယ်။ (NSAIDs) ဆိုတဲ့ လူအများသုံးကြတဲ့ အနာ-အကိုက် ပျောက်ဆေးကို ပဌမဆေးအနေနဲ့ သုံးရတယ်။ ဆေးအမျိုးမျိုးရှိပေမဲ့ ဘယ်ဆေးကပိုကောင်းတယ်လို့တော့ မပြောနိုင်ဘူး။ Indomethacin ကိုအများဆုံးသုံးပြီး၊ Ibuprofen ကိုလဲသုံးတယ်။ ဆေးသောက်ပြီး၊ ၄ နာရီကြာရင် သက်သာလာမယ်။ ၁-၂ ပါတ်ကြာအောင် ဆက်သောက်ပါ။ သတိထားဘို့ကအစာလမ်းလေနာသွေးယိုမှာစိုးရသူ၊ နှလုံးမကောင်းတော့ သူတွေကို မပေးသင့်ဘူး။ ဆေးတွေရဲ့ ဘေးထွက် ဆိုကျိုးစိုးရိမ်ရသူတွေကို Proton pump inhibitor လေနာဆေးနဲ့ တွဲပေးမယ်။

Colchicine ဆေးကိုလဲသုံးတယ်။ အစာလမ်းကိုထိခိုက်တတ်လို့ သတိထားရမယ်။ Atorvastatin တို့ Erythromycin တို့နဲ့ တွဲမပေးသင့်ဘူး။ Steroids (စတီရွိုက်) ဆေးကိုစားဆေးသာမကထိုးဆေးအနေနဲ့လဲသုံးတယ်။ နောက်ပြီး Allopurinol နဲ့ Probenicid, Febuxostat ဆေးတွေကို ရေရှည်အတွက်နဲ့ ဖြစ်မလာအောင် ကာကွယ်ဘို့ အတွက် သုံးရတယ်။ ရုတ်တရက် ရောဂါထတာသက်သာပြီး၊ ၁-၂ ပါတ်နေမှ ပေးတယ်။ NSAID or Colchicine နဲ့တွဲပြီး ၃-၆ လ ကြာ ပေးရတယ်။ Allopurinol ဆေးက Uric acid ထုတ်တာကိုတားပေးတယ်။ ရေရှည်သုံးနိုင်တယ်။ ကျောက်ကပ် သိပ်မကောင်းသူတွေကိုလဲ ပေးနိုင်တယ်။ Probenecid ထက်ပိုကောင်းတယ်။ Febuxostat ကိုအစားထိုးသုံးလာနေပြီ။ Pegloticase (Krystexxa) ဆေးကို ၂ဝ၁ဝ မှာစသုံးလာတယ်။ တခြားသုံးနေကြဆေးတွေနဲ့ မတည့်သူ၊ ဆေးမှန်မှန် မကုသူတွေကိုပေးတယ်။ သွေးပြန်ကြောထဲ ၂ ပါတ်တခါ ထိုးရတာပါ။

နာတာရှည်သမားတွေမှာ ဖြစ်တဲ့အဆစ်က ပုံသဏ္ဌာန်ပြောင်းသွားတာမျိုး ဖြစ်လာတယ်။ ၅ နှစ်နောက်ပိုင်း Tophi ဆိုတဲ့ မနာတဲ့ အဖုမျိုးနားရွက်၊ ဖနောင့်စတဲ့နေရာတွေမှာ ဖြစ်လာတယ်။ ကျောက်ကပ်မှာကျောက်တည်တာ၊ ဆီးအက်စစ်ဓါတ် များသူမှာပိုဖြစ်တယ်။ ဂေါက်ရှိသူတွေမှာ လည်ပင်းကြီးဟော်မုန်း နည်းနေတာတွေ့ရတယ်။

ရောင်နေတဲ့ အဆစ်ထဲကအရည်ကိုစုပ်ယူပြီးစမ်းသပ်တာကအသေချာဆုံးပါ။ Uric acid crystals ဒါမှမဟုတ် ပိုးဝင်နေတာကို သိရမယ်။ ဓါတ်မှန်ရိုက်ရင် Tophi-crystal deposits နဲ့ အရိုးပျက်စီးမှုကိုသိရမယ်။

ဂရိဆေးပညာဖခင်ကြီး ဟစ်ပိုကရေးတီးစ်က သွေးမဆုံးမီအမျိုးသမီးတွေနဲ့ သင်းကွပ်ထားသူတွေမှာဒီရောဂါ မဖြစ်ဘူးလို့ ဘီစီ ၄ဝဝ လောက်ကရေးမှတ်ခဲ့တယ်။ ဂေါက်ရှိတယ်ဆိုတာ ဂုဏ်ယူစရာလို့ ပြောစမှတ်ရှိလာခဲ့တယ်။ ခရစ်မတိုင်ခင် နှစ် ၉ဝဝ က ဂျေရုဆလင်ဘုရင် (အာဆား) ဟာဂေါက်နဲ့ နတ်ရွာစံတာမို့ပါ။ ဒါ့ကြောင့်လာမသိ၊ ဗမာတွေကသေတာကို ဂေါက်တယ်လို့ ဘန်းစကားအဖြစ် ပြောကြတာထင်တယ်။

Dr. တင့်ဆွေ