MASU မန္တလေးတက္ကသိုလ်
၁၉၆၂ အာဏာသိမ်းအစိုးရကနေ ပညာရေးပြုပြင်ပြောင်းလဲမှုတွေလုပ်တော့ ရှစ်တန်းကစပြီး ဝိဇ္ဇာနဲ့သိပ္ပံဘာသာရပ်တွေ ခွဲစေတယ်။
ခွဲကာစမှာ ဆေးကျောင်းနဲ့ စက်မှုကျောင်းတွေကို သိပ္ပံဘာသာတွဲမယူသူတွေပါတက်နိုင်ဘို့ အိုင်အယ်လ်အေစနစ်ကို သွင်းရတယ်။ ကျွန်တော်လည်း အဲတာနဲ့ ဆေးကျောင်းရောက်တယ်။ ကျေးဇူး။
လူတွေကို ဝိဇ္ဇာအုပ်စုနဲ့သိပ္ပံအုပ်စုရယ်လို့ ပုံသွင်းတာ တချို့တော့ ကမောက်ကမဖြစ်ရတယ်။ ဆေးကျောင်းမှာ အနုပညာလို့ ခေါ်နိုင်တဲ့ စာရေးကဗျာရေးသူတွေ၊ ပန်းချီကာတွန်းရေးဆွဲသူတွေ၊ တေးဂီတနဲ့ အက တော်သူတွေ ရှိတဲ့အကြောင်း စာလေးတပုဒ်ရေးထားတယ်။ ကျွန်တော့်အမျိုးတယောက်က မြန်မာစာအဓိကနဲ့ ဝ/သ (မန်း) တက်ရတယ်။ သူက ကမ္ဘာကြီးလုံးဝန်းတဲ့အချက်ကို မယုံဘူးတဲ့။
ကျွန်တော့်အမြင်ကတော့ လူတွေကို ပုံသွင်းလို့ရတယ်။ ပုံသွင်းတိုင်း အဆင်ပြေချင်မှပြေတယ်။ အရွယ်ငယ်စဉ်မှာ ဖယောင်းလိုလွယ်တယ်။ ကြီးမှ သိတတ်မှ ပုံသွင်းခံရသူတွေ မျက်စိအောက်မှာ အထင်အရှား အများကြီးတွေ့နေရတယ်။ ကျောက်ပတ္တီးစီးထားလို့ ကွေးမရ ဆန့်မရတဲ့ လူနာတွေနဲ့တူတယ်။ တချို့ကတော့ မံမီတွေလို သေတဲ့အထိ။
အိုင်းစတိုင်းကပြောခဲ့တာတခုရှိတယ်။ တကယ့်သိပ္ပံပညာရှင်ဆိုတာ အနုပညာရှင်လည်းဖြစ်တယ်တဲ့။ မြန်မာပြည်က တက္ကသိုလ်တွေကနေ အနုပညာရှင်တွေ မွေးထုတ်ပေးနိုင်ပါစေသတည်း။
ဒေါက်တာတင့်ဆွေ
၂ဝ-၉-၂ဝ၁၇
၂ဝ-၉-၂ဝ၁၈
Comments
Post a Comment