Vaccines ရှေးတုန်းက ကာကွယ်ဆေးတွေ

ဆရာရေ မြန်မာပြည်မှာ ကျမတို့ကလေးဘဝက ဘာကာကွယ်ဆေးတွေထိုးခဲ့ရသလဲဆိုတာ ဖြေပေးပါနော် ကျေးဇူးတင်လေးစာလျှက်

လက်ရှိ ကလေးကာကွယ်ဆေးထိုးဇယား
မွေးကာစ BCG ဘီစီဂျီ တီဘီကာကွယ်ဆေး
မွေးကာစ OPV ပိုလီယို ၁
မွေးကာစ Hep B အသဲရောင် ဘီ ၁
မွေးကာစ HPV သားအိမ်ခေါင်းကင်ဆာကာကွယ်ဆေး (မထိုးမနေရမဟုတ်) (မိန်းကလေးများသာ)
၎ ပါတ် (၁ လ) Hep B အသဲရောင် ဘီ ၂
၆ ပါတ် (၁ လခွဲ) DPT (ဆုံဆို့-ကြက်ညှာ-မေးခိုင်) ၁၆ ပါတ် (၁ လခွဲ) OPV ပိုလီယို ၂
၆ ပါတ် (၁ လခွဲ) Haemophilus influenzae type B vaccine (HiB) (မထိုးမနေရမဟုတ်)
၆ ပါတ် (၁ လခွဲ) Pneumococcal (မထိုးမနေရမဟုတ်)
၁ဝ ပါတ် (၂ လခွဲ) DPT (ဆုံဆို့-ကြက်ညှာ-မေးခိုင်) ၂
၁ဝ ပါတ် (၂ လခွဲ) OPV ပိုလီယို ၃
၁ဝ ပါတ် (၂ လခွဲ) Pneumococcal နူမိုကော်ကယ် (မထိုးမနေရမဟုတ်)
၁ဝ ပါတ် (၂ လခွဲ) Haemophilus influenzae type B vaccine (HiB) (ဟေမိုဖီးလပ်စ်) (မထိုးမနေရမဟုတ်)
၁ဝ ပါတ် (၂ လခွဲ) Inactivited Polio Vaccine (IPV) ပိုလီယိုတမျိုး (မထိုးမနေရမဟုတ်)
၁၄ ပါတ် (၃ လခွဲ) DPT (ဆုံဆို့-ကြက်ညှာ-မေးခိုင်) ၃
၁၄ ပါတ် (၃ လခွဲ) OPV ပိုလီယို ၄
၁၄ ပါတ် (၃ လခွဲ) Pneumococcal (မထိုးမနေရမဟုတ်)
၁၄ ပါတ် (၃ လခွဲ) Haemophilus influenzae type B vaccine (HiB) (ဟေမိုဖီးလပ်စ်) (မထိုးမနေရမဟုတ်)
၁၄ ပါတ် (၃ လခွဲ) Inactivited Polio Vaccine (IPV) ပိုလီယိုတမျိုး (မထိုးမနေရမဟုတ်)
၁၈ ပါတ် (၄ လခွဲ) OPV ပိုလီယို ၅
၆ လ Hep B အသဲရောင် ဘီ ၃
၆ လ Rotavirus (ရိုတာဗိုင်းရပ်စ်) ဝမ်းလျှောရောဂါ၊
၆ လ Influenza တုပ်ကွေး
၉ လ Measles ဝက်သက်
၁၂ လ Varicella (ဗေရီဆဲလား) ရေကျောက်၊ (မထိုးမနေရမဟုတ်)
၁၅ လ MMR ပသိရောင်-ဝက်သက်-ဂျာမန်ဝက်သက်၊
၁၅ လ Pneumococcal Booster နူမိုကော်ကယ် (မထိုးမနေရမဟုတ်)
၁၅ လ Inactivited Polio Vaccine (IPV) ပိုလီယိုတမျိုး (မထိုးမနေရမဟုတ်)
၁၈ လ DPT Booster (ဆုံဆို့-ကြက်ညှာ-မေးခိုင်) ထပ်ထိုး ၁
၁၈ လ OPV Booster ပိုလီယို ထပ်ထိုး ၁
၁၈ လ Haemophilus influenzae type B vaccine (HiB) Booster (မထိုးမနေရမဟုတ်)
၂ နှစ် Typhoid တိုက်ဖွိုက်
၂ နှစ် Hepatitis A အသဲရောင် အေ
၎ နှစ် MMR ပသိရောင်-ဝက်သက်-ဂျာမန်ဝက်သက်၊
၅ နှစ် DPT Booster (ဆုံဆို့-ကြက်ညှာ-မေးခိုင်) ထပ်ထိုး ၂
၅ နှစ် OPV Booster ပိုလီယို ထပ်ထိုး ၂
၁ဝ နှစ် Hep B Booster အသဲရောင် ဘီ ထပ်ထိုး
၁၅-၁၆ နှစ် TT မေးခိုင်ထပ်ထိုး

မြန်မာပြည်မှာ လွန်ခဲ့တဲ့ နှစ် ၅ဝ အရင်က ကာကွယ်ဆေးထိုးခဲ့တာတွေက ကနေ့ထိုးပေးနေတာတွေနဲ့ မတူပါ။

အခုခေတ်မှာ မွေးတာနဲ့ထိုးပေးတဲ့ ဘီစီဂျီ ခေါ် တီဘီကာကွယ်ဆေး မထိုးသေးပါ။ ပိုလီယိုဆေးလည်း မတိုက်သေးပါ။ အသဲရောင်ဘီ မပေါ်သေးပါ။ ဒီပီတီ ခေါ် ဆုံဆို့-ကြက်ညှာ-မေးခိုင် ကာကွယ်ဆေးလည်း မပေါ်သေး။ ဦးနှောက်မြှေးရောင် ကာကွယ်ဆေးလည်း မရှိခဲ့ပါ။ ကိုယ်ဝန်ဆောင်တိုင်းကိုလည်း အေတီတီ ခေါ် တီတီ ခေါ် မေးခိုင်ကာကွယ်ဆေး မထိုးသေးပါ။

အဲဒီကာလမှာ စမောလ်ပေါက်စ် ခေါ် ကျောက်ကြီးရောဂါက ကပ်ရောဂါဖြစ်နေသးလို့ ကျောက်ကြီးကာကွယ်ဆေး ထိုးကြရတယ်။ ကျောက်ထိုးဆရာဆိုပြီး ခန့်ထားပေးတယ်။ လူတိုင်းမှာ ကျောက်ဆေးအမာရွတ် တခု သို့မဟုတ် ၂ ခု လက်မောင်းမှာ ရှိကြတယ်။ ကျောက်ထိုးဆရာနဲ့ လက်လှမ်းမမီတဲ့ရွာတွေမှာ ကျောက်ပေါက်နာက အရည်ကို ရှားဆူးနဲ့ ထိုးနည်းလုပ်ကြရတယ်။ ကျွန်တော့်မျက်စိရှေ့မှာ မြင်ခဲ့ရပါတယ်။

အခါအားလျှော်စွာ ပလိပ်ရောဂါလည်းဖြစ်လို့ ပလိပ်ကာကွယ်ဆေးထိုးတယ်။ ကပ်ရောဂါလိုဖြစ်တဲ့နေရာတွေမှာ ကာလဝမ်းရောဂါကာကွယ်ဆေးထိုးတယ်။ မှတ်မိသလောက် အဲလောက်သာရှိခဲ့တယ်။ ရှေးလူကြီးတွေက ခေတ်နောက်ကျကြတယ်။ ခေတ်မီဆေးဝါးတွေကို မသုံးနိုင်ကြပါ။ ရောဂါပိုးတွေကတော့ လူတွေထက်မြန်တယ်။ လူတွေထက် သာတယ်။ ဆရာဝန်တွေက ရောဂါပိုးမွှားတွေနောက်ကနေ အမီလိုက်နေကြရတယ်။

ကျွန်တော်တို့ခေတ်က ဆေးဝါးနည်းသလို ရောဂါလည်း နည်းပါးခဲ့တယ်။ ပညာတွင်းကတော့ နက်တယ်။ ဒါပေမဲ့ ရေကြည်ရေသန့်သာ သောက်သုံးခဲ့ကြရတယ်။

ဒေါက်တာတင့်ဆွေ
၂၉-၉-၂ဝ၁၈

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး