Saluting မြန်မာစတေး

အာဇာနည်နေ့မှာ အလေးပြုနည်းတွေ မတူကြပါ။ သတ်မှတ်ထားသလို အလေးပြုကြရတယ်။

နာမာစတေးလို့ မကြားရတဲ့နေ့ မရှိခဲ့တဲ့ အိန္ဒိယပြည်မှာ ၂၄ နှစ်ကြာခဲ့တယ်။ အဲဒီနှစ်တွေက ကိုယ့်မွေးတဲ့ တိုင်းပြည်မှာ မြန်မာစတေးလုပ်နေကြတာတွေ မြင်ရတယ်။ ဘုန်းကြီးရဟန်းမဟုတ်ပဲ လက်အုပ်ချီရတာ။

ဒေလီကိုရောက်စမှာ အံ့သြခဲ့ရတယ်။ လက်အုပ်ချီနှုတ်ဆက်ကြတယ်။ ဘုန်းကြီးလည်း မဟုတ်။ ဘာလူကြီးမှလည်း မဟုတ်၊ ဘယ်ယူနီဖေါင်းမှလည်း ဝတ်မထားသူတွေပါ။ အဲဒီကာလ မြန်မာပြည်မှာ လူကြီးကို လက်အုပ်မချီရင် မြေမျိုတော့မလောက် ဖြစ်ကုန်ကြပြီကော။

အစဉ်အလာယဉ်ကျေးမှုအရ လက်အုပ်ချီတာက ကန်တော့တာ။ အရိုအသေပေးတာ၊ ပူဇော်တာ။ လက်အနေအထား၊ လူကိုယ်ဟန်လဲ ခြားနားနိုင်တယ်။ Greeting နှုတ်ဆက်တာ၊ Bowing ဂါရဝပြုတာ၊ Saluting အလေးပြုတာနဲ့ Prostration ထိုင်ကန်တော့တာတွေက မတူကြပါ။

လူမှုရေးမှာ လက်ဝါးဖြန့်ပြီး ပူးကပ်ထာတဲ့လက်က နှလုံးနေရာမှာကပ်ထားရတယ်။ သင့်ကိုတွေ့ရတာ ဝမ်းသာပါတယ်။ ကျွန်ုပ်ရဲ့နှလုံးကနေပါလို့ဆိုလိုတယ်။ လူကြီးသူမကို အရိုအသေပေးရာမှာသုံးတယ်။ Humility သင်္ကေတလို့ဆိုပါတယ်။ လူသားဆန်တယ်။ တချို့ယဉ်ကျေးမှုမှာ ရိုသေသမှုနဲ့ဆိုရင် ကြီးတဲ့သူရဲ့ ခြေထောက်ကို လာထိရတယ်။ ဒါကြောင့် ဒီလိုလုပ်နည်းဟာ ဘာသာရေး၊ ယဉ်ကျေးမှု၊ ဓလေ့ထုံးစံ၊ စည်းကမ်းတွေအရ မူကွဲကြတယ်။

မြန်မာနိုင်ငံ ဗုဒ္ဓဘာသာထုံးစံဖြစ်တဲ့ အရိုအသေပေးသူက ကြမ်းပြင်မှာထိုင်ချပြီးမှ လက်အုပ်ချီရတယ်။ ထိခြင်းငါးပါးနဲ့ ပြည့်စုံမှသာ စနစ်ကျတယ်လို့ သတ်မှတ်ထားတယ်။ ထိုင်းနိုင်ငံမှာလည်း ထေရဝါဗုဒ္ဓဘာသာပေမဲ့ မတ်တတ်ရပ်နေရင်း လက်အုပ်ချီကြတယ်။ မဟာယာနဗုဒ္ဓဘာသာဝင် တိဘက်တွေ ဘုရားရှေ့ဝတ်ပြုတာက တရားကျင့်နည်းတခုအနေနဲ့ ဝမ်းလျားမှောက် ဒိုက်ထိုးသလိုလုပ်ရတယ်။ လက်နှစ်ဖက်ကိုခေါင်းပေါ်အထိမြှောက်ပြီး လက်အုပ်ချီ၊ လူကိုယ်က ကြမ်းပေါ်မှာ မှောက်ချရတယ်။ အရေအတွက်များလေ ကောင်းလေတဲ့။

လက်နှစ်ဖက်ကို တခုနဲ့တခုဆုပ်ကိုင်၊ ရင်မှာအပ်၊ ခေါင်းကိုငုံပြီး၊ အပြန်အလှန်လုပ်နည်းက တရုပ်ရှေးယဉ်ကျေးမှုတခု ဖြစ်ပါတယ်။ အပြန်အလှန်လေးစာသမှုနဲ့ ဂါရဝပြုတာဖြစ်တယ်။ Zhou Dynasty ဇောင်မျိုးဆက်မှာစခဲ့တယ်။ Rites of Zhou နည်းနာတွေမှာ အဆင့်အတန်းအရ မတူတာတွေရှိတယ်။ ခရစ်ယန် Bible ဘိုင်ဘယ်မှာ လက်အုပ်ချီရမယ်လို့ မပါဘူးဆိုပြီး ထောက်ပြတာရှိတယ်။ God ဘုရားသခင်ကို အရိုအသေပေးနည်းတွေတော့ အမျိုးမျိုးလက်ခံ ကျင့်သုံးနေကြပါတယ်။

အိန္ဒိယမှာက အဲလိုလုပ်တာကို Namaste နာမာစတေးလို့ခေါ်တယ်။ Namaskar နာမာစကား လို့လဲ မူကွဲရှိတယ်။ nama = bow နဲ့ te = you ဆိုတဲ့ Sanskrit ဆန်းစ်ခရစ် (သက္ကတ) စကားလုံး ၂ ခု ပေါင်းထားတာဖြစ်တယ်။ သင်နဲ့ကျွန်ုပ် အတူတူပါလို့ သဘောဆောင်တယ်။ အသင် (အရှင်) သည် ကျွန်ုပ်ထက်မြတ်ပါပေ၏လို့ မဆိုလိုပါ။

အဖိုးအဖွါး၊ မိဘ၊ ဆရာ မဟုတ်သူတွေကို မတ်တတ်ရပ်ရာကနေ လက်အုပ်ချီရတာကို မြန်မာ့ယဉ်ကျေးမှုလို့ ပြောရင် မမှန်ပါ။ အဲဒီဓလေ့ထုံးစံ အရင်ကမရှိခဲ့ပါ။ မြန်မာ့ယဉ်ကျေးမှုကိုဖျက်ဆီးနေတာ။ စစ်အစိုးရတက်တော့မှ လုပ်လာတာ။ တိတိကျကျပြောရရင် အတင်းရိုက်သွင်းပေးထားတဲ့ ဥပဒေကဲသို့ အာဏာတည်စေတဲ့ စနစ်သာ ဖြစ်ပါတယ်။

နာမာစတေးလို မြန်မာစတေးလို့ ခေါ်မလား။ စတေးတယ်ဆိုတာ သတ်တာ။ ယဇ်ပူဇော်တာ။ မမှန်တဲ့အကျင့်ကိုသာ စတေးပါလေ။

ဒေါက်တာတင့်ဆွေ
၁၉-၇-၂၀၁၉