Allergy testing (အလာဂျီ) စစ်ဆေးခြင်း

၁။ ဆရာရှင့် ကျွန်မအသက်က ၄၁ နှစ်ပါ။ ၁၆ နှစ်တုန်းက allergic ဖြစ်လို့ kitotifen ဆေးသောက်တာ ပျောက်သွားပါတယ်။ အခုပြန်ဖြစ်နေလို့ အဲဒီဆေးပြန်သောက်ပါတယ်။ ဆေးကအိပ်ချင်လို့ ဖြစ်တုန်းပဲသောက်တော့ ပြန်ပြန်ထပါတယ်။ ဆေးကိုဘယ်လိုသောက်ရမလဲဆရာ။ သန်ချဆေးကောသောက်ရမလားဆရာ။ ဝမ်းတွေ သွေးတို့ စစ်ရမလားဆရာ။ တခါတလေ ခေါင်းတွေ မျက်နှာတွေပါ အပိန့်တွေထတာ ပြင်းထန်လို့ သန်ကောင် တုပ်ကောင်တွေ ဖောက်ထွက်နေပြီလား ထင်မိပါတယ်။ ကျေးဇူးပြူ၍ ဖြေကြားပေးပါဆရာ။

(အလာဂျီ) ဖြစ်တယ်ဆိုတာ လူ့ခန္ခာကိုယ်ကနေ သူနဲ့ မသင့်တာတခု ဝင်လာတဲ့အခါ ပြင်းပြင်းထန်ထံ တုံ့ပြန်လို့ ဆက် ဖြစ်လာတဲ့ ဖြစ်စဉ်တွေပါ။ ခန္ခာကိုယ်ကနေ ရှင်းထုတ်ဘို့ ကြိုးစားမှုတခု ဖြစ်ပါတယ်။ (အလာဂျီ) အမျိုးမျိုးထဲမှာ ထူးခြား တာတွေက နှာခေါင်းမှာဖြစ်တာနဲ့ နာတာရှည် ဖြစ်တာတွေပါ။ နာတာရှည်က ပိုဆိုးတယ်။ သူတို့မှာ နှာခေါင်းမှာပါ ဖြစ်နေတတ်တယ်။ တခါတလေ မတည့်တာကနေ စေ့ဆော်လို့ မဟုတ်ဘဲလဲ ဖြစ်တတ်တယ်။ ဥပမာ လေအေးတာ၊ လေခြောက်သွေ့တာ၊ မီးခိုး၊ စသဖြင့်တွေ။ တကယ်မတည့်တတ်တာတွေက ဖုန်၊ မှို၊ ပန်းဝတ်မှုံ၊ တိရစ္ဆာန်-အမှုံအမွှား၊ အင်းဆက် စတာတွေပါ။ အစားအသောက်တွေထဲက နို့၊ ချောကလက်၊ ကိုလာ၊ ကော်ဖီ၊ လက်ဘက်ရည်၊ ဥ၊ ပြောင်း၊ ဂျုံ၊ လိမ်မော်၊ ခရမ်းချဉ်သီး၊ ဝက်-ကြက်သား၊ ငါး၊ ပင်လယ်စာ၊ အစေ့အဆံ၊ ဆေးဝါး။

နာတာရှည် (အလာဂျီ) က ကုရတာခက်ပါတယ်။ တချို့ဆိုရင် ဘာဆေးမှ မတိုးသလို ဆိုးတယ်။ ဘာကနေ အဲလိုဖြစ်သလဲ သတိထားရတယ်။ တခါတလေ အဲလိုလုပ်ဘို့လဲခက်တယ်။ Antihistamine ဆေးတွေ ပေးတယ်။ အမျိုးမျိုးရှိတယ်။ Telfast, Diphenhydramine, Hydroxyzine, Cetrizine တွေ ပါတယ်။ (အင်တီ-ဟစ်စ်တမင်း) တွေဟာ အိပ်ချင်၊ ခေါင်းကိုက်၊ မျက်စိမြင်ဝေဝါး၊ ဝမ်းချုပ်၊ အာခြောက်၊ ခေါင်းမူး၊ ဆီးသွားရခက်၊ ခေါင်းမကြည်မလင် ဖြစ်တတ်တဲ့ ဘေးထွက် မကောင်းကျိုးတွေ ရှိပါတယ်။ ခုခေတ်မှာတော့ အိပ်ချင်စေခြင်း မရှိတဲ့ ဒုတိယ၊ တတိယမျိုးဆက် ဆိုတာတွေ ပေါ်လာပါပြီ။

Alimemazine, Chlorphenamine, Clemastine, Cyproheptadine, Hydroxyzine, Promethazine ဆိုတာတွေက သိပ်အကောင်းကြီး မဟုတ်သေးဘူး။ ဒီဆေးတွေက အိပ်ချင်တယ်။ Acrivastine, Cetirizine, Desloratadine Loratadine, Mizolastine တွေကတော့ မအိပ်ချင်တဲ့ ဒုတိယမျိုးဆက်မို့ ပိုကောင်းတယ်။

(အလာဂျီ) ရတတ်သူများ Cetirizine hydrochloride ကို ဆောင်ထားပါ။ စားဆေး၊ သောက်ဆေး။ သူက 5 mg, 10 mg ဆိုပြီးလာတယ်။ အသက် ၆ နှစ်အထက်ဆိုရင် တနေ့ တပြား။ အစာနဲ့နီးမှ ဝေးမှ ဆိုတာ မရှိဘူး။ ရောဂါပြင်းရင်တော့ ပိုသောက်ရမယ်။ တနေ့ကို နှစ်ခါ ခွဲသောက်လဲရတယ်။ အသက်ငယ်ရင် ကိုယ်အလေးချိန်အလိုက် လျှော့သောက်ရမယ်။

(အလာဂျီ) ဖြစ်တာ ပြင်းထန်လာရင် Prednisolone လိုဆေးမျိုးပါပေးတယ်။ ဘေးထွက်ဆိုးကျိုး များလို့ တချို့က မသုံးစေချင်ဘူး ပေးရင်သက်သာတာတော့ အမှန်ဘဲ။ ရေရှည်မသုံးတာ ကောင်းတယ်။ တကယ်လို့ ဆက်တိုက် ဖြစ်နေ၊ သောက်နေရတဲ့ (အင်တီ-ဟစ်စ်တမင်း) တွေနဲ့ မသက်သာလို့ ဆရာဝန်ကပေးရင် သောက်ပါ။

နာတာရှည် (အလာဂျီ) နဲ့ သန်ကောင် ဆက်စပ်နေတတ်တယ်။ တခြားဟာတွေကို မတည့်တာရော သန်ကောင်ပါ တွဲဖြစ်နေနိုင်သေးတယ်။ ၂ မျိုးလုံးကို ကုရလိမ့်မယ်။ သန်ကောင် အမျိုးအစားတွေ အများကြီးရှိတယ်။

Ankylostomiasis (Hookworm) ချိတ်သန်ကောင် ရှိပေမဲ့ တချို့မှာ လက္ခဏာ မပြဘဲ နေတတ်တယ်။ အရေပြား ကနေ ဝင်ပြီး၊ သွေးထဲရောက်၊ အဆုတ်ထဲရောက်၊ အူထဲရောက်တယ်။ ရောက်တဲ့ နေရာအတိုင်း လက္ခဏာတွေ ပြမယ်။ အရေပြား ယားမယ်၊ ရင်ကြပ်မယ်၊ ပန်းနာ-နူမိုးနီးယားလို ဖြစ်မယ်။ ဗိုက်နာမယ်၊ ဝမ်းပျက်မယ်၊ လူပိန်မယ်၊ အစားပျက်မယ်၊ လေထမယ်၊ ကြာရင် Iron deficiency anemia သွေးအားနဲတာပါ ဖြစ်နေတတ်တယ်။ သတိထားရမှာက ပြန်ဖြစ်တာနဲ့ ဆေးယဉ်တာ။ Mebendazole 100 mg ကို တနေ့ ၂ ကြိမ်၊ ၃ ရက် ပေးတယ်။ ၂-၃ ပါတ်နေရင် တခါထပ်ပေးတယ်။ ကိုယ်ဝန်ဆောင်နေတုံး မပေးရပါ။ Albendazole 400 mg ၁ ကြိမ်၊ ၃ ရက် သောက်ရတယ်။ သွေးအားကောင်းဘို့ Ferrous sulfate စားဆေး ၃ လ သောက်စေတယ်။ (ပရိုတင်း) ပါ နည်းနေတတ်တယ်။ စားပေးပါ။

Strongyloidiasis သန်ကောင်ရောဂါဆိုတာလဲ အရေပြား (ခြေထောက်) ယားယံတာ နဲ့ အဆုတ်နဲ့ဆိုင်တဲ့ လက္ခဏာတွေ (ချောင်းဆိုး၊ အသက်ရှူကြပ်) ဖြစ်နိုင်တယ်။ အစားပျက်၊ ဝမ်းပျက်၊ ဗိုက်နာ၊ သွေးစစ်ရင် Eosinophil သွေးဖြူဥတမျိုး များနေမယ်။ Ivermectin ကို တရက်မှာ 200 mcg ၁-၂ ရက် ပေးတာက Albendazole 400 mg တနေ့ ၂ ကြိမ် ၃ ရက် ပေးတာထက် ပိုကောင်းတယ်။

Enterobiasis (Pinworm) သန်ကောင်ရောဂါဆိုတာ ညအချိန် စအိုကယားတာ ထူးခြားတယ်။ Albendazole (400 mg) ဒါမှမဟုတ် Mebendazole (100 mg) တခါထဲ ပေးတယ်။ တလနေတခါ ထပ်ပေးသင့်တယ်။

Ascariasis (Roundworm) သန်ကောင်ရောဂါဆိုတာ အများဆုံးဖြစ်တယ်။ သန်လုံးကောင်ခေါ်တယ်။ တီကောင်နဲ့ ဆင်တယ်။ အရေပြားယား တတ်တယ်။ ဗိုက်နာတတ်တယ်။ Albendazole 400 mg တခါထဲ ပေးတယ်။ ဒါမှမဟုတ် Mebendazole 500 mg တခါထဲဖြစ်ဖြစ် 100 mg တနေ့ ၂ကြိမ် ၃ ရက်ဖြစ်ဖြစ် ပေးတယ်။

Trichuriasis (Whipworm) သန်ကောင်ရောဂါဆိုတာလဲ ကလေးတွေမှာ အဖြစ်များတယ်။ Albendazole တနေ့ 400 mg ၁-၃-၇ ရက်ပေးတယ်။ ဒါမှမဟုတ် Mebendazole တနေ့ 200 mg ၁-၃-၇ ရက်ပေးတယ်။

သန်ကောင် ရှိ-မရှိ ဝမ်းစစ်ဆေးပါ။ သန်ကောင် အမျိုးအား စစ်ပါ။ ဆေးသေချာ သောက်ပါ။ ၁ လနေရင် ဝမ်းတခါ ထပ်စစ်ပါ။ လိုအပ်ရင် ဆေးထပ်သောက်ပါ။ သွေးအားနဲ-မနဲလည်း စစ်ပါ။

1. Hives အင်ပြင် ထွက်ခြင်း http://doctortintswe.blogspot.com/2014/11/hives.html
2. Allergy သို့မဟုတ် မတည့်အတူနေ http://doctortintswe.blogspot.com/2014/10/allergy.html
3. Allergy and Worm နာတာရှည် (အလာဂျီ) နှင့် သန်ကောင် http://doctortintswe.blogspot.com/2014/10/allergy-and-worm.html
4. Allergy Triggers (အလာဂျီ) ရစေတတ်တဲ့ အကြောင်းတရား (၁ဝ) ပါး http://doctortintswe.blogspot.com/2014/10/allergy-triggers.html
5. Allergy medications (အလာဂျီ) ကို ဘယ်လို ကုသမလဲ http://doctortintswe.blogspot.com/2014/10/allergy-medications.html
6. Allergy Relief Kit (အလာဂျီ) ရှေးဦးသူနာပြု ဆေးအိတ် http://doctortintswe.blogspot.com/2014/10/allergy-relief-kit.html

ဒေါက်တာတင့်ဆွေ
၃-၅-၂ဝ၁၅