မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Saturday, December 3, 2016

Bloody or tarry stools ဝမ်းအမည်းရောင်သွားခြင်း

(ကန်တော့ပါ)

အသက်က ၂၇ နှစ်ပါဆရာ။ အိမ်ထောင်မရှိပါဘူး။ (အသက်ကို နောက်မှရေးလို့ ရှေ့တိုးလိုက်ရပါတယ်) နေမကောင်းတာ ဒီနေ့နဲ့ဆို ၅ ရက်လောက်ရှိပါပြီ။ ဆေးခန်းကပြန်လာတော့ ဝမ်းအမည်းတွေသွားနေလို့ပါဆရာ။ အဲ့ဒါ စိုးရိမ်ရလား ဆရာ။
ပထမဆေးခန်း ဆရာဝန်ကတော့ အူရောင်ငန်းဖျား ဖြစ်ချင်နေတာလို့ ပြောပါတယ်ဆရာ။ မသက်သာလို့ ဆေးခန်း ပြောင်းပြဖြစ်တော့ ဒုတိယဆရာဝန်ကတော့ အဲ့လိုမပြောပါဘူးဆရာ။

ဝမ်းအမည်းဆိုတာ သွေးလားစဉ်းစားရတယ်။ သွေးကအစာလမ်း (ပါးစပ်ကနေ စအိုအထိ) တနေရာရာကထွက်မယ်။ အစာအိမ်ကထွက်နေပြီး အန်ရင် ကော်ဖီရောင်ဖြစ်မယ်။ အောက်ဆက်ဆင်းမယ်။ ကြာလေ အရောင်က မည်းနက်လေ။ ဝမ်းမှာ အမည်းရောင်ရင့်ရင့် ကတ္တရာစေးရောင်အထိ နက်မယ်။ အူတနေရာကနေလည်း ထွက်နိုင်တယ်။

Maroon-colored stools or bright red blood သွေးနီနီရဲရဲဆိုရင်
• သွေးကြောတွေပုံမှန်မဟုတ်ခြင်း၊
• စအိုကွဲခြင်း၊
• အူတနေရာကို သွေးမလျှောက်ခြင်း၊ ထိခိုက်ဒဏ်ရာရခြင်း၊
• Polyps or cancer အူသိမ်း၊ အူမကြီး အသားပိုအလုံး၊
• Diverticulosis အူမကြီးရောဂါ၊
• လိပ်ခေါင်း၊
• Crohn's disease or ulcerative colitis အူရောဂါများ၊
• အူသိမ်ရောင်ခြင်း (တိုက်ဖွိုက် အပါအဝင်)၊
• ထိခိုက်ဒဏ်ရာရခြင်း။

Bloody or tarry stools ဝမ်းအမည်းရောင်သွားခြင်း
• သွေးကြောတွေပုံမှန်မဟုတ်ခြင်း၊
• Mallory-Weiss tear အန်တာဆိုးလို့ အစာမျိုပြွန်သွေးကြောလေးတွေပေါက်ခြင်း၊
• အစာအိမ်သွေးယိုခြင်း၊
• အစာအိမ်ရောင်ခြင်း၊
• အူတနေရာကို သွေးမလျှောက်ခြင်း၊ ထိခိုက်ဒဏ်ရာရခြင်း၊
• Varices အစာအိမ်အထက်နား အစာမျိုပြွန်အဆုံးနေရာမှာ သွေးပြန်ကြောတွေဖေါင်းတဲ့ရောဂါတွေကနေဖြစ်နိုင်တယ်။ အရက်သောက်သူတွေ နာတာရှည်ဖြစ်လို့ Liver cirrhosis အသည်းခြောက်တာနဲ့ အစာအိမ်အထက်နား အစာမျိုပြွန် အဆုံးနေရာမှာ သွေးပြန်ကြောတွေ ဖေါင်းတဲ့ရောဂါ ဖြစ်တတ်တယ်။ အဲတာတွေ ပေါက်ရာကနေ သွေးထွက်ရင်လည်း အတူတူဖြစ်မယ်။ အသည်းခြောက်သူတွေမှာ အဲဒီအတိုင်းရောဂါ ရတတ်တယ်။ ဒီကနေဖြစ်တာကို ဆေးရုံတင်ကုသရမယ်။

သံဓါတ်ဆေး၊ ဘစ်စမတ်ဆေး၊ ချောကလက်အမည်းရောင်၊ ခဲပါတဲ့အစာ၊ ဘလူးဘယ်ရီသီး၊ စတာတွေစားရင်လည်း ဝမ်းမည်းတယ်။ သတိထားရမှာက အစာမျိုပြွန်နဲ့ အစာအိမ်ကလာတဲ့သွေးဖြစ်တယ်။ ကလေးတွေမှာဖြစ်တာ စိုးရိမ်စရာ မရှိတာများတယ်။ မေးတဲ့သူကို မေးစရာတွေ စစ်စရာတွေလုပ်ပြီးမှသာ ပြောနိုင်ပါမယ်။

1. Anal and perianal disorders စအိုနေရာ ရောဂါများ http://dts-medicaleducation.blogspot.com/2011/12/anal-and-perianal-disorders.html
2. Anorectal diseases စအို-အစာဟောင်းအိမ် ရောဂါများ http://dts-medicaleducation.blogspot.com/2011/12/anorectal-diseases_17.html
3. Bleeding Peptic Ulcer အစာအိမ်နာသွေးယိုခြင်း http://doctortintswe.blogspot.com/2014/11/bleeding-peptic-ulcer.html
4. Blood in Stool စအိုက သွေးယိုခြင်း http://doctortintswe.blogspot.com/2016/12/blood-in-stool.html
5. Colorectal cancer အူမကြီးကင်ဆာ http://doctortintswe.blogspot.com/2015/03/colorectal-cancer.html
6. Fissure-in-Ano (FIA) စအိုကွဲနာ http://dts-medicaleducation.blogspot.com/2010/10/fia.html
7. Fistula-in-Ano (FIA) ဂရင်ဂျီနာ http://dts-medicaleducation.blogspot.com/2010/09/fistula-in-ano-fia.html
8. Heartburn ရင်ပူခြင်း http://doctortintswe.blogspot.com/2015/03/heartburn.html
9. Peptic Ulcer Diagnosis လေနာရောဂါကို ဆေးစစ်ခြင်း http://doctortintswe.blogspot.com/2014/11/bleeding-peptic-ulcer.html
10. Peptic ulcer လေနာ ဆိုတာ ဘုရင်မှာလည်း ဖြစ်သည် http://doctortintswe.blogspot.com/2014/11/peptic-ulcer.html
11. Piles (Hemorrhoids) Treatment လိပ်ခေါင်းကုနည်းများ http://dts-medicaleducation.blogspot.com/2012/01/hemorrhoids-treatment.html
12. Piles လိပ်ခေါင်းရောဂါ အမေး-အဖြေများ http://dts-medicaleducation.blogspot.com/2010/07/q-and-on-piles.html

ဒေါက်တာတင့်ဆွေ
၃-၁၂-၂ဝ၁၆

No comments:

Post a Comment

Note: Only a member of this blog may post a comment.