Pregnancy Signs ကိုယ်ဝန်ရှိခြင်း လက္ခဏာများ

(ကန်တော့ပါ)

AUG 5TH, 9:54PM Hiဆရာ

AUG 5TH, 11:16PM မေးနည်းစည်းကမ်းပို့လိုက်ပါတယ်။

5:07PM ဆရာ ကိုယ်ဝန်ရလာရင် ဘယ်လို လက္ခဏာ တွေပြလဲဆရာ သိချင်လို့ပါ

6:20PM မေးနည်းစည်းကမ်းပို့လိုက်ပါတယ်။

10:49PM ကျမအသက် ၁၉ပါ ဆရာ မိန်းခလေးပါ ကိုယ်ဝန်ရလာရင်ဘယ်လို လက္ခဏာ ပြလဲဆရာ

မေးနည်းစည်းကမ်းကို ၂ ကြိမ်ပို့ထားတယ်။ ရာသီ မသိပါ။ အိမ်ထောင်ရေးမသိပါ။ မပြောလိုသူတွေအတွက် ဘလော့လင့် ပေးထားတယ်။

ကိုယ်ဝန်ကိုသံသယရှိရင် ရာသီတပတ်နောက်ကျချိန်ကစပြီး ဆီးစစ်နိုင်ပြီ။ အဖြေမှာ မျဉ်းနှစ်ကြောင်းလုံးတင်ရှားနေရင် ကိုယ်ဝန်ရှိတယ်။ မျဉ်းတကြောင်းမှိန်နေရင်လည်း ကိုယ်ဝန်ရှိတာဖြစ်နိုင်တယ်။ နောက် ၄-၅ ရက်မှာ ဆီးထပ်စစ်ပါ။ ကိုယ်ဝန်ရှိခြင်း လက္ခဏာတွေကို တချို့မှာ ဘာမှ မခံစားရဘူး။ တချို့က လူမမာကြီးလို အတော်ခံစားရတယ်။

ကိုယ်ဝန်ရှိခြင်း လက္ခဏာ (၂ဝ)
၁။ ရာသီမလာတော့ပါ၊ ဒါပေမဲ့ ပေါင်းစပ်ပြီးသား မျိုးဥက သားအိမ် အတွင်းဆုံးလွှာကို လာပြီးတွယ်ကပ်ချိန်မှာ သွေးနဲနဲ စွန်းမယ်။ ဆီးစပ်နေရာကလည်း နာတာခံစားရနိုင်တယ်။ ရာသီလာလို့နာတာနဲ့ ခွဲခြားရမယ်။ မျိုးဥထွက်ချိန်ဆိုတာ လလည်ရက်နဲ့ ၆-၁ဝ ရက်မှာဖြစ်တယ်။

၂။ ကိုယ့်ကိုယ်ကို ကိုယ်ဝန်ရှိနေတယ်လို့ထင်ခြင်း၊

၃။ ပျို့-အန်ခြင်း၊ အစားမစားချင်ဖြစ်လာခြင်း၊

၎။ အတူနေချင်စိတ် ပြောင်းလာခြင်း၊

၅။ ရင်သားနာခြင်း၊

၆။ ရင်သား ပိုကြီးထွားလာခြင်း၊

၇။ ရင်သား အရောင်ရင့်အဝိုင်းမှာ အသီးငယ်လေးတွေ ထွက်လာခြင်း၊ ရှိပြီးသားတွေက ပိုပြီးသိသာလာခြင်း၊

၈။ ညှစ်ရင် နို့ရည်ကြည် နည်းနည်းထွက်နိုင်ခြင်း၊

၉။ ဆီးခဏခဏသွားရခြင်း၊ ကိုယ်ဝန်ဆောင် အများစုက ၆-၈ ပါတ်မှာ ဖြစ်ကြတယ်။ ဆီးလမ်းပိုးဝင်တာ၊ ဆီးချိုရောဂါ နဲ့ ဆီးသွားစေတဲ့ဆေးတွေကြောင့်လည်း အဲလို ဆီးခဏခဏသွားချင်တာနဲ့ ခွဲခြားရမယ်။

၁ဝ။ ချဉ်ခြင်းတပ်ခြင်း၊

၁၁။ အားကုန်ခြင်း၊

၁၂။ အသားအရေ ပြောင်းလဲလာခြင်း၊

၁၃။ မတ်တပ်ရပ်လိုက်ရင် ခေါင်းမူးမယ်၊ သတိလစ်ချင်သလိုဖြစ်မယ်။

၁၄။ ဆီး-သွေးစစ်လျှင် အပေါင်းပြခြင်း၊

၁၅။ ဗိုက်ထဲက ကလေးလှုပ်တာကို အများဆုံးက ၂ဝ ပါတ်ကျော်မှသာသိတယ်။၊ ၁၃-၂၅ ပါတ်အထိလည်းဖြစ်နိုင်တယ်။

၁၆။ ဗိုက်ကြော စသည်ပြတ်ခြင်း (နောက်ပိုင်းမှသာဖြစ်တယ်)၊

၁၇။ ဓါတ်မှန်ရိုက်ရင် မြင်ရခြင်း၊

၁၈။ အာလ်ထွာဆောင်းရိုက်လျှင်တွေ့ရခြင်း၊ ကိုယ်ဝန် ၄ ပါတ်ခွဲမှာ Gestational sac မြင်ရပြီ။ Yolk sac ကို ၅ ပါတ်၊ Embryo ကို ၅ ပါတ်ခွဲမှာမြင်ရပြီ။

၁၉။ ကလေးနှလုံးခုန်သံ နားထောင်၍ရခြင်း၊ Doppler ကရိယာနဲ့နားထောင်ရင် ၈-၁ဝ ပါတ်အထိ မကြားနိုင်သေးပါ။ ၁၂-၁၄ ပါတ်ရောက်မှသာ ကြားရတာများတယ်။ စကြားရချိန်မယ် တမိနစ်ကို ၁၈ဝ အထိမြန်တယ်။ နောက်ပိုင်း ပုံမှန် ၁၂ဝ-၁၆ဝ အထိရှိတယ်။ အာလ်ထွာဆောင်းနဲ့စမ်းရင် ၆ ပါတ်မှာ တမိနစ်မှာ ၉ဝ-၁၁ဝ၊ ၉ ပါတ်မှာ ၁၄ဝ-၁၇ဝ ကြိမ်။

၂ဝ။ သားအိမ်ကြီးလာခြင်း၊ ကိုယ်ဝန် ၁၂ ပါတ် (၃ လ) ကစပြီး ဆီးစပ်နေရာကနေ သားအိမ်အမြင့်ကို လက်နဲ့စမ်းလို့ရပြီ။

သိပ်မသိသာတဲ့၊ လူတိုင်းဖြစ်ချင်မှဖြစ်မဲ့ အချက်တွေကတော့ ခေါင်းကိုက်တာ၊ စိတ်မူပြောင်းတာ၊ စိတ်တိုတာ၊ ဒီအချက်တွေဟာ ရာသီမလာခင်ဖြစ်ချင်တာတွေနဲ့ အတူတူဖြစ်တယ်။ ဝမ်းချုပ်တာ Progesterone ဟော်မုန်းကြောင့် ဖြစ်တယ်။ ဒီဟော်မုန်းက အစာကိုအောက်ဆင်းတာ နှေးစေတယ်။ ဗဂျိုင်းနားနံရံတွေက ပိုထူလာတယ်။ ပိုပြီးစိုတာ၊ ဖြူတဲ့ နို့လိုဆင်းတယ်။ ကိုယ်ဝန်ရှိနေတဲ့ကာလ တလျှောက်လုံးမှာလည်း အဲလိုရှိနေနိုင်တယ်။ ဆေးကုစရာ မလိုပါ။ ဒါပေမဲ့ အနံ့ဆိုးလာရင်၊ ယားယံလာရင်၊ ဆင်းတာက အရောင်ပြောင်းလာရင်တော့ ဆေးစစ်ပြီး ကူသမှုခံယူရမယ်။

မနက်ခင်းသွားဆီးကို စစ်ပါ။ ရေမသောက်သေးဘဲ ၄ နာရီလောက်အောင့်ထားပြီး သွားတဲ့ဆီးလည်း ရတယ်။ ကိုယ်ဝန် ၄-၅ ပတ်ရှိနေသူဆိုရင် ဘယ်အချိန်သွားတဲ့ဆီးဖြစ်ဖြစ်ရတယ်။ တချို့ဆေးညွှန်းတွေက ၇ ရက် စောင့်ခိုင်းတယ်။ ၇ ရက် အကြာ တခါထပ်စစ်လို့ အနုတ်ဖြစ်နေမယ်၊ ရာသီလည်းမလာသေးရင် ဆရာဝန်စမ်းဘို့လိုမယ်။ အာလ်ထွာဆောင်း ရိုက်ချင်ရိုက်မယ်။

ကိုယ်ဝန်ရှိနေလည်း + ပြမယ်။ ပျက်သွားလည်း + ပြနေဦးမယ်။ ဖျက်လိုက်လည်း + ပြနေဦးမယ်။ ဟော်မုန်း စမ်းမရအောင်နည်းမှသာ - ပြပါမယ်။

Pregnancy Signs ကိုယ်ဝန်ရှိခြင်း လက္ခဏာများ https://doctortintswe.blogspot.com/2014/11/pregnancy-signs.html

ဒေါက်တာတင့်ဆွေ
၂၇-၁၂-၂ဝ၁၇